Գործ No ԵԱՔԴ/0041/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

23 ապրիլի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Զ.Խորասանյանի
պաշտպան Հ.Բաղդասարյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Մհեր Սուրենի Հարությունյանի /ծնված 25.01.1991թ., Լոռու մարզ, գ.Գուգարք, ազգությամբ հայ, ՀՀ քաղաքացի, բարձրագույն կրթությամբ, չամուսնացած, նախկինում չդատված, ՀՀ ՊՆ 31549 զորամասի 2-րդ ԿԳ-ի, 2-րդ վաշտի, 2-րդ դասակի գծակաբելային ջոկի ավագ տեսուչ, ժամկետային զինծառայող, շարքային, հաշվառված է Լոռու մարզ, գ.Գուգարք/:
Մեղադրվում է ՀՀ քրեական օրենսգրքի 364-րդ հոդվածի 1-ին մասով:


Գործի դատավարական նախապատմությունը
2012թ. նոյեմբերի 25-ին տեղի է ունեցել դեպքը:
2012թ. դեկտեմբերի 12-ին հարուցվել է թիվ 90209012 քրեական գործը:
2013թ. փետրվարի 26-ին Մհեր Հարությունյանին մեղադրանք է առաջադրվել ՀՀ քրեական օրենսգրքի 364-րդ հոդվածի 1-ին մասով և նրա նկատմամբ որպես խափանման միջոց է ընտրվել զորամասի հրամանատարության հսկողությանը հանձնելը:
2013թ. մարտի 12-ին թիվ 90209012 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Մհեր Հարությունյանին ՀՀ քրեական օրենսգրքի 364-րդ հոդվածի 1-ին մասով մեղադրանք է առաջադրել այն արարքի համար, որ ՙնա հանդիսանալով ՀՀ ՊՆ 31549 զորամասի 2-րդ կապի գումարտակի, 2-րդ վաշտի 2-րդ դասակի գծակաբելային ջոկի ավագ տեսուչ, կոչումով շարքային, 2012թ. նոյեմբերի 24-ից, ժամը 18:00-ից մինչև 2012թ. նոյեմբերի 25-ը, ժամը 18:00-ն ընդգրկված լինելով զորամասի վերակարգում որպես ավտոհավաքակայանի օրապահ և սահմանված կարգի համաձայն հրահանգավորվելով ավտոհավաքակայանի օրապահի պարտականությունների կատարման վերաբերյալ, խախտելով ՀՀ ԶՈՒ ներքին ծառայության կանոնագրքի 391, 392 և 393 հոդվածների պահանջները, այն է. ՙհավաքակայանի հերթական օրապահը կանգնեցվում է հավաքակայանի մուտքի մոտ, իսկ ազատ հերթափոխի օրապահը հավաքակայանում աշխատանքի ժամերին գտնվում է նրա տարածքում և հետևում ներքին կարգուկանոնին, հրդեհային անվտանգության պահանջների կատարմանն ու ոչ մի տեղ չի գնում առանց հավաքակայանի հերթապահի թույլտվության՚, 25.11.12թ. ժամը 10:00-ից մինչև ժամը 16:00-ն, պարտավոր լինելով գտնվել ավտոհավաքակայանում և կատարել որպես ավտոհավաքակայանի օրապահի իր պարտականությունները, հրաժարվել է վերակարգի զինվորական ծառայության պարտականությունները կատարելուց, որը զուգորդվել է դրանց փաստացի դադարեցմամբ` զորամասի տարածքն ինքնակամ թողնելով՚:

Արագացված դատական քննություն
Մինչև դատաքննությունն սկսելն ամբաստանյալ Մհեր Հարությունյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Հ.Բաղդասարյանը:
Մեղադրող Զ.Խորասանյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Մհեր Հարությունյանի մեղավորությունը` զինվորական ծառայության պարտականությունները կատարելուց խուսափելու մեջ և զուգորդվել է դրանց փաստացի դադարեցմամբ` զորամասի տարածքն ինքնակամ թողնելով, որը նախատեսված է ՀՀ քրեական օրենսգրքի 361-րդ հոդվածի 4-րդ մասով, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի, որը նա պետք է կրի:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Մհեր Հարությունյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չէ, բնութագրվում է դրական, ընդունել է մեղքը, անկեղծորեն զղջացել կատարած արարքի համար, առաջին անգամ հանգամանքների պատահական զուգորդմամբ կատարել է միջին ծանրության հանցանք:
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
Դատարանը միաժամանակ գտնում է, որ պատժի նպատակներն ապահովելու համար Մ.Հարությունյանի նկատմամբ անհրաժեշտ է նշանակել կալանքի ձևով պատիժ:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը`



ՎՃՌԵՑ

Մհեր Սուրենի Հարությունյանին մեղավոր ճանաչել ՀՀ քրեական օրենսգրքի 364-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակել կալանք 15 /տասնհինգ/ օր ժամկետով:
Մհեր Սուրենի Հարությունյանի նկատմամբ ընտրված խափանման միջոցը` զորամասի հրամանատարության հսկողությանը հանձնելը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ