Գործ No ԵԱՔԴ/0008/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

26 փետրվարի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Ա.Մկրտչյանի
քարտուղարությամբ Օ.Կիրակոսյանի
մասնակցությամբ`
մեղադրող Տ.Հարությունյանի

Դատարանում, դռնբաց դատական նիստում քննեց քրեական գործն ըստ մեղադրանքի` Մերի Հովիկի Ավագյանի /ծնված 31.07.1982թ., ք.Իջևան, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, ՀՀ ՊՆ 31549 զորամասի պայմանագրային զինծառայող, կոչումով շարքային, 1-ին գումարտակի 2-րդ վաշտի 1-ին դասակի ավագ հեռախոսավարուհի, բնակվող ք.Երևան, Թբիլիսյան խճ. 3-րդ շենք, բնակարան 26/:
Մեղադրվում է ՀՀ քրեական օրենսգրքի 333-րդ հոդվածի 1-ին մասով:

Գործի դատավարական նախապատմությունը
2012 թվականի նոյեմբերի 03-ին տեղի է ունեցել դեպքը:
2012 թվականի նոյեմբերի 10-ին հարուցվել է թիվ 90281312 քրեական գործը£
2012 թվականի դեկտեմբերի 27-ին Մերի Ավագյանին մեղադրանք է առաջադրվել ՀՀ քրեական օրենսգրքի 333-րդ հոդվածի 1-ին մասով և նրա նկատմամբ խափանման միջոց է ընտրվել ստորագրություն չհեռանալու մասին:
2013 թվականի հունվարի 10-ին թիվ 90281312 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Մերի Ավագյանին ՀՀ քրեական օրենսգրքի 333-րդ հոդվածի 1-ին մասով մեղադրանք է առաջադրել այն արարքի համար, որ ՙնա, զինվորական ծառայության մեջ գտնվելով ՀՀ ՊՆ 31549 զորամասում, որպես 1-ին գումարտակի 2-րդ վաշտի 1-ին դասակի ռադիոջոկի ավագ ռադիոհեռախոսավարուհի, կոչումով շարքային, գիտակցելով, որ իր տրամադրած տեղեկատվությունը կեղծ է, 2012թ. նոյեմբերի 3-ին կատարել է սուտ մատնություն` այն է` տվել է հանցագործության մասին հաղորդում, իբր ՀՀ ՊՆ 31549 զորամասի զինծառայող, ենթասպա Մկրտիչ Վաղինակի Կարապետյանը 2012թ. հոկտեմբերի 27-ին, ժամը 09:30-ի սահմաններում 1-ին վաշտի հրամանատար, կապիտան Ռ.Հարությունյանի աշխատասենյակում կենցաղային հարցերի շուրջ առաջացած վիճաբանության ժամանակ հայհոյել և 1-2 անգամ հարվածել է իրեն՚:
Դատարանի իրավական վերլուծությունները
Դատական վիճաբանությունների փուլում մեղադրող Տ.Հարությունյանը ՀՀ քրեական դատավարության օրենսգրքի 35-րդ հոդվածի 4-րդ մասի հիմքով հայտարարեց ամբաստանյալի նկատմամբ քրեական հետապնդում իրականացնելուց հրաժարվելու մասին և միջնորդեց Մերի Ավագյանի նկատմամբ քրեական հետապնդումը դադարեցնել և քրեական գործի վարույթը կարճել:
ՀՀ քրեական օրենսգրքի 3-րդ հոդվածի համաձայն` քրեական պատասխանատվության հիմքը այնպիսի արարք կատարելն է, որն իր մեջ պարունակում է քրեական օրենքով նախատեսված հանցակազմի բոլոր հատկանիշները:
ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե արարքի մեջ հանցակազմ չկա:
ՀՀ քրեական դատավարության օրենսգրքի 366-րդ հոդվածի համաձայն.
ՙ1. Արդարացման դատավճիռը ճանաչում և հռչակում է հանցանքի կատարման մեջ ամբաստանյալի անմեղությունը` այն մեղադրանքով, որով նա ներգրավվել է որպես մեղադրյալ:
2. Դատարանը պարտավոր է սույն օրենսգրքի 35 հոդվածի առաջին մասի 1-3-րդ կետերով և երկրորդ մասով նախատեսված հիմքերից որևէ մեկի առկայության դեպքում տվյալ դատական նիստում կայացնել արդարացման դատավճիռ:
4. Դատարանում մեղադրանքը պաշտպանող դատախազը մեղադրանքից հրաժարվելու դեպքում դատարանը մեղադրանքի այդ մասով կայացնում է արդարացնող դատավճիռ՚:
Վերոգրյալի հիման վրա դատարանը գտնում է, որ Մերի Ավագյանի արարքում բացակայում է ՀՀ քրեական օրենսգրքի 333-րդ հոդվածի 1-ին մասով նախատեսված հանցակազմը, ուստի պետք է ճանաչել և հռչակել նրա անմեղությունը` ՀՀ քրեական օրենսգրքի 333-րդ հոդվածի 1-ին մասով նախատեսված հանցանքի (սուտ մատնություն) կատարման մեջ:
Դատարանը միաժամանակ գտնում է, որ Մերի Ավագյանի նկատմամբ խափանման միջոց կիրառելու անհրաժեշտությունը վերացել է և ընտրված խափանման միջոցը` ստորագրություն չհեռանալու մասին, պետք է վերացնել:
Ղեկավարվելով ՀՀ քրեական դատավարության օրենսգրքի 35-րդ, 151-րդ, 357-360-րդ, 366-րդ հոդվածներով, դատարանը

ՎՃՌԵՑ

Մերի Հովիկի Ավագյանին ՀՀ քրեական օրենսգրքի 333-րդ հոդվածի 1-ին մասով ճանաչել անպարտ և արդարացնել` նրա արարքում հանցակազմի բացակայության հիմքով:
Մերի Ավագյանի նկատմամբ ընտրված խափանման միջոցը` ստորագրություն չհեռանալու մասին, վերացնել:
Դատավճիռը կարող է բողոքարկվել ՀՀ վերաքննիչ քրեական դատարան հրապարակելու օրվանից հետո` մեկամսյա ժամկետում:






ԴԱՏԱՎՈՐ Ա.ՄԿՐՏՉՅԱՆ