Գործ No ԵԱՔԴ/0036/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

27 օգոստոսի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրողներ Կ.Բարսեղյանի
Ա.Քալաշյանի
Ա.Գրիգորյանի
պաշտպաններ Ա.Ստեփանյանի
Մ.Թովմասյանի
տուժողներ Ա.Բադալյանի
Տ.Բարդուխյանի
Ն.Մանուկյանի
Մ.Մանուկյանի
Ս.Այվազյանի
Է.Գասպարյանի


Դատարանում, դռնբաց դատական նիստում քննեց քրեական գործն ըստ մեղադրանքի`
Նվեր Գագիկի Հովսեփյանի /ծնված 11.09.1994թ. Երևան քաղաքում, ազգությամբ հայ, ՀՀ քաղաքացի, չամուսնացած, չի աշխատել, ութամյա կրթությամբ, դատվածություն չունեցող, հաշվառված` Երևան քաղաքի Նուբարաշենի 1-ին նրբանցքի 1-ին շենքի 75 բնակարանում, փաստացի բնակվել է Երևան քաղաքի Արին Բերդ փողոցի 7 հասցեում, ՀՀ ԱՆ ՙՆուբարաշեն՚ ՔԿՀ-ի կալանավոր, կալանքի տակ է 2012թ. սեպտեմբերի 10-ից/:
Մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին, 177-րդ հոդվածի 1-ին և 2-րդ և 183-րդ հոդվածի 2-րդ մասի 2-րդ կետերով:

Գեղամ Վիկտորիայի Կնյազյանի /ծնված 02.04.1988թ. Երևան քաղաքում, ազգությամբ հայ, ՀՀ քաղաքացի, չամուսնացած, չի աշխատում, կրթություն չունի, չդատված, հաշվառված` ք.Երևան, Արին Բերդ փողոց 5 հասցեում, ներկայումս ՀՀ ԱՆ ՙՆուբարաշեն՚ ՔԿՀ-ի կալանավոր, կալանքի տակ է` 2012թ. սեպտեմբերի 10-ից/:
Մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ և 177-րդ հոդվածի 2-րդ մասի 1-ին կետերով:

Արմեն Ալբերտի Սիմոնյանի /ծնվածª 27.11.1975թ. Արարատի մարզի Արարատ գյուղում, ազգությամբ հայ, ՀՀ քաղաքացի, ութամյա կրթությամբ, ամուսնացած, խնամքին երեք մանկահասակ երեխա, փաստացի բնակվող` Արարատի մարզի Արարատ գյուղում, ՀՀ ԱՆ ՙՆուբարաշեն՚ ՔԿՀ-ի կալանավոր, կալանքի տակ է` 2012թ. սեպտեմբերի 7-ից, նախկինում դատված, դատվածությունը չմարված.
1) 07.09.2005թ. Վայոց Ձորի մարզի առաջին ատյանի դատարանի դատավճռով ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ, 4-րդ կետերով դատապարտվել է ազատազրկման 3 տարի ժամկետով,
2) 28.04.2009թ. Արարատի և Վայոց Ձորի մարզերի ընդհանուր իրավասության դատարանի դատավճռով ՀՀ քրեական օրենսգրքի 177-րդ հոդվածի 3-րդ մասի 3-րդ կետով դատապարտվել է ազատազրկման 4 /չորս/ տարի 6 /վեց/ ամիս ժամկետով, Արարատի և Վայոց Ձորի մարզերի ընդհանուր իրավասության դատարանի 09.07.2011թ. որոշմամբ` 28.04.2009թ. դատավճռով Ա.Սիմոնյանի մեղադրանքը ՀՀ քրեական օրենսգրքի 177-րդ հոդվածի 3-րդ մասի 3-րդ կետից, վերաորակվել է ՀՀ քրեական օրենսգրքի 177-րդ հոդվածի 2-րդ մասի 3-րդ կետով և դատապարտվել ազատազրկման 4 /չորս/ տարի ժամանակով, պատժից ազատվել է 15.06.2012թ./:
Մեղադրվում է ՀՀ քրեական օրենսգրքի 38-177-րդ հոդվածի 2-րդ մասի 2-րդ կետով:

Էդգար Հրաչիկի Գևորգյանի /ծնված 08.01.1985թ. Երևան քաղաքում, ազգությամբ հայ, ՀՀ քաղաքացի, ամուսնացած, խնամքին երկու մանկահասակ երեխա, չի աշխատում, ութամյա կրթությամբ, հաշվառված` ք.Երևան Արին Բերդ փողոց 5 հասցեում, ներկայումս ՀՀ ԱՆ ՙՆուբարաշեն՚ ՔԿՀ-ի կալանավոր, կալանքի տակ է` 2012թ. սեպտեմբերի 7-ից նախկինում դատված, դատվածությունը չմարված. 08.02.2008թ. Երևանի քրեական դատարանի կողմից ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, 3-րդ, 4-րդ կետերով, ՀՀ քրեական օրենսգրքի 34-177-րդ հոդվածի 2-րդ մասի 1-ին, 4-րդ կետերով, ՀՀ քրեական օրենսգրքի 183-րդ հոդվածի 1-ին մասով և ՀՀ քրեական օրենսգրքի 324-րդ հոդվածի 1-ին մասով, ՀՀ քրեական օրենսգրքի 66-րդ և 67-րդ հոդվածների կիրառմամբ դատապարտվել է ազատազրկման 7 տարի 3 ամիս ժամկետով, ՙՀՀ Անկախության հռչակման 15-րդ տարեդարձի կապակցությամբ համաներում հայտարարելու մասին՚ ՀՀ ԱԺ 07.07.2006թ. որոշման 7-րդ կետի ՙԳ՚ ենթակետի համաձայն, նշանակված պատիժը կրճատվել է մեկ երրորդով և վերջնական պատիժ է նշանակվել ազատազրկում 4 տարի 10 ամիս ժամկետով/:
Մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ, 177-րդ հոդվածի 2-րդ մասի 1-ին, 177-րդ հոդվածի 2-րդ մասի 2-րդ, 38-177-հոդվածի 3-րդ մասի 1.1-ին, 34-177-րդ հոդվածի 2-րդ մասի 2-րդ, 183-րդ հոդվածի 2-րդ մասի 2-րդ կետերով, 183-րդ հոդվածի 1-ին և 177-րդ հոդվածի 1-ին մասերով:

Գործի դատավարական նախապատմությունը
2011-2012 թվականների ընթացքում տեղի են ունեցել դեպքերը:
2011 թվականի հոկտեմբերի 22-ին հարուցվել է թիվ 11163911 քրեական գործը:
2012 թվականի սեպտեմբերի 07-ին հարուցվել է թիվ 14125512 քրեական գործը:
2012 թվականի սեպտեմբերի 08-ին թիվ 14155112 և 14153012 քրեական գործերը միացվել են թիվ 14125512 քրեական գործին:
2012 թվականի սեպտեմբերի 09-ին Էդգար Հրաչիկի Գևորգյանը ներգրավվել է որպես մեղադրյալ և նրա նկատմամբ խափանման միջոց է կիրառվել կալանավորումը:
2012 թվականի սեպտեմբերի 10-ին Արմեն Ալբերտի Սիմոնյանը ներգրավվել է որպես մեղադրյալ և նրա նկատմամբ խափանման միջոց է կիրառվել կալանավորումը:
2012 թվականի սեպտեմբերի 13-ին Գեղամ Վիկտորիայի Կնյազյանը ներգրավվել է որպես մեղադրյալ և նրա նկատմամբ խափանման միջոց է կիրառվել կալանավորումը:
2012 թվականի սեպտեմբերի 13-ին Նվեր Գագիկի Հովսեփյանը ներգավվել է որպես մեղադրյալ և նրա նկատմամբ խափանման միջոց է կիրառվել կալանավորումը:
2012 թվականի սեպտեմբերի 29-ին թիվ 10155011, 10161911, 10163811, 10100412, 10115811, 10117112 և թիվ 10150512 քրեական գործերը միացվել են թիվ 14125512 քրեական գործին:
2013 թվականի սեպտեմբերի 13-ին թիվ 14158111 քրեական գործը միացվել է թիվ 14125512 քրեական գործին:
2013 թվականի սեպտեմբերի 14-ին թիվ 09107712 քրեական գործը միացվել է թիվ 14125512 քրեական գործին:
2013 թվականի փետրվարի 21-ին Նվեր Գագիկի Հովսեփյանին և Գեղամ Վիկտորիայի Կնյազյանին առաջադրված մեղադրանքը փոփոխվել և նոր մեղադրանք է առաջադրվել:
2013 թվականի փետրվարի 22-ին Էդգար Հրաչիկի Գևորգյանին առաջադրված մեղադրանքը փոփոխվել և նոր մեղադրանք է առաջադրվել:
2013 թվականի փետրվարի 22-ին թիվ 14125512 քրեական գործի նյութերից անջատվել է թիվ 10100412 քրեական գործը:
2013թ. մարտի 05-ին թիվ 14125512 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2013 թվականի մայիսի 23-ին Էդգար Հրաչիկի Գևորգյանին մեղադրանք է առաջադրվել:
2013 թվականի մայիսի 29-ին թիվ 11163911 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2013 թվականի հունիսի 10-ին դատարանի որոշմամբ Շենգվիթի դատախազությունից ուղարկված թիվ 11163911 քրեական գործը միացվել է թիվ 14125512 քրեական գործին:
2013 թվականի օգոստոսի 27-ին դատարանի որոշմամբ Էդգար Գևորգյանի նկատմամբ երկու դրվագով ՀՀ քրեական օրենգրքի 177-րդ հոդվածի 1-ին մասով քրեական հետապնդումը դադարեցվել է տուժողների` ամբաստանյալի հետ հաշտվելու հիմքով:

Գործի փաստական հանգամանքները
Նախաքննության մարմինն ամբաստանյալ Նվեր Հովսեփյանին ՀՀ քրեական օրենսգրքի 177-րդ հոդվածի 2-րդ մասի 1-ին, 177-րդ հոդվածի 1-ին և 2-րդ և 183-րդ հոդվածի 2-րդ մասի 2-րդ կետերով մեղադրանք է առաջադրել այն արարքի համար, որ ՙգույքի գաղտնի հափշտակություն կատարելու շուրջ նախնական համաձայնության գալով Էդգար Գևորգյանի և Գեղամ Կնյազյանի հետ, 2011թ. օգոստոսի 6-ինª ժամը 21:30-ից մինչև օգոստոսի 8-ըª ժամը 17:30-ն ընկած ժամանակահատվածում, Երևան քաղաքի Վրացական փողոցի 21/2 շենքի բակից գաղտնի հափշտակել են նույն շենքի բնակիչ Արարատ Սերգուշի Բադալյանին պատկանող ՙՎԱԶ 21011՚ մակնիշի 23 ԼՏ 441 պ/հ ավտոմեքենանª Ա.Բադալյանին պատճառելով խոշոր չափիª 950.000 ՀՀ դրամի գույքային վնաս:
Բացի այդ, գույքի գաղտնի հափշտակություն կատարելու շուրջ նախնական համաձայնության գալով Էդգար Գևորգյանի և Գեղամ Կնյազյանի հետ, 2012թ. մայիսի 13-ի գիշերըª ժամը 00:30-ից 08:00-ն ընկած ժամանակահատվածում, Երևան քաղաքի Կոմիտաս պողոտայի 30 շենքի բակից գաղտնի հափշտակել են նույն շենքի բնակիչ Նվեր Վելիխանի Մանուկյանին պատկանող ՙՎԱԶ 2101՚ մակնիշի 29 ԼԼ 334 պ/հ ավտոմեքենանª Ն.Մանուկյանին պատճառելով խոշոր չափիª 800.000 ՀՀ դրամի գույքային վնաս:
Բացի այդ, գույքի գաղտնի հափշտակություն կատարելու շուրջ նախնական համաձայնության գալով Էդգար Գևորգյանի հետ, 2011թ. սեպտեմբեր ամսին, Երևան քաղաքի Կիևյան փողոցի 22 շենքի բակում կայանած ՙԳԱԶ 24՚ մակնիշի 63 ԼՏ 963 պ/հ ավտոմեքենայի սրահից գաղտնի հափշտակել են 5 արկղ հոնª Մուրադ Նարիբեկի Մանուկյանին պատճառելով զգալի չափիª 60.000 ՀՀ դրամի գույքային վնաս:
Բացի այդ, գույքի գաղտնի հափշտակություն կատարելու շուրջ նախնական համաձայնության գալով Էդգար Գևորգյանի հետ, 2011թ. հոկտեմբերի 23-ին ժամը 21:00-ից մինչև 23:00-ն ընկած ժամանակահատվածում Երևան քաղաքի Շինարարների փողոցի 15/1 շենքի բակից փախցրել են նույն շենքի բնակիչ Տիգրան Վրեժի Բարդուխյանին պատկանող ՙՎԱԶ 2107՚ մակնիշի 12 ԼԼ 236 պ/հ ավտոմեքենան, փոխադրել Արմավիրի մարզի Հայկավան-Բամբակաշատ գյուղերի հատման խաչմերուկ և ավտոմեքենայից գաղտնի հափշտակել հետևի լուսարձակները, դիմացի և հետևի դիմապակիները, ձայնարկիչը, մարտկոցը, դիմացի 2 նստատեղերը, 1.3 խմ տարողությամբ գազի բալոնը, վարորդական իրավունքի և ծառայողական վկայականներըª Տ.Բարդուխյանին պատճառելով զգալի չափիª 480.000 ՀՀ դրամի գույքային վնաս:
Բացի այդ, գույքի գաղտնի հափշտակություն կատարելու շուրջ նախնական համաձայնության գալով Էդգար Գևորգյանի հետ, 2011թ. դեկտեմբերի 13-ի ժամը 22:00-ից մինչև դեկտեմբերի 14-ի ժամը 09:00-ն ընկած ժամանակահատվածում Երևան քաղաքի Շինարարների փողոցի 15/1 շենքի բակից փախցրել են նույն շենքի բնակիչ Երվանդ Վլադիկի Բադալյանին պատկանող ՙՎԱԶ 2107՚ մակնիշի 23 ԼՍ 613 պ/հ ավտոմեքենան, փոխադրել Կոտայքի մարզի Նաիրիի շրջանի Քասախ գյուղի գերեզմանատան մոտ և ավտոմեքենայից գաղտնի հափշտակել 4 անիվներըª անվահեծերով, առջևի և հետևի լուսարձակները, 1.2 խմ տարողությամբ գազի բալոնը, մարտկոցը և բեռնախցի կապոցը, Ե.Բադալյանին պատճառելով զգալի չափիª 480.000 ՀՀ դրամի գույքային վնաս՚:

Ամբաստանյալ Գեղամ Կնյազյանին ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ և 177-րդ հոդվածի 2-րդ մասի 1-ին կետերով մեղադրանք է առաջադրվել այն արարքի համար, որ ՙգույքի գաղտնի հափշտակություն կատարելու շուրջ նախնական համաձայնության գալով Էդգար Գևորգյանի և Նվեր Հովսեփյանի հետ, 2011թ. օգոստոսի 6-ինª ժամը 21:30-ից մինչև օգոստոսի 8-ըª ժամը 17:30-ն ընկած ժամանակահատվածում, Երևան քաղաքի Վրացական փողոցի 21/2 շենքի բակից գաղտնի հափշտակել է նույն շենքի բնակիչ Արարատ Սերգուշի Բադալյանին պատկանող ՙՎԱԶ 21011՚ մակնիշի 23 ԼՏ 441 պ/հ ավտոմեքենանª Ա.Բադալյանին պատճառելով խոշոր չափիª 950.000 ՀՀ դրամի գույքային վնաս:
Բացի այդ, գույքի գաղտնի հափշտակություն կատարելու շուրջ նախնական համաձայնության գալով Էդգար Գևորգյանի և Նվեր Հովսեփյանի հետ, 2012թ. մայիսի 13-ի գիշերըª ժամը 00:30-ից 08:00-ն ընկած ժամանակահատվածում, Երևան քաղաքի Կոմիտաս պողոտայի 30 շենքի բակից գաղտնի հափշտակել են նույն շենքի բնակիչ Նվեր Վելիխանի Մանուկյանին պատկանող ՙՎԱԶ 2101՚ մակնիշի 29 ԼԼ 334 պ/հ ավտոմեքենանª Ն.Մանուկյանին պատճառելով խոշոր չափիª 800.000 ՀՀ դրամի գույքային վնաս:
Բացի այդ, գույքի գաղտնի հափշտակություն կատարելու շուրջ նախնական համաձայնության գալով Էդգար Գևորգյանի հետ, 2012թ. գարնանը, գործով չպարզված ժամանակահատվածում, Երևան քաղաքի Այգեկցու փողոցի 84 տան բակում կայանած և նույն տան բնակիչ Սյոմա Ռուբենի Շահսուվարյանին պատկանող ՙՎԱԶ 2107՚ մակնիշի 02 ՏՍ 120 պ/հ ավտոմեքենայից գաղտնի հափշտակել է ավտոմեքենայի ձախակողմյան անվադողերըª անվահեծերով, Ս.Շահսուվարյանին պատճառելով զգալի չափիª 20.000 ՀՀ դրամի գույքային վնաս:
Բացի այդ, Գեղամ Վիկտորիայի Կնյազյանը գույքի գաղտնի հափշտակություն կատարելու շուրջ նախնական համաձայնության գալով Էդգար Գևորգյանի հետ, 2012թ. գարնանը, գործով չպարզված ժամանակահատվածում, Երևան քաղաքի Այգեկցու փողոցի 91 տան բակում կայանած և նույն տան բնակիչ Միշա Կուկի Առաքելյանին պատկանող ՙՎԱԶ 2106՚ մակնիշի 01 ՕԼ 589 պ/հ ավտոմեքենայի առջևի երկու անվադողերըª անվահեծերով, Մ.Առաքելյանին պատճառելով զգալի չափիª 20.000 ՀՀ դրամի գույքային վնաս՚:

Ամբաստանյալ Արմեն Սիմոնյանին ՀՀ քրեական օրենսգրքի 38-177-րդ հոդվածի 2-րդ մասի 2-րդ կետով մեղադրանք է առաջադրվել այն արարքի համար, որ ՙ2012թ. սեպտեմբերի 6-ին 160.000 ՀՀ դրամով Էդգար Գևորգյանից գնել է հանցավոր ճանապարհով ձեռք բերված, Լևոն Արամի Խաչատրյանին պատկանող 600.000 ՀՀ դրամ արժողության ՙՎԱԶ 2102՚ մակնիշի 29 ԼԼ 334 պ/հ ավտոմեքենան:
Բացի այդ, 2012թ. օգոստոս ամսին, քննությամբ չպարզված օրը Էդգար Գևորգյանից 160.000 ՀՀ դրամով գնել է Անդրեյ Վարուժանի Փաթաթանյանին պատկանող 600.000 ՀՀ դրամ արժողության ՙՎԱԶ 21013՚ մակնիշի ավտոմեքենան, որը Արարատ գյուղի գերեզմանատանը հարող տարածքում ապամոնտաժել և ապամոնտաժված մասերը վաճառել է տարբեր անձանց՚:

Ամբաստանյալ Էդգար Գևորգյանին ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ, 177-րդ հոդվածի 2-րդ մասի 1-ին, 177-րդ հոդվածի 2-րդ մասի 2-րդ, 38-177-հոդվածի 3-րդ մասի 1.1-ին, 34-177-րդ հոդվածի 2-րդ մասի 2-րդ, 183-րդ հոդվածի 2-րդ մասի 2-րդ կետերով, 183-րդ հոդվածի 1-ին և 177-րդ հոդվածի 1-ին մասերով մեղադրանք է առաջադրվել այն արարքի համար, որ ՙնախկինում դատապարտված լինելով ՀՀ քրեական օրենսգրքի 216-րդ հոդվածի 1-ին մասով և ունենալով չմարված դատվածությունª գույքի գաղտնի հափշտակություն կատարելու դիտավորությամբ նախնական համաձայնության գալով Նվեր Հովսեփյանի հետ, 2011թ. հոկտեմբերի 23-ին, ժամը 21:00-ից մինչև 23:00-ն ընկած ժամանակահատվածում Երևան քաղաքի Շինարարների փողոցի 15/1 շենքի բակից փախցրել է նույն շենքի բնակիչ Տիգրան Վրեժի Բարդուխյանին պատկանող ՙՎԱԶ 2107՚ մակնիշի 12 ԼԼ 236 պ/հ ավտոմեքենան, փոխադրել Արմավիրի մարզի Հայկավան-Բամբակաշատ գյուղերի հատման խաչմերուկ և ավտոմեքենայից գաղտնի հափշտակել հետևի լուսարձակները, դիմացի և հետևի դիմապակիները, ձայնարկիչը, մարտկոցը, դիմացի 2 նստատեղերը, 1.3 խորանարդ մետր տարողությամբ գազի բալոնը, վարորդական իրավունքի և ծառայողական վկայականները` Տ.Բարդուխյանին պատճառելով զգալի չափիª շուրջ 480.000 ՀՀ դրամի գույքային վնաս:
Բացի այդ, Էդգար Գևորգյանը գույքի գաղտնի հափշտակություն կատարելու դիտավորությամբ նախնական համաձայնության գալով Նվեր Հովսեփյանի հետ` 2011թ. դեկտեմբերի 13-ի ժամը 22:00-ից մինչև դեկտեմբերի 14-ը ժամը 09:00-ն ընկած ժամանակահատվածում Երևան քաղաքի Շինարարների փողոցի 15/1 շենքի բակից փախցրել են նույն շենքի բնակիչª Երվանդ Վլադիկի Բադալյանին պատկանող ՙՎԱԶ 2107՚ մակնիշի 23 ԼՍ 613 պ/հ ավտոմեքենան, փոխադրել Կոտայքի մարզի Նաիրիի շրջանի Քասախ գյուղի գերեզմանատան մոտ և ավտոմեքենայից գաղտնի հափշտակել 4 անիվները` անվահեծով, առջևի և հետևի լուսարձակները, 1.2 խորանարդ մետր տարողությամբ գազի բալոնը, մարտկոցը, բեռնախցի կապոցը` Ե.Բադալյանին պատճառելով զգալի չափիª շուրջ 480.000 ՀՀ դրամի գույքային վնաս:
Բացի այդ, Էդգար Գևորգյանը գույքի գաղտնի հափշտակություն կատարելու շուրջ նախնական համաձայնության գալով Նվեր Հովսեփյանի և Գեղամ Կնյազյանի հետ, 2011թ. օգոստոսի 6-ինª ժամը 21:30-ից մինչև օգոստոսի 8-ըª ժամը 17:30-ն ընկած ժամանակահատվածում, Երևան քաղաքի Վրացական փողոցի 21/2 շենքի բակից գաղտնի հափշտակել է նույն շենքի բնակիչ Արարատ Սերգուշի Բադալյանին պատկանող ՙՎԱԶ 21011՚ մակնիշի 23 ԼՏ 441 պ/հ ավտոմեքենանª Ա.Բադալյանին պատճառելով խոշոր չափիª շուրջ 950.000 ՀՀ դրամի գույքային վնաս:
Բացի այդ, Էդգար Գևորգյանը գույքի գաղտնի հափշտակություն կատարելու շուրջ նախնական համաձայնության գալով Նվեր Հովսեփյանի և Գեղամ Կնյազյանի հետ, 2012թ. մայիսի 13-ի գիշերըª ժամը 00:30-ից 08:00-ն ընկած ժամանակահատվածում, Երևան քաղաքի Կոմիտաս պողոտայի 30 շենքի բակից գաղտնի հափշտակել է նույն շենքի բնակիչ Նվեր Վելիխանի Մանուկյանին պատկանող ՙՎԱԶ 2101՚ մակնիշի 29 ԼԼ 334 պ/հ ավտոմեքենանª Ն.Մանուկյանին պատճառելով խոշոր չափիª շուրջ 800.000 ՀՀ դրամի գույքային վնաս:
Բացի այդ, Էդգար Գևորգյանը գույքի գաղտնի հափշտակություն կատարելու շուրջ նախնական համաձայնության գալով Նվեր Հովսեփյանի հետ, 2011թ. սեպտեմբեր ամսին, Երևան քաղաքի Կիևյան փողոցի 22 շենքի բակում կայանած ՙԳԱԶ 24՚ մակնիշի 63 ԼՏ 963 պ/հ ավտոմեքենայի սրահից գաղտնի հափշտակել են 5 արկղ հոնª Մուրադ Նարիբեկի Մանուկյանին պատճառելով զգալի չափիª շուրջ 60.000 ՀՀ դրամի գույքային վնաս:
Բացի այդ, Էդգար Գևորգյանը գույքի գաղտնի հափշտակություն կատարելու շուրջ նախնական համաձայնության գալով Գեղամ Կնյազյանի հետ, 2012թ. գարնանը, գործով չպարզված ժամանակահատվածում, Երևան քաղաքի Այգեկցու փողոցի 84 տան բակում կայանած և նույն տան բնակիչ Սյոմա Ռուբենի Շահսուվարյանին պատկանող ՙՎԱԶ 2107՚ մակնիշի 02 ՏՍ 120 պ/հ ավտոմեքենայից գաղտնի հափշտակել են ավտոմեքենայի ձախակողմյան անվադողերըª անվահեծերով, Ս. Շահսուվարյանին պատճառելով զգալի չափիª շուրջ 20.000 ՀՀ դրամի գույքային վնաս:
Բացի այդ, Էդգար Գևորգյանը գույքի գաղտնի հափշտակություն կատարելու շուրջ նախնական համաձայնության գալով Գեղամ Կնյազյանի հետ, 2012թ. գարնանը, գործով չպարզված ժամանակահատվածում, Երևան քաղաքի Այգեկցու փողոցի 91 տան բակում կայանած և նույն տան բնակիչ Միշա Կուկի Առաքելյանին պատկանող ՙՎԱԶ 2106՚ մակնիշի 01 ՕԼ 589 պ/հ ավտոմեքենայի առջևի երկու անվադողերըª անվահեծերով, Մ.Առաքելյանին պատճառելով զգալի չափիª շուրջ 20.000 ՀՀ դրամի գույքային վնաս:
Բացի այդ, Էդգար Գևորգյանը, նախնական համաձայնության գալով Արմեն Սիմոնյանի հետ ավտոմեքենա գողանալու և վաճառելու շուրջª գույքի գաղտնի հափշտակություն կատարելու դիտավորությամբ 2012թ. սեպտեմբերի լույս 6-ի գիշերը, Երևան քաղաքի Կոմիտաս պողոտայի 58 շենքի բակից գաղտնի հափշտակել է Երևան քաղաքի Ա.Իսկակովի պողոտայի 50/5 շենքի 7 բնակարանի բնակիչ Լևոն Արամի Խաչատրյանին պատկանող ՙՎԱԶ 2102՚ մակնիշի 32 ՏՍ 334 պ/հ ավտոմեքենան` Լ.Խաչատրյանին պատճառելով խոշոր չափիª շուրջ 1.100.000 ՀՀ դրամի գույքային վնաս:
Բացի այդ, Էդգար Գևորգյանը 2012թ. մարտի 18-ին ժամը 22:00-ից մինչև մարտի 19-ը ժամը 07:00-ն ընկած ժամանակահատվածում, գույքի գաղտնի հափշտակություն կատարելու դիտավորությամբ հարմարեցված բանալիների գործադրմամբ բացել է Երևան քաղաքի Ա.Խաչատրյան փողոցի 17 շենքի բակում կայանած և նույն շենքի բնակիչ Տիգրան Վանիկի Մկրտչյանին պատկանող ՙՎԱԶ 2107՚ մակնիշի 61 ՏՏ 827 պ/հ ավտոմեքենայի դռները և գաղտնի հափշտակել այն` Տ.Մկրտչյանին պատճառելով խոշոր չափիª շուրջ 1.600.000 ՀՀ դրամի գույքային վնաս:
Բացի այդ, Էդգար Գևորգյանը, 2012թ. հուլիսի 29-ի գիշերը, ժամը 00:30-ից 13:00-ն ընկած ժամանակահատվածում գույքի գաղտնի հափշտակություն կատարելու դիտավորությամբ հարմարեցված բանալիով բացել է Երևան քաղաքի Դրոյի փողոցի 3 շենքի բակում կայանած և նույն շենքի բնակիչ Անդրեյ Վարուժի Փաթաթանյանին պատկանող ՙՎԱԶ 21013՚ մակնիշի 62 ՍՍ 334 պ/հ ավտոմեքենայի դռներն ու գաղտնի հափշտակել այն` Ա.Փաթաթանյանին պատճառելով խոշոր չափիª շուրջ 643.000 ՀՀ դրամի գույքային վնաս:
Բացի այդ, Էդգար Գևորգյանը գույքի գաղտնի հափշտակություն կատարելու դիտավորությամբ 2011թ. հունիսի 5-ին, ժամը 00:30-ից 07:00-ն ընկած ժամանակահատվածում Երևան քաղաքի Դավթաշեն 4-րդ թ/մ-ի 11-րդ շենքի բակից փախցրել է նույն շենքի բնակիչ Արարատ Թորոսի Սնխչյանին պատկանող ՙՎԱԶ 2106՚ մակնիշի 58 ԼՏ 782 պ/հ ավտոմեքենան, փոխադրել Հրազդան կիրճի ձախակողմյան հատված և ավտոմեքենայից գաղտնի հափշտակել 1.3 խորանարդ մետր ծավալով գազի բալոն` կարգավորիչով, և էլեկտրական մարտկոցը` պատճառելով Ա.Սնխչյանին զգալի չափերիª շուրջ 250.000 ՀՀ դրամի գույքային վնաս:
Բացի այդ, Էդգար Գևորգյանը նախապես գործով չպարզված ոմն ՙՆիկոլին՚ խոստանալով պարտակել վերջինիս և հանցավոր ճանապարհով ձեռք բերված առարկաները, 2012թ. հունվարի 3-ի ժամը 10:00-ից մինչև հունվարի 8-ը ժամը 07:00-ն ընկած ժամանակահատվածում իրեն պատկանող ՙՎԱԶ 2106՚ մակնիշի ավտոմեքենայով ոմն ՙՆիկոլի՚ հետ գնացել է Երևան քաղաքի Դավթաշեն թ/մ-ի 1-ին փողոց, որտեղ սպասել է ավտոմեքենայի մեջ, իսկ գործով չպարզված ՙՆիկոլը՚ ապօրինի մուտք գործելով Արմեն Թելմանի Մարտիրոսյանի` Դավթաշեն 1-ին փողոցի 2-րդ նրբանցքի 6/1-րդ տուն` այնտեղից գաղտնի հափշտակել է տարբեր հագուստներ, խմիչքներ, ոսկյա զարդեր, ձայնագրման բարձրախոս, սոցիալական քարտ և անձնագիր, որից հետո վերջինիս հետ իր ավտոմեքենայով գողացված իրերը փոխադրել է ՙՄալաթիա՚ տոնավաճառի մոտակայք, որտեղ ոմն ՙՆիկոլը՚ վաճառել է նշված իրերը գործով չպարզված անձիª շուրջ 70.000 ՀՀ դրամով և իրեն փոխանցել 30.000 ՀՀ դրամ գումար, որի պատճառով Ա.Մարտիրոսյանին պատճառվել է խոշոր չափիª շուրջ 1.055.990 ՀՀ դրամի գույքային վնաս:
Բացի այդ, Էդգար Գևորգյանը գույքի գաղտնի հափշտակություն կատարելու դիտավորությամբ 2012թ. հունվարի 15-ին ժամը 03:00-ից մինչև 09:00-ն ընկած ժամանակահատվածում հարմարեցված բանալիով բացել է Երևան քաղաքի Դավթաշեն 1-ին թ/մ-ի 33 շենքի բակում կայանած և նույն շենքի բնակիչ Սուրիկ Հմայակի Դումանյանին պատկանող ՙՎԱԶ 2106՚ մակնիշի 28 ՏՏ 954 պ/հ ավտոմեքենայի դռներն ու գաղտնի հափշտակել այն, սակայն ճանապարհինª Երևան քաղաքի Կոմիտաս պողոտայում նկատելով ճանապարհային ոստիկանության աշխատակիցներին` ավտոմեքենան թողել է Կոմիտաս 48 հասցեի մոտ` ամբողջական վիճակում և չի կարողացել ավարտին հասցնել հանցագործությունն իր կամքից անկախ հանգամանքներում:
Բացի այդ, Էդգար Գևորգյանը գույքի գաղտնի հափշտակություն կատարելու դիտավորությամբ 2012թ. հուլիս ամսվա սկզբներին բացել է Երևան քաղաքի Հ.Սահյան փողոցի 5 շենքի բակում կայանած և նույն շենքի բնակիչ Պետրոս Անդրանիկի Պետրոսյանին ամրակցված ու ՙՀաս և ԷԼ՚ ՍՊԸ-ի տաքսի ծառայությանը պատկանող ՙՎԱԶ 2107՚ մակնիշի Տ6138 պ/հ ավտոմեքենայի բեռնախուցն ու շարժիչի կապոցըª գաղտնի հափշտակելով մարտկոցը և պահեստային անվադողը` անվահեծով, Պ.Պետրոսյանին պատճառելով զգալի չափերիª շուրջ 30.000 ՀՀ դրամի գույքային վնաս:
Բացի այդ, 2012թ. հոկտեմբերի 21-ին ժամը 10:00-ից մինչև հոկտեմբերի 22-ի ժամը 06:00-ն ընկած ժամանակահատվածում գաղտնի հափշտակել է Երևանի Չեխովի փողոցի 15 շենքի բակում կայանված, նույն շենքի 11 բնակարանի բնակիչ Աշոտ Հովհաննիսյանին պատկանող, 1.400.000 ՀՀ դրամ արժողության ՙՎԱԶ 2106՚ մակնիշի, 68 ՕՏ 719 համարանիշի ավտոմեքենան` վերջինիս պատճառելով խոշոր չաձերի գույքային վնաս՚:

Ապացույցների հետազոտում
Առաջադրված մեղադրանքում ամբաստանյալ Ն.Հովսեփյանն իրեն մեղավոր ճանաչեց մասնակի, սակայն օգտվելով իր դատավարական իրավունքից, հրաժարվեց դատաքննության փուլում ցուցմունք տալուց:
Նախաքննության փուլում ամբաստանյալ Ն.Հովսեփյանը ցուցմունք է տվել այն մասին, որ 2011թ. օգոստոս ամսին բակում հանդիպել է Էդգարին և Գեղամին, որոնք առաջարկել են միասին գնալ Կոմիտաս պողոտա` մեքենա բերելու: Ինքը համաձայնել է և վերջիններիս հետ գնացել Երևան քաղաքի Արաբկիր համայնք, որտեղ շենքերից մեկի մոտ կայանել են Էդգարի ՙՄոսկվիչ՚ տեսակի ավտոմեքեան: Ինքը մնացել է մեքենայի մեջ, իսկ Էդգարն ու Գեղամը մտել են բակ: Քիչ անց Գեղամը վերադարձել և նստել է Էդգարի ավտոմեքենան: Դրանից մոտ 10 րոպե անց Էդգարը նշված շենքի բակից դուրս է եկել կանաչ գույնի ՙՎԱԶ 2101՚ մակնիշի ավտոմեքենայով և ասել, որ մենք իր մեքենայով գնանք իր հետևից: Հասնելով Գեղամենց բակ` Էդգարն ասել է, որ մասնատեն մեքենան: Ինքն ու Գեղամը մասնատել են մեքենան: Մեքենայի շարժիչը, նստատեղերը, կամրջակն ու փոխանցման տուփը մնացել է Գեղամի մոտ, իսկ մնացած մասերը` տարել է Էդգարը: Ավտոմեքենայի թափքը մեկ օր անց Գեղամն ու Էդգարը գցել են Գեղամենց տան մոտ գտվող փոսը և վրան քարեր լցրել:
Բացի այդ, 2011թ. սեպտեմբեր ամսին Է.Գևորգյանի առաջարկով պայմանվորվել են անվադողեր գողանալ: Այդ նպատակով, նույն օրը, Է.Գևորգյանի ՙՎԱԶ 2106՚ մակնիշի 07 640 պ/հ ավտոմեքենայով գնացել են Մանումենտ թ/մ, որտեղ մեքենան կայանել են ինչ որ շենքի մոտ և միասին մտել բակ, որտեղ կայանված ՙՎԱԶ 2106՚, ՙՎԱԶ 2108՚ և ՙՎԱԶ 2105՚ մակնիշի ավտոմեքենաների վրայից Է.Գևորգյանը քանդել է առաջին մեքենայի առջևի աջ ու ձախ, երկրորդ մեքենայի առջևի աջ ու ձախ և երրորդ մեքենայի հետևի աջ ու ձախ անվադողերը, որոնք ինքը տարել և դրել է Է.Գևորգյանի մեքենայի մեջ:
Բացի այդ, 2011թ. օգոստոս ամսին, Է.Գևորգյանի հետ պայմանավորվել են գողանալ ավտոմեքենաների մարտկոցներ: Այդ նպատակով, նույն օրը, Է.Գևորգյանի ՙՎԱԶ 2106՚ մակնիշի ավտոմեքենայով գնացել են Մանումենտ թ/մ, որտեղ շենքերից մեկի մոտ կայանելով Է.Գևորգյանի ավտոմեքենան` մտել են նույն շենքի բակ, որտեղ Էդգարը բացել է կայանած ՙՎԱԶ 2106՚ մակնիշի ավտոմեքենայի շարժիչի ծածկոցը և հանելով մարտկոցը` տվել է իրեն, որն ինքը դրել է Էդգարի ավտոմեքենայի մեջ: Այդ ընթացքում Է.Գևորգյանը նշված բակում կայանված ևս 2 ավտոմեքենաներից, որոնց մանիշն ու պետհամարանիշը չի հիշում, գողացել է ևս 2 մարտկոց ու փոխանցել իրեն, որոնք նույնպես ինքը դրել է վերջինիս մեքենայի մեւջ: Դրանից հետո Էդգարը առանձին առանձին բերել է ևս 5 մարտկոցներ, սակայն, թե ինչ ավտոմեքենաներից` ինքը չի տեսել:
Բացի այդ, 2011թ. սեպտեմբեր-հոկտեմբեր ամիսներն ընկած ժամանակահատվածում Է.Գևորգյանի հետ գողություն կատարելու շուրջ համաձայնության գալով` նույն օրը գիշերը Է.Գևորգյանի ՙՎԱԶ 2106՚ մակնիշի ավտոմեքենայով գնացել են Բարեկամություն թ/մ, որտեղ շենքերից մեկի մոտ, մայթին կայանված նկատել են ՙԳԱԶ24՚ մակնիշի ավտոմեքենա, որի աջ և ձախ կողային հայելիները գտնվել են բաց վիճակում: Տեսնելով դա` Էդգարը առաջարկել է գողանալ մեքենայի ձայնարկիչն ու սկսել քանդել այն: Քիչ անց, տեսնելով, որ մեքենայի սրահի հետնամասում դրված են մի քանի արկղեր` հանեց դրանք` թվով 4 հատ, որոնցից մեկը փոխանցեց իրեն` մեքենա տեղափոխելու համար, իսկ մյուս երեքը` բերել է վերջինս: Արդեն գողանալուց հետո, տեսել են, որ արկղերում հոն է: Է.Գևորգյանի առաջարկով այն տարել են Մալաթիա տոնավաճառ և վաճառել շուրջ 23.000 ՀՀ դրամով, որից 10.000 ՀՀ դրամը Էդգարը տվել է իրեն:
Բացի այդ, 2011թ. օգոստոս ամսին, Գ.Կնյազյանի և Է.Գևորգյանի հետ գտնվել են Արաբկիր համայնքում, որտեղ նկատել են կայանված ՙՎԱԶ 2106՚ մակնիշի ավտոմեքենա: Է.Գևորգյանն առաջարկել է գողություն կատարել տվյալ մեքենայից, սակայն ինքը հրաժարվել է` պատճառաբանելով, որ չի ցանկանում գողություն կատարել, որից հետո Էդգարն ու Գեղամը գնացել և նշված մեքենայից գողացել են ձայնարկիչն ու ձայնասփյուռը:
21.02.2013թ. որոշում է կայացվել Ն.Հովսեփյանին առաջադրված մեղադրանքը փոփոխել և նոր մեղադրանք առաջադրել ՀՀ քրեական օրենսգրքի 177 հոդվածի 2-րդ մասի 1-ին և 2-րդ կետերով, 177 հոդվածի 2-րդ մասի 1-ին և 2-րդ կետերով, 177 հոդվածի 2-րդ մասի 1-ին կետով, 177 հոդվածի 2-րդ մասի 1-ին կետով և 183 հոդվածի 2-րդ մասի 2-րդ կետով և 177 հոդվածի 2-րդ մասի 1-ին կետով և 183 հոդվածի 2-րդ մասի 2-րդ կետով:
Հ.2 գ/թ 73, 104-105
Հ.4 գ/թ 303

Ամբաստանյալ Գ.Կնյազյանն առաջադրված մեղադրանքում իրեն մեղավոր ճանաչեց մասնակի` միայն Ա.Բադալյանին պատկանող ՙՎԱԶ 21011՚ մակնիշի 23 ԼՏ 441 պ/հ ավտոմեքենան հափշտակելու մեջ, և դատաքննության փուլում օգտվելով իր դատավարական իրավունքից, հրաժարվեց դատաքննության փուլում ցուցմունք տալուց:
Նախաքննության փուլում ամբաստանյալ Գ.Կնյազյանը ցուցմունք է տվել այն մասին, որ 2011թ. օգոստոս ամսվա սկզբին Արին Բերդ փողոցում հանդիպել է Էդգարին և պայմանավորվել գնալ անվադողեր գողանալու: Այդ նպատակով, նախապես իրենց հետ վերցնելով անվադողեր քանդելու համար նախատեսված իրեր, Էդգարի ՙՄոսկվիչ՚ ավտոմեքենայով նույն օրը գիշերը, ժամը 02:00-ի սահմաններում գնացել են Կոմիտաս պողոտա, որտեղ շենքերից մեկի բակում, նկատել են կայանված ՙՎԱԶ 2106՚ մակնիշի ավտոմեքենա: Էդգարի հետ քանդելով տվյալ մեքենայի դիմացի աջ և ձախ անիվների պտուտակները` գողացել են անիվներն ու անվահեծերը և դրել Էդգարի ավտոմեքենան: Դրանից հետո, քիչ հեռու նկատել են կայանված կարմիր գույնի ՙՎԱԶ 2107՚ մակնիշի ավտոմեքենա և երկուսով, նույն եղանակով գողացել են նաև տվյալ մեքենայի դիմացի ձախակողմյան անիվը: Այնուհետև Ինքը մնացել է Էդգարի մեքենայում, իսկ վերջինս գնացել է անվադողեր գողանալու: Հանկարծ բարձր ձայներ է լսել, ու կարծելով, որ Էդգարը բռնվել է` իջել է մեքենայից և գնացել է Էրեբունի, որտեղ հանդիպել է Էդգարին, որն իրեն է տվել երկու անվադող` ասելով, որ դրանք նույնպես գողացել է: Դրանից մի քանի օր անց, 2011թ. օգոստոս ամսվա սկզբներին, Էդգարի և Նվերի հետ գողություն կատարելու շուրջ պայմանավորվածության գալով` Էդգարի ՙՄոսկվիչ՚ ավտոմեքենայով գնացել են Երևան քաղաքի Վրացական փողոց, որտեղ մոտեցել են կանաչ գույնի ՙՎԱԶ 2101՚ մակնիշի ավտոմեքենայի և Էդգարը առաջարկել է այն գողանալ, որից հետո խոդել է մեքենան ու գնացել իրենց բակ: Ինքը Նվերի հետ Էդգարի ավտոմեքենայով գնացել են նրա հետևից: Տանը Նվերի հետ քանդել են ավտոմեքենան, շարժիչը, նստատեղերը, շարժիչի ծածկոցը և փոխանցման տուփը վերցրել է ինքը, իսկ գազի բալոնը և մնացած մասերը վերցրել է Էդգարը: Առաջին դրվագում նկարագրված գողությունից իրեն բաժին հասած երկու անվադողերն ինքը տեղադրել է իր ՙՎԱԶ 2101՚ մակնիշի մեքենայի վրա:
21.02.2013թ. մեղադրյալ Գ.Կնյազյանին առաջադրված մեղադրանքը փոփոխվել և վերջինիս նոր մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին և 2-րդ կետերով, 177 հոդվածի 2-րդ մասի 1-ին և 2-րդ կետերով, 177 հոդվածի 2-րդ մասի 1-ին կետով և 177 հոդվածի 2-րդ մասի 1-ին կետով:
Հ.2 գ/թ 66-67, 96-97
Հ.4 գ/թ 280

Առաջադրված մեղադրանքում ամբաստանյալ Արմեն Սիմոնյանն իրեն մեղավոր ճանաչեց մասնակի և դատաքննության փուլում օգտվելով իր դատավարական իրավունքից, հրաժարվեց դատաքննության փուլում ցուցմունք տալուց:
Նախաքննության փուլում ամբաստանյալ Ա.Սիմոնյանը ցուցմունք է տվել այն մասին, որ Է.Գևորգյանին ճանաչում է շուրջ 6 ամիս, որի հետ ծանոթացել է նրա եղբոր` Արտյոմի միջոցով: 2012թ. օգոստոս ամսին Է.Գևորգյանը զանգահարել է իրեն ու հայտնել, որ գողացված ՙՋորի՚ մակնիշի ավտոմեքեա է վաճառում: Ինքը համաձայնել է գնել և հաջորդ օրը Է.Գևորգյանն իրենց բակ է տարել ՙՎԱԶ 2101՚ մակնիշի ավտոմեքենա, որն ինքը գնել է 160.000 ՀՀ դրամով և մասնատելով` մաս-մաս վաճառել է ՙՏեցի կրուգ՚ կոչվող ավտոպահեստամասերի շուկայում` ընդհանուրը 210.000 ՀՀ դրամով:
Բացի այդ, 2012թ. սեպտեմբերի 5-ին Է.Գևորգյանը զանգահարել է իրեն ու հայտնել, որ ՙՎԱԶ 2102՚ ավտոմեքենա է վաճառում: Ինքը գիտակցել է, որ վերջինս գողացել է մեքենան ու պայմանավորվել է այն գնել 150.000 ՀՀ դրամով: Հաջորդ օրը` 2012թ. սեպտեմբերի 6-ին Է.Գևորգյանն այցելել է իրենց տուն և հայտնել, որ մեքենան Արարատ քաղաքում է: Իրենք միասին պատահական ավտոմեքենայով գնացել են Արարատ քաղաքի խաչմերուկ, որտեղ ինքը սպասել է, իսկ Է.Գևորգյանը գնացել է մեքենան բերելու: Որոշ ժամանակ անց իրեն մոտեցել են ոստիկանության աշխատակիցներն ու բերման ենթարկել:
Հ.1 գ/թ 51-53, 215

Առաջադրված մեղադրանքում ամբաստանյալ Էդգար Գևորգյանն իրեն մեղավոր ճանաչեց մասնակի, սակայն օգտվելով իր դատավարական իրավունքից հրաժարվեց դատաքննության փուլում ցուցմունք տալուց:
Նախաքննության փուլում ամբաստանյալ Է.Գևորգյանը ցուցմունք է տվել այն մասին, որ 2012թ. օգոստոս ամսին իրենց փողոցում հանդիպել է իր սանիկ Նվերին, որը առաջարկել է գողություն կատարել: Այնուհետև հանդիպել են իրենց ծանոթ Գեղամին, որին հայտնել են իրենց մտադրության մասին, ապա համաձայնության գալով միմյանց հետ` իր ՙՄոսկվիչ՚ մակնիշի ավտոմեքենայով գնացել են Կոմիտաս պողոտա: Ոտքով քայլելով Կոմիտաս պողոտայի շենքերի կողքով և շենքերից մեկի բակում նկատել կանաչ գույնի ՙՎԱԶ 2101՚ մակնիշի ավտոմեքենա: Ինքն իր մոտ առկա բանալիներով բացել է մեքենայի դուռը, խոդել մեքենան և ընթացել Գեղամենց բակ: Գեղամն ու Նվերը գնացել են իր ավտոմեքենայով: Մեքենան Գեղամենց բակում կայանելուց հետո պայմանավորվել են, որ հաջորդ օրը Նվերն ու Գեղամը մասնատեն մեքենան և իրեն տան գազի բալոնն ու 4 անիվները: Հաջորդ օրն իր ՙՄոսկվիչ՚ մակնիշի ավտոմեքենայով գնացել է Գեղամենց բակ և վերցրել գողացված մեքենայի գազի բալոնն ու 4 անիվները` անվահեծերով: Դրանից հետո Գեղամն ու Նվերը մեքենայի թափքը գցել են Գեղամենց բակում գտնվող փոսի մեջ: Վերցված ապրանքներն ինքը առաջիկա շաբաթ օրը վաճառել է ՙՏեցի կրուգ՚ կոչվող ավտոպահեստամասերի շուկայում` ընդհանուրը 130.000 ՀՀ դրամով: Դրանից հետո իրեն էր դիմել Գեղամն ու խնդրել օգնել գողացված մեքենայի մյուս մաս-մեխանիզմները: Այդ ժամանակ ինքը զանգահարել է իր ծանոթ Թորգոմին, որը զբաղվում է ավտոպահեստամասերի վաճառքով և խնդրել է գնել նշված ապրանքները: Թորգոմի հետ հանդիպել են Գեղամենց տանը, որտեղ Գեղամը պայմանավորվել է Թորգոմի հետ բացի բլոկից մյուս բոլոր ապրանքները վաճառել 15.000 ՀՀ դրամով:
Բացի այդ, նշված դեպքից մոտ 10 օր առաջ Գեղամի հետ պայմանավորվել են գողություն կատարել ու այդ նպատակով իր ՙՄոսկվիչ՚ մակնիշի ավտոմեքենայով գնացել են Կոմիտաս պողոտա, որտեղ շենքերից մեկի բակում տեսել են ՙՎԱԶ 2106՚ մակնիշի ավտոմեքենա և որոշել են գողանալ տվյալ մեքենայի անիվները: Այդ նպատակով իր ավտոմեքենայից հանել են ամբարձիչը և գողացել նշված մեքենայի 4 անվադողերը: Այնուհետև բացել են նույն մեքենայի շարժիչի կապոցն ու գողացել նաև մարտկոցը:
Բացի այդ, նույն օրը Գեղամի հետ իր ավտոմեքենայով գնացել են Մերգելյան փողոցի շենքերից մեկի բակ, որտեղ տեսել են կայանված ՙՎԱԶ 2100՚ մակնիշի մի ավտոմեքենա: Գեղամի հետ գողացել են տվյալ մեքենայի աջակողմյա երկու անիվները` անվահեծով ու դրել իր ՙՄոսկվիչ՚ մեքենայի մեջ:
Բացի այդ, նույն օրը Գեղամի հետ գնացել են Սոսեյի փողոց, որտեղ շենքերից մեկի բակում տեսել են կայանված ՙՎԱԶ 2106՚ կամ ՙՎԱԶ 2103՚ մակնիշի ավտոմեքենա ու գողացել տվյալ մեքենայի 4 անիվները` անվահեծերով և մարտկոցը: Գողացված բոլոր ապրանքները առավոտյան վաճառել են ՙՏեցի կրուգ՚ կոչվող ավտոպահեստամասերի շուկայում 40.000 ՀՀ դրամով, որը հավասարաչափ կիսել են միմյանց միջև:
Բացի այդ, 2011թ. դեկտեմբեր կամ 2012թ. հունվար ամսին գողություն կատարելու նպատակով գնացել են Երևան քաղաքի մետրոյի ՙԲարեկամույթուն՚ կայարանի շրջակա հատված, որտեղ շենքերից մեկի բակում նկատել են կայանված ՙԳԱԶ 24՚ մակնիշի ավտոմեքենա, որի մեջ արկղերով հոն էր բարձված: Քանի որ հետևի աջակողմյա դուռը գտնվել է բաց վիճակում` իրենք բացել են այն և մեքենայից գողացել հոնի արկղերը, որը նույն օրն առավոտյան վաճառել են Մալաթիայի շուկայում 46.000 ՀՀ դրամով և կիսվել հավասարաչափ միմյանց միջև:
Բացի այդ, 2011թ. նոյեմբեր ամսին, կոնկրետ օրը չի հիշում, Գեղամի և Նվերի հետ պայմանավորվել են գողություն կատարել: Այդ նպատակով իր ավտոմեքենայով գնացել են Կոմիտաս պողոտա, որտեղ շենքերից մեկի բակում նկատել են կայանված շագանակագույն ավտոմեքենա: Մոտեցել են նշված ավտոմեքենային և գողացել աջակողմյա անիվները: Մինչ Նվերն ու Գեղամը գողացված անիվները տարել և դրել են մեքենան` ինքը գողացել է նաև մեքենայի մրտկոցը` բացելով շարժիչի կապոցը: Գողացված իրերը միասին վաճառել են ՙՏեցի կրուգ՚ կոչվող ավտոպահեստամասերի շուկայում` ընդհանուրը 30.000 ՀՀ դրամով, որը հավասարաչափ կիսել են միմյանց միջև:
Բացի այդ, 2011թ. նոյեմբեր ամսին, ինքը և Նվերը Կոմիտաս պողոտայի տարբեր շենքերի բակերում կայանված ավտոմեքենաներից գողացել են թվով 7 հատ մարտկոցներ, սակայն շենքերի գտնվելու վայրերը և ավտոմեքենաների մակնիշները չի հիշում և չի կարող մատնանշել: Գողացված մարտկոցները վաճառել են գունավոր մետաղների ընդունման կետում` շուրջ 21.000 ՀՀ դրամով:
Բացի այդ, 2011թ. դեկտեմբեր ամսին, գիշերը, ՙ3-րդ մաս՚ կոչվող տարածքում, շենքերից մեկի բակում նկատել է կայանված բեժ գույնի ՙՎԱԶ 2106՚ մակնիշի ավտոմեքենա և իր մոտ առկա բանալիով բացել է մեքենայի դուռը, ապա խոդի գցել շարժիչը և վարելով տարել իր տան բակ: Առավոտյան զանգահարել է Գեղամին և խնդրել գալ ու օգնել գողացված մեքենայի շարժիչը հանել ու դնել իր մեքենայի վրա: Գեղամը համաձայնել է և Նվերի հետ եկել իրենց բակ, որտեղ վերջիններիս օգնությամբ քանդել է տվյալ մեքենայի շարժիչը, նստատեղերը, որոնք ՙԲՄՎ՚ մեքենայի էին, ձայնարկիչն ու դինամիկները և տեղադրել իր ՙՎԱԶ 2106՚ մակնիշի 07 640 պ/հ ավտոմեքենայի վրա: Դրանից հետո գողացված ավտոմեքենայի թափքը կտրատել է և Նվերի ու Գեղամի օգնությամբ թափել իրեն տան մոտակայքում:
Բացի այդ, 2011թ. հոկտեմբեր-նոյեմբեր ամիսներին Նվերի հետ համաձայնության գալով` գնացել են Մաշտոցի ոստիկանության դիմացի թաղամասում գտնվող բարձրահարկ շենքերից մեկի բակ, որտեղ նկատել են ՙՎԱԶ 2107՚ մակնիշի սպիտակ գույնի ավտոմեքենա: Ինքն իր մոտ առկա բանալիներով բացել է դուռը, խոդի գցել շարժիչը և Նվերին ասել, որ իր ավտոմեքենան վարի իր հետևից: Իրենք գնացել են Էջմիածնի ճանապարհի մոտակայքում գտնվող հողածածկ տարածք, որտեղ մեքենայի վրայից գողացել են գազի բալոնը, անիվները, մարտկոցը և այլ մասեր, մեքենան թողել նշված վայրում ու հեռացել: Գողացված ապրանքները հաջորդ օրն առավոտյան վաճառել են ՙՏեցի կրուգ՚ կոչվող ավտոպահեստամասերի շուկայում 120.000 ՀՀ դրամով, որը հավասարաչափ կիսել են միմյանց միջև:
Բացի այդ, 2011թ. դեկտեմբեր ամսվա կեսերին, կոնկրետ օրը չի հիշում, Նվերի հետ պայմանավորվելով գողություն կատարել` իր ՙՎԱԶ 2106՚ մակնիշի 07 640 պ/հ ավտոմեքենայով գնացել են Մաշտոցի ոստիկանության կողմ, որտեղ իր ավտոմեքենան կայանել են շենքերից մեկի մոտ, իսկ իրենք գնացել են ոստիկանության դիմացի մայթին գտնվող շենքերից մեկի բակ, որտեղ նկատել է սպիտակ գույնի ավտոմեքենա, որի մակնիշը չի հիշում և ցանկացել է իր մոտ առկա բանալիներով բացել դուռը: Նույն պահին Նվերին ասել է, որպեսզի տեսնի նրա կողքին կայանված ՙՎԱԶ 2107՚ մակնիշի ավտոմեքենայի դռներից որևէ մեկը բաց է, թե ոչ: Նվերը զննելով մեքենան` ասել է, որ դռներից մեկը բաց է: Ինքը Նվերին խնդրել է ուշադիր լինել, որ մարդ չգա, իսկ անձամբ իր մոտ առկա բանալիով խոդի է գցել շարժիչն ու վարել մեքենան դեպի Զովունի գյուղի գերեզմաններ` խնդրելով Նվերին իր մեքենան վարել իր հետևից: Գերեզմանների մոտ Նվերի հետ քանդել են նշված մեքենայի գազի բալոնը, թվով 5 հատ անիվները` անվահեծով, ստարտերը և մի շարք այլ մասեր ու գողացել` ՙՎԱԶ 2107՚ մակնիշի ավտոմեքենան թողնելով նշված վայրում: Գողացված ապրանքները նույն օրը վաճառել են ՙՏեցի կրուգ՚ կոչվող ավտոպահեստամասերի շուկայում` 110.000 ՀՀ դրամով, որը հավասարաչափ կիսել են միմյանց միջև:
Բացի այդ, 2012թ. հունվար ամսին Դավթաշեն թ/մ-ում իր ՙՎԱԶ 2106՚ մակնիշի 07 640 պ/հ ավտոմեքենայով պատահական հնդիպել է իր ծանոթ Նիկոլին: Վերջինիս խնդրանքով մեքենան վարել է Դավթաշեն գյուղ և կայանել ինչ որ փողոցում, որտեղ խնդրել է սպասել` ասելով, որ գնում է ինչ որ տնից գողություն կատարելու: Մոտ 2 ժամ անց Նիկոլը վերադարձել է և իր հետ բերել գողացված մի շարք ապրանքներ: Դրանից հետո խնդրել է մեքենան վարել Մալաթիա տոնավաճառ` գողացված ապրանքները վաճառելու նպատակով: Մալաթիա տոնավաճառում Նիկոլը խնդրել է սպասել իրեն ու հեռացել է գողացված ապրանքներով: Քիչ անց վերադարձել է ու ասել, որ գողացված ապրանքները վաճառել է 70.000 ՀՀ դրամով, որից 30.000 ՀՀ դրամը տվել է իրեն: Նախաքննության հետագա փուլերում ամբաստանյալը հրաժարվել է այդ ցուցմունքից և նշել, որ ինքը որևէ առնչություն չունի նշված դեպքի հետ:
Բացի այդ, 2012թ. հունվար ամսին, կոնկրետ օրը չի հիշում, ոտքով շրջել է Դավթաշեն թ/մ-ով և 1-ին թ/մ-ի շենքերից մեկի բակում նկատել է կայանված սպիտակ գույնի ՙՎԱԶ 2106՚ մակնիշի ավտոմեքենա: Իր մոտ առկա բանալիով բացել է մեքենայի դուռը, ապա պոկելով էլ. մալուխները` խոդել է մեքենան ու վարել դեպի Կոմիտաս պողոտա, որտեղ նկատել է ոստիկանության աշխատակիցների և մեքենան թողնելով նշված վայրում` հեռացել է:
Բացի այդ, 2012թ. մարտ ամսվա սկզբներին, կոնկրետ օրը չի հիշում, իր ՎԱԶ 2101 մակնիշի 43 634 պ/հ կարմիր գույնի ավտոմեքենայով ընթացել է Սեբաստիա հյուրանոցի մոտակա հատվածով, որտեղ, շենքերից մեկի բակում կայանված նկատել է ՙՎԱԶ 2106՚ մակնիշի բաց գույնի ավտոմեքենա: Ցանկանալով գողություն կատարել նշված մեքենայից` կայանել է իր ավտոմեքենան, մոտեցել նշված մեքենային և իր մոտ առկա պտուտակահանով հանելով դիմացի հողմապակին` գողացել է այն ու տարել տուն, որտեղ այն տեղադրել է իր ավտոմեքենայի վրա:
Բացի այդ, 2012թ. ապրիլ-մայիս ամիսներն ընկած ժամանակահատվածում, կոնկրետ օրը չի հիշում, իր ՙՎԱԶ 2101՚ մակնիշի 43 634 պ/հ կարմիր գույնի ավտոմեքենայով ընթացել է դեպի Զովունի գյուղի ուղղությամբ: Ճանապարհին, Դավթաշեն 4-րդ թ/մ-ի շենքերից մեկի բակում նկատել է կայանած բեժ գույնի ՙՎԱԶ 2106՚ մակնիշի ավտոմեքենա: Ցանկանալով գողություն կատարել նշված մեքենայից` կայանել է իր մեքենան, մոտեցել նշված մեքենային ու իր մոտ առկա բանալիով բացելով բեռնախուցը` գողացել է պահեստային անվադողը` անվահեծով, ապա բացել է շարժիչի կապոցն ու գողացել մարտկոցը: Անվադողը դրել է իր մեքենայի տակ, իսկ մարտկոցը` վաճառել է ՙՏեցի կրուգ՚ կոչվող ավտոպահեստամասերի շուկայում 5000 ՀՀ դրամով:
Բացի այդ, 2012թ. հունիս ամսին, գիշերը, Դավթաշեն 1-ին թ/մ-ի բենզալցակայանի հետևի շենքերից մեկի բակում նկատել է կայանած ՙՎԱԶ 2106՚ մակնիշի ավտոմեքենա: Ցանկացել է գողանալ այն, սակայն չի կարողացել խոդի գցել, ինչի համար մեքենան հրել է շենքի հակառակ կողմ և գողացել գազի բալոնը, որը տեղադրել է իր ՙՎԱԶ 2101՚ մակնիշի ավտոմեքենայի վրա:
Բացի այդ, 2012թ. հուլիս ամսին, գիշերը, Դավթաշեն 4-րդ թ/մ-ի շենքերից մեկի բակում նկատել է բեժ գույնի ՙՎԱԶ 2106՚ մակնիշի ավտոմեքենա: Ցանկանալով գողություն կատարել նշված ավտոմեքենայից` իր մոտ առկա բանալիով բացել է ավտոմեքենայի դուռը, ցանկացել խոդի գցել, սակայն չկարողանալով` այն հրել է մոտակա ավտոտնակների մոտ և բացելով բեռնախուցը` գողացել է գազի բալոնը, որը դրել է իր մեքենան ու հեռացել: Հաջորդ օրը գողացված գազի բալոնը վաճառել է ՙՏեցի կրուգ՚ կոչվող ավտոպահեստամասերի շուկայում 80.000 ՀՀ դրամով:
Հ.1 գ/թ 43-47, 206, 234-240,
Հ.4 գ/թ 327

Ամբաստանյալներ Նվեր Հովսեփյանին, Գեղամ Կնյազյանին, Արմեն Սիմոնյանին և Էդգար Գևորգյանին վերագրվող արարքները հիմնավորվել են նաև դատաքննությամբ հետազոտված հետևյալ ապացույցներով.

Տուժող Լևոն Արամի Խաչատրյանը նախաքննության փուլում ցուցմունք է տվել, որ 2012թ. մայիս ամսին գնել է ՙՎԱԶ 2102՚ մակնիշի 32 ՏՍ 334 պ/հ ավտոմեքենան: 06.09.2012թ. գիշերըª ժամը 01:00-ի սահմաններում իր նշված ավտոմեքենայով Երևան քաղաքի ՙՇրջանային՚ կոչվող տարածքից Կոմիտաս 58 հասցե է տարել իր ընկերուհի Արփինեին, որտեղ բնակվում է վերջինս: Ավտոմեքենան կայանելով բակում և փակելով դռներըª բարձրացել են տուն: Մոտ 3 ժամ անցª ժամը 04:00-ի սահմաններում, դուրս է եկել Արփինեի տանիցª Մալաթիա տոնավաճառ գնալու նպատակով, և նկատել է, որ ավտոմեքենան բացակայում է շենքի բակից: Շրջելով շենքի մոտակա տարածքումª նկատել է, որ ավտոմեքենան բացակայում է, որից հետո դիմել է ոստիկանության Արաբկիրի բաժին և տվել համապատասխան հաղորդում: Նշված ժամանակ ավտոմեքենայի մեջ է գտնվել նաև իր էլեկտրական մետաղահատ սարքը:
Հ.1 գ/թ 190-192

Տուժող Նվեր Վելիխանի Մանուկյանը դատաքննության փուլում ցուցմունք է տվել, որ 1986թ-ից իրեն է պատկանում ՙՎԱԶ 2101՚ մակնիշի 29 ԼԼ 334 պ/հ ավտոմեքենան, որը սակայն ձևակերպված է իր հորª Վելիխան Մանուկյանի անվամբ: 12.05.2012թ. ժամը 20:00-ի սահմաններում նշված ավտոմեքենայով գնացել է Կոմիտաս պողոտայի 30 շենքում բնակվող քրոջª Ծաղիկ Մանուկյանի տուն: Մեքենան կայանել է բակում: Ժամը 00:30-ի սահմաններում պատշգամբից նայել է ու տեսել, որ ավտոմեքենան տեղում է, որից հետո քնել է: Առավոտյանª ժամը 08:00-ի սահմաններում դուրս է եկել քրոջ տնից ու տեսել, որ ավտոմեքենան շենքի բակում չէ: Դրանից հետո դիմել է ոստիկանության Արաբկիրի բաժին ու տվել հաղորդում:

Տուժող Տիգրան Վանիկի Մկրտչյանը նախաքննության փուլում ցուցմունք է տվել, որ 1990թ-ից սեփականության իրավունքով իրեն է պատկանում ՙՎԱԶ 2107՚ մակնիշի 61 ՏՏ 827 պ/հ ավտոմեքենան: 18.03.2012թ. ժամը 22:00-ի սահմաններում մեքենան կայանել է իրենցª Երևան քաղաքի Ա. Խաչատրյան փողոցի 17 շենքի բակում ու գնացել տուն: Առավոտյանª ժամը 07:00-ի սահմաներում պատուհանից նայել է ու նկատել, որ ավտոմեքենան բացակայում է շենքի բակից: Անմիջապես իջել է բակª շրջել տարածքով, սակայն մեքենան չի հայտնաբերել ու դիմել է ոստիկանության Արաբկիրի բաժին: Մեքենայի մեջ է գտնվել նաև որդնյակային փոխանցման տուփ:
Հ.1 գ/թ 144
Տուժող Արարատ Սերգուշի Բադալյանը դատաքննության փուլում ցուցմունք է տվել, որ իրեն է պատկանում ՙՎԱԶ 21011՚ մակնիշի 23 ԼՏ 441 պ/հ ավտոմեքենան: Հաշվառված է Ջերմուկ քաղաքում, սակայն շուրջ 2 ամիս է բնակվում է Երևան քաղաքի Վրացական փողոցի 21/2 շենքում:06.08.2011թ. ժամը 21:00-ի սահմաններում իր ավտոմեքենան կայանել է նշված շենքի բակում և պատահական ավտոմեքենայով մեկնել Ջերմուկ: 08.08.2011թ. ժամը 17:30-ին վերադարձել է ու տեսել, որ իր ավտոմեքենան բացակայում է: Որոշ ժամանակ մոտակա տարածքներում ավտոմեքենան փնտրելուց հետո այն չի հայտնաբերել ու դիմելով ոստիկանության Արաբկիրի բաժինª տվել է հաղորդում:

Տուժող Անդրեյ Վարուժի Փաթաթանյանը նախաքննության փուլում ցուցմունք է տվել, որ մեկ տարի առաջ գնել է ՙՎԱԶ 21013՚ մակնիշի 62 ՍՍ 284 պ/հ ավտոմեքենան: 28.07.2012թ. ժամը 24:00-ի սահմաններում մեքենան կայանել է իրենցª Երևան քաղաքի Դրոյի փողոցի 3-րդ շենքի բակում ու բարձրացել տուն: Հաջորդ օրըª ժամը 13:00-ի սահմաններում, պատուհանից նայել է դեպի բակ ու նկատել, որ իր ավտոմեքենան բացակայում է: Դրանից հետո դիմել է ոստիկանության Արաբկիրի բաժին և տվել հաղորդում:
Հ.2 գ/թ 131-133

Տուժող Արարատ Թորոսի Սնխչյանը նախաքննության փուլում ցուցմունք է տվել, որ շուրջ 12 տարի է սեփականության իրավունքով իրեն է պատկանում ՙՎԱԶ 2106՚ մակնիշի 58 ԼՏ 782 պ/հ ավտոմեքենան: Երևան գալու դեպքում հաճախակի այցելում է եղբորըª Սամվելին, որը բնակվում է Երևան քաղաքի Դավթաշեն 4-րդ թ/մ-ի 7-րդ շենքում: 04.06.2011թ. անձնական գործերով ժամանել է Երևան, որոնք ավարտելուց հետո, նույն օրը գիշերը, այցելել է եղբորը: Մեքենան կայանելով բակումª բարձրացել է տուն: Առավոտյանª ժամը 07:00-ին դուրս է եկել եղբոր տնից և տեսել, որ մեքենան բացակայում է բակից, որիկց հետո դիմել է ոստիկանության Արաբկիրի բաժին և տվել համապատասխան հաղորդում: 05306.2011թ. ավտոմեքենան հայտնաբերվել է ՙՀրազդան՚ կիրճի ձախակողմյան հատվածում: Մեքենայից գողացվել են իտալական արտադրության 1.3 մխ ծավալով գազի բալոն, մեքենայի մարտկոցը և կիսաբաճկոնը:
Հ.1 գ/թ 213-215

Տուժող Տիգրան Վրեժի Բարդուխյանը դատաքննության փուլում ցուցմունք է տվել, որ 23.10.2011թ.ª ժամը 21:00-ի սահմաններում, իր անձնական օգտագործման ՙՎԱԶ 2107՚ մակնիշի 12 ԼԼ 236 պ/հ ավտոմեքենայով գնացել է մորաքրոջն այցելության ու ավտոմեքենան կայանել վերջինիսª Երևան քաղաքի Շինարարների 15/1 շենքի բակում և բարձրացել տուն: Ժամը 22:00-ի սահմաններում իջել է բակ ու տեսել, որ մեքենան բացակայում է բակից: Անմիջապես զանգահարել է ոստիկանություն և հայտնել կատարվածը: 25.10.2011թ. ավտոմեքենան հայտնաբերվել է Հայկավան-Բամբակաշատ գյուղեր տանող ճանապարհների հատման խաչմերուկում: Ավտոմեքենայից գողացվել են դիմացի և հետևի լուսարձակները, դիմացի և հետևի պետհամարանիշերը, դիմացի և հետևի դիմապակիները, ձայնարկիչը, էլ. մարտկոցը, դիմացի 2 նստատեղերը, 1.3 խմ գազի բալոնը, վարորդական իրավունքի և ծառայողական վկայականները:

Տուժող Երվանդ Վլադիկի Բադալյանը նախաքննության փուլում ցուցմունք է տվել, որ ունի անձնական օգտագործման ՙՎԱԶ 21074՚ մակնիշի 23 ԼՍ 613 պ/հ ավտոմեքենա: 13.12.2011թ.ª ժամը 22:00-ի սահմաններում, ավտոմեքենան կայանել է շենքի բակում և բարձրացել տուն: Առավոտյանª ժամը 09:00-ին դուրս է եկել տնից և տեսել, որ ավտոմեքենան բացակայում է բակից: Շրջելով շենքի շրջակայքում և չհայտնաբերելով ավտոմեքենանª դիմել է ոստիկանություն: Նույն օրըª ժամը 12:00-ի սահմաններում ավտոմեքենան հայտնաբերվել է Քասախ գյուղի գերեզմանատան մոտակայքում, որի վրայից հափշտակվել էր 1.2 խմ ծավալի գազի բալոնը, էլ. մարտկոցը, դիմացի և հետևի լուսարձակները, բեռնախցիկի կափարիչը, մեքենայի երեք անվադողերըª անվահեծով և պահեստային անվադողըª անվահեծով:
Հ.3 գ/թ 17-18

Տուժող Սուրիկ Համայակի Դումանյանը նախաքննության փուլում ցուցմունք է տվել, որ 14.01.2012թ.ª ժամը 03:00-ի սահմաններում իր ՙՎԱԶ 2106՚ մակնիշի 28 ՏՏ 954 պ/հ ավտոմեքենան կայանել է բակում և բարձրացել տուն: Ժամը 03:00-ի սահմաններում լուսամուտից նկատել է, որ ավտոմեքենան բակում կայանված է և քնել: Առավոտյանª ժամը 09:00-ի սահմաններում նկատել է, որ ավտոմեքենան բակից բացակայում է: Իջնելով շենքի բակª շրջել է շենքի շրջակայքում, սակայն մեքենան չհայտնաբերելովª դիմել է ոստիկանություն և տվել համապատասխան հաղորդում: Նույն օրը ոստիկանության աշխատակիցներից տեղեկացել է, որ ժամը 21:00-ի սահմաններում իր ավտոմեքենան հայտնաբերվել է Կոմիտաս պողոտայում: Ավտոմեքենայից ոչինչ չի գողացվել:
Հ.3 գ/թ 241-242

Տուժող Սյոմա Ռուբենի Շահսուվարյանը նախաքննությամբ ցուցմունք է տվել, որ շուրջ 10 տարի է վարում է իրեն պատկանող ՙՎԱԶ 2107՚ մակնիշի 02 120 պ/հ ավտոմեքենան: 2012թ. մայիս ամսին, կոնկրետ օրը չի հիշում, երեկոյան, նշված ավտոմեքենան կայանել է տան դիմացª փողոցի եզրին, փակել բանալիով դռներն ու մտել տուն: Հաջորդ օրն առավոտյանª ժամը 09:30-ից 10:00-ն ընկած ժամանակահատվածում դուրս է եկել տնից ու մոտեցել մեքենային: Նույն պահին նկատել է, որ բացակայում է մեքենայի դիմացի ձախակողմյան անվադողը` անվահեծով: Մեքենայի դռները գտնվել են փակ վիճակում և սրահից ոչինչ չի գողացվել: Գողությունը հայտնաբերելուց հետո տեղեկացել է, որ գողացվել է նաև հարևանի` Միշայի ավտոմեքենայի երկու անվադողերը: Երկուսով հարցուփորձ են արել շրջապատում` պարզելու համար ով է կատարել գողությունը, ապա մտածելով, որ գողություն կատարած անձը այլևս չի բռնվի, նաև հաշվի առնելով, որ վնասի չափը մեծ չէª ոստիկանություն չի դիմել: 2012թ. սեպտեմբերի 19-ին իրեն հրավիրել են ոստիկանության Արաբկիրի բաժին, որտեղ հայտնել են, որ մեքենայի անվադողի գողություն կատարած անձը հայտնաբերվել է, որից հետո, պատմելով կատարվածը, տվել է համապատասխան հաղորդում:
Հ.4 գ/թ 198-199

Տուժող Մուրադ Նարիբեկի Մանուկյանը դատաքննությամբ ցուցմունք է տվել, որ վարում է իրեն պատկանող ՙԳԱԶ 24՚ մակնիշի 63 ԼՏ 963 պ/հ ավտոմեքենան: Ապրուստի միջոցներ վաստակում է գյուղմթերքներ վաճառելով: 2011թ. սեպտեմբեր ամսին, կոնկրետ օրը չի հիշում, երեկոյան, գյուղից 5 արկղ հոն է դրել իի վերը նշված ավտոմեքենայի սրահում և եկել Երևանª ազգականի տուն, հոնը առավոտյան Երևան քաղաքում վաճառելու նպատակով: Հասնելով Երևան քաղաքի Կիևյան փողոցի 22 շենք, որտեղ բնակվում է ազգականը, ավտոմեքենան կայանել է նշված շենքի բակում, փակել բանալիով դռներն ու մտել տուն: Հաջորդ օրն առավոտյան դուրս է եկել տանիցª Երևան քաղաքում հոնը վաճառելու նպատակով, սակայն մոտենալով ավտեմեքենայինª նկատել է, որ ավտոմեքենայիս սրահից բացակայում են հոնով լի թվով 5 արկղերը: Ոստիկանություն չի դիմել: 2012թ. սեպտեմբերի 20-ին հրավիրվել է ոստիկանության Արաբկիրի բաժին, որտեղ հայտնել են, որ իր ավտոմեքենայից հոն գողացած անձանց հայտնաբերել են: Ոստիկանությունում պատմել է կատարվածը և տվել համապատասխան հաղորդում: Գողությամբ իրեն պատճառվել է 60.000 ՀՀ դրամի գույքային վնա:

Տուժող Միշա Կուկի Առաքելյանը նախաքննության փուլում ցուցմունք է տվել, որ վարում է իրեն պատկանող ՙՎԱԶ 2106՚ մակնիշի 01 ՕԼ 589 պ/հ ավտոմեքենան: 2011թ. գարնանը, կոնկրետ ամիսն ու չի չեմ հիշում, երեկոյան, նշված ավտոմեքենան կայանել է իրª Այգեկցու փողոցի 91 տան դիմացª փողոցի եզրին, փակել բանալիով դռներն ու մտել տուն: Հաջորդ օրն առավոտյանª դուրս է եկել տնից ու մոտեցել մեքենային: Նույն պահին նկատել է, որ բացակայում են մեքենայի դիմացի երկու անվադողերը` անվահեծով: Մեքենայի դռները գտնվել են փակ վիճակում և սրահից ոչինչ չի գողացվել: Հարցուփորձ է արել շրջապատում` պարզելու համար ով է կատարել գողությունը, ապա մտածելով, որ գողություն կատարած անձը այլևս չի բռնվի, նաև հաշվի առնելով, որ վնասի չափը մեծ չէª ոստիկանություն չի դիմել: Գողությամբ իրեն պատճառվել է 20.000 ՀՀ դրամի գույքային վնաս: 21.09. 2012թ. իրեն հրավիրել են ոստիկանության Արաբկիրի բաժին, որտեղ հայտնել են, որ մեքենայի անվադողի գողություն կատարած անձը հայտնաբերվել է:
Հ.4 գ/թ 210-211

Տուժող Պետրոս Անդրանիկի Պետրոսյանը նախաքննության փուլում ցուցմունք է տվել, որ վարորդ է, ունի ՙԲ.Ց՚ կարգի վարորդական իրավունքի վկայական ու վարում է ՙՀԱՍ և ԷԼ՚ ՍՊԸ տաքսի ծառայությանը պատկանող ՎԱԶ 2107՚ մակնիշի Տ 6138 համարանիշի ավտոմեքենան: Ավտոմեքենայի մարտկոցը և անվադողերը գնել է ինքը և դրանք պատկանում են իրեն: 2012թ. հուլիս ամսվա կեսերին, կոնկրետ օրը չի հիշում, գիշերը, ավարտելով աշխատանքըª նշված ավտոմեքենայով վերադարձել է տուն և մեքենան կայանելով բակումª իր տնից քիչ հեռուª Հ. Սահյան 69 տան մոտ, փակել է բանալիով դռներն ու մտել տուն: Հաջորդ օրն առավոտյան, ժամը 08:30-ին դուրս է եկել տանից` աշխատանքի գնալու նպատակով ու մոտեցել մեքենային: Նույն պահին նկատել է, որ կիսաբաց է մեքենայի բեռնախուցը: Բարձրացնելով շարժիչի կապոցը` նկատել է, որ բացակայում է մեքենայի մարտկոցը, իսկ բեռնախուցը բացելով` նկատել է, որ բացակայում է պահեստային անվադողը` անվահեծով: Մեքենայի դռները գտնվել են փակ վիճակում և սրահից ոչինչ չի գողացվել: Գողությունը հայտնաբերելուց հետո ոստիկանություն չի դիմել: 2012թ. սեպտեմբերի 26-ին հրավիրել են ոստիկանության Արաբկիրի բաժին, որտեղ հայտնել են, որ մեքենայից գողություն կատարած անձը հայտնաբերվել է ու պատմելով կատարվածը` տվել է համապատասխան հաղորդում: Գողությամբ իրեն պատճառվել է 30.000 ՀՀ դրամի գույքային վնաս:
Հ.4 գ/թ 215-216

Տուժող Աշոտ Հովհաննիսյանը նախաքննության փուլում ցուցմունք է տվել այն մասին, որ 2012թ. հոկտեմբերի 21-ի ժամը 20:00-ից մինչև հոկտեմբերի 22-ի ժամը 06:00-ն ընկած ժամանակահատվածում Երևանի Չեխովի փողոցի 15 շենքի բակում կայանված իր ՙՎԱԶ 2106՚ մակնիշի, 1.400.000 ՀՀ դրամ արժողությամբ 68 ՕՏ 719 համարանիշի ավտոմեքենան հափշտակվել է և ինքը կատարված հանցագործության մասին հաղորդում է տվել ոստիկանության Շենգավիթի բաժնում: 2012թ. սեպտեմբերին որդու` Արտյոմ Հովհաննիսյանի հետ եղել է Երևանի Չեխովի 15 շենքի բակում, երբ ոստիկանության աշխատակիցների և քաղաքացիական հագուստով անձանց հետ, ձեռնաշղթայով իրենց շենքին է մոտեցել մի տղա և մատնացույց անելով շենքի այն հատվածը, որտեղից հափշտակվել է իր ավտոմեքենան, հայտարարել, որ ինքը մոտ մեկ տարի առաջ հափշտակել է այդտեղ կայանված ՙՎԱԶ 2106՚ մակնիշի ավտոմեքենան:
Թիվ 11163911 քր. գործ - գ/թ 18-19, 73

Վկա Արտյոմ Հովհաննիսյանը դատաքննության փուլում ցուցմունք է տվել այն մասին, որ 2012թ. հոկտեմբերի 21-ի ժամը 20:00-ից մինչև հոկտեմբերի 22-ի ժամը 06:00-ն ընկած ժամանակահատվածում Երևանի Չեխովի փողոցի 15 շենքից հափշտակվել է հորը` Աշոտ Հովհաննիսյանին պատկանող ՙՎԱԶ 2106՚ մակնիշի, 68 ՕՏ 719 համարանիշի ավտոմեքենան Ա.Հովհաննիսյանը կատարված հանցագործության մասին հաղորդում է տվել ոստիկանության Շենգավիթի բաժնում: 2012թ. սեպտեմբերին հոր` Ա.Հովհաննիսյանի հետ եղել է Երևանի Չեխովի 15 շենքի բակում, երբ ոստիկանության աշխատակիցների և քաղաքացիական հագուստով անձանց հետ, ձեռնաշղթայով իրենց շենքին է մոտեցել մի տղա և մատնացույց անելով շենքի այն հատվածը, որտեղից հափշտակվել է իր ավտոմեքենան, հայտարարել, որ ինքը մոտ մեկ տարի առաջ հափշտակել է այդտեղ կայանված ՙՎԱԶ 2106՚ մակնիշի ավտոմեքենան: Ինքը և հայրը հասկացել են, որ խոսքն իրենց ավտոմեքենայի մասին է:

Վկա Ռազմիկ Գենջոյանը նախաքննության փուլում ցուցմունք է տվել, որ աշխատում է ոստիկանության Արաբկիրի բաժնում: 2012թ. սեպտեմբեր ամսին Արաբկիրի քննչական բաժնի քննիչ Ա.Մելքոնյանը քննչական փորձարարություն է կատարել Էդգար Գևորգյանի մասնակցությամբ, ինչին ներկա է գտնվել նաև ինքը, ոստիկանության այլ աշխատակիցներ և քաղաքացիներ: Է.Գևորգյանը քննչական փորձարարության ընթացքում ոստիկաններին ուղեկցել է Երևանի 3-րդ մաս թաղամասում գտնվող շենքերից մեկի բակ և մատնացույց անելով բակի դիմացի հատվածը, հայտարարել, որ ինքը մոտ մեկ տարի առաջ այդտեղից գողացել է ՙՎԱԶ 2106՚ մակնիշի ավտոմեքենա: Այդ ընթացքում իրենց են մոտեցել երկու տղամարդ և լսելով Է.Գևորգյանի հայտարարությունը, հայտնել, որ այդ մեքենան եղել է իրենցը:
Թիվ 11163911 քր. գործ - գ/թ 93-94

Ամբաստանյալներին մեղսագրվող արարքը հիմնավորվել է նաև.

08.09.2012թ. Էդգար Հրաչիկի Գևորգյանի մասնակցությամբ քննչական փորձարարություն կատարելու մասին արձանագրության համաձայն` վերջինս ուղեկցել է Կոմիտաս պողոտայի 56 շենքի բակ, որտեղ մատնացույց անելով շենքի բակը` հայտարարել, որ 2012թ. սեպտեմբերի լույս 6-ի գիշերը նշված վայրից գողացել է ՙՎԱԶ 2102՚ մակնիշի ավտոմեքենա: Այնուհետև Է.Գևորգյանը ուղեկցել է Երևան քաղաքի Արին Բերդ փողոցի 5 հասցե, որտեղ մատնացույց անելով տնից մոտ 200 մ հեռավորության վրա գտնվող կիսաքանդ շինությունը` հայտարարել է, որ 2012թ.փետրվար-մարտ ամիսներն ընկած ժամանակահատվածում իր ծանոթ Կարեն Ալեքսանյանից 100.000 ՀՀ դրամով գնել է ՙՎԱԶ 2107՚ մակնիշի կապույտ գույնի ավտոմեքենա և նշված վայրում մասնատել, որից հետո այրել է թափքը: Թափքի զննությամբ առջևի ձախ հավածում հայտնաբերվել է Լ0549658 գրառումը: Դրանից հետո Է.Գևորգյանը մատնացույց անելով նշված վայրից մոտ 100 մ. հեռավորության վրա գտնվող ՙՎԱԶ 2101՚ մակնիշի կարմիր գույնի ավտոմեքենան` հայտաարել է, որ նշված մեքենայի թափքի համարը ամրացրել է իր կողմից 2012թ. մարտ ամսին հափշտակված ՙՎԱԶ 2101՚ մակնիշի ավտոմեքենային, ապա ներկել է կարմիր գույնով և վաճառել: Նշված մեքենայի թափքի վրա հյտնաբերվել է 2101 0895W64 գրառումը: Դրանից հետո Է.Գևորգյանը ուղեկցել է Կոմիտաս պողոտայի 30 շենք, որտեղ մատնացույց անելով շենքի բակում գտնվող ավտոտնակների մոտակա հատվածը` հայտարարել է, որ 2012թ. մարտ ամսվա սկզբներին նշված վայրից գողացել է ՙՎԱԶ 2101՚ մակնիշի սպիտակ գույնի ավտոմեքենան: Դրանից հետո Է.Գևորգյանը հայտարարել է, որ 2012թ. օգոստոսի 1-ին կամ 2-ին իր ծանոթ Կ. Ալեքսանյանը զանգահարել է իրեն ու հայտնել, որ վաճառում է ՙՎԱԶ 2101՚ մակնիշի ավտոմեքենա, որը գողացել է Զեյթուն թ/մ-ի շատրվանների մոտ գտնվող շենքերից մեկի բակից: Ինքը 100.000 ՀՀ դրամով գնել է տվյալ ավտոմեքենան և 150.000 ՀՀ դրամով վաճառել Ա.Սիմոնյանին: Դրանից հետո Է.Գևորգյանը մատնացույց է արել Երևան քաղքի 1-ին մաս կոչվող թաղամասի այն հատվածը, որտեղ կայանել է 2012թ. մայիսի 8-ին կամ 9-ին Կ. Ալեքսանյանի կողմից վաճառելու համար բերված ՙՎԱԶ2101՚ մակնիշի ավտոմեքենան: Դրանից հետո Է.Գևորգյանը ուղեկցել է Երևան քաղաքի Տիգրանյան փողոցի 13 շենք, որտեղ մատնացույց անելով կամարից աջ գտնվող հատվածը` հայտարարել է, որ այնտեղից 2012թ. մայիսի 17-ին ՙՎԱԶ 2107՚ մանիշի մեքենայից գողացել է մարտկոցը:Դրանից հետո Է.Գևորգյանը ուղեկցել է Ա. Խաչատրյան փողոցի 29 շենքի բակ և հայտարարել, որ նույն օրը նշված վայրում կայանված ՙՎԱԶ 2106՚ մակնիշի մեքենայից նույնպես գողացել է մարտկոցը: Այնուհետև Է.Գևորգյանը ուղեկցել է Երևան քաղաքի Հ. Սահյան փողոցի 69 տուն, որտեղ մատնացույց անելով տան պատուհանի մոտակա հատվածը` հայտարարել է, որ 2012թ. հուլիսի 2-ին նշված վայրում կայանված ՙՎԱԶ 2107՚ մակնիշի ավտոմեքենայի վրայից գողացել է մարտկոցը: Դրանից հետո Է.Գևորգյանը ուղեկցել է Երևան քաղաքի Գյուլբեկյան փողոցի 41 հասցե, որտեղ մատնացույց անելով կամարից ձախ գտնվող հատվածը` հյտարարել է, որ 2012թ. մարտ ամսվա վերջերին նշված վայրում կայանված ՙՎԱԶ 2106՚ կամ ՙՎԱԶ 2103՚ մակնիշի ավտոմեքենայից գողացել է մարտկոցն ու պահեստային անվադողը` անվահեծով:
Հ.1 գ/թ 69-72

14.12.2012թ. Էդգար Հրաչիկի Գևորգյանի մասնակցությամբ քննչական փորձարարություն կատարելու մասին արձանագրության համաձայն` վերջինս ուղեկցել է Երևան քաղաքի Դրոյի 3-րդ շենք և մատնացույց անելով շենքի 2-րդ մուտքի դիմացի հատվածը` հայտարարել, որ 2012թ. հուլիս ամսին նշված վայրից միայնակ գողացել է դեղին գույնի ՙՋորի՚ մակնիշի ավտոմեքենա: Այնուհետև ուղեկցել է Երևան քաղաքի Կոմիտաս 58 հասցե և մատնացույց անելով շենքից 25մ. հեռավորության վրա գտվող տաղավարը` հայտարարել է, որ 06.09.2012թ.-ին նշված վայրից միայնակ գողացել է ՙՎԱԶ 2102՚ մակնիշի ավտոմեքենա: Դրանից հետո ուղեկցել է Երևան քաղաքի Վրացական փողոցի 21/1 շենքի բակ` մատնացույց է արել շենքի 2-րդ մուտքի դիմացի հատվածը և հայտարարել, որ 2011թ. օգոստոս ամսին նշված վայրից միայնակ գողացել է ՙՎԱԶ 2101՚ մակնիշի ավտոմեքենա: Այնուհետև ուղեկցել է Ա. Խաչատրյան փողոցի 17 շենքի բակ և մատնացույց անելով շենքի 4-րդ մուտքի դիմացի հատվածը` հայտարարել է, որ 2012թ. մարտ ամսին նշված վայրից միայնակ գողացել է կապույտ գույնի ՙՎԱԶ 2107՚ մակնիշի ավտոմեքենա: Այնուհետև ուղեկցել է Երևան քաղաքի Կիևյան 22 շենքի բակ և մատնացույց անելով շենքի բակում գտնվող ավտոտնակների դիմացի հատվածը` հայտարարել է, որ 2012թ. ամռան վերջին Գեղամի հետ բացել են նշված վայրում կայանած ՙԳԱԶ 24՚ մակնիշի ավտոմեքենայի դռները` գողացել են մի քանի արկղ հոն: Այնուհետև ուղեկցելով Կոմիտաս 30 շենքի բակ` մատնացույց է արել շենքի դիմացի հատվածն ու հայտարարել, որ 2012թ. մայիս ամսին Նվերի և Գեղամի հետ նախնական համաձայնության գալով, նշված վայրից գողացել են ՙՎԱԶ 2101՚ մակնիշի ավտոմեքենա:
Հ.1 գ/թ 54-56

09.09.2012թ. Արմեն Ալբերտի Սիմոնյանի մասնակցությամբ քննչական փորձարարություն կատարելու մասին արձանագրության համաձայն` Ա.Սիմոնյանը ուղեկցել է Արարատի մարզի Արարատ գյուղի գերեզմանատանը կից բլրի մոտ, որտեղ մատացույց անելով բլրից 100մ. հեռավորության վրա գտնվող ՙՎԱԶ 2101՚ մակնիշի մասնատված և ապամոնտաժված ավտոմեքենայի թափքը` հայտարարել է, որ այն 2012թ. օգոստոս ամսին գնել է Է.Գևորգյանից` տեղյակ լինելով, որ այն գողացված է, որից հետո տեղափոխել է նշված վայր, մասնատել, ապամոնտաժել և մաս-մաս վաճառել: Մեքենայի թափքի վրա առկա է եղել 4356740 գրառումը: Այնուհետև Ա.Սիմոնյանը ուղեկցել է Արարատի մարզի Արարատ գյուղի Ռ. Վարդանյան փողոցի 23 տունը և հայտարարել, որ այն հանդիսանում է իր տունը, որտեղ 2012թ. սեպտեմբերի 6-ին այցելել է Է.Գևորգյանը ու առաջարկել գնել գողացված ՙՎԱԶ 2102՚ մակնիշի ավտոմեքենան: Ինքը համաձայնել է նույն օրը միասին գնացել են Արարատ քաղաքի խաչմերուկ, որտեղ ինքը սպասել է, իսկ Է.Գևորգյանը գնացել է մեքենան բերելու, սակայն իրենք բռնվել են:
Հ.1 գ/թ 199-201

12.09.2012թ. Գեղամ Վիկտորիայի Կնյազյանի մասնակցությամբ քննչական փորձարարություն կատարելու մասին արձանագրության համաձայն` Գ.Կնյազյանը ուղեկցել է Երևան քաղաքի Վրացական փողոցի 21/1 շենք, որտեղ մատնացույց անելով շենքի բակը` հայտարարել է, որ 2011թ. օգոստոս ամսվա սկզբներին ինքը Է.Գևորգյանի և Ն.Հովսեփյանի հետ նշված վայրից գողացել են կանաչ գույնի ՙՎԱԶ 2101՚ մակնիշի ավտոմեքենա: Այնուհետև Գ.Կնյազյանը ուղեկցել է Այգեկցու փողոցի 91 հասցե, որտեղ մատնացույց անելով բակային հատվածը` հայտարարել է, որ 2011թ. օգոստոս մասին Է.Գևորգյանի հետ գողացել են նշված վայրում կայանված ՙՎԱԶ 2106՚ մակնիշի ավտոմեքենայի երկու անիվները: Այնուհտև ուղեկցելով Այգեկցու 84 հասցե` որտեղ մատնացույց անելով բակային հատվածը` հայտարարել է, որ հիշել է, որ Է.Գևորգյանի հետ 2011թ. օգոստոս ամսին նշված վայրում կայանված կարմիր գույնի ՙՎԱԶ 2107՚ մակնիշի ավտոմեքենայից գողացել են երկու անիվները: Դրանից հետո Գ.Կնյազյանը ուղեկցելով Արին Բերդ փողոցի 5 հասցեի մոտ գտնվող տարածք` մատնացույց է արել քարերով և հողով լցված փոսն ու հայտարարել, որ իրենց կողմից գողացված ՙՎԱԶ 2101՚ մակնիշի ավտոմեքենայի թափքը գցել են նշված փոսն ու ծածկել քարերով ու հողով: Այնուհետև Գ.Կնյազյանը մատնացույց անելով նշված վայրից մոտ 50մ. հեռավորության վրա գտնվող կիսակառույց շինությունը` հայտարարեց, որ գողացված ՙՎԱԶ 2101՚ մակնիշի ավտոմեքենայի ծածկը և նստատեղերը գտնվում են նշված վայրում: Փորձարարության ընթացքում կիսաքանդ շինությունից հայտնաբերվել և առգրավվել են 2 հատ դիմացի նստատեղեր, 1 հատ հետևի նստատեղ և շարժիչի ծածկոց:
Հ.2 գ/թ 78-80

Հաղորդում ընդունելու մասին թիվ 015966, 006042, 005738, 006324, 015837, 013329, 012755, 012758, 012760, 000894, 014558, 000901, 015671, 014666, 014115 և 012774, դեպքի վայրի զննության մասին արձանագրություններով:
Հ.1 գ/թ 1, 3-4, 83, 86-87, 137, 139-140
Հ.2 գ/թ 8, 121-123, 164, 170, 173, 192, 197-198, 271, 276-277
Հ.3 գ/թ 8, 74, 170, 221, 297
Հ.4 գ/թ 2

Ավտոմեքենաներն իրեղեն ապացույց ճանաչելու և ի պահ հանձնելու մասին որոշումներով:
գ/թ 218-223 /4-րդ հատոր/:

Է.Գևորգյանի, Ա.Սիմոնյանի, Գ.Կնյազյանի և Ն.Հովսեփյանի բացատրություններն ապացույց ճանաչելու մասին որոշումներով:
Հ.4 գ/թ 243-249

Բնակարանի խուզարկություն կատարելու մասին արձանագրությամբ:
Հ.1 գ/թ 227-228

Անձին ճանաչման ներկայացման արձանագրությունների համաձայն` Արտյոմ և Աշոտ Հովհաննիսյաններն իրենց ճանաչման ներկայացված չորս անձանցից ճանաչել են Էդգար Գևորգյանին և հայտարարել, որ նա այն տղան է, ով ոստիկանության աշխատակիցների և քաղաքացիական հագուստով անձանց հետ, ձեռնաշղթայով մոտեցել և մատնացույց է արել իրենց` Երևանի Չեխովի փողոցի 15 շենքի բակի այն հատվածը, որտեղից հափշտակվել է Աշոտ Հովհաննիսյանին պատկանող ՙՎԱԶ 2106՚ մակնիշի 68 ՕՏ 719 համարանիշի ավտոնեքենան և հայտարարել, որ ինքն այդտեղից մոտ մեկ տարի առաջ հափշտակել է ՙՎԱԶ 2106՚ մակնիշի ավտոմեքենա:
Թիվ 11163911 քր. գործ - գ/թ 96-99

22.10.2011թ. կատարված դեպքի վայրի զննման արձանագրության համաձայն` զննության մասնակից Արտյոմ Հովհաննիսյանը մատնացույց է արել Երևանի Չեխովի փողոցի 15 շենքի բակի վերջնամասը և հայտարարել, որ հորը` Աշոտ Հովհաննիսյանին պատկանող ՙՎԱԶ 2106՚ մակնիշի 68 ՕՏ 719 համարանիշի ավտոնեքենան կայանված է եղել այդ մասում:
Թիվ 11163911 քր. գործ - գ/թ 10-11

Դատարանի իրավական վերլուծությունները
Դատարանը գործով ձեռք բերված յուրաքանչյուր ապացույց գնահատելով թույլատրելիության վերաբերելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ղեկավարվելով օրենքով, ներքին համոզմամբ, գտնում է, որ ամբաստանյալ Նվեր Հովսեփյանի մեղավորությունը` երեք դրվագով մի խումբ անձանց կողմից նախնական համաձայնությամբ, երկու դրվագով մի խումբ անձանց կողմից նախնական համաձայնությամբ խոշոր չափերով գողություն կատարելու, ինչպես նաև երկու դրվագով մի խումբ անձանց կողմից նախնական համաձայնությամբ առանց հափշտակելու նպատակի` ավտոմեքենային կամ տրանսպորտային այլ միջոցին տիրանալու /փախցնելու/ մեջ, որոնք նախատեսված են ՀՀ քրեական օրենսգրքի 177-րդ հոդվածի 2-րդ մասի 1-ին և 183-րդ հոդվածի 2-րդ մասի 2-րդ կետերով, ապացուցված է:
Ամբաստանյալ Գեղամ Կնյազյանի մեղավորությունը` չորս դրվագով մի խումբ անձանց կողմից նախնական համաձայնությամբ, խոշոր չափերով գողություն կատարելու մեջ, որոնք նախատեսված են ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ և 177-րդ հոդվածի 2-րդ մասի 1-ին կետերով, ապացուցված է:
Ամբաստանյալ Արմեն Սիմոնյանի մեղավորությունը` երկու դրվագով հանցակցությամբ խոշոր չափերով գողություն կատարելու մեջ, որը նախատեսված է ՀՀ քրեական օրենսգրքի 38-177-րդ հոդվածի 2-րդ մասի 2-րդ կետով, ապացուցված է:
Ամբաստանյալ Էդգար Գևորգյանի մեղավորությունը` տասներեք դրվագով մի խումբ անձանց կողմից նախնական համաձայնությամբ, խոշոր և զգալի չափերով գողություն և գողության փորձ կատարելու, ինչպես նաև` չորս դրվագով առանց հափշտակելու նպատակի` մի խումբ անձանց կողմից նախնական համաձայնությամբ ավտոմեքենային կամ տրանսպորտային այլ միջոցին տիրանալու /փախցնելու/ մեջ, որոնք նախատեսված են ՀՀ քրեական օրենսգրքի 177-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին և 2-րդ կետերով, 177-րդ հոդվածի 2-րդ մասի 2-րդ կետով, 34-177-րդ հոդվածի 2-րդ մասի 2-րդ կետով, 177-րդ հոդվածի 1-ին մասով, 183-րդ հոդվածի 2-րդ մասի 2-րդ կետով և 183-րդ հոդվածի 1-ին մասով, ապացուցված է:
Վերոհիշյալ հանցանքների կատարման համար ամբաստանյալները ենթակա են քրեական պատասխանատվության և պատժի, որը նրանք պետք է կրեն:
Ինչ վերաբերում է ՀՀ քրեական օրենսգրքի 38-177-րդ հոդվածի 3-րդ մասի 1.1-ին կետով Էդգար Գևորգյանին առաջադրված մեղադրանքին, ապա դատարանը գտնում է, որ ինչպես նախաքննությամբ, այնպես էլ դատաքննությամբ հետազոտված ապացույցներով չի հիմնավորվել Էդգար Գևորգյանի կողմից գործով չպարզված ՙՆիկոլին՚ օժանդակելու` նախապես խոստացված` հանցագործության պարտակում կատարելու մեղադրանքը:
Նախաքննության մարմինն ապացույցների հիմքում դրել է միայն ամբաստանյալ Է.Գևորգյանի նախաքննության փուլի խոստովանական ցուցմունքը այն դեպքում, երբ վերջինս ինչպես նախաքննության հետագա փուլերում, այնպես էլ դատաքննության ընթացքում կտրականապես ժխտել է իր առնչությունն այդ հանցագործության կատարմանն օժանդակելու մեջ:
ՀՀ Սահմանադրության 21-րդ հոդվածի համաձայն ՙհանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ օրենքով սահմանված կարգով` դատարանի` օրինական ուժի մեջ մտած դատավճռով:
Մեղադրյալը պարտավոր չէ ապացուցել իր անմեղությունը: Չփարատված կասկածները մեկնաբանվում են հօգուտ մեղադրյալի՚:
Սահմանադրության 22-րդ հոդվածի համաձայն ՙոչ ոք պարտավոր չէ ցուցմունք տալ իր, ամուսնու կամ մերձավոր ազգականների վերաբերյալ (...)՚:
Դատարանը միաժամանակ արձանագրում է, որ մինչդատական վարույթի ընթացքում դեռևս չի պարզվել այս դրվագով անմիջական հանցագործություն կատարող անձի` ոմն ՙՆիկոլի՚ ինքնությունը և քրեական գործի վարույթը կասեցվել է:
ՀՀ քրեական օրենսգրքի 3-րդ հոդվածի համաձայն` ՙքրեական պատասխանատվության միակ հիմքը հանցանք, այսինքն` այնպիսի արարք կատարելն է, որն իր մեջ պարունակում է քրեական օրենքով նախատեսված հանցակազմի բոլոր հատկանիշները՚:
ՀՀ քրեական դատավարության օրենսգրքի 18-րդ հոդվածը սահմանում է.
(...) Կասկածյալը կամ մեղադրյալը պարտավոր չէ ապացուցել իր անմեղությունը: Նրանց անմեղության ապացուցման պարտականությունը չի կարող դրվել պաշտպանության կողմի վրա: Մեղադրանքի ապացուցման և կասկածյալին կամ մեղադրյալին ի պաշտպանություն բերված փաստարկների հերքման պարտականությունը կրում է մեղադրանքի կողմը:
Հանցանք գործելու մեջ անձի մեղավորության մասին հետևությունը չի կարող հիմնվել ենթադրությունների վրա, այն պետք է հաստատվի գործին վերաբերող փոխկապակցված հավաստի ապացույցների բավարար ամբողջությամբ: (...)
ՀՀ քրեական դատավարության օրենսգրքի 35-րդ հոդվածի 2-րդ մասի համաձայն` ՙքրեական հետապնդումը ենթակա է դադարեցման, իսկ գործի վարույթը ենթակա է կարճման` կատարված հանցագործությանը կասկածյալի կամ մեղադրյալի մասնակցությունն ապացուցված չլինելու արդյունքում, եթե սպառված են նոր ապացույցներ ձեռք բերելու բոլոր հնարավորությունները՚:
ՀՀ քրեական դատավարության օրենսգրքի 366-րդ հոդվածի համաձայն.
ՙ1. Արդարացման դատավճիռը ճանաչում և հռչակում է հանցանքի կատարման մեջ ամբաստանյալի անմեղությունը` այն մեղադրանքով, որով նա ներգրավվել է որպես մեղադրյալ:
2. Դատարանը պարտավոր է սույն օրենսգրքի 35 հոդվածի առաջին մասի 1-3-րդ կետերով և երկրորդ մասով նախատեսված հիմքերից որևէ մեկի առկայության դեպքում տվյալ դատական նիստում կայացնել արդարացման դատավճիռ:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚: ՀՀ Վճռաբեկ դատարանը 2012թ. նոյեմբերի 1-ին Սերոբ Սարգսյանի վերաբերյալ թիվ ՍԴ/0109/01/12 գործով արտահայտել է հետևյալ իրավական դիրքորոշումը. ՙ(…) պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են`
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն:
Վճռաբեկ դատարանը գտել է, որ ՀՀ քրեական օրենսգրքի Հատուկ մասի գրեթե բոլոր հոդվածների սանկցիաներում ամրագրված վերոնշյալ մոտեցումը պայմանավորված է այն տրամաբանությամբ, որ քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Ուստի կոնկրետ արարքի և անձի նկատմամբ համընդհանուր քրեական օրենքով նախատեսված սանկցիան կիրառելիս դատարանը պետք է որոշակի հայեցողություն դրսևորի:
Այնսինքն` առանց դատարանի հայեցողության պատժի անհատականացումն անհնար է:
(…) Պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության աստիճանի ու բնույթի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների հայեցողական և ոչ երբեք կամային գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից (տես Նարեկ Գևորգի Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 14-րդ, 22-23-րդ կետերը)՚:
Ամբաստանյալ Նվեր Հովսեփյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չէ:
Ամբաստանյալ Գեղամ Կնյազյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չէ:
Ամբաստանյալ Արմեն Սիմոնյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա բնութագրվում է դրական, խնամքին են գտնվում 2000թ, 2002թ. և 2005թ. ծնված մանկահասակ երեխաները:
Ամբաստանյալ Էդգար Գևորգյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա բնութագրվում է դրական, խնամքին են գտնվում 2012թ. ծնված երկու մանկահասակ երեխաները:
Ամբաստանյալների պատասխանատվությունն ու պատիժը ծանրացնող հանգամանքներ դատարանը չի արձանագրել:
ՀՀ քրեական օրենսգրքի 22-րդ հոդվածի 1-ին մասի համաձայն` հանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար:
ՀՀ քրեական օրենսգրքի 22-րդ հոդվածի 2-րդ մասի 1-ին կետի համաձայն` հանցագործությունների ռեցիդիվը վտանգավոր է համարվում` դիտավորությամբ հանցանք կատարելու դեպքում, եթե անձը նախկինում երկու անգամից ոչ պակաս ազատազրկման է դատապարտվել դիտավորյալ հանցագործության համար:
Դատարանն արձանագրում է, որ քանի որ ամբաստանյալ Արմեն Սիմոնյանը, նախկինում դիտավորյալ հանցագործություն կատարելու համար երկու անգամ դատվածություն ունենալով, դարձյալ կատարել է դիտավորյալ հանցագործություն, ուստի առկա է հանցագործությունների վտանգավոր ռեցիդիվ:
Ամբաստանյալ Էդգար Գևորգյանը, նախկինում դիտավորյալ հանցագործություն կատարելու համար դատվածություն ունենալով, դարձյալ կատարել է դիտավորյալ հանցագործություն, ուստի առկա է հանցագործությունների ռեցիդիվ:
Նշված պայմաններում ամբաստանյալներ Արմեն Սիմոնյանի և Էդգար Գևորգյանի նկատմամբ պատիժ նշանակելիս դատարանը պետք է ղեկավարվի ՀՀ քրեական օրենսգրքի 67.1-րդ հոդվածի 2-րդ մասի կանոններով:
ՀՀ քրեական օրենսգրքի 67.1-րդ հոդվածի 2-րդ մասի համաձայն` (...) հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից:
Հանցագործությունների վտանգավոր ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի երկու երրորդից (...):
Դատարանը գտնում է, որ տուժողներ Անդրեյ Փաթաթանյանի, Արարատ Սնխչյանի, Տիգրան Բարդուխյանի, Երվանդ Բադալյանի, Արմեն Մարտիրոսյանի, Նվեր Մանուկյանի, Տիգրան Մկրտչյանի և Լևոն Խաչատրյանի կողմից ներկայացված քաղաքացիական հայցը պետք է բավարարել և ամբաստանյալ Էդգար Գևորգյանից հօգուտ Արարատ Սնխչյանի պետք է բռնագանձել 250.000, Արմեն Մարտիրոսյանի` 1.055.990, Տիգրան Մկրտչյանի` 1.570.000 ՀՀ դրամ, ամբաստանյալներ Գեղամ Կնյազյանից և Էդգար Գևորգյանից` համապարտության կարգով հօգուտ Անդրեյ Փաթաթանյանի բռնագանձել 643.000, Լևոն Խաչատրյանի` 1.100.000 ՀՀ դրամ, ամբաստանյալներ Նվեր Հովսեփյանից և Էդգար Գևորգյանից` համապարտության կարգով հօգուտ Տիգրան Բարդուխյանի` 480.000, Երվանդ Բադալյանի` 480.000 ՀՀ դրամ, ամբաստանյալներ Նվեր Հովսեփյանից, Գեղամ Կնյազյանից և Էդգար Գևորգյանից` համապարտության կարգով հօգուտ Նվեր Մանուկյանի բռնագանձել 800.000 ՀՀ դրամ` որպես հանցագործության հետևանքով անմիջականորեն պատճառված վնասի հատուցում:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց ճանաչված և տուժող Լևոն Խաչատրյանին ի պահ հանձնված ՙՎԱԶ 2102՚ մակնիշի 32 ՏՍ 334 պետհամարանիշի, տուժող Տիգրան Բարդուխյանին ի պահ հանձնված ՙՎԱԶ 2107՚ մակնիշի 12 ԼԼ 236 պետհամարանիշի, տուժող Երվանդ Բադալյանին ի պահ հանձնված ՙՎԱԶ 2107՚ մակնիշի 23 ԼՍ 613 պետհամարանիշի ավտոմեքենանները պետք է թողնել տուժողների տնօրինմանը:

Ղեկավարվելով ՀՀ քրեական դատավարության օրենսգրքի 119-րդ, 357-360-րդ, 365-րդ, 366-րդ, 369-373-րդ, 379-րդ հոդվածներով, դատարանը`

ՎՃՌԵՑ

Նվեր Գագիկի Հովսեփյանին մեղավոր ճանաչել երկու դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով, երեք դրվագով` 177-րդ հոդվածի 2-րդ մասի 1-ին կետով և երկու դրվագով` 183-րդ հոդվածի 2-րդ մասի 2-րդ կետով նախատեսված հանցագործությունների կատարման մեջ:
Առաջին դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով նրա նկատմամբ պատիժ նշանակել ազատազրկում 2 /երկու/ տարի ժամկետով:
Երկրորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով նրա նկատմամբ պատիժ նշանակել ազատազրկում 2 /երկու/ տարի ժամկետով:
Երրորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով պատիժ նշանակել ազատազրկում 2 /երկու/ տարի ժամկետով:
Չորրորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով պատիժ նշանակել ազատազրկում 2 /երկու/ տարի:
Հինգերորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով պատիժ նշանակել ազատազրկում 2 /երկու/ տարի:
Վեցերորդ դրվագով` ՀՀ քրեական օրենսգրքի 183-րդ հոդվածի 2-րդ մասի 2-րդ կետով պատիժ նշանակել ազատազրկում 1 /մեկ/ տարի 6 /վեց/ ամիս ժամկետով:
Յոթերորդ դրվագով` ՀՀ քրեական օրենսգրքի 183-րդ հոդվածի 2-րդ մասի 2-րդ կետով պատիժ նշանակել ազատազրկում 1 /մեկ/ տարի 6 /վեց/ ամիս ժամկետով:
ՀՀ քրեական օրենսգրքի 66-րդ հոդվածի կանոններով, պատիժները մասնակիորեն գումարելու միջոցով Նվեր Գագիկի Հովսեփյանի նկատմամբ վերջնական պատիժ նշանակել ազատազրկում 3 /երեք/ տարի ժամկետով:
Պատժի սկիզբը հաշվել 2012 թվականի սեպտեմբերի 10-ից:
Նվեր Հովսեփյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:

Գեղամ Վիկտորիայի Կնյազյանին մեղավոր ճանաչել երկու դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով և երկու դրվագով` 177-րդ հոդվածի 2-րդ մասի 1-ին կետով նախատեսված հանցագործությունների կատարման մեջ:
Առաջին դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով պատիժ նշանակել ազատազրկում 2 /երկու/ տարի ժամկետով:
Երկրորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով պատիժ նշանակել ազատազրկում 2 /երկու/ տարի ժամկետով:
Երրորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով պատիժ նշանակել ազատազրկում 2 /երկու/ տարի ժամկետով:
Չորրորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով պատիժ նշանակել ազատազրկում 2 /երկու/ տարի ժամկետով:
ՀՀ քրեական օրենսգրքի 66-րդ հոդվածի կանոններով, պատիժները մասնակիորեն գումարելու միջոցով Գեղամ Վիկտորիայի Կնյազյանի նկատմամբ վերջնական պատիժ նշանակել ազատազրկում 3 /երեք/ տարի ժամկետով:
Պատժի սկիզբը հաշվել 2012 թվականի սեպտեմբերի 10-ից:
Գեղամ Կնյազյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:

Արմեն Ալբերտի Սիմոնյանին մեղավոր ճանաչել երկու դրվագով` ՀՀ քրեական օրենսգրքի 38-177-րդ հոդվածի 2-րդ մասի 2-րդ կետով նախատեսված հանցագործության կատարման մեջ:
Առաջին դրվագով` ՀՀ քրեական օրենսգրքի 38-177-րդ հոդվածի 2-րդ մասի 2-րդ կետով պատիժ նշանակել ազատազրկում 3 /երեք/ տարի 3 /երեք/ ամիս ժամկետով:
Երկրորդ դրվագով` ՀՀ քրեական օրենսգրքի 38-177-րդ հոդվածի 2-րդ մասի 2-րդ կետով պատիժ նշանակել ազատազրկում 3 /երեք/ տարի 3 /երեք/ ամիս ժամկետով:
ՀՀ քրեական օրենսգրքի 66-րդ հոդվածի կանոններով, պատիժները մասնակիորեն գումարելու միջոցով Արմեն Ալբերտի Սիմոնյանի նկատմամբ վերջնական պատիժ նշանակել ազատազրկում 3 /երեք/ տարի 6/վեց/ ամիս ժամկետով:
Պատժի սկիզբը հաշվել 2012 թվականի սեպտեմբերի 7-ից:
Արմեն Սիմոնյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:

Ճանաչել և հռչակել Էդգար Հրաչիկի Գևորգյանի անմեղությունը` մեկ դրվագով ՀՀ քրեական օրենսգրքի 38-177-րդ հոդվածի 3-րդ մասի 1.1-ին կետով նախատեսված հանցագործության կատարման մեջ:
Էդգար Հրաչիկի Գևորգյանին մեղավոր ճանաչել վեց դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով, երկու դրվագով` 177-րդ հոդվածի 2-րդ մասի 1-ին և 2-րդ կետերով, չորս դրվագով` 177-րդ հոդվածի 2-րդ մասի 2-րդ կետով, մեկ դրվագով` 34-177-րդ հոդվածի 2-րդ մասի 2-րդ կետով, մեկ դրվագով` 177-րդ հոդվածի 1-ին մասով, երկու դրվագով` 183-րդ հոդվածի 2-րդ մասի 2-րդ կետով և մեկ դրվագով` 183-րդ հոդվածի 1-ին մասով նախատեսված հանցագործությունների կատարման մեջ:
Առաջին դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Երկրորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Երրորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Չորրորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Հինգերորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Վեցերորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Յոթերորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Ութերորդ դրվագով` ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Իններորդ դրվագով` ՀՀ քրեական օրենսգրքի 177-րդ հոդվածի 2-րդ մասի 2-րդ կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Տասներորդ դրվագով` ՀՀ քրեական օրենսգրքի 177-րդ հոդվածի 2-րդ մասի 2-րդ կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Տասնմեկերորդ դրվագով` ՀՀ քրեական օրենսգրքի 177-րդ հոդվածի 2-րդ մասի 2-րդ կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Տասներկուերորոդ դրվագով` ՀՀ քրեական օրենսգրքի 177-րդ հոդվածի 2-րդ մասի 2-րդ կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Տասներեքերորդ դրվագով` ՀՀ քրեական օրենսգրքի 34-177-րդ հոդվածի 2-րդ մասի 2-րդ կետով պատիժ նշանակել ազատազրկում 2 /երկու/ տարի ժամկետով:
Տասնչորսերորդ դրվագով` ՀՀ քրեական օրենսգրքի 177-րդ հոդվածի 1-ին մասով պատիժ նշանակել ազատազրկում 1 /մեկ/ տարի ժամկետով:
Տասնհինգերորդ դրվագով` ՀՀ քրեական օրենսգրքի 183-րդ հոդվածի 2-րդ մասի 2-րդ կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Տասնվեցերորդ դրվագով` ՀՀ քրեական օրենսգրքի 183-րդ հոդվածի 2-րդ մասի 2-րդ կետով պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Տասնյոթերորդ դրվագով` ՀՀ քրեական օրենսգրքի 183-րդ հոդվածի 1-ին մասով պատիժ նշանակել ազատազրկում 6 /վեց/ ամիս ժամկետով:
ՀՀ քրեական օրենսգրքի 66-րդ հոդվածի կանոններով, պատիժները մասնակիորեն գումարելու միջոցով Էդգար Հրաչիկի Գևորգյանի նկատմամբ պատիժ նշանակել ազատազրկում 4 /չորս/ տարի 6 /վեց/ ամիս ժամկետով:
ՀՀ քրեական օրենսգրքի 69-րդ հոդվածի կանոններով Երևան քաղաքի Էրեբունի համայնքի դատարանի 03.07.2011թ. դատավճռով ՀՀ քրեական օրենսգրքի 216-րդ հոդվածով նշանակված տուգանքը հանրային աշխատանքներով փոխարինված 440 ժամը փոխարինել 4 ամիս 26 օրով, ՀՀ քրեական օրենսգրքի 67-րդ հոդվածի կանոններով, դատավճիռների համակցությամբ նշանակված պատժին մասնակիորեն գումարել 3 /երեք/ ամիս և Էդգար Հրաչիկի Գևորգյանի նկատմամբ վերջնական պատիժ նշանակել ազատազրկում 4 /չորս/ տարի 9 /ինը/ ամիս ժամկետով:
Պատժի սկիզբը հաշվել 2012 թվականի սեպտեմբերի 7-ից:
Էդգար Գևորգյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Տուժողներ Անդրեյ Փաթաթանյանի, Արարատ Սնխչյանի, Տիգրան Բարդուխյանի, Երվանդ Բադալյանի, Արմեն Մարտիրոսյանի, Նվեր Մանուկյանի, Տիգրան Մկրտչյանի և Լևոն Խաչատրյանի կողմից ներկայացված քաղաքացիական հայցը բավարարել.
Ամբաստանյալ Էդգար Գևորգյանից հօգուտ Արարատ Սնխչյանի բռնագանձել 250.000, Արմեն Մարտիրոսյանի` 1.055.990, Տիգրան Մկրտչյանի` 1.570.000 ՀՀ դրամ, ամբաստանյալներ Գեղամ Կնյազյանից և Էդգար Գևորգյանից` համապարտության կարգով հօգուտ Անդրեյ Փաթաթանյանի բռնագանձել 643.000, Լևոն Խաչատրյանի` 1.100.000 ՀՀ դրամ, ամբաստանյալներ Նվեր Հովսեփյանից և Էդգար Գևորգյանից` համապարտության կարգով հօգուտ Տիգրան Բարդուխյանի` 480.000, Երվանդ Բադալյանի` 480.000 ՀՀ դրամ, ամբաստանյալներ Նվեր Հովսեփյանից, Գեղամ Կնյազյանից և Էդգար Գևորգյանից` համապարտության կարգով հօգուտ Նվեր Մանուկյանի բռնագանձել 800.000 ՀՀ դրամ` որպես հանցագործության հետևանքով անմիջականորեն պատճառված վնասի հատուցում:
Գործով իրեղեն ապացույց ճանաչված և տուժող Լևոն Խաչատրյանին ի պահ հանձնված ՙՎԱԶ 2102՚ մակնիշի 32 ՏՍ 334 պետհամարանիշի, տուժող Տիգրան Բարդուխյանին ի պահ հանձնված ՙՎԱԶ 2107՚ մակնիշի 12 ԼԼ 236 պետհամարանիշի, տուժող Երվանդ Բադալյանին ի պահ հանձնված ՙՎԱԶ 2107՚ մակնիշի 23 ԼՍ 613 պետհամարանիշի ավտոմեքենանները թողնել տուժողների տնօրինմանը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:




ԴԱՏԱՎՈՐ Ա.ՄԿՐՏՉՅԱՆ





------------------------------------------------------------------------------------------

Գործ No ԵԱՔԴ/0036/01/13

ՈՐՈՇՈՒՄ

ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

27 օգոստոսի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրողներ Կ.Բարսեղյանի
Ա.Քալաշյանի
Ա.Գրիգորյանի
պաշտպաններ Ա.Ստեփանյանի
Մ.Թովմասյանի
տուժողներ Ա.Բադալյանի
Տ.Բարդուխյանի
Ն.Մանուկյանի
Մ.Մանուկյանի
Ս.Այվազյանի
Է.Գասպարյանի

Դռնբաց դատական նիստում քննության առնելով քրեական գործն ըստ մեղադրանքի` Էդգար Հրաչիկի Գևորգյանի /ծնված 08.01.1985թ. Երևան քաղաքում, ազգությամբ հայ, ՀՀ քաղաքացի, ամուսնացած, խնամքին երկու մանկահասակ երեխա, չի աշխատում, ութամյա կրթությամբ, հաշվառված` ք.Երևան Արին Բերդ փողոց 5 հասցեում, ներկայումս ՀՀ ԱՆ ՙՆուբարաշեն՚ ՔԿՀ-ի կալանավոր, կալանքի տակ է` 2012թ. սեպտեմբերի 7-ից նախկինում դատված, դատվածությունը չմարված.
08.02.2008թ. Երևանի քրեական դատարանի կողմից ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, 3-րդ, 4-րդ կետերով, ՀՀ քրեական օրենսգրքի 34-177-րդ հոդվածի 2-րդ մասի 1-ին, 4-րդ կետերով, ՀՀ քրեական օրենսգրքի 183-րդ հոդվածի 1-ին մասով և ՀՀ քրեական օրենսգրքի 324-րդ հոդվածի 1-ին մասով, ՀՀ քրեական օրենսգրքի 66-րդ և 67-րդ հոդվածների կիրառմամբ դատապարտվել է ազատազրկման 7 տարի 3 ամիս ժամկետով, ՙՀՀ Անկախության հռչակման 15-րդ տարեդարձի կապակցությամբ համաներում հայտարարելու մասին՚ ՀՀ ԱԺ 07.07.2006թ. որոշման 7-րդ կետի ՙԳ՚ ենթակետի համաձայն, նշանակված պատիժը կրճատվել է 1/3-ով և վերջնական պատիժ է նշանակվել ազատազրկում 4 տարի 10 ամիս ժամկետով/:
Մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ, 177-րդ հոդվածի 2-րդ մասի 1-ին, 177-րդ հոդվածի 2-րդ մասի 2-րդ, 38-177-հոդվածի 3-րդ մասի 1.1-ին, 34-177-րդ հոդվածի 2-րդ մասի 2-րդ, 183-րդ հոդվածի 2-րդ մասի 2-րդ կետերով, 183-րդ հոդվածի 1-ին և երեք դրվագով` 177-րդ հոդվածի 1-ին մասերով:

Պ Ա Ր Զ Ե Ց

Նախաքննության մարմինն ամբաստանյալ Էդգար Գևորգյանին երկու դրվագով ՀՀ քրեական օրենսգրքի 177-րդ հոդվածի 1-ին մասով մեղադրանք է առաջադրել այն արարքի համար, որ ՙԷդգար Գևորգյանը գույքի գաղտնի հափշտաություն կատարելու դիտավորությամբ 2012թ. հունիսի 19-ին ժամը 02:00-ից մինչև 06:00-ն ընկած ժամանակահատվածում բացել է Երևան քաղաքի Դավթաշեն 4-րդ թ/մ-ի 11 շենքի բակում կայանած և նույն շենքի բնակիչ Էդուարդ Գրիգորի Գասպարյանին պատկանող ՙՎԱԶ 2102՚ մակնիշի 51 ԼՏ 282 պ/հ ավտոմեքենայի բեռնախուցն ու գաղտնի հափշտակել 1.3 մխ տարողությամբ գազի բալոնը` Է.Գասպարյանին պատճառելով զգալի չափիª շուրջ 120.000 ՀՀ դրամի գույքային վնաս:
Բացի այդ, Էդգար Գևորգյանը ուրիշի գույքի գաղտնի հափշտակություն կատարելու դիտավորությամբ 2012թ. հունիսի 11-ին ժամը 02:30-ից մինչև 06:30-ն ընկած ժամանակահատվածում բացել է Երևան քաղաքի Դավթաշեն 1-ին թ/մ-ի 5 շենքի բակում կայանած և նույն շենքի բնակիչ Սլավիկ Սերգոյի Այվազյանին պատկանող ՙՎԱԶ 2106՚ մակնիշի 15 ԼԼ 748 պ/հ ավտոմեքենայի բեռնախուցն ու գաղտնի հափշտակել 1.1 խորանարդ մետր տարողությամբ գազի բալոնը` Ս.Այվազյանին պատճառելով զգալի չափիª շուրջ 205.000 ՀՀ դրամի գույքային վնաս՚:
Տուժողներ Էդուարդ Գասպարյանը և Սլավիկ Այվազյանը դատաքննության փուլում հայտարարեցին, որ հաշտվել են Էդգար Գևորգյանի հետ, պատճառված վնասը հարթվել է, որևէ բողոք կամ նյութական պահանջ չունեն, և խնդրեցին Է.Գևորգյանի նկատմամբ քրեական հետապնդումը դադարեցնել:
Ամբաստանյալ Էդգար Գևորգյանը նույնպես հայտարարեց, որ առաջադրված մեղադրանքում իրեն մեղավոր է ճանաչում, հաշտվել է տուժողներ Է.Գասպարյանի և Ս.Այվազյանի հետ:
Դատարանը գտնում է, որ նշված պայմաններում քրեական հետապնդումը ենթակա է դադարեցման հետևյալ պատճառաբանությամբ.
ՀՀ քրեական օրենսգրքի 35-րդ հոդվածի 1-ին մասի 5-րդ կետի համաձայն` ՙքրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե սույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ՚:
ՀՀ քրեական դատավարության օրենսգրքի 183-րդ հոդվածի համաձայն` ՀՀ քրեական օրենսգրքի 177-րդ հոդվածի 1-ին մասով նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա և ամբաստանյալի հետ նրա հաշտվելու դեպքում ենթակա է կարճման:
ՀՀ քրեական օրենսգրքի 73-րդ հոդվածի համաձայն` ոչ մեծ ծանրության հանցանք կատարած անձը կարող է ազատվել քրեական պատասխանատվությունից, եթե նա հաշտվել է տուժողի հետ և հատուցել կամ այլ կերպ հարթել է նրան պատճառած վնասը:
Ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, 183-րդ հոդվածի 1-ին մասով, 379-րդ հոդվածներով դատարանը`

Ո Ր Ո Շ Ե Ց

Երկու դրվագով ՀՀ քրեական օրենսգրքի 177-րդ հոդվածի 1-ին մասով ամբաստանյալ Էդգար Հրաչիկի Գևորգյանի նկատմամբ քրեական հետապնդումը դադարեցնել տուժողներ Էդուարդ Գասպարյանի և Սլավիկ Այվազյանի` ամբաստանյալի հետ հաշտվելու հիմքով:
Որոշումը մեկամսյա ժամկետում կարող է բողոքարկվել ՀՀ վերաքննիչ քրեական դատարան:



ԴԱՏԱՎՈՐ Ա.ՄԿՐՏՉՅԱՆ