ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ

Երևան քաղաքի Արաբկիր և Քանաքեռ-Զեյթուն
վարչական շրջանների
ընդհանուր իրավասության առաջին ատյանի
դատարանի դատավճիռ
գործ թիվ ԵԱՔԴ/0047/01/13
նախագահող դատավոր` Լ.Ավետիսյան


ՈՐՈՇՈՒՄ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀՀ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ /այսուհետ նաև`
Վերաքննիչ դատարան/ ԿԱԶՄՈՎ`

նախագահող դատավոր` Գ. ԱՎԵՏԻՍՅԱՆ
դատավորներ` Ե. ԴԱՐԲԻՆՅԱՆ
Լ.ԹԱԴԵՎՈՍՅԱՆ

քարտուղարությամբ` Ա.ՄԱՐԳԱՐՅԱՆԻ
Տ.ՀԱԿՈԲՅԱՆԻ

մասնակցությամբ`
մեղադրող` է.ՊԵՏՐՈՍՅԱՆԻ
ամբաստանյալ` Հ.ԱՆՏՈՆՅԱՆԻ
պաշտպան` Գ.ՇԱՀՎԵՐԴՅԱՆԻ

2013 թվականի հոկտեմբերի 15-ին Երևան քաղաքում

դռնբաց դատական նիստում վճռաբեկության կանոններով քննության առնելով Հարություն Հրաչիկի Անտոնյանի վերաբերյալ ՀՀ քրեական օրենսգրքի 177-րդ հոդվածի 2-րդ մասի 1-ին կետով /երեք դրվագ/ և 177-րդ հոդվածի 2-րդ մասի 1-ին և 2-րդ կետերով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի /այսուհետ նաև` Առաջին ատյանի դատարան/ 2013 թվականի հունիսի 03-ի դատավճռի դեմ ամբաստանյալ Հ.Անտոնյանի վերաքննիչ բողոքը.

Պ Ա Ր Զ Ե Ց
Գործի դատավարական նախապատմությունը.
1. ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնի քննիչ Խ.Ազարյանի 2012թ. հոկտեմբերի 18-ի որոշմամբ ՀՀ քրեական օրենսգրքի 177-րդ հոդվածի 1-ին մասով հարուցվել և վարույթ է ընդունվել թիվ 14132412 քրեական գործը: /քրեական գործ, հատոր 1 էջ 154/
2. ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնի քննիչ Ա.Խաչատրյանի 2012 թվականի նոյեմբերի 30-ի որոշմամբ ՀՀ քրեական օրենսգրքի 177-րդ հոդվածի 1-ին մասով հարուցվել և վարույթ է ընդունվել թիվ 14141912 քրեական գործը:/քրեական գործ, հատոր 1 էջ 5/
3. Նույն օրը թիվ 14141912 քրեական գործով կասկածյալ Հարություն Անտոնյանի նկատմամբ որպես խափանման միջոց է ընտրվել ստորագրություն չհեռանալու մասին: /քրեական գործ, հատոր 1 էջ 17/
4. ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնի քննիչ Ա.Վարդանյանի 2012 թվականի նոյեմբերի 30-ի որոշմամբ թիվ 14141912 քրեական գործն ընդունվել է վարույթ: /քրեական գործ, հատոր 1 էջ 24/
5. ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնի պետ Վ.Վարդանյանի 2012թ. նոյեմբերի 30-ի որոշմամբ թիվ 14141912 քրեական գործով ստեղծվել է քննչական խումբ: /քրեական գործ, հատոր 1 էջ 25/
6. 2012 թվականի նոյեմբերի 30-ին Հ.Անտոնյանը ձերբակալվել է: /քրեական գործ, հատոր 1 էջ 61-62 63/
7. ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնի քննիչ Ա.Վարդանյանի 2012 թվականի դեկտեմբերի 03-ի որոշմամբ Հ.Անտոնյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով և 177-րդ հոդվածի 2-րդ մասի 1-ին կետով:/քրեական գործ, հատոր 1 էջ 84-86/
8. Առաջին ատյանի դատարանի 2012 թվականի դեկտեմբերի 03-ի որոշմամբ մեղադրյալ Հ.Անտոնյանի նկատմամբ որպես խափանման միջոց է կիրառվել կալանավորումը` երկու ամիս ժամկետով` կալանավորման սկիզբը հաշվելով 2012 թվականի նոյեմբերի 30-ից: /քրեական գործ, հատոր 1 էջ 94/
9. ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնի քննիչ Ա.Վարդանյանի 2012 թվականի դեկտեմբերի 04-ի որոշմամբ Արմեն Նազարյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին կետով:/քրեական գործ, հատոր 1 էջ 106-108/
10. Նույն օրը Արմեն Նազարյանի նկատմամբ հայտարարվել է հետախուզում: /քրեական գործ, հատոր 1 էջ 111-112/
11. Առաջին ատյանի դատարանի 2012 թվականի դեկտեմբերի 04-ի որոշմամբ մեղադրյալ Արմեն Նազարյանի նկատմամբ որպես խափանման միջոց է կիրառվել կալանավորումը` երկու ամիս ժամկետով` կալանավորման սկիզբը հաշվելով նրան կալանավորելու պահից: /քրեական գործ, հատոր 1 էջ 114/
12. ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնի քննիչ Ա.Վարդանյանի 2012 թվականի դեկտեմբերի 11-ի որոշմամբ թիվ 14132412 քրեական գործն ընդունվել է վարույթ և միացվել` թիվ 14141912 քրեական գործին, նախաքննությունը կատարվել է թիվ 14141912 համարի տակ: /քրեական գործ, հատոր 1 էջ 137/
13. Առաջին ատյանի դատարանի 2012 թվականի դեկտեմբերի 26-ի որոշմամբ մեղադրյալ Հ.Անտոնյանի նկատմամբ` գրավ կիրառելու մասին պաշտպան Վ.Բաբայանի միջնորդությունը բավարարվել է և մեղադրյալի նկատմամբ կիրառվել է այլընտրանքային խափանման միջոց գրավ: /քրեական գործ, հատոր 1 էջ 179/
14. ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնի քննիչ Ա.Վարդանյանի 2013 թվականի մարտի 23-ի որոշմամբ Արմեն Նազարյանին առաջադրված մեղադրանքը փոփոխվել, լրացվել, նոր մեղադրանք է առաջադրվել և նա ներգրավվել է որպես մեղադրյալ ՀՀ քրեական օրենսգրքի 177-րդ հոդվածի 2-րդ մասի 1-ին կետով և 177-րդ հոդվածի 2-րդ մասի 1-ին և 2-րդ կետերով: /քրեական գործ, հատոր 1 էջ 263-264/
15. Քննիչի նույն օրվա մեկ այլ որոշմամբ Հ.Անտոնյանի նկատմամբ ՀՀ քրեական օրենսգրքի 177-րդ հոդվածի 1-ին մասով քրեական հետապնդում չի իրականացվել` հանցակազմի բացակայության պատճառաբանությամբ: /քրեական գործ, հատոր 1 էջ 270-271/
16. Քննիչի նույն օրվա մեկ այլ որոշմամբ Հ.Անտոնյանին առաջադրված մեղադրանքը փոփոխվել, լրացվել, նոր մեղադրանք է առաջադրվել և նա ներգրավվել է որպես մեղադրյալ ՀՀ քրեական օրենսգրքի 177-րդ հոդվածի 1-ին մասով, 177-րդ հոդվածի 2-րդ մասի 1-ին կետով և 177-րդ հոդվածի 2-րդ մասի 1-ին և 2-րդ կետերով: /քրեական գործ, հատոր 1 էջ 272-273/
17. Քննիչի նույն օրվա մեկ այլ որոշմամբ թիվ 14141912 քրեական գործից` Ա.Նազարյանի մասը` ՀՀ քրեական օրենսգրքի 177-րդ հոդվածի 2-րդ մասի 1-ին կետով և 177-րդ հոդվածի 2-րդ մասի 1-ին և 2-րդ կետերով, անջատվել է առանձին վարույթում, անջատված մասին շնորհվել է թիվ 14116213 համարը: /քրեական գործ, հատոր 1 էջ 282-283/
18. 2013 թվականի մարտի 23-ին թիվ 14141912 քրեական գործը մեղադրական եզրակացությամբ ուղարկվել է Առաջին ատյանի դատարան, որը դատարանում ստացվել է նույն օրը: /քրեական գործ, հատոր 2 էջ 1/
19. Առաջին ատյանի դատարանի դատավոր Լ.Ավետիսյանի 2013 թվականի մարտի 27-ի որոշմամբ թիվ 14141912 քրեական գործն ընդունվել է վարույթ և նույն թվականի ապրիլի 09-ին նշանակվել` դատաքննության: /քրեական գործ, հատոր 2 էջ 2, 19/
20. Առաջին ատյանի դատարանի 2013թ. հունիսի 03-ի որոշմամբ Հ.Անտոնյանի նկատմամբ ՀՀ քրեական օրենսգրքի 177-րդ հոդվածի 1-ին մասով /Վահան Չարխիֆալակյանին պատկանող <<BMW X5>> մակնիշի 35 PU 555 պետհամարանիշի ավտոմեքենայի կողային երկու հայելիների գողություն կատարելու դրվագով/ և ՀՀ քրեական օրենսգրքի 177-րդ հոդվածի 1-ին մասով /Ռուբեն Կոպյանին պատկանող <<BMW X5>> մակնիշի 14 SL 488 պետհամարանիշի ավտոմեքենայի ձախ կողային հայելու հետևի կափարիչի գողություն կատարելու դրվագով/, քրեական հետապնդումը դադարեցվել է` ամբաստանյալի հետ տուժողներ Վահան Չարխիֆալակյանի և Ռուբեն Կոպյանի հետ հաշտվելու հիմքով: /քրեական գործ, հատոր 2 էջ 91-92/
21. Առաջին ատյանի դատարանի 2013 թվականի հունիսի 03-ի դատավճռով /քրեական գործը քննվել է արագացված դատաքննության կարգով/ Հարություն Հրաչիկի Անտոնյանը մեղավոր է ճանաչվել ՀՀ քրեական օրենսգրքի 177-րդ հոդվածի 2-րդ մասի 1-ին կետով /երեք դրվագ/ և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով նախատեսված հանցանքներ կատարելու մեջ:
ՀՀ քրեական օրենսգրքի 177-րդ հոդվածի 2-րդ մասի 1-ին կետով (Էմիլ Էդուարդի Գասպարյանին պատկանող <<Mercedes Benz S500>> մակնիշի ավտոմեքենայի կողային երկու հայելիների գողություն կատարելու դրվագով) Հարություն Անտոնյանը դատապարտվել է ազատազրկման երկու տարի ժամկետով:
ՀՀ քրեական օրենսգրքի 177-րդ հոդվածի 2-րդ մասի 1-ին կետով (Արսեն Առաքելյանին պատկանող <<Mercedes Benz S320>> մակնիշի 53ՕՈ555 պետհամարանիշի ավտոմեքենայի կողային երկու հայելիների գողություն կատարելու դրվագով) Հարություն Անտոնյանը դատապարտվել է ազատազրկման երկու տարի ժամկետով:
ՀՀ քրեական օրենսգրքի 177-րդ հոդվածի 2-րդ մասի 1-ին կետով (Արման Եղիկյանին պատկանող <<Mercedes Benz S420>> մակնիշի 26ՕS489 պետհամարանիշի ավտոմեքենայի կողային երկու հայելիների գողություն կատարելու դրվագով) Հարություն Անտոնյանը դատապարտվել է ազատազրկման երկու տարի ժամկետով:
ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով (Էդգար Կիրակոսյանին պատկանող <<BMW X5>> մակնիշի 18LO333 պետհամարանիշի ավտոմեքենայի կողային երկու հայելիների խոշոր չափի գողություն կատարելու դրվագով) Հարություն Անտոնյանը դատապարտվել է ազատազրկման երկու տարի ժամկետով:
ՀՀ քրեական օրենսգրքի 66-րդ հոդվածի 3-րդ մասի համաձայն, հանցանքների համակցությամբ պատիժները մասնակիորեն գումարելու միջոցով Հարություն Հրաչիկի Անտոնյանի նկատմամբ վերջնական պատիժ է նշանակվել ազատազրկում երկու տարի երեք ամիս ժամկետով:
ՀՀ քրեական օրենսգրքի 69-րդ հոդվածի համաձայն նշանակված պատժին հաշվակցվել է Հարություն Հրաչիկի Անտոնյանին 2012թ.-ի նոյեմբերի 30-ից մինչև 2012թ.-ի դեկտեմբերի 26-ը կալանքի տակ պահելու ժամկետը և նրա նկատմամբ վերջնական պատիժ է նշանակվել ազատազրկում երկու /2/ տարի երկու /2/ ամիս չորս /4/ օր ժամկետով:
Պատժի սկիզբը հաշվվել է Հարություն Հրաչիկի Անտոնյանին արգելանքի վերցնելու օրվանից: Պատիժը կրելու է ՀՀ ԱՆ համապատասխան քրեակատարողական հիմնարկում:
Հարություն Հրաչիկի Անտոնյանի նկատմամբ որպես խափանման միջոց կիրառված գրավը թողնվել է անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի դեպոզիտային հաշվին որպես գրավ մուծված յոթ հարյուր հազար ՀՀ դրամը վերադարձվել է գրավատու Վահան Մամիկոնյանին:
Տուժողներ Ա.Առաքելյանի, Է.Գասպարյանի, Ա.Եղիկյանի և Է.Կիրակոսյանի քաղաքացիական հայցերի հարցը համարվել է լուծված:/քրեական գործ հատոր 2 էջ 93-95/
22. 2013 թվականի հուլիսի 09-ին դատավոր Ս.Չիչոյանի նախագահությամբ քրեական գործը վերաքննիչ դատարանը վարույթ է ընդունել և նշանակել` դատական քննության 2013 թվականի հուլիսի 18-ին:
Քրեական գործը` դատավոր Գ.Ավետիսյանին է մակագրվել 2013թ. հուլիսի 25-ին: Վերաքննիչ դատարանի դատավոր Գ.Ավետիսյանի նախագահությամբ վերաքննիչ դատարանը 2013 թվականի հուլիսի 30-ի որոշմամբ ամբաստանյալ Հ.Անտոնյանի վերաքննիչ բողոքն ընդունել է վարույթ, և քրեական գործը նշանակել` դատական քննության վճռաբեկության կանոններով:
23. Վերաքննիչ բողոքի գրավոր պատասխան չի ներկայացվել:

Գործի փաստական հանգամանքները
24. Նախաքննական մարմնի կողմից ամբաստանյալ Հարություն Հրաչիկի Անտոնյանին ՀՀ քրեական օրենսգրքի 177-րդ հոդվածի 1-ին մասով, ՀՀ քրեական օրենսգրքի 177-րդ հոդվածի 2-րդ մասի 1-ին կետով և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով մեղադրանք է առաջադրել այն բանի համար, որ նա` ուրիշի գույքի գաղտնի հափշտակություն կատարելու դիտավորությամբ, 2012թ. նոյեմբերի սկզբին` գիշերը ժամը 1-3-ն ընկած ժամանակահատվածում գաղտնի հափշտակել է Երևան Ազատության պողոտայի 12-րդ շենքի մոտ կայանած, Վահան Լուլիբերդի Չարխիֆալակյանին պատկանող <<BMW X5>> մակնիշի 35 PU 555 պետհամարանիշի ավտոմեքենայի կողային երկու հայելիները` Վ. Չարխիֆալակյանին պատճառելով զգալի չափի` 200.000 ՀՀ դրամ գումարի գույքային վնաս:
Բացի այդ, Հարություն Անտոնյանը ուրիշի գույքի գաղտնի հափշտակություն կատարելու դիտավորությամբ, նախնական համաձայնության գալով Արմենի Հակոբի Նազարյանի հետ 2012թ. սեպտեմբերի վերջին կամ հոկտեմբեր ամսվա սկզբին, գիշերը ժամը 1-3-ն ընկած ժամանակահատվածում գաղտնի հափշտակել են Երևան Վրացական 4-րդ և 6-րդ շենքերի միջև` կողային հատվածում կայանած` Էմիլ Էդուարդի Գասպարյանին պատկանող <<Mercedes Benz S500>> մակնիշի ավտոմեքենայի կողային երկու հայելիները` Է. Գասպարյանին պատճառելով զգալի չափի` 150.000 ՀՀ դրամի գույքային վնաս:
Բացի այդ, Հարություն Անտոնյանը ուրիշի գույքի գաղտնի հափշտակություն կատարելու դիտավորությամբ, 2012թ. սեպտեմբեր-հոկտեմբեր ամիսներին ժամը 1-3-ն ընկած ժամանակահատվածում գաղտնի հափշտակել է Երևան Գյուլբենկյան 43-րդ շենքի մոտ կայանած Ռուբեն Միհրանի Կոպյանին պատկանող <<BMW X5>> մակնիշի 14SL488 պետհամարանիշի ավտոմեքենայի ձախ կողային հայելու հետևի կափարիչը` Ռ. Կոպյանին պատճառելով զգալի չափի` 40.000 ՀՀ դրամի գույքային վնաս:
Բացի այդ, Հարություն Անտոնյանը ուրիշի գույքի գաղտնի հափշտակություն կատարելու դիտավորությամբ, նախնական համաձայնության գալով Արմենի Հակոբի Նազարյանի հետ 2012թ. հեկտեմբերի 14-ի ժամը 1-3-ն ընկած ժամանակահատվածում գաղտնի հափշտակել են Երևան Մամիկոնյանց փողոցի 42/44-րդ շենքի մոտ կայանած Արսեն Աշոտի Առաքելյանին պատկանող <<Mercedes Benz S320>> մակնիշի 53ՕՈ555 պետհամարանիշի ավտոմեքենայի կողային երկու հայելիները` Ա. Առաքելյանին պատճառելով զգալի չափի` 160.000 ՀՀ դրամի գույքային վնաս:
Բացի այդ, Հարություն Անտոնյանը ուրիշի գույքի գաղտնի հափշտակություն կատարելու դիտավորությամբ, նախնական համաձայնության գալով Արմենի Հակոբի Նազարյանի հետ 2012թ. հեկտեմբեր ամսին ժամը 1-3-ն ընկած ժամանակահատվածում գաղտնի հափշտակել են Երևան Կոմիտաս պողոտայի 36-րդ շենքի մոտ կայանած, Արման Մարատի Եղիկյանին պատկանող <<Mercedes Benz S420>> մակնիշի 26ՕS489 պետհամարանիշի ավտոմեքենայի կողային երկու հայելիները` Ա. Եղիկյանին պատճառելով զգալի չափի` 150.000 ՀՀ դրամի գույքային վնաս:
Բացի այդ, Հարություն Անտոնյանը ուրիշի գույքի գաղտնի հափշտակություն կատարելու դիտավորությամբ, նախնական համաձայնության գալով Արմեն Հակոբի Նազարյանի հետ, 2012թ. սեպտեմբեր-հոկտեմբեր ամիսներին ժամը 1-ից 3-ն ընկած ժամանակահատվածում հափշտակել են Երևան քաղաքի Ա. Խերոբ փողոցի 1ա շենքի դիմաց կայանած, Էդգար Իշխանի Կիրակոսյանին պատկանող <<BMW X5>> մակնիշի 18LO333 պետհամարանիշի ավտոմեքենայի կողային երկու հայելիները` Է. Կիրակոսյանին պատճառելով խոշոր չափի` 600.000 ՀՀ դրամի գույքային վնաս:/քրեական գործ, հատոր 2 էջ 93-95/
25. Առաջին ատյանի դատարանում` մինչև դատական վիճաբանություններն սկսելը տուժողներ Վահան Չարխիֆալակյանը և Ռուբեն Կոպյանը միջնորդել են ամբաստանյալ Հ.Անտոնյանի նկատմամբ ՀՀ քրեական օրենսգրքի 177-րդ հոդվածի 1-ին մասով երկու դրվագներով քրեական հետապնդումը դադարեցնել, նկատի ունենալով, որ վերջինս վերականգնել է գողության հետևանքով իրենց պատճառված նյութական վնասը և իրենք հաշտվել են նրա հետ: Ամբաստանյալը նույնպես խնդրեց տուժողների հետ հաշտվելու հիմքով այդ դրվագներով իր նկատմամբ քրեական հետապնդումը դադարեցնել:
Ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով` Առաջին ատյանի դատարանը որոշում է կայացրել ՀՀ քրեական օրենսգրքի 177-րդ հոդվածի 1-ին մասով վերը նշված երկու դրվագներով Հ.Անտոնյանի նկատմամբ քրեական հետապնդումը դադարեցնելու մասին: /քրեական գործ, հատոր 2 էջ 93-95/

Վերաքննիչ բողոքի հիմքերը, հիմնավորումները և պահանջը
Վերաքննիչ բողոքը քննվում է հետևյալ հիմքերի և հիմնավորումների սահմաններում.
26. Դիմող` ամբաստանյալ Հ.Անտոնյանը վերաքննիչ բողոքում ներկայացնելով քրեական գործի նախապատմությունը` հայտնել է, որ իր նկատմամբ ազատազրման ձևով նշանակված պատիժը խիստ է: Դատարանը պատիժ նշանակելիս հաշվի է առել իր անձը բնութագրող, պատասխանատվությունն ու պատիժը մեղմացնող հանգամանքները, սակայն իր հետևությունները չի պատճառաբանել:
Զղջում է կատարածի համար, տուժողները չեն բողոքել, նրանց պատճառած վնասները հատուցել է, ներկայումս առողջական խնդիրներ ունի, պիտանի չէ զինվորական ծառայության համար, նախկինում դատապարտված չի եղել, կատարած հանցանքը միջին ծանրության է, որի համար որպես պատիժ նախատեսված է նաև տուգանք:
Քրեական գործում պատասխանատվությունն ու պատիժը ծանրացնող հանգամանքները բացակայում են, և դատարանը կարող էր պատիժը պայմանականորեն չկիրառելու կամ տուգանք նշանակելու մասին որոշում կայացնել:
27. Դիմողը խնդրել է Առաջին ատյանի դատարանի 2013թ. հունիսի 03-ի դատավճիռը բեկանել և իր նկատմամբ ազատազրկման ձևով նշանակված պատիժը պայմանականորեն չկիրառել` սահմանելով փորձաշրջան, կամ նշանակել տուգանք:
28. Ամբաստանյալ Հ.Անտոնյանը չպնդեց` վերաքննիչ բողոքը:Ամբաստանյալ Հ.Անտոնյանը և Պաշտպան Գ.Շահվերդյանը միջնորդություն ներկայացրեցին` խնդրելով ամբաստանյալ Հ.Անտոնյանի նկատմամբ կիրառել <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> ՀՀ Ազգային ժողովի 2013թ. հոկտեմբերի 03-ի որոշումը և ազատել դատարանի դատավճռով նշանակված պատժից:
Մեղադրող Է.Պետրոսյանը չառարկեց համաներում կիրառելու մասին` ամբաստանյալ Հ.Անտոնյանի պաշտպան Գ.Շահվերդյանի միջնորդության դեմ:

Վերաքննիչ դատարանի պատճառաբանությունները և եզրահանգումը.

Վերաքննիչ դատարանը, քննության առնելով վերաքննիչ բողոքը` դրա հիմքերի և հիմնավորումների սահմաններում, լսելով բողոքում ներկայացված հետևությունները հիմնավորելու մասին պաշտպանական կողմի ելույթները, մեղադրող կողմի` վերաքննիչ բողոքի պատասխանը, ինչպես նաև ուսումնասիրելով, վերլուծելով քրեական գործի նյութերը, գնահատելով դրանք վերաբերելիության, թույլատրելիության, իսկ ամբողջ ապացույցներն իրենց համակցությամբ գործի լուծման համար բավարարության տեսանկյունից, ներքին համոզմամբ, հանգում է հետևության, որ վերաքննիչ բողոքը պետք է մերժել: Առաջին ատյանի դատարանի դատավճիռը պետք է թողնել օրինական ուժի մեջ, միաժամանակ ամբաստանյալ Հ.Անտոնյանի նկատմամբ պետք է կիրառել <<Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին>> ՀՀ ազգային ժողովի 03.10.2013 թվականի որոշման 1-ին կետի 3-րդ ենթակետը հետևյալ պատճառաբանությամբ.
29. ՀՀ քրեական օրենսգրքի 177-րդ հոդվածի 2-րդ մասի համաձայն.
<< 2. Գողությունը, որը կատարվել է՝
1) մի խումբ անձանց կողմից նախնական համաձայնությամբ,
2) խոշոր չափերով,…
պատժվում է տուգանքով` նվազագույն աշխատավարձի հինգհարյուրապատիկից հազարապատիկի չափով, կամ ազատազրկմամբ` երկուսից հինգ տարի ժամկետով>>:
<<Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին>> ՀՀ ԱԺ 2013 թվականի հոկտեմբերի 03-ի որոշման 1-րդ կետի 3-րդ ենթակետի համաձայն.
<<Պատժից ազատել, բացառությամբ սույն որոշման 8-րդ կետի 4-6-րդ ենթակետերով և 9-րդ կետով նախատեսված դեպքերի` /…/
3) այն անձանց, որոնց նկատմամբ նշանակվել է առավելագույնը երեք տարի ժամկետով ազատությունից զրկելու հետ կապված պատիժ:>>
Նույն որոշման 13-րդ կետի համաձայն.
<< Uույն որոշման կատարումը վերապահել`
1) Հայաստանի Հանրապետության ընդհանուր իրավասության առաջին ատյանի և վերաքննիչ քրեական դատարաններին`
ա. այն անձանց նկատմամբ, որոնց վերաբերյալ գործերը Հայաստանի Հանրապետության ընդհանուր իրավասության առաջին ատյանի կամ վերաքննիչ քրեական դատարաններում են, uակայն մինչեւ uույն որոշումն ուժի մեջ մտնելը չեն քննվել, կամ այն անձանց նկատմամբ, որոնց վերաբերյալ գործերը քննվել են, բայց դատավճիռներն oրինական ուժի մեջ չեն մտել>>:
30. Առաջին ատյանի դատարանը 2013 թվականի հունիսի 03-ի դատավճռում` <<Դատարանի իրավական վերլուծությունները>> բաժնում արձանագրել է.
<<…Մինչև դատական վիճաբանություններն սկսելը տուժողներ Վահան Չարխիֆալակյանը և Ռուբեն Կոպյանը միջնորդեցին ամբաստանյալ Հ.Անտոնյանի նկատմամբ ՀՀ քրեական օրենսգրքի 177-րդ հոդվածի 1-ին մասով երկու դրվագներով քրեական հետապնդումը դադարեցնել, նկատի ունենալով, որ ամբաստանյալը վերականգնել է գողության հետևանքով իրենց պատճառված նյութական վնասը և իրենք հաշտվել են նրա հետ: Ամբաստանյալը նույնպես խնդրեց տուժողների հետ հաշտվելու հիմքով այդ դրվագներով իր նկատմամբ քրեական հետապնդումը դադարեցնել: Միջնորդությունների դեմ չառարկեցին նաև մեղադրողը և պաշտպանը:
Ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, դատարանը որոշում է կայացրել ՀՀ քրեական օրենսգրքի 177-րդ հոդվածի 1-ին մասով վերը նշված երկու դրվագներով Հ.Անտոնյանի նկատմամբ քրեական հետապնդումը դադարեցնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հարություն Հրաչիկի Անտոնյանին առաջադրված մեղադրանքը ՀՀ քրեական օրենսգրքի 177-րդ հոդվածի 2-րդ մասի 1-ին կետով /երեք դրվագ/ և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով հիմնավորված է: Նրա կողմից կատարված արարքները համապատասխանում են ՀՀ քրեական օրենսգրքի 177-րդ հոդվածի 2-րդ մասի 1-ին կետի /երեք դրվագ/ և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերի հատկանիշներին և արարքների որակումը ճիշտ է:
Ամբաստանյալ Հարություն Անտոնյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալ Հարություն Անտոնյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, հատուցել է հանցագործությամբ տուժողներին պատճառված նյութական վնասը:
Ամբաստանյալի պատասխանատվությունը և պատիժը ծանրացնող հանգամանքներ առկա չեն:
Կատարած արարքի համար ամբաստանյալ Հարություն Հրաչիկի Անտոնյանը ենթակա է քրեական պատասխանատվության և պատժի:
Հաշվի առնելով Հարություն Անտոնյանի կատարած արարքների հանրության համար վտանգավորության աստիճանը և բնույթը, նրա անձը, ինչպես նաև այն, որ ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ ամբաստանյալ Հարություն Հրաչիկի Անտոնյանի նկատմամբ ՀՀ քրեական օրենսգրքի 177-րդ հոդվածի 2-րդ մասի 1-ին և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով նախատեսված հանցանքներ կատարելու համար պատիժ պետք է նշանակել ազատազրկման ձևով, որը նա պետք է կրի ...>>: /քրեական գործ, հատոր 2 էջ 93-95/
31. Նկատի ունենալով, որ ամբաստանյալ Հ.Անտոնյանը վերաքննիչ բողոքը չպնդեց ինչպես նաև վերջինիս նկատմամբ Առաջին ատյանի դատարանը նշանակել է համաչափ պատիժ, վերաքննիչ դատարանը գտնում է, որ վերաքննիչ բողոքը ենթակա է մերժման:
32. Առաջին ատյանի դատարանի դատավճռով ամբաստանյալ Հ.Անտոնյանը ՀՀ քրեական օրենսգրքի 177-րդ հոդվածի 2-րդ մասի 1-ին կետով /երեք դրվագով/, 177-րդ հոդվածի 2-րդ մասի 1-ին և 2-րդ կետերով ՀՀ քրեական օրենսգրքի 66-րդ և 69-րդ հոդվածների հիմունքներով դատապարտվել է ազատազրկման երկու տարի երկու ամիս չորս օր ժամկետով:
Դատավճիռը կայացնելուց հետո` 2013թ. հոկտեմբերի 03-ին օրինական ուժի մեջ է մտել <<ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին>> ՀՀ Ազգային ժողովի որոշումը:
Վերաքննիչ դատարանում ամբաստանյալ Հ.Անտոնյանը և պաշտպան Գ.Շահվերդյանը միջնորդություն ներկայացրեցին` Հ.Անտոնյանին նշված համաներման ակտի կիրառմամբ ազատել պատժից:
<<Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին>> ՀՀ Ազգային ժողովի 2013 թվականի հոկտեմբերի 03-ի որոշման 1-ին կետի 3-րդ ենթակետի համաձայն` պատժից ազատել, բացառությամբ սույն որոշման 8-րդ կետի 4-6-րդ ենթակետերով և 9-րդ կետով նախատեսված դեպքերի` 3) այն անձանց, որոնց նկատմամբ նշանակվել է առավելագույնը երեք տարի ժամկետով ազատությունից զրկելու հետ կապված պատիժ:
Ամբաստանյալ Հ.Անտոնյանի նկատմամբ նշանակված վերջնական պատիժը չի գերազանցում երեք տարի ժամկետով ազատազրկումը: Ուստի Վերաքննիչ դատարանը գտնում է, որ նրա նկատմամբ կիրառելի է համաներման ակտի 1-ին կետի 3-րդ ենթակետը: Ամբաստանյալ Հ. Անտոնյանի նկատմամբ համաներման ակտը կիրառելու սահմանափակումներ առկա չեն:
33. Նման պայմաններում, նկատի ունենալով վերոհիշյալը, Վերաքննիչ դատարանը գտավ, որ ամբաստանյալ Հ.Անտոնյանի վերաքննիչ բողոքը պետք է մերժել, իսկ պաշտպանական կողմի միջնորդությունը բավարարել` ամբաստանյալ Հ.Անտոնյանի նկատմամբ պետք է կիրառել <<Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին>> ՀՀ Ազգային ժողովի 2013 թվականի հոկտեմբերի 03-ի որոշման 1-ին կետի 3-րդ ենթակետը և նրան ազատել Առաջին ատյանի դատարանի 2013 թվականի հունիսի 03-ի դատավճռով նշանակված երկու տարի երկու ամիս չորս օր ժամկետով ազատազրկում պատժից` համաներման ակտի կիրառման հիմքով:

Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ հոդվածներով, 402-րդ, 404-րդ հոդվածներով, 412-րդ հոդվածի 1-ին մասով և 418-րդ հոդվածով Վերաքննիչ դատարանը

ՈՐՈՇԵՑ

1. Ամբաստանյալ Հ.Անտոնյանի վերաքննիչ բողոքը մերժել:
2. Հարություն Հրաչիկի Անտոնյանի վերաբերյալ ՀՀ քրեական օրենսգրքի 177-րդ հոդվածի 2-րդ մասի 1-ին կետով /երեք դրվագ/ և 177-րդ հոդվածի 2-րդ մասի 1-ին և 2-րդ կետերով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2013 թվականի հունիսի 03-ի դատավճիռը թողնել օրինական ուժի մեջ
Ամբաստանյալ Հարություն Հրաչիկի Անտոնյանի նկատմամբ կիրառել <<Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին>> ՀՀ Ազգային ժողովի 2013 թվականի հոկտեմբերի 03-ի որոշման 1-ին կետի 3-րդ ենթակետը և Հարություն Հրաչիկի Անտոնյանին ազատել Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2013 թվականի հունիսի 03-ի դատավճռով նշանակված երկու տարի երկու ամիս չորս օր ազատազրկում պատժից:
Ամբաստանյալ Հարություն Հրաչիկի Անտոնյանի նկատմամբ խափանման միջոց ընտրված չհեռանալու մասին ստորագրությունը վերացնել:
2. Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում:


ՆԱԽԱԳԱՀՈՂ ԴԱՏԱՎՈՐ` Գ. ԱՎԵՏԻՍՅԱՆ
ԴԱՏԱՎՈՐՆԵՐ` Ե. ԴԱՐԲԻՆՅԱՆ
Լ.ԹԱԴԵՎՈՍՅԱՆ