Գործ Nօ ԵԱՔԴ/0176/01/12
ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

30 հունվարի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Ա.Մկրտչյանի
քարտուղարությամբ Օ.Կիրակոսյանի
մասնակցությամբ`
մեղադրող Հ.Մարտիրոսյանի
տուժող Ա.Խաչատրյանի

Դատարանում, դռնբաց դատական նիստում քննեց քրեական գործն ըստ մեղադրանքի`
Գարեգին Քաջիկի Քամալյանի /ծնված 23.02.1969թ., ք.Երևան, ազգությամբ հայ, ՀՀ քաղաքացի, ամուսնացած, միջնակարգ կրթությամբ, 2012 թվականի հոկտեմբերի 5-ի դատավճռով նրա նկատմամբ պատիժ է նշանակվել տուգանք նվազագույն աշխատավարձի քառասնապատիկի` 40.000 /քառասուն հազար/ ՀՀ դրամի չափով, հաշվառված և բնակվող ք.Երևան, Զ.Սարկավագի 131շ., 48 բն./:
Մեղադրվում է ՀՀ քրեական օրենսգրքի 118-րդ հոդվածով:

Սուսաննա Բորիսի Թավաքալյանի /ծնված 17.07.1975թ., ք.Երևան, ազգությամբ հայ, ՀՀ քաղաքացի, ամուսնացած, միջին մասնագիտական կրթությամբ, աշխատում է ՙՌեյնո Դենտ՚ ստոմատոլոգիական կենտրոնում որպես մենեջեր, նախկինում չդատված, հաշվառված և բնակվող ք.Երևան, Բաղյան փողոց 11շ., 49 բն./:
Մեղադրվում է ՀՀ քրեական օրենսգրքի 118-րդ հոդվածով:

Գործի դատավարական նախապատմությունը
2012 թվականի հոկտեմբերի 01-ին տեղի է ունեցել դեպքը:
2012 թվականի հոկտեմբերի 18-ին հարուցվել է թիվ 09113712 քրեական գործը£
2012 թվականի հոկտեմբերի 29-ին Գարեգին Քամալյանը ներգրավվել է որպես մեղադրյալ և նրա նկատմամբ խափանման միջոց է ընտրվել ստորագրություն չհեռանալու մասին:
2012 թվականի դեկտեմբերի 12-ին Սուսաննա Թավաքալյանը ներգրավվել է որպես մեղադրյալ և նրա նկատմամբ խափանման միջոց է ընտրվել ստորագրություն չհեռանալու մասին:
2012 թվականի դեկտեմբերի 18-ին թիվ 09113712 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Գարեգին Քամալյանին ՀՀ քրեական օրենսգրքի 118-րդ հոդվածով մեղադրանք է առաջադրել այն արարքի համար, որ ՙնա 2012 թվականի հոկտեմբերի 01-ին, ժամը 13:30-ի սահմաններում Հ.Ներսիսյան 7 հասցեում գտնվող ՙԱրյան փոխներարկման ինստիտուտի՚ մոտ, անձնական հարցերի շուրջ առաջացած վիճաբանության ժամանակ փայտով հարվածներ է հասցրել Արտակ Խաժակի Խաչատրյանի կրծքավանդակին` պատճառելով նրա առողջությանը թեթև վնասի հատկանիշներ չպարունակող մարմնական վնասվածքներ՚:

Ամբաստանյալ Սուսաննա Թավաքալյանին ՀՀ քրեական օրենսգրքի 118-րդ հոդվածով մեղադրանք է առաջադրվել այն արարքի համար, որ ՙնա 2012 թվականի հոկտեմբերի 01-ին, ժամը 13:30-ի սահմաններում Հ.Ներսիսյան 7 հասցեում գտնվող ՙԱրյան փոխներարկման ինստիտուտի՚ մոտ, անձնական հարցերի շուրջ առաջացած վիճաբանության ընթացքում ձեռքով հարվածել է Գարեգին Քաջիկի Քամալյանի գլխին, ճանկռել թևերը և քարով հարվածել նրա աջ ձեռքին` պատճառելով նրա առողջությանը թեթև վնասի հատկանիշներ չպարունակող մարմնական վնասվածքներ՚:

Ապացույցների հետազոտում
Առաջադրված մեղադրանքում ամբաստանյալ Գարեգին Քամալյանն իրեն մեղավոր է ճանաչել և դատաքննության փուլում ցուցմունք է տվել այն մասին, որ 2012թ. հոկտեմբերի 1-ին, Արաբկիր և Քանաքեռ-Զեյթուն ընդհանուր իրավասության դատարանում տեղի է ունեցել դատական նիստ իր կողմից կնոջըª Անահիտ Թավաքալյանին ծեծի ենթարկելու վերաբերյալ քրեական գործով, որի ժամանակ Ա.Թավաքալյանի քրոջª Սուսաննա Թավաքալյանի ցուցմունքներն ու նրա խոսակցությունն իրեն դուր չեն եկել և ինքն ասել է, որ ամուսնալուծված ու նորից ամուսնացած կինը իրավունք չունի խառնվել իր ընտանեկան հարցերին, որը դուր չի եկել Ս.Թավաքալյանի ամուսնունª Արտակ Խաչատրյանին: Նիստի ավարտից հետո, ժամը 13.30-ի սահմաններում, դուրս գալով դատարանի շենքից տեսել է, որ Անահիտ ու Սուսաննա Թավաքալյանները և Արտակ Խաչատրյանը կանգնած են վերջինիս ավտոմեքենայի մոտ: Երբ ինքը, իրեն ամրակցված ՙԳազ 3102՚ մակնիշի ավտոմեքենայով անցնել է նրանց կողքով, որ գնա աշխատանքի, Ա.Խաչատրյանը հայհոյել է իրեն, ինքը պատասխանել է Ա.Խաչատրյանին ու գնացել, կանգնել է ՙԱրյան փոխներարկման իստիտուտի՚ դարպասների մոտ և սպասել Ա.Խաչատրյանին, քանի որ կինըª Ա.Թավաքալյանը աշխատում է ՙԱրյան փոխներարկման իստիտուտ՚-ում` որպես գանձապահ: Ինքը տեղյակ է եղել, որ Ա.Խաչատրյանն ու Ս.Թավաքալյանը նրան բերելու են աշխատանքի: Երբ նրանք մեքենայով կանգնել են ՙԱրյան փոխներարկման իստիտուտի՚ դարպասների մոտ, ինքը, իրեն ամրակցված ծառայողական մեքենայի բեռնախցիկից վերցրել է բահի պոչը, հայհոյանքներ տալով Ա.Խաչատրյանի հասցեին, վազել դեպի նրա մեքենայի ձախ կողմը և սկսել առջևի դռան բաց պատուհանից հարվածել Ա.Խաչատրյանին: Դրանից հետո, Ա.Թավաքալյանը և Ս.Թավաքալյանն իջել են մեքենայից, անպատվել իրեն, իսկ ինքը փախել և մտել է ՙԱրյան փոխներարկման իստիտուտի՚ դարպասների մոտ գտնվող պահակատուն, որտեղ գտնվել է հերթապահ ոստիկնության աշխատակիցը: Այնուհետև լսելով իր հասցեին Ա.Թավաքալյանի, Ս.Թավաքալյանի և Ա.Խաչատրյանի վիրավորանքներն ու հայոյանքները, պահակակետից վերցրել է ջրով լի պոլիէթիլենային շիշ, դուրս եկել ու հայհոյանքներ տալովª դարպասների ճաղերի հետևից շիշը նետել նրանց ուղությամբ: Այդ ընթացքում Ս.Թավաքալյանը ձեռքը անցկացնելով դարպասների ճաղերից, հարվածել է իր գլխին, ճանկռել թևերը, որից հետո, ներս մտնելով հիվանդանոցի տարածք, գետնից վերցրել քար ու հարվածել իր աջ բազկին:
Առաջադրված մեղադրանքում ամբաստանյալ Սուսաննա Թավաքալյանն իրեն մեղավոր չի ճանաչել և դատաքննության փուլում ըստ էության պնդել է նախաքննությամբ տված ցուցմունքը, որ 2012թ. հոկտեմբերի 1-ին Արաբկիր և Քանաքեռ-Զեյթուն ընդհանուր իրավասության դատարանում տեղի է ունեցել դատական նիստ իր քրոջըª Անահիտ Թավաքալյանին նրա ամուսնուª Գարեգին Քամալյանի կողմից ծեծի ենթարկելու վերաբերյալ: Դատական նիստի ժամանակ Գ.Քամալյանը դրսևորել է ագրեսիվ վարքագիծ և իր ամուսնունª Ա.Խաչատրյանին հրահրել է վեճի: Նիստի ավարտից հետո իրենք դուրս են եկել դատարանի շենքից, նստել իրենց մեքենան և իր քրոջըª Ա.Թավաքալյանին տարել նրա աշխատանքի վայրª ՙԱրյան փոխներարկման իստիտուտ՚: Մեքենայով կանգնել են դարպասների մոտ: Այդ պահին Գ.Քամալյանը փայտով մեքենայի ձախ կողմից հարձակվել է Ա.Խաչատրյանի վրա, առջևի դռան բաց պատուհանից հարվածներ է հասցրել նրան, միաժամանակ հայհոյանքներ տվել իրենց հասցեին: Երբ ինքը և Ա.Թավաքալյանը իջել են մեքենայից, Գ.Քամալյանը փախել է դեպի հիվանդանոցի դարպասները և թաքնվել դարպասների մոտ գտնվող պահակակետում: Այնուհետև, Գ.Քամալյանը պահակակետից վերցրել է ջրով լի պոլիէթիլենային շիշ և նետել իրենց ուղությամբ, որը ոչ ոքի չի կպել: Դրանից հետո Գ.Քամալյանը ձեռքով հարվածել է իր գլխին, բռնել է աջ ձեռքը և ճաղերի արանքից քաշել դեպի ներսª քերծելով իր ձեռքը, որից ոլորվել է նաև ձախ ոտքը: Գ.Քամալյանը շարունակել է վիրավորանքներ հասցնել իրենց, իսկ հավաքվածները փորձել են նրան լռեցնել և մտցնել պահակակետ: Հետո իրենց է մոտեցել հիվանդանոցի անվտանգության աշխատակիցը և դուրս հանել հիվանդանոցի տարածքից, որից հետո իրենք գնացել են իր մայրական տուն, որտեղից Անահիտ Թավաքալյանը զանգահարել է ոստիկանություն և հայտնել տեղի ունեցածի մասին: Ինքը վեճի ընթացքում Գ.Քամալյանին չի հարվածել և մարմնական վնասվածք չի պատճառել:

Տուժող Արտակ Խաչատրյանը դատաքննությամբ ցուցմունք է տվել այն մասին, որ 2012 թվականի հոկտեմբերի 01-ին, Արաբկիր և Քանաքեռ-Զեյթուն ընդհանուր իրավասության դատարանում տեղի է ունեցել դատական նիստ իր կնոջ` Սուսաննա Թավաքալյանի քրոջը` Անահիտ Թավաքալյանին, նրա ամուսնու` Գարեգին Քամալյանի կողմից ծեծի ենթարկելու վերաբերյալ: Դատական նիստի ժամանակ Գ.Քամալյանը դրսևորել է ագրեսիվ վարքագիծ և հայհոյել իրեն: Դատական նիստի ավարտից հետո իրենք դուրս են եկել դատարանի շենքից, նստել իր մեքենան և Ս.Թավաքալյանին տարել նրա աշխատանքի վայր` ՙԱրյան փոխներարկման ինստիտուտ՚: Մեքենան կանգնեցրել է դարպասների մոտ, որ Ա.Թավաքալյանն իջնի: Այդ պահին Գ.Քամալյանն իրեն ամրակցված ծառայողական մեքենայից, կիսակտրած կլոր փայտը ձեռքին հայհոյանքներ տալով հարձակվել և ավտոմեքենայի ձախակողմյան հատվածի առջևի դռան բաց պատուհանից սկսել է փայտով հարվածել իրեն, իսկ ինքը փորձել է պաշտպանվել ձախ ձեռքով, այդ պատճառով հարվածները հիմնականում դիպել են իր ձախ ձեռքին և կրծքավանադակի ձախ հատվածին: Դուրս գալով մեքենայից ինքը փորձել է հարձակվել Գ.Քամալյանի վրա, բայց իրեն բռնել են ինչ-որ զինվորականներ և չեն թողել, որ հասնի Գ.Քամալյանին: Վեճին միջամտել են հավաքված մարդիկ, և իրենք հեռացել են: Վեճի ընթացքում ինքը չի տեսել, որ կինը` Ս.Թավաքալյանը, հարվածի Գ.Քամալյանին կամ քար նետի նրա ուղղությամբ:

Վկա Անահիտ Թավաքալյանը դատաքննության փուլում ցուցմունք է տվել, որ 2003 թվականին ամուսնացել է Գ.Քամալյանի հետ: Համատեղ կյանքի ընթացքում ունեցել են երկու երեխա: Ներկա պահին փաստացի ամուսնալուծված են: 2012 թվականի հոկտեմբերի 01-ին, Արաբկիր և Քանաքեռ-Զեյթուն ընդհանուր իրավասության դատարանում տեղի է ունեցել դատական նիստ իր ամուսնու` Գարեգին Քամալյանի կողմից իրեն ծեծի ենթարկելու վերաբերյալ: Դատական նիստի ժամանակ Գ.Քամալյանը դրսևորել է ագրեսիվ վարքագիծ և իր քրոջ` Ս.Թավաքալյանի ամուսնուն` Ա.Խաչատրյանին հրահրել է վեճի: Դատական նիստի ավարտից հետո իրենք դուրս են եկել դատարանի շենքից, նստել Ա.Խաչատրյանի մեքենան և Ա.Խաչատրյանն իրեն տարել է իր աշխատանքի վայր` ՙԱրյան փոխներարկման ինստիտուտ՚: Մեքենայով կանգնել են դարպասների մոտ և այդ պահին Գ.Քամալյանը երկար, հաստ, կլոր փայտը ձեռքին, իրենց հասցեին հայհոյանքներ տալով, հարձակվել է մեքենայի ձախ կողմից Ա.Խաչատրյանի վրա և առջևի դռան բաց պատուհանից հարվածներ հասցրել Ա.Խաչատրյանին: Երբ ինքը և իր քույրը` Ս.Թավաքալյանը իջել են մեքենայից, Գ.Քամալյանը փախել է հիվանդանոցի դարպասների մոտ գտնվող պահակակետ: Դեպքի կապակցությամբ դիմել են ոստիկանություն:

Վկա Արթուր Առաքելյանը դատաքննությամբ ցուցմունք է տվել, որ հիմնական աշխատանք չունենալու պատճառով իր անձնական ՙՎԱԶ-2107՚ մեքենայով մոտ վեց տարի է որպես տաքսու վարորդ է աշխատում, զբաղվում է ուղևորափոխադրմամբ և հիմնականում կանգնում է ՙԱրյան փոխներարկման ինստիտուտի՚ դարպասների մոտ: Ճանաչում է Գ.Քամալյանին որպես տնօրենի վարորդ: 2012 թվականի հոկտեմբերի 01-ին, օրվա 2-րդ կեսին ինքը կանգնած է եղելՙԱրյան փոխներարկման ինստիտուտի՚ դարպասների մոտ և տեսել, թե ինչպես Գ.Քամալյանը ծառայողական մեքենայով անցել է իր դիմացով և կանգնել ինստիտուտի դարպասների մոտ: Քիչ անց դարպասների մոտ կանգնել է արտասահմանյան արտադրության արծաթագույն մեքենա, իսկ Գ.Քամալյանը մոտենալով այդ մեքենային, առջևի ձախակողմյան դռան բաց պատուհանից սկսել է հարվածներ հասցնել մեքենայի վարորդին: Մեքենայից իջել են երկու կին, որոնցից մեկը եղել է Գ.Քամալյանի կինը` Ա.Թավաքալյանը, իսկ այնուհետև վարորդը: Այդ ժամանակ Գ.Քամալյանը փախել է, իսկ նրանք երեքով հետապնդել են նրան: Այդ պահին իր մեքենային է մոտեցել ուղևոր և ինքը պատվեր է ընդունել և հեռացել է:

Վկա Ջանիկ Մկրտչյանը դատաքննությամբ ցուցմունք է տվել, որ 2012 թվականի հունիս ամսից աշխատում է ՀՀ ոստիկանության ՊՊԳՎ ՀՁՊ գնդի ռազմականացված ջոկատում որպես հրաձիգ: 2012 թվականի հոկտեմբերի 01-ին եղել է հերթապահության ՙԱրյան փոխներարկման ինստիտուտի՚ տարածքում: Օրվա երկրորդ կեսին, երբ գտնվել է հիվանդանոցի գլխավոր մուտքի մոտի պահակակետում, լսել է վիճաբանության ձայներ: Գնալով դարպասների ուղղությամբ տեսել է, որ Անահիտ Թավաքալյանը, Սուսաննա Թավաքալյանը և Արտակ Խաչատրյանը վիճում են Գարեգին Քամալյանի հետ, վիրավորանքներ հասցնում և հայհոյում միմյանց: Այդ ժամանակ Ս.Թավաքալյանը ձեռքն անցկացնելով դարպասից այն կողմ, ճանկռել և հարվածել է Գ.Քամալյանին: Հետո Ս.Թավաքալյանը գետնից վերցրել է ինչ-որ քար և նետել Գ.Քամալյանի ուղղությամբ, սակայն ինքը չի տեսել, թե քարը կպել է Գ.Քամալյանին, թե ոչ: Դեպքի մասին անմիջապես զեկուցել է իր վերադասին:

Վկա Հովհաննես Հակոբյանը դատաքննությամբ ցուցմունք է տվել, որ 2012 թվականի հոկտեմբերի 01-ին, ժամը 13:30-ի սահմաններում, գնացել է ՙԱրյան փոխներարկման ինստիտուտ՚, մեքենան կանգնեցրել է հիվանդանոցի դարպասների դիմաց, իջել մեքենայից, այդ պահին իրեն մոտեցել է Անահիտ Թավաքալյանը և ասել. ՙարի էս գժին տար՚: Միաժամանակ իրեն է մոտեցել մի տղամարդ, հայհոյելով Գարեգին Քամալյանին ասել, որ նա փայտով իրեն հարվածել է: Ինքը հանգստացրել է այդ տղամարդուն և ասել, որ հեռանան հիվանդանոցի տարածքից և ուրիշ տեղ պարզեն իրենց հարցերը: Դրանից հետո գնացել է պահակակետի ուղղությամբ, հանդիպել Գ.Քամալյանին և զգուշացրել, որ պահակակետից դուրս չգա և ավելորդ բան չխոսի: Դրանից հետո Գ.Քամալյանը մոտեցել է իրեն ցույց տվել վնասվածքներն ասելով, որ իրեն հարվածել են:

Դատաբժշկական փորձաքննության թիվ 3049 եզրակացության համաձայն` Գ.Քամալյանի մարմնական վնասվածքները` աջ բազկի շրջանի արյունազեղման, ձախ վերին վերջույթի շրջանների ճանկռվածքների ձևով, արյունազեղումը հասցվել է բութ, կոշտ առարկայով, իսկ ճանկռվածքները հասցվել են սուր ծայր ունեցող բութ, կոշտ առարկաներով, հնարավոր է որոշման մեջ նշված ժամկետում և հանգամանքներում, որոնք առողջության թեթև վնասի հատկանիշներ չեն պարունակում:
Գ/Թ-30-31

Դատաբժշկական փորձաքննության թիվ 3011 եզրակացության համաձայն` Ա.Խաչատրյանի մարմնական վնասվածքները` ձախ նախաբազկի, ձախ թևատակի շրջանների արյունազեղումների ձևով, պատճառվել են բութ առարկաներով, հնարավոր է որոշման մեջ նշված ժամկետում և հանգամանքներում, որոնք առողջության թեթև վնասի հատկանիշներ չեն պարունակում:
Գ/Թ-28-29

Դատարանի իրավական վերլուծությունները
Դատարանը հետազոտելով գործով ձեռք բերված յուրաքանչյուր ապացույց, գնահատելով թույլատրելիության վերաբերելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ղեկավարվելով օրենքով, ներքին համոզմամբ, գտնում է, որ ամբաստանյալներ Գարեգին Քամալյանի մեղավորությունը` Արտակ Խաչատրյանին ծեծի ենթարկելու` առողջության թեթև վնասի հատկանիշներ չպարունակող մարմնական վնասվածք պատճառելու, և ամբաստանյալ Սուսաննա Թավաքալյանի մեղավորությունը` Գարեգին Քամալյանին ծեծի ենթարկելու` առողջության թեթև վնասի հատկանիշներ չպարունակող մարմնական վնասվածք պատճառելու մեջ, որը նախատեսված է ՀՀ քրեական օրենսգրքի 118-րդ հոդվածով, ապացուցված է:
Վերոհիշյալ հանցանքների կատարման համար ամբաստանյալները ենթակա են քրեական պատասխանատվության և պատժի, որը նրանք պետք է կրեն:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Գարեգին Քամալյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը, անկեղծորեն զղջացել կատարած արարքի համար, նախկինում դատված չէ:
Ամբաստանյալ Սուսաննա Թավաքալյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել և բնութագրվում է դրական:
Ամբաստանյալների պատասխանատվությունն ու պատիժը ծանրացնող հանգամանքներ դատարանը չի արձանագրել:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 365-րդ, 369-373-րդ, 379-րդ հոդվածներով, դատարանը`

ՎՃՌԵՑ

Գարեգին Քաջիկի Քամալյանին մեղավոր ճանաչել ՀՀ քրեական օրենսգրքի 118-րդ հոդվածով նախատեսված հանցագործության կատարման մեջ և նրա նկատմամբ պատիժ նշանակել տուգանք` նվազագույն աշխատավաձի ութսունապատիկի` 80.000 /ութսուն հազար/ ՀՀ դրամի չափով:
Գարեգին Քամալյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:

Սուսաննա Բորիսի Թավաքալյանին մեղավոր ճանաչել ՀՀ քրեական օրենսգրքի 118-րդ հոդվածով նախատեսված հանցագործության կատարման մեջ և նրա նկատմամբ պատիժ նշանակել տուգանք` նվազագույն աշխատավարձի երեսնապատիկի` 30.000 /երեսուն հազար/ ՀՀ դրամի չափով:
Սուսաննա Թավաքալյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:

Դատավճիռը կարող է բողոքարկվել ՀՀ վերաքննիչ քրեական դատարան հրապարակման պահից` մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ