Գործ No ԵԱՔԴ/0064/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

24 մայիսի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Զ.Խորասանյանի
պաշտպան Գ.Մալխասյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Արմեն Թադևոսի Ալեքսանյանի /ծնված 25.11.1990թ., ք.Չարենցավան, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, ՀՀ ՊՆ 31549 զորամասի ժամկետային զինծառայող, կոչումով շարքային, ռադիոկայանի ավագ հեռախոսավար, բնակվող Կոտայքի մարզ, ք.Չարենցավան, 6-րդ թաղ., 6-րդ շ., 44 բն./:
Մեղադրվում է ՀՀ քրեական օրենսգրքի 364-րդ հոդվածի 1-ին մասով:


Գործի դատավարական նախապատմությունը
2013թ. փետրվարի 12-ին տեղի է ունեցել դեպքը:
2013թ. փետրվարի 26-ին հարուցվել է թիվ 90203813 քրեական գործը:
2013թ. մարտի 01-ին քչեական գործը վարույթ է ընդունվել:
2013թ. մարտի 18-ին Արմեն Ալեքսանյանին մեղադրանք է առաջադրվել ՀՀ քրեական օրենսգրքի 364-րդ հոդվածի 1-ին մասով և նրա նկատմամբ որպես խափանման միջոց է ընտրվել զորամասի հրամանատարության հսկողությանը հանձնելը:
2013թ. ապրիլի 25-ին թիվ 90203813 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Արմեն Ալեքսանյանին ՀՀ քրեական օրենսգրքի 364-րդ հոդվածի 1-ին մասով մեղադրանք է առաջադրել այն արարքի համար, որ ՙնա պարտադիր ժամկետային զինվորական ծառայության մեջ գտնվելով ՀՀ ՊՆ 31549 զորամասում, որպես 1-ին գումարտակի 1-ին վաշտի 1-ին դասակի Ռ 142 ռադիոկայանի ավագ ռադիոհեռախոսավար, կոչումով կրտսեր սերժանտ, 2013թ. փետրվարի 12-ին, ժամը 18:00-ից մինչև 2013թ. փետրվարի 13-ը, ժամը 18:00-ն սահմանված կարգով ընդգրկված լինելով վերակարգում, որպես ավտոհավաքակայանի օրապահ, սահմանված կարգի համաձայն հրահանգավորվելով ավտոհավաքակայանի օրապահի պարտականությունների կատարման վերաբերյալ, խախտելով ՀՀ ԶՈՒ ներքին ծառայության կանոնագրքի 392 հոդվածի պահանջները, այն է՝ ՙավտոհավաքակայանի օրապահը պարտավոր է զինծառայողներին, մեքենաները և այլ տեխնիկան հավաքակայանից դուրս թողնել և ներս ընդունել միայն հերթապահի թույլտվությամբ, հավաքակայանում հետևել մաքրությանն ու կարգուկանոնին, հետևել, որպեսզի մեքենաները կայանատեղերից դուրս բերվեն միան գնդի հերթապահի թույլտվությամբ...՚, 2013թ. փետրվարի 12-ին, ժամը 20:00-ից մինչև 2013թ. փետրվարի 13-ը, ժամը 06:45-ն, պարտավոր լինելով գտնվել ավտոհավաքակայանում և կատարել որպես օրապահի իր պարատականությունները, հրաժարվել է վերակարգի զինվորական ծառայության պարտականությունները կատարելուց, որը զուգորդվել է դրանց փաստացի դադարեցմամբ՝ զորամասի տարածքն ինքնակամ թողնելով՚:

Արագացված դատական քննություն
Մինչև դատաքննությունն սկսելն ամբաստանյալ Արմեն Ալեքսանյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Գ.Մալխասյանը:
Մեղադրող Զ.Խորասանյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արմեն Ալեքսանյանի մեղավորությունը` զինվորական ծառայության պարտականությունները կատարելուց խուսափելու մեջ և զուգորդվել է դրանց փաստացի դադարեցմամբ` զորամասի տարածքն ինքնակամ թողնելով, որը նախատեսված է ՀՀ քրեական օրենսգրքի 361-րդ հոդվածի 1-ին մասով, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի, որը նա պետք է կրի:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙհանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚:

ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Արմեն Ալեքսանյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չէ, բնութագրվում է դրական, ընդունել է մեղքը, անկեղծորեն զղջացել կատարած արարքի համար, առաջին անգամ կատարել է միջին ծանրության հանցանք :
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը`



ՎՃՌԵՑ

Արմեն Թադևոսի Ալեքսանյանին մեղավոր ճանաչել ՀՀ քրեական օրենսգրքի 364-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակել կալանք 15 /տասնհինգ/ օր ժամկետով:
Արմեն Թադևոսի Ալեքսանյանի նկատմամբ ընտրված խափանման միջոցը` զորամասի հրամանատարության հսկողությանը հանձնելը, թողնել անփոփոխ` մինչև դատավճռի օրինական ուժի մեջ մտնելը:
Պատիժը պետք է կրի կայազորային կարգապահական մեկուսարանում, իսկ զորացրվելու դեպքում` ՀՀ ԱՆ համապատասախան քրեակատարողական հիմնարկում:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ