ԵԱՔԴ/0052/01/13
Ո Ր Ո Շ ՈՒ Մ
քրեական հետապնդումը դադարեցնելու և քրեական գործի վարույթը կարճելու մասին

24 մայիսի 2013թ. ք. Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը` նախագահությամբ դատավոր Լ.Ավետիսյանի, քարտուղարությամբ Ն.Ղազարյանի, Հ.Թադևոսյանի, մասնակցությամբ մեղադրողներ Ա.Քալաշյանի, Ա.Թումանյանի, տուժողներ Ս.Մարգարյանի, Ա.Սիմոնյանի, դռնբաց դատական նիստում, քննության առնելով Գրիգոր Աբովի Հակոբյանի (ծնված 1969 թվականի օգոստոսի 10-ին, Երևան քաղաքում, ազգությամբ հայ, ՀՀ քաղաքացի, ութամյա կրթությամբ, ամուրի, նախկինում 5 անգամ դատված, հաշվառված և բնակվել է Երևան քաղաքի 16 թաղամասի 18 շենքի թիվ 99 բնակարան հասցեում, մեղադրվում է ՀՀ քրեական օրենսգրքի 183 հոդվածի 1-ին մասով, որպես խափանման միջոց է ընտրվել չհեռանալու մասին ստորագրությունը) քրեական գործը

Պ ա ր զ ե ց

2013 թվականի մարտի 15-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 183 հոդվածի 1-ին մասով նախատեսված հանցագործության հատկանիշներով հարուցվել է թիվ 14114113 քրեական գործը:
2013 թվականի մարտի 22-ին Գրիգոր Աբովի Հակոբյանը որպես մեղադրյալ է ներգրավվել ՀՀ քրեական օրենսգրքի 183 հոդվածի 1-ին մասով այն արարքի կատարման համար, որ նա 2013 թվականի փետրվարի 11-ին, ժամը 1430-ի սահմաններում, առանց հափշտակելու դիտավորության փախցրել է Երևան քաղաքի Երզնկյան 76 հասցեի դիմացի հատվածում կայանած Ստեփան Արսենի Մարգարյանի կողմից վարվող ՙՎԱԶ 2107՚ մակնիշի 04 LU 850 պետհամարանիշի մեքենան, որը չկարողանալով ղեկավարել, հարվածել է Երզնկյան 56 հասցեի դիմաց կայանած Արամ Պարգևի Մոսինյանի կողմից վարվող, տուժող Անահիտ Սիմոնյանին պատկանող ՙՄերսեդես Բենց ՄԼ 230՚ մակնիշի 23 SU 495 պետհամարանիշի մեքենային` տուժողներին պատճառելով նյութական վնաս:
2013 թվականի մարտի 22-ին Գրիգոր Աբովի Հակոբյանի նկատմամբ որպես խափանման միջոց է ընտրվել չհեռանալու մասին ստորագրությունը: Նույն օրը որոշում է կայացվել Գ.Հակոբյանի նկատմամբ հետախուզում հայտարարելու մասին:
2013 թվականի մարտի 26-ին Գրիգոր Աբովի Հակոբյանը հայտնաբերվել է:
2013 թվականի մարտի 28-ի որոշմամբ թիվ 14114113 քրեական գործով Գրիգոր Աբովի Հակոբյանի նկատմամբ ՀՀ քրեական օրենսգրքի 185 հոդվածի 1-ին մասով քրեական հետապնդում չի իրականացվել` վերջինիս արարքում հանցակազմի բացակայության պատճառաբանությամբ:
2013 թվականի ապրիլի 4-ին թիվ 14114113 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
Դատարանի 24.05.2013թ.-ի արձանագրային որոշմամբ Անահիտ Ժորայի Սիմոնյանը սույն քրեական գործով ճանաչվել է տուժող, նկատի ունենալով, որ հանցագործության հետևանքով վնաս է պատճառվել սեփականության իրավունքով նրան պատկանող ՙՄերսեդես Բենց ՄԼ 230՚ մակնիշի 23 SU 495 պետհամարանիշի մեքենային:
Դատարան ներկայացված մահվան վկայականի պատճենի համաձայն, Գրիգոր Աբովի Հակոբյանը 2013թ. ապրիլի 12-ին մահացել է ՙթոքերի դեսիմինացված տուբերկուլյոզ ինֆիլտրացիայի և քայքայման փուլում ՏՄԲ, շնչառական անբավարարություն՚ հիվանդության հետևանքով:
ՀՀ ԱՆ ՔԿԱԳ գործակալության ՙՀատուկ սպասարկում՚ տարածքային բաժնի պետի գրության համաձայն, Գրիգոր Աբովի Հակոբյանի մահվան ակտային գրանցումը կատարվել է ՔԿԱԳ գործակալության Երևանի հատուկ սպասարկման տարածքային բաժնում 15.04.2013թ.-ին N 2971:
ՀՀ քրեական դատավարության օրենսգրքի 35 հոդվածի 1-ին մասի 10-րդ կետի համաձայն, հարուցված քրեական գործի վարույթը ենթակա է կարճման, եթե անձը մահացել է:
ՀՀ քրեական օրենսգրքի 294 հոդվածի 1-ին մասի համաձայն, ՀՀ քրեական օրենսգրքով նախատեսված հիմքերի առկայության դեպքում, երբ դա հնարավոր է առնաց դատաքննության, դատարանը պատճառաբանված որոշում է կայացնում քրեական գործի վարույթը կարճելու կամ քրեական հետապնդումը դադարեցնելու մասին:
Մեղադրող Ա.Թումանյանը հաշվի առնելով վերոգրյալը միջնորդեց ՀՀ քրեական դատավարության օրենսգրքի 35 հոդվածի 1-ին մասի 10-րդ կետի համաձայն քրեական գործի վարույթը կարճել և քրեական հետապնդումը դադարեցնել:
Տուժողները միացան մեղադրողի միջնորդությանը:
Հիմք ընդունելով վերը նշվածը, դատարանը գտնում է, որ սույն քրեական գործը ենթակա է կարճման և Գրիգոր Աբովի Հակոբյանի նկատմամբ քրեական հետապնդումը` դադարեցման:
Անդրադառնալով ամբաստանյալի նկատմամբ կիրառված խափանման միջոցին` դատարանը գտնում է, որ Գրիգոր Աբովի Հակոբյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել:
ՀՀ քրեական դատավարության օրենսգրքի 155 հոդվածի 2-րդ մասի համաձայն` քրեական դատավարությունում քաղաքացիական հայց չհարուցելու դեպքում անձն իրավունք ունի քաղաքացիական հայց հարուցել քաղաքացիական դատավարության կարգով:
Հաշվի առնելով, որ գործի դատաքննության ընթացքում տուժողների կողմից սահմանված ձևով հայցադիմում չի ներկայացվել, ինչպես նաև հաշվի առնելով տուժողների խնդրանքն իրենց քաղաքացիական դատավարության կարգով հայց հարուցելու իրավունք վերապահելու վերաբերյալ, դատարանը գտնում է, որ տուժողներ Ստեփան Մարգարյանին և Անահիտ Սիմոնյանին պետք է իրավունք վերապահել քաղաքացիական հայց հարուցել քաղաքացիական դատավարության կարգով:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 35, 294, 313 հոդվածներով, դատարանը

Ո ր ո շ ե ց

Գրիգոր Աբովի Հակոբյանի նկատմամբ ՀՀ քրեական օրենսգրքի 183 հոդվածի 1-ին մասով քրեական հետապնդումը դադարեցնել և թիվ ԵԱՔԴ/0052/01/13 քրեական գործի վարույթը կարճել` Գ.Հակոբյանի մահվան հիմքով:
Գրիգոր Աբովի Հակոբյանի նկատմամբ ընտրված խափանման միջոցը` չհեռանալու մասին ստորագրությունը, վերացնել:
Տուժողներ Ստեփան Մարգարյանին և Անահիտ Սիմոնյանին իրավունք վերապահել քաղաքացիական հայց հարուցել քաղաքացիական դատավարության կարգով:
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:

Դատավորª ստորագրություն
Բնագրի հետ ճիշտ է
Դատավոր Լ. Ավետիսյան