ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ

Գործ № ԵԱՔԴ/0067/01/13

Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի
դատարանի դատավճիռը կայացրած դատարանի
կազմը նախագահող դատավոր` Լ. Ավետիսյան

Ո Ր Ո Շ ՈՒ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

21 նոյեմբերի 2013 թվականի ք. Երևան

ՀՀ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ /այսուհետև նաև`
Վերաքննիչ դատարան/ ՀԵՏԵՎՅԱԼ ԿԱԶՄՈՎ`

նախագահող դատավոր` Ա. ՊԵՏՐՈՍՅԱՆ
դատավորներ` Ս. ՀԱՄԲԱՐՁՈՒՄՅԱՆ
Մ. ՊԵՏՐՈՍՅԱՆ

քարտուղարությամբ` Ս. ՂՐՋՅԱՆԻ
մասնակցությամբ`
պաշտպաններ` Ա. ԱՎԱԳՅԱՆԻ
Ի. ՊԵՏՐՈՍՅԱՆԻ
ամբաստանյալ` Լ. ՆԱԼԲԱՆԴՅԱՆԻ

դռնբաց դատական նիստում ամբաստանյալ Լևոն Հովհաննեսի Նալբանդյանի պաշտպաններ Ինեսսա Պետրոսյանի և Ամալյա Ավագյանի վերաքննիչ բողոքի հիման վրա, վճռաբեկության կարգով քննության առնելով քրեական գործն ըստ մեղադրանքի` Լևոն Հովհաննեսի Նալբանդյանի` ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 1-ին մասով,

Պ Ա Ր Զ Ե Ց

Գործի դատավարական նախապատմությունը.

1. ՀՀ ոստիկանության Արաբկիրի քննչական բաժնի քննիչ Ռ. Համբարձումյանի` 2012թ. օգոստոսի 6-ի որոշմամբ Լևոն Հովհաննեսի Նալբանդյանի կողմից խարդախությամբ առանձնապես խոշոր չափի գումար հափշտակելու փաստի առթիվ ՀՀ քրեական օրենսգրքի 178-րդ հոդվածի 3-րդ մասի 1-ին կետի հատկանիշներով հարուցվել է թիվ 14120312 քրեական գործը, այն ընդունվել է վարույթ և կատարվել է նախաքննություն: /հ.1 գ-թ 2/

2. ՀՀ ոստիկանության Արաբկիրի քննչական բաժնի պետ Վ. Վարդանյանի` 2012թ. օգոստոսի 8-ի որոշմամբ թիվ 14120312 քրեական գործով ստեղծվել է քննչական խումբ, և նախաքննության կատարումը հանձնարարվել է Արաբկիրի քննչական բաժնի քննիչներ Դ. Մխիթարյանին և Ռ. Համբարձումյանին: Քննչական խմբի ղեկավար է նշանակվել քննիչ Ռ. Համբարձումյանը: /հ.1 գ-թ 63/

3. 2012թ. սեպտեմբերի 8-ին Լ. Նալբանդյանը ձերբակալվել է: /հ.1 գ-թ 113-116/

4. Քննիչ Ռ. Համբարձումյանի` 2012թ. սեպտեմբերի 10-ի որոշմամբ Լևոն Հովհաննեսի Նալբանդյանը թիվ 14120312 քրեական գործով ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով և 214-րդ հոդվածի 2-րդ մասով: /հ.1 գ-թ 126/

5. Քննիչ Ռ. Համբարձումյանի` 2012թ. սեպտեմբերի 10-ի որոշմամբ միջնորդություն է հարուցվել Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան /այսուհետ նաև` Առաջին ատյանի դատարան/` թիվ 14120312 քրեական գործով մեղադրյալ Լ. Նալբանդյանի նկատմամբ որպես խափանման միջոց կիրառելու կալանավորում` 2 ամիս ժամանակով: /հ.1 գ-թ 145-146/

6. Առաջին ատյանի դատարանի` 2012թ. սեպտեմբերի 10-ի որոշմամբ բավարարվել է նախաքննության մարմնի վերոնշյալ միջնորդությունը և թիվ 14120312 քրեական գործով մեղադրյալ Լ. Նալբանդյանի նկատմամբ որպես խափանման միջոց է ընտրվել կալանավորում` 2 ամիս ժամանակով: Պաշտպաններ Ի. Պետրոսյանի և Ա. Ավագյանի` գրավ կիրառելու միջնորդությունը համարվել է անթույլատրելի և մերժվել է: /հ.1 գ-թ 145-146/

7. Քննիչ Ռ. Համբարձումյանի` 2012թ. հոկտեմբերի 5-ի որոշմամբ միջնորդություն է հարուցվել դատավարական հսկողություն իրականացնող դատախազին` թիվ 14120312 քրեական գործի նախաքննության ժամկետը երկարացնելու 2 ամիս ժամանակով` մինչև 2012թ. դեկտեմբերի 7-ը:
Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Դ. Կարապետյանի` 2012թ. հոկտեմբերի 5-ի որոշմամբ թիվ 14120312 քրեական գործի նախաքննության ժամկետը երկարացվել է 2 ամիս ժամանակով` մինչև 2012թ. դեկտեմբերի 7-ը: /հ.2 գ-թ 149-150/

8. Քննիչ Ռ. Համբարձումյանի` 2012թ. նոյեմբերի 1-ի որոշմամբ միջնորդություն է հարուցվել Առաջին ատյանի դատարան` թիվ 14120312 քրեական գործով մեղադրյալ Լ. Նալբանդյանին կալանքի տակ պահելու ժամկետը երկարացնելու 2 ամիս ժամանակով` մինչև 2013թ. հունվարի 10-ը: /հ.2 գ-թ 167-168/

9. ՀՀ ոստիկանության Արաբկիրի քննչական բաժնի քննիչ Ս. Վարանցովյանի` 2012թ. նոյեմբերի 1-ի որոշմամբ թիվ 14120312 քրեական գործն ընդունվել է վարույթ և շարունակվել է նախաքննության կատարումը: /հ.2 գ-թ 170-171/

10. Առաջին ատյանի դատարանի` 2012թ. նոյեմբերի 5-ի որոշմամբ բավարարվել է նախաքննության մարմնի վերոնշյալ միջնորդությունը և թիվ 14120312 քրեական գործով մեղադրյալ Լ. Նալբանդյանին կալանքի տակ պահելու ժամկետը երկարացվել է 2 ամիս ժամանակով` մինչև 2013թ. հունվարի 8-ը: /հ.2 գ-թ 173-174/

11. ՀՀ ոստիկանության Արաբկիրի քննչական բաժնի քննիչ Խ. Ազարյանի` 2012թ. նոյեմբերի 12-ի որոշմամբ թիվ 14120312 քրեական գործն ընդունվել է վարույթ և շարունակվել է նախաքննության կատարումը: /հ.2 գ-թ 177/

12. Քննիչ Խ. Ազարյանի` 2012թ. դեկտեմբերի 3-ի որոշմամբ միջնորդություն է հարուցվել դատավարական հսկողություն իրականացնող դատախազին` թիվ 14120312 քրեական գործի նախաքննության ժամկետը երկարացնելու 2 ամիս ժամանակով` մինչև 2013թ. փետրվարի 6-ը:
Ավագ դատախազ Դ. Կարապետյանի` 2012թ. դեկտեմբերի 5-ի որոշմամբ թիվ 14120312 քրեական գործի նախաքննության ժամկետը երկարացվել է 2 ամիս ժամանակով` մինչև 2013թ. փետրվարի 6-ը: /հ.3 գ-թ 3-6/

13. Քննիչ Խ. Ազարյանի` 2012թ. դեկտեմբերի 25-ի որոշմամբ միջնորդություն է հարուցվել Առաջին ատյանի դատարան` թիվ 14120312 քրեական գործով մեղադրյալ Լ. Նալբանդյանին կալանքի տակ պահելու ժամկետը երկարացնելու 2 ամիս ժամանակով` մինչև 2013թ. մարտի 8-ը: /հ.3 գ-թ 179-181/

14. Առաջին ատյանի դատարանի` 2012թ. դեկտեմբերի 28-ի որոշմամբ բավարարվել է նախաքննության մարմնի վերոնշյալ միջնորդությունը և թիվ 14120312 քրեական գործով մեղադրյալ Լ. Նալբանդյանին կալանքի տակ պահելու ժամկետը երկարացվել է 2 ամիս ժամանակով` մինչև 2013թ. մարտի 8-ը: Պաշտպաններ Ի. Պետրոսյանի և Ա. Ավագյանի` գրավ կիրառելու միջնորդությունը համարվել է անթույլատրելի և մերժվել է: /հ.3 գ-թ 184-185/

15. Քննիչ Խ. Ազարյանի` 2013թ. փետրվարի 2-ի որոշմամբ միջնորդություն է հարուցվել դատավարական հսկողություն իրականացնող դատախազին` թիվ 14120312 քրեական գործի նախաքննության ժամկետը երկարացնելու 2 ամիս ժամանակով` մինչև 2013թ. ապրիլի 6-ը:
Ավագ դատախազ Դ. Կարապետյանի` 2013թ. փետրվարի 6-ի որոշմամբ թիվ 14120312 քրեական գործի նախաքննության ժամկետը երկարացվել է 2 ամիս ժամանակով` մինչև 2013թ. ապրիլի 6-ը: /հ.3 գ-թ 211-214/

16. ՀՀ ոստիկանության Արաբկիրի քննչական բաժնի պետ Վ. Վարդանյանի` 2013թ. փետրվարի 14-ի որոշմամբ թիվ 14120312 քրեական գործով ստեղծվել է քննչական խումբ, որի կազմում ընդգրկվել են նույն քննչական բաժնի ավագ քննիչ Ա. Բաղդասարյանը, քննչներ Դ. Թովմասյանը, Պ. Բադալյանը, Ռ. Մանուկյանը և Վ. Սարգսյանը: Քննչական խմբի ղեկավար է նշանակվել ավագ քննիչ Ա. Բաղդասարյանը: /հ.3 գ-թ 219/

17. ՀՀ ոստիկանության Արաբկիրի քննչական բաժնի ավագ քննիչ Ա. Բաղդասարյանի` 2013թ. փետրվարի 14-ի որոշմամբ թիվ 14120312 քրեական գործն ընդունվել է վարույթ և շարունակվել է նախաքննության կատարումը: հ.3 գ-թ 220/

18. Ավագ քննիչ Ա. Բաղդասարյանի` 2013թ. փետրվարի 28-ի որոշմամբ միջնորդություն է հարուցվել Առաջին ատյանի դատարան` թիվ 14120312 քրեական գործով մեղադրյալ Լ. Նալբանդյանին կալանքի տակ պահելու ժամկետը երկարացնելու 2 ամիս ժամանակով` մինչև 2013թ. մայիսի 8-ը: /հ.3 գ-թ 231-232/

19. Առաջին ատյանի դատարանի` 2012թ. մարտի 6-ի որոշմամբ բավարարվել է նախաքննության մարմնի վերոնշյալ միջնորդությունը և թիվ 14120312 քրեական գործով մեղադրյալ Լ. Նալբանդյանին կալանքի տակ պահելու ժամկետը երկարացվել է 2 ամիս ժամանակով` մինչև 2013թ. մայիսի 8-ը: Պաշտպաններ Ի. Պետրոսյանի և Ա. Ավագյանի` գրավ կիրառելու միջնորդությունը համարվել է անթույլատրելի և մերժվել է: /հ.3 գ-թ 234-235/

20. Ավագ քննիչ Ա. Բաղդասարյանի` 2013թ. փետրվարի 3-ի որոշմամբ միջնորդություն է հարուցվել դատավարական հսկողություն իրականացնող դատախազին` թիվ 14120312 քրեական գործի նախաքննության ժամկետը երկարացնելու 2 ամիս ժամանակով` մինչև 2013թ. մայիսի 6-ը:
Ավագ դատախազ Դ. Կարապետյանի` 2013թ. մարտի 5-ի որոշմամբ թիվ 14120312 քրեական գործի նախաքննության ժամկետը երկարացվել է 2 ամիս ժամանակով` մինչև 2013թ. մայիսի 6-ը: /հ.3 գ-թ 236-237/

21. Ավագ քննիչ Ա. Բաղդասարյանի` 2013թ. ապրիլի 10-ի որոշմամբ Լ. Նալբանդյանին ՀՀ քրեական օրենսգրքի 179-րդ հոդվածի 3-րդ մասի 1-ին կետով առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 1-ին մասով: Նրա նկատմամբ ընտրված խափանման միջոցը թողնվել է անփոփոխ: /հ.3 գ-թ 336-338/

22. Ավագ քննիչ Ա. Բաղդասարյանի` 2013թ. ապրիլի 10-ի որոշմամբ Լևոն Հովհաննեսի Նալբանդյանը թիվ 14120312 քրեական գործով ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 1-ին մասով: /հ.3 գ-թ 339-342/

23. Ավագ քննիչ Ա. Բաղդասարյանի` 2013թ. ապրիլի 16-ի որոշմամբ թիվ 14120312 քրեական գործի նյութերով գործով չպարզված անձի կողմից Լ. Նալբանդյանի կողմից առանձնապես խոշոր չափերի խարդախություն կատարելուն օժանդակելու վերաբերյալ բոլոր նյութերը` ՀՀ քրեական օրենսգրքի 38-178 հոդվածի 3-րդ մասի 1-ին կետով, առանձնացվել է առանձին վարույթում, որին շնորհվել է թիվ 14120413 համարը: /հ.3 գ-թ 344-346/

24. 2013թ. ապրիլի 25-ին թիվ 14120312 քրեական գործը մեղադրական եզրակացությամբ ուղարկվել է Առաջին ատյանի դատարան` ըստ էության քննելու համար, որն Առաջին ատյանի դատարանում ստացվել է նույն օրը: /հ.3 գ-թ 354-371, հ.4 գ-թ 1/

25. Առաջին ատյանի դատարանի` 2013թ. ապրիլի 25-ի որոշմամբ սույն քրեական գործն ընդունվել է վարույթ, իսկ 2013թ. մայիսի 6-ի որոշմամբ այն նշանակվել է դատական քննության: /հ.4 գ-թ 2, 10/

26. Առաջին ատյանի դատարանի` 2013թ. հուլիսի 1-ի դատավճռով ամբաստանյալ Լևոն Հովհաննեսի Նալբանդյանը մեղավոր է ճանաչվել ՀՀ քրեական օրենսգրքի 178-րդ հոդվածի 3-րդ մասի 1-ին կետով և ՀՀ քրեական օրենսգրքի 325-րդ հոդվածի 1-ին մասով նախատեսված հանցանքներ կատարելու մեջ:
ՀՀ քրեական օրենսգրքի 178-րդ հոդվածի 3-րդ մասի 1-ին կետով Լ. Նալբանդյանը դատապարտվել է ազատազրկման 4 (չորս) տարի 6 (վեց) ամիս ժամկետով` առանց գույքի բռնագրավման, ՀՀ քրեական օրենսգրքի 325-րդ հոդվածի 1-ին մասով` դատապարտվել ազատազրկման 1 (մեկ) տարի ժամկետով: ՀՀ քրեական օրենսգրքի 66-րդ հոդվածի համաձայն, հանցանքների համակցությամբ, ազատազրկման ձևով նշանակված պատիժները մասնակիորեն գումարելու միջոցով, Լ. Նալբանդյանի նկատմամբ վերջնական պատիժ է նշանակվել ազատազրկում` 5 (հինգ) տարի ժամկետով` առանց գույքի բռնագրավման: Լ. Նալբանդյանի պատիժը կրելու սկիզբը հաշվվելու է 2012թ. սեպտեմբերի 8-ից: Պատիժը պետք է կրի ՀՀ ԱՆ համապատասխան ՔԿ հիմնարկում: Լ. Նալբանդյանի նկատմամբ կիրառված խափանման միջոցը` կալանավորումը, թողնվել է անփոփոխ` մինչև դատավճռի օրինական ուժի մեջ մտնելը:
Տուժող <<Արցախբանկ>> ՓԲ ընկերության ներկայացուցիչներ Մարտուն Մկոյանի և Սուրեն Մանուչարյանի կողմից ներկայացված քաղաքացիական հայցը բավարարվել է. որոշվել է Լ. Նալբանդյանից հօգուտ <<Արցախբանկ>> ՓԲ ընկերության բռնագանձել 141 013 372.3 /հարյուր քառասունմեկ միլիոն տասներեք հազար երեք հարյուր յոթանասուներկու/ ՀՀ դրամ` որպես հանցագործությամբ տուժողին պատճառած նյութական վնասի հատուցում:
Ապացույց ճանաչված և քրեական գործին կցված Լ. Նալբանդյանի կողմից գրված հայտարարագրերը, <<Արցախբանկ>> ՓԲԸ-ի` Երևանի կենտրոնական մասնաճյուղի կողմից ոսկու գրավադրմամբ տրամադրված վարկերի ստուգման արդյունքների վերաբերյալ հաշվետվությունը, <<Արցախբանկ>> ՓԲԸ-ից առգրավված թվով 214 վարկային գործերը, վճռվել է պահել քրեական գործի հետ միասին: /հ.4 գ-թ 106-108/

27. Ամբաստանյալ Լ. Նալբանդյանի պաշտպաններ Ի. Պետրոսյանը և Ա. Ավագյանը 2013թ. օգոստոսի 1-ին վերաքննիչ բողոք են ներկայացրել վերոհիշյալ դատավճռի դեմ:
Վերաքննիչ բողոքի կապակցությամբ պատասխան առարկություններ Վերաքննիչ դատարանում չեն ներկայացվել:

28. Քրեական գործի նյութերը Վերաքննիչ դատարանում ստացվել են 2013թ. օգոստոսի 9-ին: Վերաքննիչ դատարանի 2013թ. օգոստոսի 13-ի որոշմամբ վերաքննիչ բողոքն ընդունվել են վարույթ և նշանակվել Վերաքննիչ դատարանի դռնբաց դատական նիստում քննության:

Գործի փաստական հանգամանքները.

29. Առաջին ատյանի դատարանի կողմից ամբաստանյալ Լևոն Հովհաննեսի Նալբանդյանը ՀՀ քրեական օրենսգրքի 178-րդ հոդվածի 3-րդ մասի 1-ին կետով և ՀՀ քրեական օրենսգրքի 325-րդ հոդվածի 1-ին մասով դատապարտվել են հետևյալ արարքը կատարելու համար.
նա, աշխատելով Երևան քաղաքի Կիևյան 3 հասցեում գործող “Արցախբանկ” ՓԲԸ-ի կենտրոնական մասնաճյուղում որպես վարկավորման վարչության ֆիզիկական անձանց վարկավորման և ավանդների ներգրավման բաժնի ոսկերիչ-փորձագետ, “Արցախբանկ” ՓԲԸ-ից առանձնապես խոշոր չափերի գույք խարդախությամբ հափշտակելու միասնական դիտավորությամբ 2011-2012թթ ընթացքում 132 անձանց` Արթուր Վաղինակի Բաղդասարյանի, Դիաննա Արմանի Դավթյանի, Արման Գուլիվերի Դավթյանի, Նունե Վազգենի Դավթյանի, Կառլեն Ազատի Գևորգյանի, Վլադիմիր Աշոտի Գևորգյանի, Արևհատ Գրիգորի Գեղամյանի, Աննա Հովհանի Գաբրիելյանի, Վեռա Վարազդատի Գաբրիելյանի, Խաչատուր Մարտինի Գասպարյանի, Կառլեն Վահանի Գալստյանի, Ալլա Ալեքսեյի Գիշյանի, Արմեն Լևոնի Գրիգորյանի, Հարություն Հովհաննեսի Գրիգորյանի, Սեդա Թաթոսի Գրիգորյանի, Վերա Կարապետի Գրիգորյանի, Նարինե Պատվականի Զաքարյանի, Անահիտ Հայկի Աբրահամյանի, Ռաֆայել Սուրենի Աբրահամյանի, Պավել Սերգեյի Ազարյանի, Սվետլանա Պավելի Ազարյանի, Մերի Վլադիմիրի Ադամյանի, Աշոտ Զոհրաբի Ալեքսանյանի, Անահիտ Զոհրաբի Ալեքսանյանի, Սեդա Արթուրի Ալեքսանյանի, Սուրեն Արթուրի Ալեքսանյանի, Վարազդատ Վահրամի Ալեքսանյանի, Ելենա Արթուրի Ալեքսանյանի, Գոհար Խաչիկի Առաքելյանի, Լիաննա Զորիկի Առաքելյանի, Սվետլանա Համբարձումի Ավանեսյանի, Արթուր Իվանի Արզումանյանի, Ջուլիետա Սայաթնովայի Արզումանյանի, Անտոն Աբրահամի Աշղյանի, Սարգիս Մովսեսի Անտոնյանի, Վարդանուշ Մովսեսի Անտոնյանի, Վարսիկ Մովսեսի Անտոնյանի, Մխիթար Գերասիմի Անտոնյանի, Ալբերտ Սողոմոնի Պետրոսյանի, Արամ Կառլենի Պետրոսյանի, Արթուր Արամի Պետրոսյանի, Կառլեն Արամի Պետրոսյանի, Մանվել Գուրգենի Պետրոսյանի, Սարգիս Ստեփանի Թադևոսյանի, Արշակ Ալբերտի Թառոյանի,Ալեքսան Արարատի Պողոսյանի, Նունե Լևիկի Պողոսյանի, Մերի Գառնիկի Թումանյանի, Մհեր Գառնիկի Թումանյանի, Հարություն Անդրանիկի Ջաղեթյանի, Սիրանուշ Անդրանիկի Ջաղեթյանի, Արամ Կարապետի Իսրայելյանի, Հովհաննես Արայի Հակոբյանի, Տաթևիկ Սամվելի Հակոբյանի, Գագիկ Մեժրումի Հարությունյանի, Արմինե Գագիկի Հարությունյանի, Վլադիմիր Ստեփանի Հարությունյանի, Հակոբ Էդիկի Համբարձումյանի, Արման Բաբիկի Հայրապետյանի, Աշոտ Գագիկի Հովսեփյանի, Գրիգոր Զավենի հովհաննիսյանի, Արա Գրիգորի Հովհաննիսյանի, Արթուր Մարտիկի Հովհաննիսյանի, Արմեն Գրիգորի Հովհաննիսյանի, Անդրանիկ Մարտիկի Հովհաննիսյանի, Անի Տիգրանի Հովհաննիսյանի, Սարգիս Պետրոսի Հովհաննիսյանի, Սամվել Զավենի Հովհաննիսյանի, Սիրակ Պետրոսի Հովհաննիսյանի, Կարինե Հովհաննեսի Հովհաննիսյանի, Եպրաքսիա Պետրոսի Հովհաննիսյանի, Գևորգ Արտաշեսի Խաչատրյանի, Հայկ Գուրգենի Խաչատրյանի, Զալիկ Վարդանի Սարդարյանի, Արտավազդ Ռուբենի Սարդարյանի, Լարիսա Դերենիկի Սարիբեկյանի, Արթուր Ռաֆայելի Սարկիսյանի, Գևորգ Ռաֆաելի Ռուսատամյանի, Մերի Ռաֆաելի Ռուստամյանի, Աննա Գրիգորի Սիմոնյանի, Նազիկ Ալեքսանի Ստեփանյանի, Արտեմ Ռաֆիկի Վերդիանցի, Գայանե Հակոբի Տեր-Միքայելյանի, Մելինե Արամայիսի Վարդանյանի, Անահիտ Կարապետի Կարապետյանի, Եվգենյա Մարտունիկի Կարապետյանի, Սասուն Լևոնի Տոնոյանի, Ջիվան Վյաչեսլավի Մելքումյանի, Լևոն Սամվելի Եդիգարյանի, Արմեն Դերենիկի Ղազարյանի, Սաթենիկ Գևորգի Ղալեչյանի, Ռոբերտ Գրիգորի Մալխասյանի, Արտուր Նիկալայի Մարտիրոսյանի, Տաթևիկ Արթուրի Մարտիրոսյանի, Կարեն Արթուրի Մարտիրոսյանի, Մարիա Վալերիկի Մարտիրոսյանի, Գոհարիկ Մնացականի Քամալյանի, Ծովինար Մնացականի Քամալյանի, Ալյոշա Լևոնի Մայիլյանի, Սասուն Գևորգի Մանուչարյանի, Արտուր Վարդանի Մուրադյանի, Տիգրան Առաքելի Մխոյանի, Սոնա Աղասու Մկրտչյանի, Տիգրան Ժիրիկի Մկրտչյանի, Զարեհ Թաթուլի Եղիազարյանի, Արյուսակ Վահրամի Եղիազարյանի, Արտակ Սամվելի Եղիազարյանի, Արմեն Ռաֆիկի Եղիազարյանի, Հռիփսիմե Կոլյայի Եղիազարյանի, Վազգեն Վաղարշակի Եղիազարյանի, Սամվել Յոլչիի Եղյանի, Արևիկ Գագիկի Մնացականյանի, Արթուր մարտիկի Մնացականյանի, Տաթևիկ Գագիկի Մնացականյանի, Արփինե Մանվելի Շառոյանի, Վարդուհի Մարտիրոսի Նահապետյանի, Պավել Գագիկի Նաղդալյանի, Արմեն Միշայի Յոլչյանի, Մրազ Կնյազի Յուզբաշևի, Ռոման Գուրգենի Օրդյանի, Գեղամ Կարոյի Գաբրիելյանի, Գոհար Հովհաննեսի Հովհաննիսյանի, Արթուր Մարտիկի Մնացականյանի, Գագիկ Ալբերտի Մնացականյանի, Արթուր Ռաֆայելի Սարկիսյանի, Վլադիմիր Աշոտի Վարդազարյանի, Հովհաննես Վալերիկի Ալեքսանյանի, Նարեկ Սամվելի Ապրեսյանի, Արագած Երվանդի Հովսեփյանի, Փարվանիկ Վարազդատի Ղևոնդյանի, Ավետիս Նիկոլայի Աֆիյանի, Արմինե Գագիկի Հարությունյանի անվամբ իբրև 583, 750, 900 և 958 հարգի ոսկյա զարդեր գնահատել և գրավադրել է ընդհանուրը 2.779.000. ՀՀ դրամ արժողությամբ 375 հարգից ցածր հարգի ոչ թանկարժեք մետաղների համաձուլվածքից և արծաթից պատրաստված զարդեր, կնքել թվով 214 ոսկու գրավադրման պայմանագրեր և “Արցախբանկ” ՓԲԸ-ից հափշտակել առանձնապես խոշոր չափերի հասնող շուրջ 146.860.000 ՀՀ դրամ գումար` պատճառելով “Արցախբանկ” ՓԲԸ-ին ընդհանուրը 144.081.000 ՀՀ դրամի գույքային վնաս, որի ընթացքում Ջուլիետա Սայաթնովայի Արզումանյանի, Արագած Երվանդի Հովսեփյանի, Նարեկ Սամվելի Ապրեսյանի, Հովհաննես Վալերիկի Ալեքսանյանի, Տաթևիկ Սամվելի Հակոբյանի, Եպրաքսիա Պետրոսի Հովհաննիսյանի, Ալյոշա Լևոնի Մայիլյանի և Անտոն Աբրահամի Աշղյանի անվամբ, առանց վերջիններիս կողմից բանկ այցելելու, կնքել է իրավունք վերապահող փաստաթուղթ հանդիսացող ոսկու գրավադրման վարկային պայմանագրեր, կեղծել վերջիններիս ստորագրությունները և օգտագործել դրանք:

Վերաքննիչ բողոքի հիմքերը, հիմնավորումները և պահանջը.

Վերաքննիչ բողոքը քննվում են հետևյալ հիմքերի սահմաններում ներքոհիշյալ հիմնավորումներով.

30. Ամբաստանյալ Լ. Նալբանդյանի պաշտպաններ Ի. Պետրոսյանը և Ա. Ավագյանը ներկայացված վերաքննիչ բողոքում նշել են, որ բողոքարկվող դատական ակտը կայացվել է նյութական իրավունքի խախտումներով: Առաջին ատյանի դատարանը խախտել է ՀՀ քրեական օրենսգրքի 10-րդ, 48-րդ, 61-րդ, 62-րդ, 64-րդ, 70-րդ հոդվածների պահանջները։
Առաջին ատյանի դատարանը հաշվի չի առել նաև ՀՀ վճռաբեկ դատարանի մի շարք նախադեպային որոշումներում արտահայտված իրավական դիրքորոշումներ, որոնք պարտադիր են դատարանների համար դատական ակտեր կայացնելիս` համաձայն ՀՀ քրեական դատավարության օրենսգրքի 8-րդ հոդվածի 4-րդ մասի։
Սույն քրեական գործը քննության է առնվել դատական քննության արագացված կարգով։ Ամբաստանյալ Լ. Նալբանդյանը համաձայնվել է իրեն առաջադրված մեղադրանքի հետ, լիովին ընդունել է իրեն առաջադրված մեղադրանքը, զղջացել է կատարածի համար: Դեռևս նախաքննության փուլում Լ. Նալբանդյանը տվել է ինքնախոստովանական ցուցմունքներ և օգնել է նախաքննությանը։
Առաջին ատյանի դատարանը, Լ. Նալբանդյանին մեղավոր ճանաչելով առաջադրված մեղադրանքներում երկու հոդվածներով էլ, նրա նկատմամբ նշանակել է պատիժ` ազատազրկման ձևով` հաշվի չառնելով դատավճռում նշված մեղմացուցիչ հանգամանքների առկայությունը և ծանրացուցիչ հանգամանքների բացակայությունը:
Հղում կատարելով ՀՀ քրեական օրենսգրքի 325-րդ հոդվածի վրա` պաշտպանական կողմը նշել է, որ նման պայմաններում Լ. Նալբանդյանի նկատմամբ ՀՀ քրեական օրենսգրքի 325-րդ հոդվածի 1-ին մասով կիրառելի է ավելի մեղմ պատժատեսակ քան ազատազրկումը: Դատարանը վերր նշված հոդվածով կարող է նաև նշանակել պատիժ` տուգանքի ձևով:
Լ. Նալբանդյանն ի թիվս այլ մեղմացուցիչ հանգամանքների տուժողին հատուցել է շուրջ 20 միլիոն և ավելի ՀՀ դրամ գումար: Բոլոր ապացույցները` կտրոնները, առկա են սույն քրեական գործի նյութերում: Այդ հանգամանքի մասին է վկայում նաև այն, որ գործի դատաքննության ընթացքում տուժող <<Արցախբանկ>> ՓԲԸ-ի ներկայացուցիչը, կատարելով վերահաշվարկ, նվազեցրել է քաղաքացիական հայցի գումարը 3.067.627.70 ՀՀ դրամով:
Առաջին ատյանի դատարանը, սույն քրեական գործը լսելով դատական քննության արագացված կարգով, Լ. Նալբանդյանի նկատմամբ նշանակել է պատիժ` ազատազրկման ձնով, չի կիրառել ո՛չ ՀՀ քրեական օրենսգրքի 64-րդ հոդվածը, ո՛չ էլ ՀՀ քրեական օրենսգրքի 70-րդ հոդվածը, որոնք, ըստ պաշտպանական կողմի, կիրառելի են:
Պաշտպանական կողմը գտնում է, որ Լ. Նալբանդյանի նկատմամբ ազատազրկման ձևով պատիժ նշանակելու դեպքում դատարանը պետք է քննարկեր նաև ՀՀ քրեական օրենսգրքի 70-րդ հոդվածի կիրառում, քանի որ պաշտպանական կողմը ներկայացրել էր միջնորդություն։
Պաշտպանններն իրենց հետևությունները հիմնավորելու համար հղում են կատարել ՀՀ վճռաբեկ դատարանի` Հովհհահես Սահակյանի վերաբերյալ 02.06.2009թ.-ի թիվ ԵՔՐԴ/0571/01/08, Հասմիկ Պետրոսյանի վերաբերյալ 29.09.2010թ.-ի թիվ ԱՐԱԴ/0050/01/08, ինչպես նաև Սերյոժա Սարգսի Թոմոյանի վերաբերյալ քրեական գործով ԼԴ2/0019/01/09 12.02.2010թ. նախադեպային որոշումների իրավականա դրույթների վրա:
Այսպիսով, ըստ պաշտպանության կողմի, Լ. Նալբանդյանի նկատմամբ ՀՀ քրեական օրենսսգրքի 325-րդ հոդվածի 1-ին մասով կիրառելի է տուգանք պատժատեսակը, իսկ ՀՀ քրեական օրենսսգրքի 178-րդ հոդվածի 3-րդ մասի 1-ին կետով պատիժ նշանակելիս Լ. Նալբանդյանի նկատմամբ կիրառելի է ՀՀ քրեական օրենսսգրքի 64-րդ և 70-րդ հոդվածները:

31. Ելնելով վերոգրյալներից` ամբաստանյալ Լ. Նալբանդյանի պաշտպաններ Ի. Պետրոսյանը և Ա. Ավագյանը խնդրել են վերաքննիչ բողոքը վարույթ ընդունել, բեկանել Առաջին ատյանի դատարանի` 01.07.2013թ. թիվ ԵԱՔԴ/0067/01/13 դատավճիռը` պատժի մասով` նշանակելով պատիժ տուգանքի ձևով ՀՀ քրեական օրենսգրքի 325-րդ հոդվածի 1-ին մասով, իսկ 178-րդ հոդվածի 3-րդ մասի 1-ին կետով Լ. Նալբանդյանի նկատմամբ նշանակել է մեղմ պատիժ` կիրառելով ՀՀ քրեական օրենսգրքի 64-րդ հոդվածը և ՀՀ քրեական օրենսգրքի 70-րդ հոդվածի կիրառմամբ ազատագրկման ձևով նշանակված պատիժը պայմանականորեն չկիրառել:

Վերաքննիչ դատարանի պատճառաբանությունները և եզրահանգումը.

Վերաքննիչ դատարանը, քննության առնելով վերաքննիչ բողոքը` բողոքի հիմքերի և հիմնավորումների սահմաններում, շարադրելով բողոքարկվող դատական ակտի բովանդակությունը, վերաքննիչ բողոքի էությունը, լսելով ամբաստանյալին, պաշտպաններին, ուսումնասիրելով և վերլուծելով գործի նյութերը, դրանք գնահատելով իրենց համակցությամբ, ներքին համոզմամբ, հանգում է այն հետևության, որ վերաքննիչ բողոքը պետք է մերժել` դատական ակտը թողնելով օրինական ուժի մեջ, հետևյալ պատճառաբանությամբ.

32. ՀՀ քրեական դատավարության օրենսգրքի 360-րդ հոդվածի 1-ին մասը սահմանում է. <<Դատավճիռ կայացնելիս դատարանը ներկայացված հաջորդականությամբ լուծում է հետևյալ հարցերը` /…/
6/ ենթակա է արդյոք պատժի ամբաստանյալն իր կատարած հանցանքի համար.
7/ ինչ պատիժ պետք է նշանակվի ամբաստանյալի նկատմամբ.
8/ ամբաստանյալն արդյոք պետք է կրի իր նկատմամբ նշանակված պատիժը/…/>>:
ՀՀ քրեական օրենսգրքի 10-րդ հոդվածի 1-ին մասի համաձայն. <<1. Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի՝ համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար:>>:
Նույն օրենսգրքի 48-րդ հոդվածում սահմանված են պատժի հասկացությունը և նպատակները:
ՀՀ քրեական օրենսգրքի 48-րդ հոդվածը սահմանում է. <<1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:>>:
ՀՀ քրեական օրենսգրքի 61-րդ հոդվածով սահմանված են պատիժ նշանակելու ընդհանուր սկզբունքները:
Վերոհիշյալ հոդվածի 1-ին մասի համաձայն` հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները:
Նույն հոդվածի 2-րդ մասի համաձայն` պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
ՀՀ քրեական օրենսգրքի 62-րդ հոդվածի առաջին մասում նախատեսված են պատասխանատվությունը և պատիժը մեղմացնող հանգամանքները:
Նույն հոդվածի 2-րդ մասը նշում է. <<Պատիժ նշանակելիս դատարանը կարող է հաշվի առնել նաև մեղմացնող այլ հանգամանքներ, որոնք նշված չեն սույն հոդվածի առաջին մասում:>>:
Համաձայն ՀՀ քրեական դատավարության օրենսգրքի 395-րդ հոդվածի.
<<Բողոքարկված դատական ակտը բեկանվում կամ փոփոխվում է, եթե թույլ է տրվել դատական սխալ, այն է`/…/
4/ դատավճռով նշանակված պատիժը չի համապատասխանում կատարված հանցանքի ծանրությանը և ամբաստանյալի անձին /…/>>:
Նույն օրենսգրքի 399-րդ հոդվածի 1-ին մասի համաձայն.
<<1.Գտնելով, որ դատավճռում նշանակված պատիժն անարդարացի է ակնհայտ խիստ կամ ակնհայտ մեղմ լինելու պատճառով, չի համապատասխանում հանցագործության ծանրությանը և ամբաստանյալի անձին, վերաքննիչ դատարանը մեղմացնում կամ խստացնում է պատիժը` ղեկավարվելով պատիժ նշանակելու ընդհանուր սկզբունքներով:>>:

33. Առաջին ատյանի դատարանը, հիմք ընդունելով մեղադրանքի հիմքում դրված ապացույցները, գտել է, որ ամբաստանյալ Լ. Նալբանդյանին առաջադրված մեղադրանքը` ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 1-ին մասով, հիմնավորված է: Նրա կողմից կատարված արարքները համապատասխանում են ՀՀ քրեական օրենսգրքի 178-րդ հոդվածի 3-րդ մասի 1-ին կետի և ՀՀ քրեական օրենսգրքի 325-րդ հոդվածի 1-ին մասի հատկանիշներին և արարքների որակումը ճիշտ է: Ուստի, կատարած արարքների համար ամբաստանյալ Լ. Նալբանդյանը ենթակա է քրեական պատասխանատվության և պատժի:

34. Ամբաստանյալ Լ. Նալբանդյանի նկատմամբ պատիժ նշանակելիս Առաջին ատյանի դատարանը հաշվի է առել նրա կատարած արարքների հանրության համար վտանգավորության աստիճանը, ինչպես նաև` հանցավորի անձը:
Որպես ամբաստանյալ Լ. Նալբանդյանի անձը բնութագրող, պատասխանատվությունը և պատիժը մեղմացնող հանգամանքներ Առաջին ատյանի դատարանը հաշվի է առել այն, որ նա հանցանքն ընդունել և զղջում է կատարած արարքի համար, նախկինում դատված չի եղել, նրա խնամքին են գտնվում մինչև տասնչորս տարեկան երկու երեխաները /Իզաբել Լևոնի Նալբանդյան` ծնված 29.04.2008թ.-ին, Մարիա Լևոնի Նալբանդյան` ծնված 04.12.2009թ.-ին/ և հաշմանդամ քույրը:
Ամբաստանյալ Լ. Նալբանդյանի պատասխանատվությունը և պատիժը ծանրացնող հանգամանքներ Առաջին ատյանի դատարանը չի արձանագրել:

35. Առաջին ատյանի դատարանը, հաշվի առնելով Լ. Նալբանդյանի կատարած արարքների հանրության համար վտանգավորության աստիճանը և բնույթը, նրա անձը, նրան բնութագրող տվյալները, պատասխանատվությունը և պատիժը մեղմացնող հանգամանքները, ինչպես նաև այն, որ ՀՀ քրեական օրենսգրքի 178-րդ հոդվածի 3-րդ մասի սանկցիայով նախատեսված է պատիժ միայն ազատազրկման ձևով, իսկ ՀՀ քրեական օրենսգրքի 325-րդ հոդվածի 1-ին մասի սանկցիայով նախատեսված է պատիժ նաև ազատազրկման ձևով, գտել է, որ պատժի նպատակներին հասնելու համար ամբաստանյալ Լ. Նալբանդյանի նկատմամբ ՀՀ քրեական օրենսգրքի 178-րդ հոդվածի 3-րդ մասի 1-ին կետով և ՀՀ քրեական օրենսգրքի 325-րդ հոդվածի 1-ին մասով նախատեսված հանցանքներ կատարելու համար պատիժ պետք է նշանակել ազատազրկման ձևով, որը նա պետք է կրի:
Առաջին ատյանի դատարանը, քննության առնելով ամբաստանյալի նկատմամբ լրացուցիչ պատիժ նշանակելու հարցը, գտել է, որ նպատակահարմար չէ ՀՀ քրեական օրենսգրքի 178-րդ հոդվածի 3-րդ մասի սանկցիայով նախատեսված լրացուցիչ պատիժ` գույքի բռնագրավում նշանակելը:
Նկատի ունենալով, որ ամբաստանյալ Լ. Նալբանդյանը կատարել է մեկից ավելի հանցագործություններ, դատարանը գտել է, որ նրա նկատմամբ պատիժ պետք է նշանակվի ՀՀ քրեական օրենսգրքի 66-րդ հոդվածով նախատեսված կարգով` հանցանքների համակցությամբ, ազատազրկման ձևով նշանակված պատիժները մասնակիորեն գումարելու սկզբունքով։

36. Վերաքննիչ դատարանը, քննության առնելով ամբաստանյալ Լ. Նալբանդյանի նկատմամբ նշանակված պատիժը մեղմացնելու կամ ՀՀ քրեական օրենսգրքի 70-րդ հոդվածի կիրառմամբ պայմանականորեն չկիրառելու, ՀՀ քրեական օրենսգրքի 48-րդ հոդվածով ամրագրված պատժի նպատակների իրացվելիության հարցերը և նկատի ունենալով ամբաստանյալի կողմից հանցագործության կատարման վերը նշված հանգամանքները, արարքների հանրության համար վտանգավորության աստիճանը և բնույթը, գործի նման փաստական տվյալների առկայության պայմաններում հանգում է այն հետևության, որ Առաջին ատյանի դատարանը, պահպանելով ՀՀ քրեական օրենսգրքի պատիժ նշանակելու ընդհանուր սկզբունքները /ՀՀ քրեական օրենսգրքի 5-րդ, 10-րդ, 48-րդ, 61-րդ, 62-րդ, 63-րդ հոդվածներ/, ՀՀ քրեական օրենսգրքի 178-րդ հոդվածի 3-րդ մասի 1-ին կետի սանկցիայի սահմաններում ամբաստանյալ Լ. Նալբանդյանի նկատմամբ պատիժ է նշանակվել ազատազրկում` 4 /չորս/ տարի 6 /վեց/ ամիս ժամկետով` առանց գույքի բռնագրավման, իսկ ՀՀ քրեական օրենսգրքի 325-րդ հոդվածի 1-ին մասով պատիժ է նշանակվել ազատազրկում` 1 /մեկ/ տարի ժամկետով, այնուհետև, ՀՀ քրեական օրենսգրքի 66-րդ հոդվածի կիրառմամբ` հանցանքների համակցությամբ, ազատազրկման ձևով նշանակված պատիժները մասնակիորեն գումարելու միջոցով, Լ. Նալբանդյանի նկատմամբ վերջնական պատիժ է նշանակել ազատազրկում 5 /հինգ/ տարի ժամկետով` առանց գույքի բռնագրավման, որը համապատասխանում է հանցագործության ծանրությանը և ամբաստանյալի անձին և որով հնարավոր է հասնել ՀՀ քրեական օրենսգրքի 48-րդ հոդվածով նախատեսված պատժի նպատակներին` սոցիալական արդարության վերականգմանը, պատժի ենթարկված անձի ուղղմանը և հանցագործությունների կանխմանը և, որ վերաքննիչ բողոքում նշված փաստարկներն ամբաստանյալ Լ. Նալբանդյանի նկատմամբ նշանակված պատիժը մեղմացնելու կամ պայմանականորեն չկիրառելու հիմք չեն կարող դառնալ:

37. Անդրադառնալով ամբաստանյալ Լ. Նալբանդյանի պաշտպանների վերաքննիչ բողոքում նշված ՀՀ քրեական օրենսգրքի 64-րդ հոդվածի կիրառմամբ ՀՀ քրեական օրենսգրքի 178-րդ հոդվածի 3-րդ մասի 1-ին կետի սանկցիայում նախատեսված նվազագույն պատժից ավելի մեղմ պատիժ նշանակելու հանգամանքին` Վերաքննիչ դատարանը գտնում է, որ այն ևս անհիմն է` հետևյալ պատճառաբանությամբ.
ՀՀ քրեական օրենսգրքի 64-րդ հոդվածի համաձայն. <<1. Հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի և այլ հանգամանքների հետ կապված բացառիկ հանգամանքների առկայության դեպքում, որոնք էականորեն նվազեցնում են հանցանքի՝`հանրության համար վտանգավորության աստիճանը, ինչպես նաև խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելու դեպքում կարող է նշանակվել սույն օրենսգրքի Հատուկ մասի համապատասխան հոդվածով նախատեսված պատժի նվազագույն չափից ավելի ցածր պատիժ կամ ավելի մեղմ պատժատեսակ, քան նախատեսված է այդ հոդվածով, կամ չկիրառել որպես պարտադիր նախատեսված լրացուցիչ պատիժ:
2. Բացառիկ կարող են ճանաչվել ինչպես առանձին մեղմացնող հանգամանքները, այնպես էլ այդ հանգամանքների համակցությունը:>>:
ՀՀ վճռաբեկ դատարանն Աշոտ Սերգեյի Գրիգորյանի վերաբերյալ գործով 2009թ. փետրվարի 17-ի թիվ ԵՔՐԴ/0057/01/08 որոշմամբ արտահայտել է հետևյալ իրավական դիրքորոշումը.
<</…/բացառիկ հանգամանքները կապված են հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի հետ: Այդպիսիք կարող են լինել նաև այլ հանգամանքներ, որոնք էականորեն նվազեցնում են հանցանքի՝ հանրության համար վտանգավորության աստիճանը: Ընդ որում, կարևորը ոչ թե պատիժը մեղմացնող տվյալների քանակն է, այլ այն, թե ինչքանով են դրանք էականորեն ազդել հանցանքի՝ հանրության համար վտանգավորության աստիճանի նվազեցման վրա՚ /տե՜ս Հ.Հաբեշյանի գործով Վճռաբեկ դատարանի 2007թ. օգոստոսի 30-ի որոշումը/:
“Օրենքում օգտագործված “բացառիկ” բառը ենթադրում է, որ տվյալ փաստական հանգամանքը կամ դրանց համակցությունը դուրս են գալիս սովորականի շրջանակներից: Այլ կերպ՝ ՀՀ քրեական օրենսգրքի 64-րդ հոդվածի կիրառման համար հիմք հանդիսացած մեղմացնող հանգամանքը կամ մեղմացնող հանգամանքների համակցությունը պետք է այն աստիճան առանձնահատուկ լինեն, որ վերածվեն բացառության” /տե՛ս Հ. Հովհաննիսյանի գործով ՀՀ վճռաբեկ դատարանի` 2008թ. փետրվարի 29-ի որոշման 19-րդ կետը/:/.../>>
Ինչպես երևում է սույն քրեական գործի նյութերից` ՀՀ քրեական օրենսգրքի 64-րդ հոդվածի հիմք հանդիսացող ամբաստանյալ Լ. Նալբանդյանի պատասխանատվությունը և պատիժը մեղմացնող հանգամանքները կամ դրանց համակցությունը, որոնք պետք է այն աստիճան առանձնահատուկ լինեն, որ վերածվեն բացառության, սույն քրեական գործով առկա չեն:

38. Այսպեսով, Վերաքննիչ դատարանը վերոշարադրյալ հիմքերով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2013թ. հուլիսի 1-ի վերոհիշյալ դատավճիռը համարում է ճիշտ, իսկ վերաքննիչ բողոքում և դատաքննության ընթացքում բերված պատճառաբանությունները, եզրահանգումներն` անհիմն, և թույլ չի տրվել նյութական և դատավարական իրավունքի խախտում:
Ելնելով վերոգրյալներից և ղեկավարվելով ՀՀ քրեական դատավարության օրենսգրքի 393-394-րդ, 402-րդ հոդվածներով` Վերաքննիչ դատարանը

Ո Ր Ո Շ Ե Ց

1. Վերաքննիչ բողոքը մերժել:

2. Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2013թ. հուլիսի 1-ի դատավճիռը` Լևոն Հովհաննեսի Նալբանդյանի վերաբերյալ` ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 1-ին մասով, թողնել օրինական ուժի մեջ:

3. Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում:


ՆԱԽԱԳԱՀՈՂ ԴԱՏԱՎՈՐ` Ա. ՊԵՏՐՈՍՅԱՆ


ԴԱՏԱՎՈՐՆԵՐ` Ս. ՀԱՄԲԱՐՁՈՒՄՅԱՆ


Մ. ՊԵՏՐՈՍՅԱՆ