Գործ No ԵԱՔԴ/0074/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

10 հունիսի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Ա.Մարգարյանի
պաշտպան Կ.Խաչատրյանի
տուժող Ս.Մանուկյանի
տուժողի ներկայացուցիչ Հ.Գալիչյանի
Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Անահիտ Նիկոլայի Գալստյանի /ծնված 15.09.1959թ. ազգությամբ հայ ՀՀ քաղաքացի, միջնակարգ կրթությամբ, այրի, դատվածություն չունեցող, հաշվառված ք. Երևան Նոր-Արեշ 4-րդ փողոց 27 տուն. ՙԱբովյան՚ ՔԿ հիմնարկի դատապարտյալ/:
Մեղադրվում է ՀՀ քրեական օրենսգրքի 178-րդ հոդվածի 2-րդ մասի 2-րդ կետով:

Գործի դատավարական նախապատմությունը
2012 թվականի հոկտեմբեր ամսին տեղի են ունեցել դեպքը:
2013 թվականի փետրվարին ՀՀ քրեական օրենսգրքի 178-րդ հոդվածի 2-րդ մասի 2-րդ կետով հարուցվել է թիվ 14107713 քրեական գործը£
2012 թվականի ապրիլի 13-ին Ա.Գալստյանին ՀՀ քրեական օրենսգրքի 178-րդ հոդվածի 2-րդ մասի 2-րդ կետով մեղադրանք է առաջադրվել:
2012 թվականի ապրիլի 26-ին թիվ 14107713 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:


Գործի փաստական հանգամանքները
Նախաքննության մարմինն ամբաստանյալ Անահիտ Գալստյանը ՀՀ քրեական օրենսգրքի 178-րդ հոդվածի 2-րդ մասի 2-րդ կետով մեղադրանք է առաջադրել այն արարքի համար, որ ՙ2011թ. սկսած տարբեր պատրվակներով գումարներ է վերցրել Սարգիս Արամի Մանուկյանից, վերադարձրել է դրանք այդ եղանակով վստահություն առաջացնելով վերջինիս մոտ, որից հետո վստահությունը չարաշահելու եղանակով Ս.Մանուկյանին Երևան քաղաքի Գրիբոյեդով փողոցի 42-րդ շենքի դիմաց գտնվող ավտոտնակը սեփականաշնորելու պատրվակով, 2012թ. հոկտեմբեր ամսից սկսած նրանից մաս-մաս գումարներ է վերցրել, ընդհանուր 1.300.000 ՀՀ դրամ և խաբեությամբ հափշտակել է խոշոր չափի գումար՚:

Արագացված դատական քննություն
Մինչև դատաքննությունն սկսելն ամբաստանյալ Անահիտ Գալստյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Կ.Խաչատրյանը:
Մեղադրող Ա.Մարգարյանը դատական քննության արագացված կարգ կիրառելուն չի առարկել:
Տուժող Ս.Մանուկյանը և տուժողի ներկայացուցիչ Հ.Գալիչյանը չեն առարկել դատական քննությունը արագացված կարգ կիրառելուն:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Անահիտ Գալստյանի մեղավորությունը` խարդախություն` խաբեության և վստահությունը չարաշահելու եղանակով գույքի խոշոր չափերով հափշտակություն կատարելու մեջ, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 2-դ կետով, ապացուցված է:
Վերոհիշյալ հանցանքների կատարման համար ամբաստանյալը ենթակա է քրեական պատասխանատվության և պատժի, որը նա պետք է կրի:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Անահիտ Գալստյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում, որ նա ընդունել է մեղքը և անկեղծորեն զղջացել կատարած արարքի համար, բնութագրվում է դրական, ֆիզիկապես վատառողջ է :
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
Դատարանը գտնում է, որ ամբաստանյալ Ա.Գալստյանի նկատմամբ պետք է նշանակել ազատազրկման ձևով պատիժ և տվյալ գործով հնարավոր է հասնել ՀՀ քրեական օրենսգրքի 48-րդ հոդվածով նախատեսված պատժի նպատակներին, սոցիալական արդարության վերականգմանը, պատժի ենթարկված անձի ուղղմանը և հանցագործությունների կանխմանը: Տվյալ դեպքում դրանով կապահովվեն նաև ՀՀ քրեական օրենսգրքի 10-րդ և 61-րդ հոդվածներով սահմանված` արդարության, պատասխանատվության անհատականացման և պատիժ նշանակելու ընդհանուր սկզբունքները:
ՀՀ քրեական դատավարության օրենսգրքի 3753-րդ հոդվածի 6-րդ կետի համաձայն` դատարանը արագացված կարգով դատական քննության արդյունքում մևադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը (...):
Դատարանը գտնում է, որ քաղաքացիական հայցը պետք է բավարարել Անահիտ Գալստյանից հօգուտ տուժող Ս.Մանուկյանի բռնագանձել 1.300.000 ՀՀ դրամ որպես հանցագործության հետևանքով անմիջականորեն պատճառված գույքային վնասի հատուցում :
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

ՎՃՌԵՑ

Անահիտ Նիկոլայի Գալստյանին մեղավոր ճանաչել` ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախատեսված հանցագործության կատարման մեջ և նրա նկատմամբ պատիժ նշանակել ազատազրկում 2 /երկու/ տարի 6/վեց/ ամիս ժամկետով:
ՀՀ քրեական օրենսգրքի 66-րդ հոդվածի կանոներով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 18.01.2013թ. դատավճռով նշանակված պատժի չկրած մասից մասնակիորեն գումարել ազատազրկում 3 /երեք/ տարի և վերջնական պատիժ նշանակել ազատազրկում 5 /հինգ/ տարի 6 /վեց/ ամիս ժամկետով:
Պատժի սկիզբը հաշվել 2013թ. մարտի 22-ից :
Քաղաքացիական հայցը բավարարել Անահիտ Գալստյանից հօգուտ տուժող Ս.Մանուկյանի բռնագանձել 1.300.000 /մեկ միլիոն երեք հարյուր հազար/ ՀՀ դրամ որպես հանցագործության հետևանքով անմիջականորեն պատճառված գույքային վնասի հատուցում :
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:


ԴԱՏԱՎՈՐ Ա.ՄԿՐՏՉՅԱՆ