Գործ Nօ ԵԱՔԴ/0013/01/13
ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

05 մարտի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Ա.Մկրտչյանի
քարտուղարությամբ Օ.Կիրակոսյանի
մասնակցությամբ`
մեղադրող Ա.Գասպարյանի

Դատարանում, դռնբաց դատական նիստում քննեց քրեական գործն ըստ մեղադրանքի`
Գարեգին Սերյոժայի Ավագյանի /ծնված 19.05.1993թ. ք.Վանաձոր, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, ՀՀ ՊՆ 31549 զորամասի ժամկետային զինծառայող, կոչումով շարքային, ռադիո-ռելեային ջոկի վերակացու, բնակվող Լոռու մարզ, գ.Գուգարք, 14-րդ փող. 4-րդ տուն:
Մեղադրվում է ՀՀ քրեական օրենսգրքի 364-րդ հոդվածի 1-ին մասով:

Գործի դատավարական նախապատմությունը
2012 թվականի նոյեմբերի 25-ին տեղի է ունեցել դեպքը:
2012 թվականի դեկտեմբերի 12-ին հարուցվել է թիվ 90209112 քրեական գործը£
2013 թվականի հունվարի 24-ին Գ.Ավագյանին մեղադրանք է առաջադրվել ՀՀ քրեական օրենսգրքի 364-րդ հոդվածի 1-ին մասով և նրա նկատմամբ որպես խափանման միջոց է զորամասի հրամանատարության հսկողությանը հանձնելը:
2013թ. հունվարի 24-ին թիվ 90209112 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Գարեգին Սերյոժայի Ավագյանին ՀՀ քրեական օրենսգրքի 364-րդ հոդվածի 1-ին մասով մեղադրանք է առաջադրել այն արարքի համար, որ ՙնա զինվորական ծառայության մեջ գտնվելով ՀՀ ՊՆ 31549 զորամասում, որպես 2-րդ գումարտակի 1-ին վաշտի 2-րդ դասակի ռադիո-ռելեային ջոկի վերակացու, կոչումով շարքային, 2012թ. նոյեմբերի 24-ին ժամը 18:00-ից մինչև 2012թ. նոյեմբերի 25-ը, ժամը 18:00-ն սահմանված կարգով ընդգրկված լինելով վերակարգում, որպես հսկիչ անցագրային կետի հերթապահի օգնական, սահմանված կարգով ընդգրկված լինելով վերակարգում, որպես հսկիչ անցագրային կետի հերթապահի օգնական, սահմանված կարգի համաձայն հրահանգավորվելով հսկիչ անցագրային կետի հերթապահի օգնականի պարտականությունների կատարման վերաբերյալ, խախտելով ՀՀ ԶՈՒ ներքին ծառայության կանոնագրքի 302 և 303 հոդվածների պահանջները, այն է` ՙհսկիչ անցագրային կետի հրթապահի օգնականն անբացակա գտնվում է հսկիչ անցագրային կետում և պատասխանատու է գունդ ժամանաող անձանց ներս թողնելուն, ինչպես նաև որևէ ունեցվածքի դուրս բերման կամ ներկրման ճշտության համար՚, 2012թ. նոյեմբերի 25-ին, ժամը 12:00-ից մինչև նույն օրը ժամը 16:00-ն, պարտավոր լինելով գտնվել հսկիչ անցագրային կետում և կատարել որպես հսկիչ ամցագրային կետի հերթապահի օգնականի իր պարտականությունները, հրաժարվել է վերակարգի զիվորական ծառայության պարտականությունները կատարելուց որը զուգորդվել է դրանց փաստացի դադարեցմամբ` զորամասի տարածքն ինքնակամ թողնելով՚:

Ապացույցների հետազոտում
Ամբաստանյալ Գարեգին Ավագյանն առաջադրված մեղադրանքում իրեն մեղավոր է ճանաչել և օգտվելով իր դատավարական իրավունքից` դատաքննության փուլում հրաժարվել է ցուցմունքներ տալուց, սակայն առաջադրված մեղադրանքում իրեն լիովին մեղավոր է ճանաչել և անկեղծորեն զղջացել կատարած արաքի համար:
Նախաքննության փուլում Գ.Ավագյանը ցուցմունքներ է տվել այն մասին, որ 2012թ. նոյեմբերի 24-ին ժամը 18:00-ից մինչև 2012թ նոյեմբերի 25-ը, 18:00-ն ընդգրկված է եղել վերակագում որպես հսկիչ անցագրային կետի հերթապահի օգնական: Վերակարգն ընդունելուց առաջ հրահանգավորվել է, որից հետո կատարել ՀԱԿ-ի հերթապահի իր պարտականությունները: ՀԱԿ-ի հերթապահ, շարքային Արմեն Բաղդասարյանն ասել է, որ ՀԱԿ-ի հերթապահի օգնականները միմյանց մեջ բաշխեն պարտականությունների կատարման ժամերը: 2012թ նոյեմբերի 24-ին, ամբողջ գիշեր գտնվել է ՀԱԿ-ում, քանի որ քունը չի տարել: 2012թ նոյեմբերի 25-ին, ժամը 08:00-ին ՀԱԿ-ի հերթապահ, Ա.Բաղդասարյանից հանգստանալու համար թուլյտվություն է խնդրել, վերջինս թույլատրել է: Ա.Բաղդասարյանն իրեն ասել է, որ ժամը 12:00-ին պարտավոր է ներկայանալ ՀԱԿ և կատարել ՀԱԿ-ի հերթապահի օգնականի պարտականությունները: Ժամը 08:00-ին հանգստանալու համար թույլտվությունը ստանալուց հետո, պատի վրայով դուրս է եկել զորամասի տարածքից և պատահական տաքսի ավտոմեքենայով գնացել է տուն` գյուղ Գուգարք, ընտանիքի անդամներին տեսության, սակայն չի հասցրել գնալ տուն, քանի որ ճանապարհին տեղեկացել է, որ զորամասում իմացել են, որ ինքնակամ թողել է զորամասի տարածքը և ճանապարհից վերադարձել է զորամաս: Նույն օրը` նոյեմբերի 25-ին, ժամը 16:00-ին ներկայացել է զորամաս:

Վկա ՀՀ ՊՆ 31549 զորամասի պայմանագրային զինծառայող, գծամալուխային ջոկի վարպետ չափորդ, շարքային Արմեն Բաղդասարյանը դատաքննության փուլում ցուցմունք է տվել այն մասին, որ 2012 թվականի նոյեմբերի 24-ին, ժամը 18:00-ից մինչև 2012թ. նոյեմբերի 25-ը, ժամը 18:00-ն ընդգրկված է եղել վերակարգում, որպես ՀԱԿ-ի հերթապահ: Իր հետ միասին ՀԱԿ-ում, որպես օգնականներ են նշանակված եղել ժամկետային զինծառայող, շարքային Գարեգին Ավագյանը և նախկին ժամկետային զինծառայողներ Հովհաննես Հովհաննիսյանը և Գոռ Աթաբեկյանը: Հերթապահությունն ընդունելուց առաջ 2-րդ գումարտակի շտաբի պետ, մայոր Պ.Հանոյանի կողմից հրահանգավորվել են և ստորագրել 2-րդ գումարտակի վերակարգում ընդգրկված անձնակազմի հրահանգավորման մատյանում: Քանի որ Գ.Ավագյանը 2012թ. նոյեմբերի 24-ին ամբողջ գիշեր՝ժամը 24:00-ից մինչև 2012թ. նոյեմբերի 25-ը, ժամը 08:00-ն մնացել է ՀԱԿ-ում, նոյեմբերի 25-ին, ժամը 08:00-ին Գ.Ավագյանը թույլտվություն է խնդրել, որպեսզի գնա հանգստանալու: Ինքը թույլատրել է, որ Գ.Ավագյանը մինչև ժամը 12:00-ն հանգստանա: Չորս ժամ անց՝ժամը 12:00-ին, տեսնելով, որ Գ.Ավագյանը չի ներկայանում, ՀԱԿ-ի հերթապահի օգնականներից մեկին սակայն չի հիշում թե ում, ուղարկել է գումարտակ, որպեսզի Գ.Ավագյանին կանչի ՀԱԿ: Մի քանի րոպե անց, ասել են, որ Գ.Ավագյանը գումարտակում չէ: Դրանից հետո, այդ մասին զեկուցել է 2-րդ գումարտակի հրամանատար, փոխգնդապետ Ա.Պողոսյանին, վերջինս հանձնարարել է զորամասի տարածքում փնտրել Գ.Ավագյանին, սակայն նրան զորամասի տարածքում չեն հայտնաբերել: Նույն օրը՝նոյեմբերի 25-ին, ժամը 16:00-ի սահմաններում Գ.Ավագյանը ներկայացել է զորամաս: Գ.Ավագյանից հարցրել է, ինչու է թողել զորամասի տարածքը, նա պատասխանել է, որ ցանկացել է գնալ տուն՝ընտանիքի անդամներին տեսության, և նույն օրը թողել է զորամասի տարածքը, սակայն չի հասցրել տուն գնալ, քանի որ ճանապարհին տեղեկացել է, որ զորամասում հայտնաբերել են, որ թողել է զորամասի տարածքը, ինքն էլ վերադարձել է զորամաս:

Վկա ՀՀ ՊՆ 31549 զորամասի 2-րդ կապի գումարտակի շտաբի պետ Պետրոս Հանոյանը դատաքննության փուլում ցուցմունք է տվել այն մասին, որ ՀՀ ՊՆ 31549 զորամասի 2-րդ գումարտակի շտաբի պետ, մայոր Պետրոս Վարդանի Հանոյանի ցուցմունքով այն մասին, որ ՀՀ ՊՆ 31549 զորամասի ժամկետային զինծառայող, շարքային Գարեգին Ավագյանը 2012թ. նոյեմբերի 24-ին, ժամը 18:00-ից մինչև նոյեմբերի 25-ը, ժամը 18:00-ն ընգրկված է եղել վերակարգում, որպես ՀԱԿ-ի հերթապահի օգնական: 2012թ. նոյեմբերի 25-ին, 2-րդ գումարտակի հրամանատար, փոխգնդապետ Ա.Պողոսյանը տեղեկացրել է, որ ՀԱԿ-ի հերթապահի օգնական, Գ.Ավագյանը չի կատարել ՀԱԿ-ի հերթապահի օգնականի պարտականությունները և ինքնակամ թողել է զորամասի տարածքը: Նույն օրը, ժամը 16:00-ի սահմաններում Գ.Ավագյանն ինքնակամ ներկայացել է զորամաս: Գ.Ավագյանը զորամասի տարածքը թողնելը պատճառաբանել է, որ ցանկացել է գնալ տուն՝ ընտանիքի անդամներին տեսության, սակայն, երբ տեղեկացել է, որ զորամասում հայտնաբերել են, որ շուրջ 4 ժամ ինքնակամ թողել է զորամասի տարածքը վերադարձել է զորամաս:

Վկա ՀՀ ՊՆ 31549 զորամասի 2-րդ կապի գումարտակի 1-ին վաշտի հրամանատար, կապիտան Մկրտիչ Գասպարյանը դատաքննության փուլում ցուցմունք է տվել այն մասին, որ իր հրամանատարության ներքո գտնվող վաշտի ժամկետային զինծառայող, շարքային Գարեգին Ավագյանը 2012թ. նոյեմբերի 24-ին, ժամը 18:00-ից մինչև նոյեմբերի 25-ը, ժամը 18:00-ն ընգրկված է եղել վերակարգում, որպես ՀԱԿ-ի հերթապահի օգնական: 2012թ. նոյեմբերի 25-ին, ժամը 12:00-ի սահմաններում 2-րդ գումարտակի հրամանատար, փոխգնդապետ Ա.Պողոսյանն ասել է, որ ՀԱԿ-ի հերթապահի օգնական, Գ.Ավագյանը չկատարելով ՀԱԿ-ի հերթապահի օգնականի պարտականությունները թողել է զորամասի տարածքը: Նույն օրը, ժամը 16:00-ի սահմաններում Գ.Ավագյանը ինքնակամ ներկայացել է զորամաս: Գ.Ավագյանը զորամասի տարածքը թողնելը պատճառաբանել է, որ ցանկացել են գնալ տուն՝ ընտանիքի անդամներին տեսության, սակայն, երբ տեղեկացել է, որ զորամասում հայտնաբերել են, որ ինքնակամ թողել է զորամասի տարածքը վերադարձել է զորամաս: Ավագյանին բնութագրել է դրական, որպես իր պարտականությունները կատարող զինվորի:

Վկա ՀՀ ՊՆ 31549 զորամասի շտաբի պետի տեղակալ, մայոր Նորայր Միհրանյանը դատաքննության փուլում ցուցմունք է տվել այն մասին, որ ՀՀ ՊՆ 31549 զորամասի ժամկետային զինծառայող, շարքային Գարեգին Ավագյանը 2012թ. նոյեմբերի 24-ին, ժամը 18:00-ից մինչև 2012թ. նոյեմբերի 25-ը, ժամը 18:00-ը ընդգրկված լինելով վերակարգում, որպես ՀԱԿ-ի հերթապահի օգնական, չի կատարել իր ծառայողական պարտականությունները և 2012թ. նոյեմբերի 25-ին թողել է զորամասի տարածքը: Նույն օրը, ժամը 16:00-ի սահմաններում Գ.Ավագյանը ներկայացել է զորամաս: Գ.Ավագյանը 2012թ. նոյեմբերի 24-ից մինչև 25-ի ժամը 16:00-ը չի կատարել ՀԱԿ-ի հերթապահի օգնականի իր պարտականությունները:

Վկա ՀՀ ՊՆ 31549 զորամասի շտաբի պետ, փոխգնդապետ Սասուն Հարությունյանը դատաքննության փուլում ցուցմունք է տվել այն մասին, որ ՀՀ ՊՆ 31549 զորամասի ժամկետային զինծառայող, շարքային Գարեգին Ավագյանը 2012թ. նոյեմբերի 25-ին ընգրկված լինելով վերակարգում, որպես ՀԱԿ-ի հերթապահի օգնական, չկատարելով ՀԱԿ-ի օրապահի իր պարտականությունները թողել է զորամասի տարածքը: Վկան Գ.Ավագյանին բնութագրել է դրական հատկանիշներով:

Վկա ՀՀ ՊՆ 31549 զորամասի գումարտակի հրամանատար, փոխգնդապետ Անդրանիկ Պողոսյանը դատաքննության փուլում ցուցմունք է տվել այն մասին, որ իր հրամանատարության ներքո գտնվող գումարտակի ժամկետային զինծառայող, շարքային Գարեգին Ավագյանը 2012թ. նոյեմբերի 24-ին, ժամը 18:00-ից մինչև նոյեմբերի 25-ը, ժամը 18:00-ն ընդգրկված է եղել վերակարգում, որպես ՀԱԿ-ի հերթապահի օգնական: 2012թ. նոյեմբերի 25-ին, ժամը 12:00-ի սահմաններում ՀԱԿ-ի հերթապահ, պայմանագրային զինծառայող, շարքային Արմեն Վլադիմիրի Բաղդասարյանն իրեն զեկուցել է, որ ՀԱԿ-ի հերթապահի օգնական, Գ.Ավագյանն ինքնակամ թողել է զորամասի տարածքը: Հանձնարարել է, որպեսզի կատարեն որոնողական աշխատանքներ՝ Գ.Ավագյանին հայտնաբերելու ուղղությամբ: Մոտ 1 ժամ տևած որոնողական աշխատանքները դրական արդյունք չեն տվել, Գ.Ավագյանը զորամասի տարածքում չի հայտնաբերվել, ինչի մասին զեկուցվել է զորամասի հրամանատարին: Նույն օրը, ժամը 16:00-ի սահմաններում Գ.Ավագյանը ներկայացել է զորամաս: Գ.Ավագյանը զորամասի տարածքն ինքնակամ թողնելը պատճառաբանել է, որ ցանկացել է գնալ տուն՝ ընտանիքի անդամներին տեսության, սակայն, երբ տեղեկացել է, որ զորամասում հայտնաբերել են, որ ինքնակամ թողել է զորամասի տարածքը վերադարձել է զորամաս: Վկան Գ.Ավագյանին բնութագրել է ծառայության նկատմամբ ցուցաբերված միջին որակով:

Գարեգին Ավագյանին մեղսագրվող արարքը հիմնավորվել է նաև որպես ապացույց ճանաչված հեռախոսագրերով և հրամանների քաղվածքներով:
Գ.թ. 2-4, 17, 20

Դատարանի իրավական վերլուծությունները
Դատարանը հետազոտելով գործով ձեռք բերված յուրաքանչյուր ապացույց, գնահատելով թույլատրելիության վերաբերելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ղեկավարվելով օրենքով, ներքին համոզմամբ, գտնում է, որ ամբաստանյալ Գարեգին Ավագյանի մեղավորությունը` զինվորական ծառայության պարտականությունները կատարելուց հրաժարվելու մեջ, որը զուգորդվել է դրանց փաստացի դադարեցմամբ` նախատեսված ՀՀ քրեական օրենսգրքի 364-րդ հոդվածի 1-ին մասով, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի, որը նա պետք է կրի:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալի նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Գարեգին Ավագյանի անձը բնութագրող տվյալներ դատարանը հաշվի է առնում, որ նա զորամասի հրամանատարության կողմից բնութագրվում է դրական, նախկինում դատված չէ:
Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա առաջին անգամ հանգամանքների պատահական զուգորդմամբ կատարել է ոչ մեծ ծանրության հանցանք, ընդունել է մեղքը և անկեղծորեն զղջացել, կատարած արարքի համար:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 379-րդ հոդվածներով, դատարանը

ՎՃՌԵՑ

Գարեգին Սերյոժայի Ավագյանին մեղավոր ճանաչել ՀՀ քրեական օրենսգրքի 364-րդ հոդվածի 1-ին մասով և նրա նկատմամբ պատիժ նշանակել կալանք` 15 /տասնհինգ/ օր ժամկետով:
Պատիժը պետք է կրի կայազորային կարգապահական մեկուսարանում:
Գարեգին Ավագյանի նկատմամբ ընտրված խափանման միջոցը` զորամասի հրամանատարության հսկողությանը հանձնելը, թողնել անփոփոխ մինչև` դատավճռի օրինական ուժի մեջ մտնելը:

Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ