Գործ No ԵԱՔԴ/0059/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

20 մայիսի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Ա.Ամիրյանի
պաշտպան Է.Արամյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Լավրենտի Մայիսի Մկրտչյանի /ծնված 10.09.1993թ., Շիրակի մարզ, գ.Գետափ ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, ծառայում է ՀՀ ՊՆ 24925 զորամասի 3-րդ հատուկ նշանակության ջոկատի հատուկ ռադիոհեռախոսակապի դասակում, որպես 2-րդ ջոկի ռադիոհեռագրավար, կոչումով շարքային, բնակվում է Շիրակի մարզ, գ.Գետափ/:
Մեղադրվում է ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով:


Գործի դատավարական նախապատմությունը
2012թ. դեկտեմբերի 24-ին տեղի է ունեցել դեպքը:
2013թ հունվարի 08-ին հարուցվել է թիվ 90250113 քրեական գործը:
2013թ. մարտի 18-ին Լավրենտի Մկրտչյանին մեղադրանք է առաջադրվել 34-177-րդ հոդվածի 2-րդ մասի 3-րդ կետով և նրա նկատմամբ որպես խափանման միջոց է ընտրվել զորամասի հրամանատարության հսկողությանը հանձնելը:
2013թ. ապրիլի 10-ին թիվ 90250113 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Լավրենտի Մկրտչյանին ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով մեղադրանք է առաջադրել այն արարքի համար, որ ՙնա հանդիսանալով ՀՀ ՊՆ 24923 զորամասի 4-րդ հատուկ նշանակության ջոկատի ժամկետային զինծառայող, կոչումով շարքային, 2012թ. դեկտեմբերի 23-ին, ժամը 22:30-ի սահմաններում ինքնակամ թողել է զորամասի տարածքը, գնացել Երևան քաղաքի Սարկավագի 54/6 հասցեում գտնվող մթերային խանութի մոտ, խանութի սրահ ապօրինի մուտք գործելու և ուրիշի գույքի զգալի չափերի գաղտնի հափշտակություն կատարելու նպատակով, դեկտեմբերի 23-ի լույս 24-ի գիշերը, ժամը 02:30-ի սահմաններում, հայթայթել է մետաղյա խողովակ, դրանով կոտրել խանութի մուտքի լուսավորության էլեկտրական լամպը, այնուհետև մետաղյա խողովակն անցկացնելով խանութի պատուհանի մետաղյա ճաղերի արանքով փորձել է լայնացնել դրանք, սակայն նկատելով Քանաքեռի վարչական տարածքում ծառայություն իրականացնող ոստիկանության աշխատակիցների պարեկային ավտոմեքենան, հեռացել է խանութից` չկարողանալով ավարտին հասցնել հանցագործությունն իր կամքից անկախ հանգամանքներով՚:

Արագացված դատական քննություն
Մինչև դատաքննությունն սկսելն ամբաստանյալ Լավրենտի Մկրտչյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Է.Արամյանը:
Մեղադրող Ա.Ամիրյանը դատական քննության արագացված կարգ կիրառելուն չի առարկել:
Տուժող Ն.Կոստանդյանը գրավոր դիմում է ներկայացրել դատարան և հայտնել, որ ամբաստանյալ Լ.Մկրտչյանից որևէ բողոք-պահանջ չունի և չի առարկում արագացված դատաքննության կարգ կիրառելու դեմ:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Լավրենտի Մկրտչյանի մեղավորությունը. ապօրինի շինություն մուտք գործելով` գույքի գաղտնի հափշտակության փորձ կատարելու մեջ, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի, որը նա պետք է կրի:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙհանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Լավրենտի Մկրտչյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չէ, բնութագրվում է դրական, ընդունել է մեղքը, անկեղծորեն զղջացել կատարած արարքի համար, առաջին անգամ կատարել է միջին ծանրության հանցանք:
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը`



ՎՃՌԵՑ

Լավրենտի Մայիսի Մկրտչյանին մեղավոր ճանաչել ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով նախատեսված հանցագործության կատարման մեջ և նրա նկատմամբ պատիժ նշանակել տուգանք նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամի չափով:
Լավրենտի Մայիսի Մկրտչյանի նկատմամբ ընտրված խափանման միջոցը` զորամասի հրամանատարության հսկողությանը հանձնելը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ