ԵԱՔԴ/0043/01/13

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`

նախագահող դատավոր Լ. Ավետիսյան
քարտուղարությամբ` Ն. Ղազարյանի
մասնակցությամբ
մեղադրող` Լ. Մանուկյանի
պաշտպան` Ա. Ալիխանյանի
տուժողի ներկայացուցիչ` Ս. Մեժլումյանի


2013 թվականի ապրիլի 25-ին, Երևան քաղաքում, դռնբաց դատական նիստում, դատական քննության արագացված կարգով քննեց քրեական գործն ըստ մեղադրանքի`
1. Գրիգոր Գրիշայի Մարտիրոսյանի, ծնված 1981 թվականի սեպտեմբերի 14-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին չորս անձ, նախկինում չդատված, չի աշխատում, հաշվառված և բնակվում է Արմավիրի մարզի Մրգաստան գյուղի Մայիսյան փողոցի 7/22 տուն հասցեում, մեղադրվում է ՀՀ քրեական օրենսգրքի 177 հոդվածի 1-ին մասով /2 դրվագ/, ՀՀ քրեական օրենսգրքի 34-177 հոդվածի 1-ին մասով և ՀՀ քրեական օրենսգրքի 34-177 հոդվածի 2-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը,
2. Նազիկ Ռոբերտի Մարտիրոսյանի, ծնված 1982 թվականի մարտի 25-ին, Կապան քաղաքում, ազգությամբ հայ, ՀՀ քաղաքացի, ֆիզիկապես վատառողջ, թերի բարձրագույն կրթությամբ, ամուսնացած, խնամքին երկու անչափահաս երեխա, նախկինում չդատված, չի աշխատում, հաշվառված և բնակվում է Արմավիրի մարզի Մրգաստան գյուղի Մայիսյան փողոցի 7/22 տուն հասցեում, մեղադրվում է ՀՀ քրեական օրենսգրքի 34-177 հոդվածի 2-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը,

Պ Ա Ր Զ Ե Ց

1.Գործի դատավարական նախապատմությունը.
2013 թվականի փետրվարի 7-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 34-177 հոդվածի 2-րդ մասի 1-ին կետով նախատեսված հանցագործության հատկանիշներով հարուցվել է թիվ 14106513 քրեական գործը:
2013 թվականի փետրվարի 7-ին կասկածյալներ Նազիկ Ռոբերտի Մարտիրոսյանի և Գրիգոր Գրիշայի Մարտիրոսյանի նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2013 թվականի փետրվարի 11-ի որոշմամբ Գրիգոր Գրիշայի Մարտիրոսյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177 հոդվածի 1-ին մասով (երեք դրվագ), ՀՀ քրեական օրենսգրքի 34-177 հոդվածի 1-ին մասով և ՀՀ քրեական օրենսգրքի 34-177 հոդվածի 2-րդ մասի 1-ին կետով:
Նախաքննության մարմնի 2013 թվականի փետրվարի 11-ի որոշմամբ Նազիկ Ռոբերտի Մարտիրոսյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 1-ին կետով:
Նախաքննության մարմնի 2013 թվականի մարտի 7-ի որոշմամբ թիվ 14106513 քրեական գործով ՙԵրևան սիթի՚ սուպերմարկետից մեկ հատ ՙԲլեյք Լեյբ՚ տեսակի վիսկի, մեկ հատ ՙԻմպերատորսկայա կոլեկցիա՚ տեսակի օղի գողանալու վերաբերյալ Գրիգոր Գրիշայի Մարտիրոսյանի նկատմամբ քրեական հետապնդումը դադարեցվել է` կողմերի հաշտության հիմքով:
2013 թվականի մարտի 7-ի որոշմամբ Գրիգոր Գրիշայի Մարտիրոսյանին առաջադրված մեղադրանքը փոփոխվել, լրացվել է և նրան կրկին մեղադրանք է առաջադրվել ՀՀ քրեական օրենսգրքի 177 հոդվածի 1-ին մասով /երկու դրվագ/, ՀՀ քրեական օրենսգրքի 34-177 հոդվածի 1-ին մասով և ՀՀ քրեական օրենսգրքի 34-177 հոդվածի 2-րդ մասի 1-ին կետով:
2013 թվականի մարտի 18-ին թիվ 14106513 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Գրիգոր Գրիշայի Մարտիրոսյանին մեղադրանք է առաջադրել այն արարքի կատարման համար, որ նա 2013 թվականի հունվարի 25-ին, ժամը 1700-ի սահմաններում գտնվելով Երևան քաղաքի Կոմիտասի պողոտայում, գողություն կատարելու դիտավորությամբ, մտել է Կոմիտասի պողոտա 1 հասցեում գործող ՙՍթար՚ սուպերմարկետ և համոզված լինելով, որ իրեն ոչ ոք չի տեսնում, սրահից գաղտնի հափշտակել է մեկ շիշ 74.000 ՀՀ դրամ արժողությամբ ՙՉարենց՚ տեսակի կոնյակ` ՙՍթար՚ սուպերմարկետին պատճառելով զգալի չափերի գույքային վնաս:
Բացի այդ, Գրիգոր Մարտիրոսյանը 2013 թվականի հունվարի 25-ին, ժամը 1830-ի սահմաններում, գողություն կատարելու դիատավորությամբ, գնացել է Կոմիտասի պողոտա 49/9 հասցում գործող ՙՍթար՚ սուպերմարկետ, որտեղ համոզված լինելով, որ իրեն ոչ ոք չի նկատում, սրահից գաղտնի հափշտակել է 23.430 ՀՀ դրամ արժողությամբ 1 շիշ ՙBLACK LABEL՚ տեսակի վիսկի` ՙՍթար՚ սուպերմարկետին պատճառելով զգալի չափերի գույքային վնաս:
Դրանից հետո, 2013 թվականի հուվարի 26-ին, ժամը 1900-ի սահմաններում, Գրիգոր Մարտիրոսյանը գողություն կատարելու դիտավությամբ գնացել է Երևան քաղաքի Մաշտոցի պողոտա 15 հասցեում գործող ՙՍթար՚ սուպերմարկետ, որտեղ փորձել է գաղտնի հափշտակել ընդհանուր 24.000 ՀՀ դրամ արժողությամբ երկու շիշ ՙԱրարատ՚ տեսակի կոնյակ, սակայն անվտանգության աշխատողների կողմից բռնվել է և իր կամքից անկախ հանգամանքներով հանցագործությունն ավարտին չի հասցրել:
Բացի այդ, 2013 թվականի փետրվարի 4-ին, ժամը 1830-ի սահմաններում, Գրիգոր Գրիշայի Մարտիրոսյանն իր կնոջ` Նազիկ Ռոբերտի Մարտիրոսյանի հետ նախնական համաձայնության գալով, գողություն կատարելու դիտավությամբ, գնացել են Երևան քաղաքի Բագրատունյաց պողոտա 5/2 հասցեում գտնվող ՙԵրևան սիթի՚ սուպերմարկետ, որտեղ փորձել են գաղտնի հափշտակել 10.200 ՀՀ դրամ արժողությամբ սննդամթերք և կենցաղային պարագաներ, սակայն խանութի անվտանգության աշխատակիցների կողմից բռնվել են և իրենց կամքից անկախ հանգամանքներով հանցագործությունն ավարտին չեն հասցրել:
Նախնական քննության մարմինն ամբաստանյալ Նազիկ Ռոբերտի Մարտիրոսյանին մեղադրանք է առաջադրել այն արարքի կատարման համար, որ նա 2013 թվականի փետրվարի 4-ին, ժամը 1830-ի սահմաններում ամուսնու` Գրիգոր Գրիշայի Մարտիրոսյանի հետ նախնական համաձայնության գալով, գողություն կատարելու դիտավությամբ, գնացել են Երևան քաղաքի Բագրատունյաց պողոտա 5/2 հասցեում գտնվող ՙԵրևան սիթի՚ սուպերմարկետ, որտեղ փորձել են գաղտնի հափշտակել 10.200 ՀՀ դրամ արժողությամբ սննդամթերք և կենցաղային պարագաներ, սակայն իրենց կամքից անկախ հանգամանքներով հանցագործությունն ավարտին չեն հասցրել, քանի որ խանութի անվտանգության աշխատակիցների կողմից բռնվել են:
3. Արագացված դատական քննություն.
Մինչև դատաքննությունն սկսելն ամբաստանյալներ Գրիգոր Գրիշայի Մարտիրոսյանը և Նազիկ Ռոբերտի Մարտիրոսյանը միջնորդեցին դատական քննությունն անցկացնել արագացված կարգով և հայտարարեցին, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալների պաշտպան Արթուր Ալիխանյանը:
Մեղադրող Լ.Մանուկյանը դատական քննության արագացված կարգ կիրառելուն չի առարկել:
Տուժողի ներկայացուցիչ Սուրեն Մեժլումյանը նույնպես դատական քննության արագացված կարգ կիրառելուն չառարկեց:
Տուժողի ներկայացուցիչ Սուրեն Մեժլումյանը հայտնեց նաև, որ ցանկանում է որպեսզի ամբաստանյալները ենթարկվեն քրեական պատասխանատվության:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գրիգոր Գրիշայի Մարտիրոսյանին առաջադրված մեղադրանքը ՀՀ քրեական օրենսգրքի 177 հոդվածի 1-ին մասով /երկու դրվագ/, ՀՀ քրեական օրենսգրքի 34-177 հոդվածի 1-ին մասով և ՀՀ քրեական օրենսգրքի 34-177 հոդվածի 2-րդ մասի 1-ին կետով հիմնավորված է: Նրա կողմից կատարված արարքները համապատասխանում են ՀՀ քրեական օրենսգրքի 177 հոդվածի 1-ին մասին /երկու դրվագ/, ՀՀ քրեական օրենսգրքի 34-177 հոդվածի 1-ին մասին և ՀՀ քրեական օրենսգրքի 34-177 հոդվածի 2-րդ մասի 1-ին կետին և արարքների որակումը ճիշտ է:
Ամբաստանյալ Նազիկ Ռոբերտի Մարտիրոսյանին առաջադրված մեղադրանքը ՀՀ քրեական օրենսգրքի 34-177 հոդվածի 2-րդ մասի 1-ին կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 34-177 հոդվածի 2-րդ մասի 1-ին կետին և արարքի որակումը ճիշտ է:
Կատարած արարքների համար ամբաստանյալներ Գրիգոր Մարտիրոսյանը և Նազիկ Մարտիրոսյանը ենթակա են քրեական պատասխանատվության և պատժի:
Ամբաստանյալներ Գրիգոր Մարտիրոսյանի և Նազիկ Մարտիրոսյանի նկատմամբ պատիժ նշանակելիս, դատարանը հաշվի է առնում նրանց կատարած արարքների հանրության համար վտանգավորության աստիճանը, ինչպես նաև հանցավորների անձը:
Որպես ամբաստանյալ Գրիգոր Մարտիրոսյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, հանցագործությամբ պատճառված վնասն ամբողջությամբ հատուցել է և տուժողների ներկայացուցիչները նրա նկատմամբ որևէ նյութական պահանջ չունեն, հանցանքը կատարել է ընտանեկան ծանր հանգամանքներից ելնելով, նրա խնամքին են գտնվում մինչև 14 տարեկան երկու երեխաները ¥Գրիշա Գրիգորի Մարտիրոսյան` ծնված 17.01.2004թ.-ին, ով ունի բարդացած բարձր կարճատեսություն, Լարիսա Գրիգորի Մարտիրոսան` ծնված 06.06.2003թ.-ին), թոշակառու մայրը, չաշխատող կինը, բնութագրվում է դրական:
Ամբաստանյալի պատասխանատվությունը և պատիժը ծանրացնող հանգամանքներ առկա չեն:
Որպես ամբաստանյալ Նազիկ Մարտիրոսյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, նրա խնամքին են գտնվում մինչև 14 տարեկան երկու երեխաները, վատառողջ է (ստացած ուղեղի ցնցումներից հետո առաջացել է մարմնի ձախ կեսի թմրածություն, ընդհանուր թուլություն), բնութագրվում է դրական, ընտանիքը սոցիալապես անապահով է և գոյատևում է ընտանեկան նպաստի հաշվին:
Ամբաստանյալի պատասխանատվությունը և պատիժը ծանրացնող հանգամանքներ առկա չեն:
ՀՀ քրեական օրենսգրքի 61 հոդվածի 3-րդ մասի համաձայն, հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները:
Հաշվի առնելով Գրիգոր Մարտիրոսյանի և Նազիկ Մարտիրոսյանի կատարած արարքի հանրության համար վտանգավորության աստիճանը և բնույթը, նրանց անձը, նրանց դրականորեն բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 177 հոդվածի 1-ին և 2-րդ մասերի սանկցիաներով նախատեսված է պատիժ նաև տուգանքի ձևով և պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, դատարանը գտնում է, որ ամբաստանյալների նկատմամբ պատիժ պետք է նշանակել տուգանքի ձևով:
Նման պայմաններում, դատարանը գտնում է, որ սույն գործով առկա պատասխանատվությունն ու պատիժը մեղմացնող հանգամանքների համակցությունը պետք է դիտել որպես բացառիկ հանգամանքներ, որոնք էականորեն նվազեցնում են ամբաստանյալների կատարած հանցանքի և նրանց անձի հանրության համար վտանգավորության աստիճանը: Հետևաբար, Գրիգոր Գրիշայի Մարտիրոսյանի նկատմամբ ՀՀ քրեական օրենսգրքի 177 հոդվածի 1-ին մասով /երկու դրվագ/, ՀՀ քրեական օրենսգրքի 34-177 հոդվածի 1-ին մասով և ՀՀ քրեական օրենսգրքի 34-177 հոդվածի 2-րդ մասի 1-ին կետով նախատեսված արարքներ կատարելու համար և Նազիկ Ռոբերտի Մարտիրոսյանի նկատմամբ ՀՀ քրեական օրենսգրքի 34-177 հոդվածի 2-րդ մասի 1-ին կետով նախատեսված արարք կատարելու համար կարող է նշանակվել ՀՀ քրեական օրենսգրքի 177 հոդվածի 1-ին և 2-րդ մասերի սանկցիաներով նախատեսված պատժի նվազագույն չափից ավելի ցածր պատիժ, այսինքն` կիրառելի է ՀՀ քրեական օրենսգրքի 64 հոդվածը:
ՀՀ քրեական օրենսգրքի 64 հոդվածի 1-ին մասի համաձայն, հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի և այլ հանգամանքների հետ կապված բացառիկ հանգամանքների առկայության դեպքում, որոնք էականորեն նվազեցնում են հանցանքի հանրության համար վտանգավորության աստիճանը, (….) կարող է նշանակվել սույն օրենսգրքի հատուկ մասի համապատասխան հոդվածով նախատեսված պատժի նվազագույն չափից ավելի ցածր պատիժ (…):
Այս հարցի կապակցությամբ Վճռաբեկ դատարանի իրավական դիրքորոշումը հետևյալն է. ՙ(…) բացառիկ հանգամանքները կապված են հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի հետ: Այդպիսիք կարող են լինել նաև այլ հանգամանքներ, որոնք էականորեն նվազեցնում են հանցանքի` հանրության համար վտանգավորության աստիճանը: Ընդ որում, կարևորը ոչ թե պատիժը մեղմացնող տվյալների քանակն է, այլ այն, թե ինչքանով են դրանք էականորեն ազդել հանցանքի` հանրության համար վտանգավորության աստիճանի նվազեցման վրա՚ (տես Հ.Հաբեշյանի գործով Վճռաբեկ դատարանի 2007թ. օգոստոսի 30-ի որոշումը):
Օրենքում օգտագործված ՙբացառիկ՚ բառը ենթադրում է, որ տվյալ փաստական հանգամանքը կամ դրանց համակցությունը դուրս են գալիս սովորականի շրջանակներից: Այլ կերպ` ՀՀ քրեական օրենսգրքի 64 հոդվածի կիրառման համար հիմք հանդիսացած մեղմացնող հանգամանքը կամ մեղմացնող հանգամանքների համակցությունը պետք է այն աստիճան առանձնահատուկ լինի, որ վերածվեն բացառության:՚
ՀՀ քրեական օրենսգրքի 64-րդ հոդվածը չի բովանդակում հանցանքի հանրության համար վտանգավորության աստիճանը էականորեն նվազեցնող բացառիկ հանգամանքների ցանկը: Նույն հոդվածի 2-րդ մասի համաձայն դատարանն իրավունք ունի բացառիկ ճանաչել ինչպես առանձին մեղմացնող հանգամանքները, այնպես էլ այդ հանգամանքների համակցությունը: Օրենքով նախատեսվածից ավելի ցածր պատիժ նշանակելու հետ կապված ՀՀ քրեական օրենսգիրքն ինչպես հանցագործությունների, այնպես էլ անձանց շրջանակի որևէ հատուկ սահմանափակում չի նախատեսել:
Վերը շարադրված հանգամանքների գնահատման արդյունքում դատարանը հանգում է հետևության, որ ամբաստանյալների նկատմամբ ՀՀ քրեական օրենսգրքի 64-րդ հոդվածի կիրառմամբ օրենքով նախատեսվածից ավելի ցածր պատիժ նշանակելու միջոցով հնարավոր է հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հնացագործությունների կանխմանը:
Դատարանը գտնում է, որ տուժող ՙԱլեքս Գրիգ՚ ՍՊԸ-ի ներկայացուցիչ Արմեն Հակոբյանի և ՙՍթար Դիվայդ՚ ՍՊԸ-ի ներկայացուցիչ Սուրեն Մեժլումյանի քաղաքացիական հայցերի հարցը պետք է համարել լուծված, նկատի ունենալով, որ հանցագործությամբ պատճառված վնասն ամբողջությամբ հատուցված է և տուժողների ներկայացուցիչներն ամբաստանյալների նկատմամբ որևէ նյութական պահանջ չունեն:
Անդրադառնալով իրեղեն ապացույցների տնօրինման հարցին, դատարանը գտնում է, որ դատավճիռն օրինական ուժի մեջ մտնելուց հետո, ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնի քննիչի 2013թ. փետրվարի 11-ի որոշմամբ իրեղեն ապացույց ճանաչված և տուժողի ներկայացուցիչ Արմեն Հակոբյանին ի պահ հանձնված` ՙԻմպերատորսկայա կոլեկցիա՚ տեսակի օղին, սննդամթերքը և կենցաղային պարագաները, պետք է թողնել տուժող ՙԱլեքս Գրիգ՚ ՍՊԸ-ի տնօրինությանը:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Գրիգոր Գրիշայի Մարտիրոսյանին մեղավոր ճանաչել ՀՀ քրեական օրենսգրքի 177 հոդվածի 1-ին մասով /երկու դրվագ/, ՀՀ քրեական օրենսգրքի 34-177 հոդվածի 1-ին մասով և ՀՀ քրեական օրենսգրքի 34-177 հոդվածի 2-րդ մասի 1-ին կետով նախատեսված հանցանքներ կատարելու մեջ:
ՀՀ քրեական օրենսգրքի 177 հոդվածի 1-ին մասով (ՙՍթար՚ սուպերմարկետից 74.000 ՀՀ դրամ արժողությամբ ՙՉարենց՚ տեսակի կոնյակի գողություն կատարելու դրվագով), ՀՀ քրեական օրենսգրքի 64 հոդվածի կիրառմամբ, Գրիգոր Մարտիրոսյանին դատապարտել տուգանքի նվազագույն աշխատավարձի հիսունապատիկի` 50.000 (հիսուն հազար) ՀՀ դրամի չափով:
ՀՀ քրեական օրենսգրքի 177 հոդվածի 1-ին մասով (ՙՍթար՚ սուպերմարկետից 23.430 ՀՀ դրամ արժողությամբ ՙԲլեյք Լեյբ՚ տեսակի վիսկու գողություն կատարելու դրվագով), ՀՀ քրեական օրենսգրքի 64 հոդվածի կիրառմամբ, Գրիգոր Մարտիրոսյանին դատապարտել տուգանքի նվազագույն աշխատավարձի քառասնապատիկի` 40.000 (քառասուն հազար) ՀՀ դրամի չափով:
ՀՀ քրեական օրենսգրքի 34-177 հոդվածի 1-ին մասով (ՙՍթար՚ սուպերմարկետից 24.000 ՀՀ դրամ արժողությամբ երկու շիշ ՙԱրարատ՚ տեսակի կոնյակի գողության փորձ կատարելու դրվագով), ՀՀ քրեական օրենսգրքի 64 հոդվածի կիրառմամբ, Գրիգոր Մարտիրոսյանին դատապարտել տուգանքի նվազագույն աշխատավարձի քառասնապատիկի` 40.000 (քառասուն հազար) ՀՀ դրամի չափով:
ՀՀ քրեական օրենսգրքի 34-177 հոդվածի 2-րդ մասի 1-ին կետով (ՙԵրևան սիթի՚ սուպերմարկետից 10.200 ՀՀ դրամ արժողությամբ սննդամթերք և կենցաղային պարագաների գողության փորձ կատարելու դրվագով), ՀՀ քրեական օրենսգրքի 64 հոդվածի կիրառմամբ, Գրիգոր Մարտիրոսյանին դատապարտել տուգանքի նվազագույն աշխատավարձի վաթսունապատիկի` 60.000 (վաթսուն հազար) ՀՀ դրամի չափով:
ՀՀ քրեական օրենսգրքի 66 հոդվածի 3-րդ մասի համաձայն, հանցանքների համակցությամբ պատիժները մասնակիորեն գումարելու միջոցով, Գրիգոր Գրիշայի Մարտիրոսյանի նկատմամբ վերջնական պատիժ նշանակել տուգանք նվազագույն աշխատավարձի յոթանասունապատիկի` 70.000 (յոթանասուն հազար) ՀՀ դրամի չափով:
Գրիգոր Մարտիրոսյանի նկատմամբ որպես խափանման միջոց ընտրված չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Նազիկ Ռոբերտի Մարտիրոսյանին մեղավոր ճանաչել ՀՀ քրեական օրենսգրքի 34-177 հոդվածի 2-րդ մասի 1-ին կետով նախատեսված հանցանք կատարելու մեջ և ՀՀ քրեական օրենսգրքի 64 հոդվածի կիրառմամբ նրան դատապարտել տուգանքի նվազագույն աշխատավարձի երեսնապատիկի` 30.000 (երեսուն հազար) ՀՀ դրամի չափով:
Նազիկ Մարտիրոսյանի նկատմամբ որպես խափանման միջոց ընտրված չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Տուժողներ ՙԱլեքս Գրիգ՚ ՍՊԸ-ի և ՙՍթար Դիվայդ՚ ՍՊԸ-ի քաղաքացիական հայցերի հարցը համարել լուծված:
Դատավճիռն օրինական ուժի մեջ մտնելուց հետո, իրեղեն ապացույց հանդիսացող, տուժողի ներկայացուցիչ Արմեն Հակոբյանին ի պահ հանձնված` ՙԻմերատորսկայա կոլեկցիա՚ տեսակի օղին, սննդամթերքը և կենցաղային պարագաները, թողնել տուժող ՙԱլեքս Գրիգ՚ ՍՊԸ-ի տնօրինությանը:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է`
Դատավոր Լ. Ավետիսյան