ԵԱՔԴ/0162/01/12

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
քարտուղարությամբ` Ն.Ղազարյանի
մասնակցությամբ
մեղադրող` Ա. Մնացականյանի
պաշտպան` Ա. Մկրտչյանի


2012 թվականի դեկտեմբերի 27-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Հարություն Ասատուրի Բաղդասարյանի, ծնված 1986 թվականի մարտի 08-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին մեկ երեխա, աշխատում է ՙՄիկՄետալ՚ ՓԲԸ-ում որպես էլ.զոդող, հաշվառված և բնակվում է ք.Երևան, Դավիթաշեն 3-րդ թաղամաս 31 շենք թիվ 39 բնակարան հասցեում, մեղադրվում է ՀՀ քրեական օրենսգրքի 242 հոդվածի 2-րդ մասով, որպես խափանման միջոց է կիրառվել չհեռանալու մասին ստորագրությունը,

Պ Ա Ր Զ Ե Ց

1.Գործի դատավարական նախապատմությունը.
2012 թվականի սեպտեմբերի 25-ին ՀՀ ոստիկանության ՔԳՎ Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 242 հոդվածի 2-րդ մասով նախատեսված հանցագործության հատկանիշներով հարուցվել է թիվ 60123812 քրեական գործը:
2012 թվականի նոյեմբերի 19-ին նախաքննության մարմնի որոշմամբ Հարություն Ասատուրի Բաղդասարյանը ներգրավվել է որպես մեղադրյալ ՀՀ քրեական օրենսգրքի 242 հոդվածի 2-րդ մասով, նրա նկատմամբ որպես խափանման միջոց ընտրվել է չհեռանալու մասին ստորագրությունը:
2012 թվականի նոյեմբերի 23-ին թիվ 60123812 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2.Գործի փաստական հանգամանքները.
Նախնական քննության մարմինն ամբաստանյալ Հարություն Ասատուրի Բաղդասարյանին ՀՀ քրեական օրենսգրքի 242 հոդվածի 2-րդ մասով մեղադրանք է առաջադրել այն արարքի կատարման համար, որ նա 2012 թվականի սեպտեմբերի 24-ին, ժամը 0830-ի սահմաններում ՙՄիկշին՚ ՍՊԸ-ին պատկանող ՙՎԱԶ-2107՚ մակնիշի 245 ՍՕ 64 պետ.համարանիշի ավտոմեքենան մոտ 55-59 կմ/ժամ արագությամբ վարել է Երևան քաղաքի Թբիլիսյան խճուղով դեպի Երևան-Սևան մայրուղու ուղղությամբ: Հասնելով Թբիլիսյան խճուղու թիվ 20 հասցեի դիմաց, թույլ է տվել ՃԵԿ-ի 67 կետի պահանջին հակասող գործողություններ, այն է` երթևեկության համար վտանգ առաջանալու պահից, որը նա ի վիճակի է եղել հայտնաբերել, միջոցներ չի ձեռնարկել ավտոմեքենայի արագությունն իջեցնելու` ընդհուպ մինչև այն կանգնեցնելը, որի տեխնիկական հնարավորությունն ունեցել է և ինքն իրեն զրկելով վրաերթը կանխելու տեխնիկական հնարավորությունից` անտոմեքենայի առջևի ձախ կողմով վրաերթի է ենթարկել հետիոտն Անահիտ Ներսեսի Ղազարյանին և անզգուշությամբ նրան պատճառել մահ:
3. Արագացված դատական քննություն.
Մինչև դատաքննությունն սկսելն ամբաստանյալ Հարություն Բաղդասարյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Ասյա Մկրտչյանը:
Մեղադրող Ա. Մնացականյանը դատական քննության արագացված կարգ կիրառելուն չի առարկել:
Տուժողի իրավահաջորդ Սյուզաննա Պետրոսյանը գրավոր դիմում է ներկայացրել դատարան, հայտնելով, որ ամբաստանյալը կամովին հատուցել է իր մոր հիվանդանոցային, հուղարկավորության և մյուս գործողությունների հետ կապված ծախսերը: Ինքն ամբաստանյալի նկատմամբ նյութական պահանջ չունի: Դատական քննության արագացված կարգ կիրառելուն չի առարկում:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հարություն Ասատուրի Բաղդասարյանին առաջադրված մեղադրանքը ՀՀ քրեական օրենսգրքի 242 հոդվածի 2-րդ մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 242 հոդվածի 2-րդ մասի հատկանիշներին և արարքի որակումը ճիշտ է:
Ամբաստանյալ Հարություն Բաղդասարյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել, բնութագրվում է դրական, նրա խնամքին է գտնվում նորածին երեխան (Դավիթ Հարությունի Բաղդասարյան` ծնված 23.08.2012թ.), կամովին հատուցել է տուժողի հուղարկավորության և մյուս արարողությունների հետ կապված տուժողի իրավահաջորդի կրած նյութական ծախսերը, դեպքից հետո օգնություն է ցուցաբերել տուժողին և տեղափոխել հիվանդանոց, վթարի առաջացման գործում առկա է նաև տուժողի մեղքը (փողոցը հատել է ոչ անցումային վայրում):
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Հարություն Ասատուրի Բաղդասարյանը ենթակա է քրեական պատասխանատվության և պատժի:
Հաշվի առնելով Հարություն Բաղդասարյանի կատարած արարքի հանրության համար վտանգավորության աստիճանը և բնույթը, նրա անձը, նրան բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 242 հոդվածի 2-րդ մասի սանկցիայով նախատեսված է պատիժ միայն ազատազրկման ձևով, դատարանը գտնում է, որ ամբաստանյալ Հարություն Ասատուրի Բաղդասարյանի նկատմամբ ՀՀ քրեական օրենսգրքի 242 հոդվածի 2-րդ մասով նախատեսված հանցանք կատարելու համար պատիժ պետք է նշանակել ազատազրկման ձևով:
Դատարանը գտնում է, որ ամբաստանյալ Հարություն Բաղդասարյանի նկատմամբ կիրառված խափանման միջոցը պետք է թողնել անփոփոխ, մինչև դատավճռի օրինական ուժի մեջ մտնելը:
Հաշվի առնելով հանցավորի վերը շարադրված անձը բնութագրող տվյալները, պատասխանատվությունը և պատիժը մեղմացնող հանգամանքները, ինչպես նաև պատասխանատվությունը և պատիժը ծանրացնող հանգամանքների բացակայությունը, դատարանը հանգում է հետևության, որ ամբաստանյալի ուղղվելը հնարավոր է պատիժը պայմանականորեն չկիրառելու, սակայն նրա վարքագծի նկատմամբ վերահսկողություն իրականացնելու պայմաններում: Ուստի դատարանը հնարավոր է համարում Հարություն Բաղդասարյանի նկատմամբ նշանակված պատիժը ՀՀ քրեական օրենսգրքի 70 հոդվածի կիրառմամբ պայմանականորեն չկիրառելը:
Դատարանը գտնում է, որ տուժողի իրավահաջորդ Ս.Պետրոսյանի քաղաքացիական հայցի հարցը պետք է համարել լուծված, նկատի ունենալով, որ ամբաստանյալի կողմից հատուցվել է հանցագործությամբ պատճառված նյութական վնասը և տուժողի իրավահաջորդը հայտնել է, որ ամբաստանյալից որևէ նյութական պահանջ չունի:
Անդրադառնալով իրեղեն ապացույցների տնօրինման հարցին, դատարանը գտնում է, որ Երևան քաղաքի քննչական վարչության ՃՏՀ քննության բաժնի քննիչի 21.11.2012թ. որոշմամբ իրեղեն ապացույց ճանաչված և Երևան քաղաքի քննչական վարչության ՃՏՀ քննության բաժնի իրեղեն ապացույցների սենյակում պահվող, Անահիտ Ղազարյանի հագուստները պետք է վերադարձնել տուժողի իրավահաջորդ Սյուզաննա Պետրոսյանին:
Դատարանը գտնում է, որ դատական ծախսերն ամբաստանյալ Հարություն Բաղդասարյանից ենթակա չեն բռնագանձման, նկատի ունենալով, որ ՀՀ քրեական դատավարության օրենսգրքի 168 հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Հարություն Ասատուրի Բաղդասարյանին մեղավոր ճանաչել ՀՀ քրեական օրենսգրքի 242 հոդվածի 2-րդ մասով նախատեսված հանցանք կատարելու մեջ և նրան դատապարտել ազատազրկման երկու (2) տարի ժամկետով` տրանսպորտային միջոցներ վարելու իրավունքից զրկելով մեկ (1) տարի վեց (6) ամիս ժամկետով:
Կիրառել ՀՀ քրեական օրենսգրքի 70 հոդվածը և Հարություն Ասատուրի Բաղդասարյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանելով փորձաշրջան մեկ (1) տարի ժամկետով:
Հարություն Ասատուրի Բաղդասարյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Հարություն Ասատուրի Բաղդասարյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին: Փորձաշրջանի սկիզբը հաշվել քրեակատարողական վարչության այլընտրանքային պատիժների կատարման բաժնում Հարություն Բաղդասարյանին հաշվառման վերցնելու օրվանից:
Տուժողի իրավահաջորդ Ս.Պետրոսյանի քաղաքացիական հայցի հարցը համարել լուծված:
Դատավճիռն օրինական ուժի մեջ մտնելուց հետո, իրեղեն ապացույց հանդիսացող և Երևան քաղաքի քննչական վարչության ՃՏՀ քննության բաժնի իրեղեն ապացույցների սենյակում պահվող, Անահիտ Ղազարյանի հագուստները վերադարձնել տուժողի իրավահաջորդ Սյուզաննա Պետրոսյանին:
Դատական ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է
Դատավոր Լ. Ավետիսյան