Գործ No ԵԱՔԴ/0044/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

30 ապրիլի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Ա.Պետրոսյանի
պաշտպան Ա.Ստեփանյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Սուվար Մհերի Սուվարյանի /ծնված 09.05.1991թ., ք.Մարտունի, ազգությամբ հայ, ՀՀ քաղաքացի, միջնակարգ կրթությամբ, չամուսնացած, զբաղվում է հողագործությամբ, նախկինում չդատված, հաշվառված և բնակվող Գեղարքունիքի մարզ, գյուղ Վարդաշեն 5-րդ փող., 9 տուն/:
Մեղադրվում է ՀՀ քրեական օրենսգրքի 235-րդ հոդվածի 4-րդ մասով:

Գործի դատավարական նախապատմությունը
2013թ. հունվարի 18-ին տեղի է ունեցել դեպքը:
2013թ. փետրվարի 08-ին հարուցվել է թիվ 59100813 քրեական գործը:
2013թ. փետրվարի 11-ին Սուվար Սուվարյանին մեղադրանք է առաջադրվել ՀՀ քրեական օրենսգրքի 235-րդ հոդվածի 4-րդ մասով և նրա նկատմամբ որպես խափանման միջոց է ընտրվել ստորագրություն չհեռանալու մասին:
2013թ. փետրվարի 14-ին Ս.Սուվարյանին մեղադրանք է առաջադարվել ՀՀ քրեական օրենսգրքի 235-րդ հոդվածի 4-րդ մասով:
2013թ. մարտի 21-ին թիվ 59100813 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:


Գործի փաստական հանգամանքները
Նախաքննության մարմինն ամբաստանյալ Սուվար Սուվարյանին ՀՀ քրեական օրենսգրքի 235-րդ հոդվածի 4-րդ մասով մեղադրանք է առաջադրել այն արարքի համար, որ ՙ նա 2012 թվականի վերջին ամիսներին իր քրոջ Անահիտ Սուվարյանի հետ վարձակալական հիմունքներով բնակվել է Երևան քաղաքի Սարի Թաղի 5-րդ շարքի 1-ին տանը և այդ ժամանակահատվածում նշված տանը բնական հյութի տարայի բռնակին ամրացրել է հինգ հատ պտուտակ և ապօրինի կերպով իր մոտ կրել է ինքնաշեն եղանակով պատրաստված կռփազենքի նմանությամբ սառը զենք, որը դասվում է հարվածող-փշրող-ծակող սառը զենքերի շարքին, որն էլ 2013 թվականի հունվարի 18-ին ժամը 16:55-ի սահմաններում հայտնաբերվել է Ս.Սուվարյանի բաճկոնի վերևի ձախ գրպանից ՀՀ ոստիակնության Կարեն Դեմիրճյանի անվան մետրոպոլիտենի պահպանության բաժնի բաժնի աշխատակիցների կողմից` նրան մետրոյի ՙԲարեկամություն՚ կայարանի ոստիկանություն բերման ենթարկելու և անձնական խուզարկության ենթարկելու արդյունքում՚:

Արագացված դատական քննություն
Մինչև դատաքննությունն սկսելն ամբաստանյալ Սուվար Սուվարյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ա.Ստեփանյանը:
Մեղադրող Ա.Պետրոսյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սուվար Սուվարյանի մեղավորությունը` ապօրինի կերպով սառը զենք կրելու մեջ, որը նախատեսված է ՀՀ քրեական օրենսգրքի 235-րդ հոդվածի 4-րդ մասով, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի, որը նա պետք է կրի:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Սուվար Սուվարյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա բնութարվում է դրական, զբաղվում է հանրօգուտ աշխատանքով, սովորում է Երևանի ճարտարագիտական համալսարանի հեռակա ուսուցման բաժնում, նախկինում դատված չէ, ընդունել է մեղքը և անկեղծորեն զղջացել կատարած արարքի համար:
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
Դատարանը գտնում է, որ իրեղեն ապացույց ճանաչված, սառը զենք հանդիսացող կռփազենքը պետք է թողնել ՀՀ ոստիկանության տնօրինմանը:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը`


ՎՃՌԵՑ

Սուվար Մհերի Սուվարյանին մեղավոր ճանաչել ՀՀ քրեական օրենսգրքի 235-րդ հոդվածի 4-րդ մասով նախատեսված հանցագործության կատարման մեջ և նրա նկատմամբ պատիժ նշանակել տուգանք նվազագույն աշխատավարձի երկուհարյուրապատիկի` 200.000 /երկու հարյուր հազար/ ՀՀ դրամի չափով:
Սուվար Մհերի Սուվարյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց ճանաչված, սառը զենք հանդիսացող կռփազենքը թողնել ՀՀ ոստիկանության տնօրինմանը
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ