Գործ No ԵԱՔԴ/0034/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

19 մարտի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Հ.Մարտիրոսյանի

Դատարանում, դռնբաց դատական նիստում քննեց քրեական գործն ըստ մեղադրանքի`
Հրաչյա Մարատի Գրիգորյանի /ծնված 21.04թ.1964թ., ք.Երևան, ազգությամբ հայ, ՀՀ քաղաքացի, բարձրագույն կրթությամբ, ամուսնալուծված, չի աշխատում, նախկինում չդատված, հաշվառված և բնակվող ք.Երևան, Քաջազնունի 8/1 շենք, բն. 44 /:
Մեղադրվում է ՀՀ քրեական օրենսգրքի 325-րդ հոդվածի 1-ին մասով:


Գործի դատավարական նախապատմությունը
2012 թվականի մայիսի 25-ին տեղի է ունեցել դեպքը:
2012 թվականի դեկտեմբերի 26-ին հարուցվել է թիվ 14147812 քրեական գործը:
2013 թվականի փետրվարի 21-ին Հրաչյա Գրիգորյանին մեղադրանք է առաջադրվել ՀՀ քրեական օրենսգրքի 325-րդ հոդվածի 1-ին մասով և նրա նկատմամբ որպես խափանման միջոց է ընտրվել ստորագրություն չհեռանալու մասին:
2013թ. փետրվարի 27-ին թիվ 14147812 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Հրաչյա Գրիգորյանին ՀՀ քրեական օրենսգրքի 325-րդ հոդվածի 1-ին մասով մեղադրանք է առաջադրել այն արարքի համար, որ ՙ նա հանդիսանալով ՙՊրոգրես՚ Ա/Կ-ի 30 տոկոս բաժնետեր, ինչպես նաև Ա/Կ-ի նախագահ, 25.05.2012թ. կազմել է իրավունք վերապահող` ՙՊրոգրես՚ ԱԿ-ի փայատերերի ընդհանուր ժողովի կեղծ արձանագրություն և 03.05.2012թ. կազմված հավաստագիր, որտեղ մասնակից է դարձրել քաղ. Ջանիկ Զոհրաբյանին և հանգուցյալներ Մարատ Գրիգորյանին, Ագան Խունդկարյանին ու ստորագրելով վերջիններիս անվան դիմաց, օգտագործել է վերը նշված կեղծ փաստաթղթերը` ներկայացնելով Երևանի Կոմիտաս 49/3 հասցեում գտնվող ՀՀ ԱՆ իրավաբանական անձանց պետական ռեգիստրի տարածքային ստորաբաժանում, որի հիման վրա վաճառել է իր 30 տոկոս բաժնեմասը և կատարել ՙՊրոգրես՚ Ա/Կ-ի բաժնետերերի և կանոնադրության փոփոխություն՚:

Ապացույցների հետազոտում
Առաջադրված մեղադրանքում ամբաստանյալ Հրաչյա Գևորգյանն իրեն լիովին մեղավոր է ճանաչել, անկեղծորեն զղջացել է կատարած արարքի համար և ցուցմունք է տվել այն մասին, որ 1998թ. հիմնադրվել է ՙՊրոգրես՚ Արտադրական Կոպերատիվը, որի 50 տոկոս բաժնետերը եղել է իր հայրը` Մարատ Գրիգորյանը, որը մահացել է 2004թ-ին, 10 տոկոսը պատկանել է Ագան Խունդկարյանին, որը մահացել է 2005թ-ին, 10 տոկոսը` Ջանիկ Զոհրաբյանին և 30 տոկոս բաժնեմասը պատկանել է իրեն: Մ.Գրիգորյանին և Ա.Խունդկարյանին պատկանող բաժնեմասերը որևէ մեկի կողմից ժառանգություն չի ընդունվել և գրանցված է վերջիններիս անվամբ: Քանի որ իր ծանոթ Սեյրան Մելոյանին պարտք է եղել 60.000 ԱՄՆ դոլար գումար և չի կարողացել վերադարձնել պարտքը, այդ պատճառով վերջինիս առաջարկել է իրեն պատկանող ՙՊրոգրես՚ ԱԿ-ի 30 տոկոս բաժնեմասը ձևակերպել նրա անվամբ: 2012թ. մայիս ամսին ինքը Ս.Մելոյանի հետ գնացել է Ջ.Զուհրաբյանի տուն և վերջինիս ասել, որ ցանկանում է ՙՊրոգրես՚ ԱԿ-ի իր 30 տոկոս բաժնեմասը վաճառել, ինչին Ջ.Զուհրաբյանը համաձայնվել է և տվել անձնագիրը այդ գործարքները կատարելու համար: Իրեն պատկանող 30 տոկոս բաժնեմասը վաճառելու վերաբերյալ ինքը հայտնել է նաև Ա.Խունդկարյանի կնոջը` Վիկտորիա Հարությունյանին, որը նույնպես տվել է համաձայնություն: 03.05.2012թ. ինքը գրել է հավաստագիր, որով հավաստել է, որ հաշվի առնելով ՙՊրոգրես՚ ԱԿ-ի մյուս փայատերերի իրավունքները` իր 30 տոկոս բաժնեմասը օտարել է Ս.Մելոյանին, որից հետո 25.05.2012թ. Կոմիտաս փողոցում` ՀՀ ԱՆ իրավաբանական անձանց գրանցման պետական ռեգիստրի մոտ, իր ձեռքով գրել է ՙՊրոգրես՚ ԱԿ-ի փայատերերի ընդհանուր ժողովի կեղծ արձանագրություն, որի տակ Ջ.Զուհրաբյանի, հանգուցյալներ Մ.Գրիգորյանի և Ա.Խունդկարյանի փոխարեն ստորագրել է ինքը և նշված կեղծ փաստաթղթերը նույն օրը ներկայացրել է պետական ռեգիստր, որոնց հիման վրա ՙՊրոգրես՚ ԱԿ-ում կատարել է մասնակիցների, կանոնադրության և գործադիր մարմնի ղեկավարի փոփոխություն: Կեղծ փաստաթղթերը կազմել է միայնակ:

Ամբաստանյալ Հրաչյա Գրիգորյանին առաջադրված մեղադրանքը հիմնավորվել է դատաքննությամբ հետազոտված հետևյալ ապացույցներով.

Վկա Սեյրան Մելոյանը դատաքննության փուլում ցուցմունք է տվել այն մասին, որ Հրաչյա Գրիգորյանին ճանաչում է 2004թ.-ից: Հ.Գրիգորյանի հետ համատեղ գործունեություն իրականացնելու համար 2011թ. կեսերից մինչև 2012թ. փետրվար ամիսը նրան պարտքով տվել է 60.000 ԱՄՆ դոլար գումար, որը Հ.Գրիգորյանը պարտավորվել էր վերադարձնել մինչև 2012թ. մարտ ամիսը: Դրանից հետո Հ.Գրիգորյանը չկարողանալով վերադարձնել իր գումարը, իրեն ասել է, որ Այնթապ գյուղում գտնվող ՙՊրոգրես՚ ԱԿ-ի 30 տոկոս բաժնեմասը պատկանում է նրան և առաջարկել, որպես պարտք եղած գումարի ապահովման միջոց այն առուվաճառքի պայմանագրով ձևակերպել իր անվամբ: Ինքը համաձայնվել է և ասել, որ եթե հետագայում ցանկանա ետ ստանալ բաժնեմասը, ապա իր 60.000 ԱՄՆ դոլար գումարը վերադարձնելու դեպքում, նրա 30 տոկոս բաժնեմասը կրկին կվաճառի նրան: Համաձայնության գալով 2012թ. մայիս ամսին իր և Հ.Գրիգորյանի միջև կնքվել է առուվաճառքի պայմանագիր, որից հետո Հ.Գրիգորյանի առաջարկով ինքը ստորագրել է ՙՊրոգրես՚ ԱԿ-ի փայատերերի ժողովի արձանագրությունը: Այդ ժամանակ ինքը Հ.Գրիգորյանին տվել է լիազորագիր իր անունից պետական և ոչ պետական մարմիններում հանդես գալու համար: Ինքը որևէ ժողովի չի մասնակցել և ՙՊրոգրես՚ ԱԿ-ի մյուս բաժնետերերին չի տեսել, միայն տեսել է 10 տոկոս բաժնեմաս ունեցող Ջանիկ Զոհրաբյանին, որին Հ.Գրիգորյանը իր ներկայությամբ ասել է, որ ցանկանում է վաճառել նրան պատկանող 30 տոկոս բաժնեմասը, իսկ Ջ.Զոհրաբյանը ասել է, որ դա նրա իրավունքն է ինչ ցանկանում է թող անի: Առուվաճառքի պայմանագիրը կնքելիս ինքը Հ.Գրիգորյանին հարցրել է թե մյուս բաժնետերերը տվել են արդյոք իրենց համաձայնությունը, որին Հ.Գրիգորյանը պատասխանել է, որ Մ.Գրիգորյանը և Ա.Խունդկարյանը մահացած են և նրանց մասով հարցը լուծվում է դատական կարգով օրենքի սահմաննեորւմ, իսկ Ջ.Զոհրաբյանը իր ներկայությամբ տվել է համաձայնությունը: Հ.Գրիգորյանի կողմից փաստաթղթերը կեղծելու մասին իմացել է հետագայում:

Վկա Կարեն Խոնդկարյանը դատաքննության փուլում ցուցմունք է տվել այն մասին, որ Ագան Խոնդկարյանը իր հայրն է: Կենդանության օրոք նրան է պատկանել ՙՊրոգրես՚ ԱԿ-ի 10 տոկոս բաժնեմասը: Նույն կոպերատիվի բաժնետերեր են եղել նաև Մարատ Գրիգորյանը, որին պատկանել է 50 տոկոս բաժնեմաս, Հրաչյա Գրիգորյանը` 30 տոկոս, Ջանիկ Զոհրաբայանը` 10 տոկոս: Հրաչյա Գրիգորյանը վաճառել է իր բաժնեմասը Սեյրան Մելոյանին: Ինքը տեղյակ չի եղել, որ Հրաչյա Գրիգորյանը կեղծել է իր հոր և Մարատ Գրիգորյանի ստորագրությունները իր բաժնեմասի վաճառքի համար, այդ մասին իմացել է հետագայում:

Վկա Ջանիկ Զոհրաբյանը դատաքննության փուլում ցուցմունք է տվել այն մասին, որ 1989թ-ից հանդիսանում է ՙՊրոգրես՚ ԱԿ-ի 10 տոկոս բաժնետեր: Նույն արտադրական կոպերատիվի 50 տոկոսի բաժնետեր է նաև Մարատ Գրիգորյանը, որը մահացել է 2004թ-ին, 30 տոկոս բաժնետեր է Հրաչյա Գրիգորյանը և 10 տոկոս բաժնեմասը պատկանել է Ագան Խոնդկարյանին, որը նույնպես մահացել է 2005թ-ին: 2012թ. ամռանը Հ.Գրիգորյանը գնացել է իր տուն և ասել, որ ԱԿ-ի հետ կապված գործարք պետք է կատարի, որի համար անհրաժեշտ է իր անձնագիրը: Ինքը Հ.Գրիգորյանին տվել է իր անձնագիրը, որից երեք օր հետո վերջինս անձնագիրը ետ է վերադարձրել: Հետագայում տեղեկացել է, որ Հ.Գրիգորյանը կազմել է փայատերերի ժողովի կեղծ արձանագրություն, որի մեջ իր անվան դիմաց ստորագրել է Հ.Գրիգորյանը: Մինչ այդ Հ.Գրիգորյանը իրեն ասել է, որ ցանկանում է ՙՊրոգրես՚ ԱԿ-ի 30 տոկոս բաժնեմասը վաճառել, որին ինքը տվել է իր համաձայնությունը: Ինքը փայատերերի ժողովին չի մասնակցել և արձանագրության տակ չի ստորագրել:

Վկա Աշխեն Թորգոմյանը դատաքննության փուլում ցուցմունք է տվել այն մասին, որ 2006թ-ից աշխատում է ՀՀ ԱՆ իրավաբանական անձանց պետական ռեգիստրում գլխավոր մասնագետի պաշտոնում: Իր պարտականությունների մեջ է մտնում իրավաբանական անձանց պետական գրանցում և դրանց փոփոխությունների պետական գրանցումը: 2012թ. մայիսի 25-ին Սեյրան Մելոյանի կողմից տրված լիազորագրի հիման վրա Հրաչյա Գրիգորյանը դիմումով ներկայացրել է փաստաթղթերի փաթեթ ՙՊրոգրես՚ ԱԿ-ի փայատերերի, գործադիր մարմնի ղեկավարի և նոր խմբագրությամբ կանոնադրության գրանցման խնդրանքով: Մ.Գրիգորյանին և Ա.Խոնդկարյանին պատկանող բաժնեմասերը որևէ մեկի կողմից ժառանգություն չի ընդունվել և գրանցված է նրանց անվամբ: Դիմումով ներկայացվել է ՙՊրոգրես՚ ԱԿ-ի փայատերերի ժողովի արձանագրությունը 3 թերթից, առուվաճառքի պայմանագիր, լիազորագիր, և հավաստագիր, որոնց հիման վրա էլ 08.06.2012թ. կատարվել է պետական գրանցում: Ինքը փաստաթղթերի կեղծված լինելու մասին իմացել է հետագայում:

Վկա Վիկտորյա Հարությունյանը նախաքննության փուլում ցուցմունք է տվել այն մասին, որ Ագան Խոնդկարյանը հանդիսանում է իր ամուսինը, որը մահացել է 2005թ-ին: Ա.Խոնդկարյանը 1989թ-ից հանդիսացել է ՙՊրոգրես՚ ԱԿ-ի 10 տոկոս բաժնետեր և նրա մահից հետո, որևէ մեկը ժառանգություն չի ընդունել: Նույն արտադրական կոպերատիվի 50 տոկոս բաժնետեր է հանդիսացել նաև Մարատ Գրիգորյանը, որը նույնպես մահացել է 2004թ-ին, 30 տոկոս բաժնետեր է Հրաչյա Գրիգորյանը և 10 տոկոս բաժնեմասը պատկանում է Ջանիկ Զոհրաբյանին: 2012թ. մայիս ամսին Հ.Գրիգորյանը զանգահարել է իրեն և ասել, որ ցանկանում է իր 30 տոկոս բաժնեմասը վաճառել ընկերոջը, որին ինքը չի առարկել: Հ.Գրիգորյանը ասել է նաև, որ Ա.Խոնդկարյանի փոխարեն, որպես նրա ժառանգ, պետք է ինքը ստորագրի փայատերերի ժողովի արձանագրության տակ, սակայն ինքը Հ.Գրիգորյանին ասել է, որ իր փոխարեն ստորագրի:
գ/թ 97-98թ.

Վկա Դեղձիկ Զոհրաբյանը նախաքննության փուլում ցուցմունք է տվել այն մասին, որ բնակվում է Արարատի մարզ, գյուղ Այնթափ, 20 փողոց, 10-րդ տանը իր ամուսնու Ջանիկ Զոհրաբյանի հետ միասին: Ջ.Զոհրաբյանը 1989 թ. հանդիսանում է Այնթափ գյուղում գտվող ՙՊրոգրես՚ ԱԿ-ի 10 տոկոսի բաժնետեր: Նույն ԱԿ-ի բաժնետերեր են հանդիսանում նաև Մարատ Գրիգորյանը, Ագան Խոնդկարյանը, որոնք մահացել են և Հրաչյա Գրիգորյանը: 2012 թվականի ամռանը իրենց տուն է եկել Հրաչյա Գրիգորյանը և Ջանիկ Զոհրաբյանից վերցրել նրա անձնագիրը ասելով, որ կոպերատիվի հետ հարցեր կան: Ջանիկը Հ.Գրիգորյանին տվել է իր անձնագիրը: Երեք օր անց Հ.Գրիգորյանը ետ է վերադարձրել անձնագիրը և ասել, որ ոչինչ չստացվեց: Հ.Գրիգորյանը իր ներկայությամբ չի ասել, որ ցանկանում է իր բաժնեմասը վաճառել և Ջանիկը թույլ չի տվել, որ իր փոխարեն որևէ փաստաթղթի տակ ստորագրի: Հետագայում Ջանիկից տեղեկացել է, որ Հ.Գրիգորյանը նրա փոխարեն ստորագրել է ինչ-որ փաստաթղթի տակ և կեղծ փաստաթղթերով վաճառել է իր բաժնեմասը:
գ/թ 144-145

Հրաչյա Գրիգորյանին վերագրվող արարքը հիմնավորվել է նաև որպես ապացույց ճանաչված մասին որոշման համաձայն ՀՀ ԱՆ իրավաբանական անձանց գրանցման պետական ռեգիստրից առգրավված դիմումով, լիազորագրով, ՙՊրոգրես՚ ԱԿ-ի փայատերերի ընդհանուր ժողովի արձանագրությամբ, առուվաճառքի պայմանագրով և հավաստագրի բնօրինակներով:
գ/թ 133-141թ.

Դատարանը քննության առնելով ամբաստանյալ Հրաչյա Գրիգորյանի քրեական գործի վարյութը կարճելու և քրեական հետապնդումը դադարեցնելու վերաբերյալ միջնորդությունը գտնում է որ այն ենթակա է մերժման հաշվի առնելով վերագրվող արարքի բնույթն ու վտանգավորության աստիճանը:

Դատարանի իրավական վերլուծությունները
Դատարանը գործով ձեռք բերված յուրաքանչյուր ապացույց գնահատելով թույլատրելիության վերաբերելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ղեկավարվելով օրենքով, ներքին համոզմամբ, գտնում է, որ ամբաստանյալ Հրաչյա Գրիգորյանի մեղավորությունը` պաշտոնական փաստաթուղթ կեղծելու և օգտագործելու մեջ, որը նախատեսված է ՀՀ քրեական օրենսգրքի 325-րդ հոդվածի 1-ին մասով, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի, որը նա պետք է կրի:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Հրաչյա Գրիգորյանի անձը բնութագրող, պատասխանատվությունն ու պատիժը մեղմացնող հանգամանք դատարանը հաշվի է առնում, որ նա ընդունել է մեղքը և անկեղծորեն զղջացել կատարած արարքի համար, նախկինում դատված չէ:
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
Դատարանը գտնում է, որ ՀՀ ԱՆ իրավաբանական անձանց գրանցման պետական ռեգիստրից առգրավված և որպես ապացույց ճանաչված դիմումը, լիազորագիրը ՙՊրոգրես՚ ԱԿ-ի փայատերերի ընդհանուր ժողովի աձրանագրությունը, առուվաճառքի պայմանագիրը և հավաստագրի բնօրինակները պահել քրեական գործի հետ միասին:
Ղեկավարվելով ՀՀ քրեական դատավարության օրենսգրքի 357-360-րդ, 369-373-րդ, 379-րդ հոդվածներով, դատարանը`

ՎՃՌԵՑ

Հրաչյա Մարատի Գրիգորյանին մեղավոր ճանաչել ՀՀ քրեական օրենսգրքի 325-րդ հոդվածի 1-ին մաով նախատեսված հանցագործության կատարման մեջ և նրա նկատմամբ պատիժ նշանակել տուգանք ՀՀ նվազագույն աշխատավարձի երեքհարյուրապատիկի` 300.000 /երեք հարյուր հազար/ դրամի չափով:
Հրաչյա Մարատի Գրիգորյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:
ՀՀ ԱՆ իրավաբանական անձանց գրանցման պետական ռեգիստրից առգրավված և որպես ապացույց ճանաչված դիմումը, լիազորագիրը ՙՊրոգրես՚ ԱԿ-ի փայատերերի ընդհանուր ժողովի աձրանագրությունը, առուվաճառքի պայմանագիրը և հավաստագրի բնօրինակները պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ