ԵԱՔԴ/0030/01/13

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր` Լ. Ավետիսյան
քարտուղարությամբ` Ն. Ղազարյանի
մասնակցությամբ
մեղադրող` Լ. Մանուկյանի
պաշտպան` Լ. Ավետիսյանի
տուժողներ` Ա.Բաղդասարյանի, Ն.Ռաֆայելյանի, Գ.Պողոսյանի

2013 թվականի ապրիլի 19-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Կարապետ Բարդուխի Սահակյանի, ծնված 1979 թվականի դեկտեմբերի 13-ին, Երևան քաղաքում, ազգությամբ հայ, ՀՀ քաղաքացի, ութամյա կրթությամբ, գտնվում է փաստական ամուսնական հարաբերությունների մեջ, խնամքին երկու երեխա, նախկինում 7 անգամ դատված, վերջին երկուսը`
1/. Արաբկիր և Քանաքեռ-Զեյթուն համայնքների առաջին ատյանի դատարանի 04.07.2003թ. դատավճռով 07.03.1961թ. ՀՀ քրեական օրենսգրքի 86 հոդվածի 2-րդ մասով և 92 հոդվածի 2-րդ մասով, 37 հոդվածի 3-րդ մասի հիման վրա դատապարտվել է ազատազրկման 4 տարի ժամկետով:
Երևանի Արաբկիր և Քանաքեռ-Զեյթուն համայնքների առաջին ատյանի դատարանի 15.09.2003թ. որոշմամբ արարքը համապատասխանեցվել է ՀՀ քրեական օրենսգրքի 177 հոդվածի 3-րդ մասի 3-րդ կետին, ՀՀ քրեական օրենսգրքի 66 հոդվածի 6-րդ մասի հիման վրա պատիժ է նշանակվել ազատազրկում 4 տարի ժամկետով։
Կոտայքի մարզի առաջին ատյանի դատարանի 30.11.2004թ.-ի որոշմամբ պայմանական վաղաժամկետ ազատվել է 1 տարի 10 ամիս 15 օր պատժի կրումից:
2/. Տավուշի մարզի առաջին ատյանի դատարանի 17.05.2005թ. դատավճռով ՀՀ քրեական օրենսգրքի 177 հոդվածի 3-րդ մասի 3-րդ կետով, 355 հոդվածի 2-րդ մասի 1-ին կետով, ՀՀ քրեական օրենսգրքի 66 հոդվածի 4-րդ մասի, 67 հոդվածի հիման վրա դատապարտվել է ազատազրկման 8 տարի ժամկետով:
Նույն դատարանի 24.06.2011թ. որոշմամբ արարքը համապատասխանեցվել է ՀՀ քրեական օրենսգրքի 177 հոդվածի 3-րդ մասի 1.1-ին կետին և ՀՀ քրեական օրենսգրքի 355 հոդվածի 2-րդ մասի 1-ին կետով, ՀՀ քրեական օրենսգրքի 66 հոդվածի 4-րդ մասի, 67 հոդվածի հիման վրա պատիժ է նշանակվել ազատազրկում 7 տարի ժամկետով, ազատվել է 20.01.2012թ.-ին, դատվածությունը չմարված, չի աշխատել, հաշվառման և մշտական բնակության վայր չունի, մեղադրվում է ՀՀ քրեական օրենսգրքի 177 հոդվածի 2-րդ մասի 3-րդ կետով /8 դրվագ/ և ՀՀ քրեական օրենսգրքի 34-177 հոդվածի 2-րդ մասի 3-րդ կետով /3 դրվագ/, կալանքի տակ է 2012 թվականի նոյեմբերի 9-ից:

Պ Ա Ր Զ Ե Ց
1.Գործի դատավարական նախապատմությունը.
2012 թվականի հոկտեմբերի 07-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 177 հոդվածի 2-րդ մասի 3-րդ կետով նախատեսված հանցագործության հատկանիշներով հարուցվել է թիվ 14130812 քրեական գործը:
2012 թվականի նոյեմբերի 9-ին Կարապետ Պարտուխի Սահակյանը ձերբակալվել է:
Նախաքննության մարմնի 2012թ. նոյեմբերի 12-ի որոշմամբ Կարապետ Պարտուխի Սահակյանը ներգրավվել է որպես մեղադրյալ ՀՀ քրեական օրենսգրքի 177 հոդվածի 2-րդ մասի 3-րդ կետով: Դատարանի որոշմամբ նրա նկատմամբ որպես խափանման միջոց է կիրառվել կալանավորումը:
2013 թվականի փետրվարի 14-ին Կարապետ Պարտուխի Սահակյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ կետով և 34-177 հոդվածի 2-րդ մասի 3-րդ կետով:
2013 թվականի փետրվարի 22-ին թիվ 14130812 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Կարապետ Բարդուխի Սահակյանին ՀՀ քրեական օրենսգրքի 177 հոդվածի 2-րդ մասի 3-րդ կետով /ութ դրվագ/ և ՀՀ քրեական օրենսգրքի 34-177 հոդվածի 2-րդ մասի 3-րդ կետով /երեք դրվագ/ մեղադրանք է առաջադրել այն արարքների կատարման համար, որ նա 2012 թվականի սեպտեմբերի 3-ի լույս 4-ի գիշերը, ուրիշի գույքի գաղտնի հափշտակություն կատարելու դիտավորությամբ, աքցանի գործադրմամբ կոտրելով Երևան քաղաքի Մամիկոնյանց 23/1 շենքի 51 բնակարանի բնակիչ Նարինե Ռաֆայելյանին պատկանող նույն շենքի 13-րդ հարկում գտնվող պահեստարան հանդիսացող խորդանոցի դռան կախովի փականը, ապօրինի մուտք է գործել խորդանոց և այնտեղից գողացել 1 հատ ՙԲոշ՚ ֆիրմայի էլեկտրական շաղափ` Ն.Ռաֆայելյանին պատճառելով զգալի չափերի` 160.000 ՀՀ դրամի գույքային վնաս:
Բացի այդ, Կարապետ Սահակյանը 2012 թվականի սեպտեմբերի 9-ի լույս 10-ի գիշերը ուրիշի գույքի գաղտնի հափշտակություն կատարելու դիտավորությամբ, նույն աքցանի գործադրմամբ կոտրելով Երևան քաղաքի Ադոնցի 17/1 շենքի 29 բնակարանի բնակիչ Գևորգ Պողոսյանին պատկանող նույն շենքի 8-րդ հարկում գտնվող պահեստարան հանդիսացող խորդանոցի դռան կախովի փականը, ապօրինի մուտք է գործել խորդանոց և այնտեղից գողացել 3 զույգ տղամարդու ճտքավոր կոշիկներ, էլեկտրական սղոց և աշխատանքային բազմաթիվ գործիքներ` Գ.Պողոսյանին պատճառելով զգալի չափերի` ընդհանուր 300.000 ՀՀ դրամի գույքային վնաս:
Բացի այդ, Կարապետ Սահակյանը 2012 թվականի հոկտեմբերի 7-ի լույս 8-ի գիշերը ուրիշի գույքի գաղտնի հափշտակություն կատարելու դիտավորությամբ, նույն աքցանի գործադրմամբ կոտրելով Երևան քաղաքի Կոմիտասի պողոտայի 7/3 շենքի 16 բնակարանի բնակիչ Էմիլ Քարհանյանին պատկանող նույն շենքի 4-րդ հարկում գտնվող պահեստարան հանդիսացող խորդանոցի դռան կախովի փականը, ապօրինի մուտք է գործել խորդանոց և այնտեղից գողացել 1 պարկ ՙԱրիել՚ տեսակի լվացքի փոշի և աշխատանքային բազմաթիվ գործիքներ, Է.Քարհանյանին պատճառելով զգալի չափերի` ընդհանուր 30.000 ՀՀ դրամի գույքային վնաս:
Բացի այդ, Կարապետ Սահակյանը 2012 թվականի հոկտեմբերի ամսին, ուրիշի գույքի գաղտնի հափշտակություն կատարելու դիտավորությամբ, տեխնիկական միջոցների գործադրմամբ կոտրել է Կիմա Հովսեփի Տոնոյանին պատկանող Երևան քաղաքի Ազատությանի պողոտայի 11/ա շենքի 12-րդ հարկի 63 բնակարանի միջանցքում գտնվող խորդանոցի դռան կախովի փականը, ապօրինի մուտք է գործել ներս, սակայն իրենից անկախ հանգամանքներում հանցագործությունն ավարտին չի հասցրել և ոչինչ չի գողացել:
Բացի այդ, Կարապետ Սահակյանը 2012 թվականի հոկտեմբերի ամսին, ուրիշի գույքի գաղտնի հափշտակություն կատարելու դիտավորությամբ, տեխնիկական միջոցների գործադրմամբ կոտրել է Հրաչ Խաչիկի Խաչատրյանին պատկանող Երևան քաղաքի Մամիկոնյանց փողոցի 6/2 շենքի 8-րդ հարկի 29 բնակարանի միջանցքում գտնվող խորդանոցի դռան կախովի փականը, ապօրինի մուտք է գործել ներս և գողացել երկու էլեկտրական շարժիչ իր սրաքարերով` Հ.Խաչատրյանին պատճառելով 15.000 ՀՀ դրամի գույքային վնաս:
Բացի այդ, Կարապետ Սահակյանը 2012 թվականի սեպտեմբերի ամսին, ուրիշի գույքի գաղտնի հափշտակություն կատարելու դիտավորությամբ, տեխնիկական միջոցների գործադրմամբ բացել է Հովհաննես Ալեքսանի Միքայելյանին պատկանող Երևան քաղաքի Ազատության պողոտայի 11/ա շենքի 2-րդ հարկի 67 բնակարանի միջանցքում գտնվող խորդանոցի դուռը, ապօրինի մուտք է գործել ներս և գողացել աշխատանքային գործիքներ, Հ.Միքայելյանին պատճառելով 20.000 ՀՀ դրամի գույքային վնաս:
Բացի այդ, Կարապետ Սահակյանը 2012 թվականի սեպտեմբերի ամսին, ուրիշի գույքի գաղտնի հափշտակություն կատարելու դիտավորությամբ, տեխնիկական միջոցների գործադրմամբ կոտրել է Կարեն Կարապետի Մատիկյանին պատկանող Երևան քաղաքի Վ.Վաղարշյան փողոցի 24/3 շենքի 5-րդ հարկի 46 բնակարանի միջանցքում գտնվող խորդանոցի դռան կախովի փականը, ապօրինի մուտք է գործել ներս, սակայն իրենից անկախ հանգամանքներում հանցագործությունն ավարտին չի հասցրել և ոչինչ չի գողացել:
Բացի այդ, Կարապետ Սահակյանը 2012 թվականի սեպտեմբերի ամսին, ուրիշի գույքի գաղտնի հափշտակություն կատարելու դիտավորությամբ, տեխնիկական միջոցների գործադրմամբ կոտրել է Անդրանիկ Հակոբի Բաղդասարյանին պատկանող Երևան քաղաքի Բարբյուսի փողոցի 63 շենքի 5-րդ հարկի 20 բնակարանի միջանցքում գտնվող, վերելակի աջ կողմում գտնվող խորդանոցի դռան կախովի փականը, ապօրինի մուտք է գործել ներս, սակայն իրենից անկախ հանգամանքներում հանցագործությունն ավարտին չի հասցրել և ոչինչ չի գողացել:
Բացի այդ, Կարապետ Սահակյանը 2012 թվականի հուլիս ամսին, ուրիշի գույքի գաղտնի հափշտակություն կատարելու դիտավորությամբ, ցատկելու միջոցով ապօրինի մուտք է գործել Զոյա Շիրակի Տավոյանին պատկանող Երևան քաղաքի Ադոնցի փողոցի 7 շենքի բակում գտնվող տարածք և այնտեղից գողացել է խոհանոցային պարագաներ, աշխատանքային գործիքներ, էլեկտրական վառարան և 2 հատ փոքր գորգ` Զ.Տավոյանին պատճառելով 40.000 ՀՀ դրամի գույքային վնաս:
Բացի այդ, Կարապետ Սահակյանը 2012 թվականի հուլիս ամսին, ուրիշի գույքի գաղտնի հափշտակություն կատարելու դիտավորությամբ, ցատկելու միջոցով ապօրինի մուտք գործելով Սմբատ Գուրգենի Իսախանյանին պատկանող Երևան քաղաքի Շախսուվարյան փողոցի 10 շենքի թիվ 2 հասցեում գտնվող տան բակ և այնտեղից գողացել է մանկական հեծանիվ` Ս.Իսախանյանին պատճառելով 22.000 ՀՀ դրամի գույքային վնաս:
Բացի այդ, Կարապետ Սահակյանը 2012 թվականի հոկտեմբերի ամսին, ուրիշի գույքի գաղտնի հափշտակություն կատարելու դիտավորությամբ, տեխնիկական միջոցների գործադրմամբ կոտրել է Արթուր Արայիկի Գրիգորյանին պատկանող Երևան քաղաքի Կիևյան պողոտայի 32 շենքի 1-ին հարկի 29 բնակարանի միջանցքում գտնվող խորդանոցի դռան կախովի փականը, ապօրինի մուտք է գործել ներս և գողացել ՙֆերարի՚ ֆիրմայի հեծանիվ, Ա.Գրիգորյանին պատճառելով 50.000 ՀՀ դրամի գույքային վնաս:
3. Արագացված դատական քննություն.
Մինչև դատաքննությունն սկսելն ամբաստանյալ Կարապետ Սահակյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Լ.Ավետիսյանը:
Մեղադրող Լ.Մանուկյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Կարապետ Բարդուխի Սահակյանին առաջադրված մեղադրանքը ՀՀ քրեական օրենսգրքի 177 հոդվածի 2-րդ մասի 3-րդ կետով /8 դրվագ/ և ՀՀ քրեական օրենսգրքի 34-177 հոդվածի 2-րդ մասի 3-րդ կետով /3 դրվագ/ հիմնավորված է: Նրա կողմից կատարված արարքները համապատասխանում են ՀՀ քրեական օրենսգրքի 177 հոդվածի 2-րդ մասի 3-րդ կետի /8 դրվագ/ և ՀՀ քրեական օրենսգրքի 34-177 հոդվածի 2-րդ մասի 3-րդ կետի /3 դրվագ/ հատկանիշներին և արարքների որակումը ճիշտ է:
Կատարած արարքների համար ամբաստանյալ Կարապետ Պարտուխի Սահակյանը ենթակա է քրեական պատասխանատվության և պատժի:
Ամբաստանյալ Կարապետ Սահակյանի նկատմամբ պատիժ նշանակելիս, դատարանը հաշվի է առնում նրա կատարած արարքների հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նրա խնամքին են գտնվում մինչև տասնչորս տարեկան երկու երեխաները:
Որպես ամբաստանյալի պատասխանատվությունը և պատիժը ծանրացնող հանգամանք դատարանը դիտում է հանցանքը կատարելու վտանգավոր ռեցիդիվը, նկատի ունենալով, որ ամբաստանյալ Կարապետ Սահակյանը դիտավորյալ միջին ծանրության հանցագործություններ (գողություններ` ՀՀ քրեական օրենսգրքի 177 հոդվածի 3-րդ մաս) կատարելու համար ազատազրկման դատապարտված լինելով և դատվածություններ ունենալով, դարձյալ կատարել է դիտավորյալ հանցագործություն:
ՀՀ քրեական օրենսգրքի 22 հոդվածը 2-րդ մասի 1-ին կետի համաձայն ՙՀանցագործությունների ռեցիդիվը վտանգավոր է համարվում դիտավորությամբ հանցանք կատարելու դեպքում, եթե անձը նախկինում երկու անգամից ոչ պակաս ազատազրկման է դատապարտվել դիտավորյալ հանցագործության համար՚:
Նշված պայմաններում ամբաստանյալ Կարապետ Սահակյանի նկատմամբ պատիժ նշանակելիս դատարանը պետք է ղեկավարվի ՀՀ քրեական օրենսգրքի 67.1-րդ հոդվածի 2-րդ մասի և ՀՀ քրեական դատավարության օրենսգրքի 3753-րդ հոդվածի 6-րդ կետի կանոններով:
ՀՀ քրեական օրենսգրքի 67.1-րդ հոդվածի 2-րդ մասի համաձայն ՙ...Հանցագործությունների վտանգավոր ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի երկու երրորդից՚:
ՀՀ քրեական օրենսգրքի 65 հոդվածի 3-րդ մասի համաձայն, հանցափորձի համար ազատազրկման ձևով պատժի ժամկետը չի կարող գերազանցել սույն օրենսգրքի Հատուկ մասի համապատասխան հոդվածով կամ հոդվածի մասով որոշակի ժամկետով ազատազրկման ձևով նախատեսված պատժի առավելագույն ժամկետի երեք քառորդը:
Նույն հոդվածի 4.1 մասի համաձայն, սույն հոդվածի երկրորդ և երրորդ մասերով նախատեսված կանոնները չեն կիրառվում հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս:
ՀՀ քրեական դատավարության օրենսգրքի 3753 հոդվածի 6-րդ կետի համաձայն դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը ... :
Հաշվի առնելով Կարապետ Սահակյանի կատարած արարքների հանրության համար վտանգավորության աստիճանը և բնույթը, նրա անձը, նրան բնութագրող տվյալները, պատասխանատվությունը և պատիժը մեղմացնող ու ծանրացնող հանգամանքները, ինչպես նաև այն, որ ՀՀ քրեական օրենսգրքի 177 հոդվածի 2-րդ մասի սանկցիայով նախատեսված առավելագույն պատիժը հինգ տարի ժամկետով ազատազրկումն է, դատարանը գտնում է, որ ամբաստանյալ Կարապետ Պարտուխի Սահակյանի նկատմամբ պատիժ պետք է նշանակել ազատազրկման ձևով` երեք տարի չորս ամսից ոչ ավել ժամկետով, որը նա պետք է կրի:
Ամբաստանյալ Կարապետ Սահակյանի նկատմամբ որպես խափանման միջոց կիրառված կալանավորումը պետք է թողնել անփոփոխ` մինչև դատավճռի օրինական ուժի մեջ մտնելը:
Անդրադառնալով տուժողներ Նարինե Ռաֆայելյանի, Էմիլ Քարհանյանի, Հրաչ Խաչատրյանի, Հովհաննես Միքայելյանի, Զոյա Տավոյանի, Սմբատ Իսախանյանի, Արթուր Գրիգորյանի, Կիմա Տոնոյանի, Կարեն Մատիկյանի քաղաքացիական հայցերին` դատարանը գտնում է, որ դրանք պետք է թողնել առանց քննության, նրանց իրավունք վերապահելով քաղաքացիական հայցը լուծել քաղաքացիական դատավարության կարգով:
Տուժողներ Անդրանիկ Բաղդասարյանի և Գևորգ Պողոսյանի քաղաքացիական հայցերի հարցը պետք է համարել լուծված, նկատի ունենալով, որ դատական քննության ընթացքում վերջիններս հատնել են, որ ամբաստանյալի նկատմամբ որևէ նյութական պահանջ չունեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Կարապետ Բարդուխի Սահակյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 3-րդ կետով /ութ դրվագ/ և ՀՀ քրեական օրենսգրքի 34-177 հոդվածի 2-րդ մասի 3-րդ կետով /երեք դրվագ/ նախատեսված հանցանքներ կատարելու մեջ:
ՀՀ քրեական օրենսգրքի 177 հոդվածի 2-րդ մասի 3-րդ կետով (Նարինե Ռաֆայելյանի գույքի գողություն կատարելու դրվագով) Կարապետ Սահակյանին դատապարտել ազատազրկման երեք (3) տարի չորս (4) ամիս ժամկետով:
ՀՀ քրեական օրենսգրքի 177 հոդվածի 2-րդ մասի 3-րդ կետով (Գևորգ Պողոսյանի գույքի գողություն կատարելու դրվագով) Կարապետ Սահակյանին դատապարտել ազատազրկման երեք (3) տարի չորս (4) ամիս ժամկետով:
ՀՀ քրեական օրենսգրքի 177 հոդվածի 2-րդ մասի 3-րդ կետով (Էմիլ Քարհանյանի գույքի գողություն կատարելու դրվագով) Կարապետ Սահակյանին դատապարտել ազատազրկման երեք (3) տարի չորս (4) ամիս ժամկետով:
ՀՀ քրեական օրենսգրքի 177 հոդվածի 2-րդ մասի 3-րդ կետով (Հրաչ Խաչատրյանի գույքի գողություն կատարելու դրվագով) Կարապետ Սահակյանին դատապարտել ազատազրկման երեք (3) տարի չորս (4) ամիս ժամկետով:
ՀՀ քրեական օրենսգրքի 177 հոդվածի 2-րդ մասի 3-րդ կետով (Հովհաննես Միքայելյանի գույքի գողություն կատարելու դրվագով) Կարապետ Սահակյանին դատապարտել ազատազրկման երեք (3) տարի չորս (4) ամիս ժամկետով:
ՀՀ քրեական օրենսգրքի 177 հոդվածի 2-րդ մասի 3-րդ կետով (Զոյա Տավոյանի գույքի գողություն կատարելու դրվագով) Կարապետ Սահակյանին դատապարտել ազատազրկման երեք (3) տարի չորս (4) ամիս ժամկետով:
ՀՀ քրեական օրենսգրքի 177 հոդվածի 2-րդ մասի 3-րդ կետով (Սմբատ Իսախանյանի գույքի գողություն կատարելու դրվագով) Կարապետ Սահակյանին դատապարտել ազատազրկման երեք (3) տարի չորս (4) ամիս ժամկետով:
ՀՀ քրեական օրենսգրքի 177 հոդվածի 2-րդ մասի 3-րդ կետով (Արթուր Գրիգորյանի գույքի գողություն կատարելու դրվագով) Կարապետ Սահակյանին դատապարտել ազատազրկման երեք (3) տարի չորս (4) ամիս ժամկետով:
ՀՀ քրեական օրենսգրքի 34-177 հոդվածի 2-րդ մասի 3-րդ կետով (Կիմա Տոնոյանի գույքի գողության փորձ կատարելու դրվագով) Կարապետ Սահակյանին դատապարտել ազատազրկման երեք (3) տարի չորս (4) ամիս ժամկետով:
ՀՀ քրեական օրենսգրքի 34-177 հոդվածի 2-րդ մասի 3-րդ կետով (Կարեն Մատիկյանի գույքի գողության փորձ կատարելու դրվագով) Կարապետ Սահակյանին դատապարտել ազատազրկման երեք (3) տարի չորս (4) ամիս ժամկետով:
ՀՀ քրեական օրենսգրքի 34-177 հոդվածի 2-րդ մասի 3-րդ կետով (Անդրանիկ Բաղդասարյանի գույքի գողության փորձ կատարելու դրվագով) Կարապետ Սահակյանին դատապարտել ազատազրկման երեք (3) տարի չորս (4) ամիս ժամկետով:
ՀՀ քրեական օրենսգրքի 66 հոդվածի 3-րդ մասի համաձայն, հանցանքների համակցությամբ պատիժները մասնակիորեն գումարելու միջոցով Կարապետ Պարտուխի Սահակյանի նկատմամբ վերջնական պատիժ նշանակել ազատազրկում չորս (4) տարի վեց (6) ամիս ժամկետով:
Կարապետ Բարդուխի Սահակյանի նկատմամբ նշանակված պատժի սկիզբը հաշվել 2012 թվականի նոյեմբերի 9-ից: Պատիժը պետք է կրի ՀՀ ԱՆ համապատասխան քրեակատարողական հիմնարկում:
Կարապետ Բարդուխի Սահակյանի նկատմամբ որպես խափանման միջոց կիրառված կալանավորումը թողնել անփոփոխ, մինչև դատավճռի օրինական ուժի մեջ մտնելը:
Տուժողներ Նարինե Ռաֆայելյանի, Էմիլ Քարհանյանի, Հրաչ Խաչատրյանի, Հովհաննես Միքայելյանի, Զոյա Տավոյանի, Սմբատ Իսախանյանի, Արթուր Գրիգորյանի, Կիմա Տոնոյանի, Կարեն Մատիկյանի քաղաքացիական հայցերը թողնել առանց քննության, նրանց իրավունք վերապահելով քաղաքացիական հայցը լուծել քաղաքացիական դատավարության կարգով:
Տուժողներ Անդրանիկ Բաղդասարյանի և Գևորգ Պողոսյանի քաղաքացիական հայցերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է
Դատավոր Լ. Ավետիսյան