Գործ Nօ ԵԱՔԴ/0160/01/12

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

15 փետրվարի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
Շ.Վանոյանի
մասնակցությամբ`
մեղադրող Կ.Հովհաննիսյանի
Է.Պետրոսյանի
պաշտպան Հ.Բաղդասարյանի


Դատարանում, դռնբաց դատական նիստում քննեց քրեական գործն ըստ մեղադրանքի`
Կարեն Զարզանդի Պողոսյանի /ծնվածª 19.07.1974թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չի աշխատում, ամուսնալուծված, հաշվառված և բնակվող` ք.Երևան,Արաբկիր 51 փող., 8 տուն, նախկինում դատված, դատվածությունը չմարված, 18.10.2010թ. ՀՀ քրեական օրենսգրքի 258-րդ հոդվածի 3-րդ մասի 2-րդ կետով պատիժ է նշանակվել ազատազրկում 2/երկու/ տարի ժամկետով, 26.05.2011թ. համաներման որոշման հիման վրա 30.06.2011թ. ազատվել է պատժից/:
Մեղադրվում է ՀՀ քրեական օրենսգրքի 274-րդ հոդվածի 1-ին մասով:

Տիգրան Սարգսի Սարգսյանի /ծնվածª 10.02.1976թ. Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չի աշխատում, դատվածություն չունեցող, խնամքին ունի երկու մանկահասակ երեխա, հաշվառված և բնակվող` ք.Երևան, Գյուլիքեխյան 25 շենք, բն. 9/:
Մեղադրվում է ՀՀ քրեական օրենսգրքի 268-րդ հոդվածի 1-ին մասով:

Հայկ Կոլյայի Քոչարյանի /ծնվածª 08.09.1964թ, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չի աշխատում, դատվածություն չունեցող, ամուսնացած, խնամքին ունի երեք մանկահասակ երեխա, հաշվառված և բնակվող` ք.Երևան, Սևքարեցի Սաքո 22 տուն/:
Մեղադրվում է ՀՀ քրեական օրենսգրքի 268-րդ հոդվածի 1-ին մասով:

Սերյոժա Կոլյայի Քոչարյանի /ծնվածª 31.08.1961թ, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չի աշխատում, չդատված, ամուսնացած, խնամքին չորս մանկահասակ երեխա, հաշվառված և բնակվող` ք.Երևան, Դավիթաշեն 1 թաղ. 45 շ., 48 բն./:
Մեղադրվում է ՀՀ քրեական օրենսգրքի 268-րդ հոդվածի 1-ին մասով:

Գործի դատավարական նախապատմությունը
2012 թվականի հունիսի 5-ին տեղի է ունեցել դեպքը:
2012 թվականի հունիսի 06-ին հարուցվել է թիվ 14114312 քրեական գործը£
2012 թվականի հոկտեմբերի 02-ին Կարեն Պողոսյանին մեղադրանք է առաջադրվել ՀՀ քրեական օրենսգրքի 274-րդ հոդվածի 1-ին մասով և նրա նկատմամբ որպես խափանման միջոց է ընտրվել ստորագրություն չհեռանալու մասին:
2012 թվականի հոկտեմբերի 02-ին Տիգրան Սարգսյանին, Հայկ Քոչարյանին և Սերյոժա Քոչարյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով և նրանց նկատմամբ որպես խափանման միջոց է ընտրվել ստորագրություն չհեռանալու մասին:
2012 թվականի նոյեմբերի 23-ին թիվ 14114312 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Կարեն Պողոսյանին ՀՀ քրեական օրենսգրքի 274-րդ հոդվածի 1-ին մասով մեղադրանք է առաջադրել այն արարքի համար, որ ՙնա պարբերաբար թմրամիջոցներ պատրաստելու և օգտագործելու համար որջ կազմակերպելու և պահելու դիտավորությամբ, իր Երևան քաղաքի Արաբկիր 51 փողոց 8 տունը տրամադրել է իր ծանոթներ Սերյոժա Քոչարյանին, Տիգրան Սարգսյանին և Հայկ Քոչարյանին, որոնցից ստացված գումարներով ապահովել է որջի նորմալ գործունեությունը, ինչը դրսևորվել է անհրաժեշտ կոմունալ վճարումները կատարելով: Հերթական անգամ` 2012թ. հունիսի 5-ին, բնակարանը որպես որջ տրամադրել է Սերյոժա Քոչարյանին, Տիգրան Սարգսյանին և Հայկ Քոչարյանին, որոնք առանց իրացնելու նպատակի, հիշյալ տանը անձնական գործածման համար, ապօրինի պատրաստել են 0,027 գրամ կոդեին տեսակի թմրամիջոց, որը նույն օրը հայտնաբերվել է ՀՀ ոստիկանության ԿՀԴՊ ԳՎ և ոստիկանության Արաբկիրի բաժնի աշխատակիցների կողմից առգրավվել է՚:
Ամբաստանյալ Տիգրան Սարգսյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրել այն արարքի համար, որ ՙնա պարբերաբար թմրամիջոցներ պատրաստելու և օգտագործելու համար որպես որջ կազմակերպված և պահվող իր ծանոթ Կարեն Պողոսյանին պատկանող Երևան քաղաքի Արաբկիր 51 փողոց 8 տանը, եղբայրներ Հայկ և Սերյոժա Կոլյայի Քոչարյանների հետ միասին, 2012թ. հունիսի 5-ին, առանց իրացնելու նպատակի, անձնական գործածման համար, ապօրինի պատրաստել են 0,027 գրամ կոդեին տեսակի թմրամիջոց, որը նույն օրը հայտնաբերվել է ԿՀԴՊ Գվ և ոստիկանության Արաբկիրի բաժնի աշխատակիցների կողմից և առգրավվել է՚:
Ամբաստանյալ Հայկ Քոչարյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրել այն արարքի համար, որ ՙնա պարբերաբար թմրամիջոցներ պատրաստելու և օգտագործելու համար որպես որջ կազմակերպված և պահվող իր ծանոթ Կարեն Պողոսյանին պատկանող Երևան քաղաքի Արաբկիր 51 փողոց 8 տանը, Տիգրան Սարգսի Սարգսյանի և եղբոր Սերյոժա Կոլյայի Քոչարյանի հետ միասին, 2012թ. հունիսի 5-ին, առանց իրացնելու նպատակի, անձնական գործածման համար, ապօրինի պատրաստել են 0,027 գրամ կոդեին տեսակի թմրամիջոց, որը նույն օրը հայտնաբերվել է ԿՀԴՊ Գվ և ոստիկանության Արաբկիրի բաժնի աշխատակիցների կողմից և առգրավվել է՚:
Ամբաստանյալ Սերյոժա Քոչարյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրել այն արարքի համար, որ ՙնա պարբերաբար թմրամիջոցներ պատրաստելու և օգտագործելու համար որպես որջ կազմակերպված և պահվող իր ծանոթ Կարեն Պողոսյանին պատկանող Երևան քաղաքի Արաբկիր 51 փողոց 8 տանը, Տիգրան Սարգսի Սարգսյանի և եղբոր Հայկ Կոլյայի Քոչարյանի հետ միասին, 2012թ. հունիսի 5-ին, առանց իրացնելու նպատակի, անձնական գործածման համար, ապօրինի պատրաստել են 0,027 գրամ կոդեին տեսակի թմրամիջոց, որը նույն օրը հայտնաբերվել է ԿՀԴՊ Գվ և ոստիկանության Արաբկիրի բաժնի աշխատակիցների կողմից և առգրավվել է՚:

Ապացույցների հետազոտում
Առաջադրված մեղադրանքում ամբաստանյալ Կարեն Պողոսյանը իրեն լիովին մեղավոր է ճանաչել և դատաքննության փուլում ցուցմունքներ է տվել այն մասին, որ ծնված օրվանից բնակվում է Երևան քաղաքի Արաբկիր 51 փողոց 8 տանը: Ճանաչում է Տիգրան Սարգսյանին, եղբայրներ Սերյոժա և Հայկ Քոչարյաններին, Հակոբ Աղաջանյանին և Հրանտ Գևորգյանին, որոնց հետ գտնվել է նորմալ հարաբերությունների մեջ: Տ.Սարգսյանը, եղբայրներ Ս.Քոչարյանը, Հ.Քոչարյանը և Հ.Աղաջանյանը հաճախ այցելել են իրեն պատկանող Արաբկիր 51 փողոց 8 տուն` կոդեին տեսակի թմրանյութ պատրաստելու և օգտագործելու նպատակով: Այդ նպատակով վերը նշված անձինք իր տուն բերել են դեղորայք, ներարկիչներ և բենզին կոդեին տեսակի թմրանյութ պատրաստելու համար: Թմրանյութը պատրաստելուց հետո իրենք միասին օգտագործել են ներարկման միջոցով: 2012թ. հունիսի 5-ին կրկին թմրանյութ պատրաստելու և օգտագործելու նպատակով երեկոյան ժամերին իր Արաբկիր 51 փ. 8 տուն են եկել Տ.Սարգսյանը, Ս.Քոչարյանը, Հ.Քոչարյանը, որոնք խոհանոցում պատրաստել են կոդեին տեսակի թմրամիջոց` իրենց օգտագործման համար: Պատրաստելուց հետո իր տուն են եկել նաև Հ.Աղաջանյանը և Հ .Գևորգյանը, սակայն իրենք չեն հասցրել օգտագործել արդեն իսկ պատրաստված կոդեին տեսակի թմրանյութը` քանի որ այդ ժամանակ ոստիկանության աշխատակիցները եկել են իրենց տուն և հայտնաբերել պատրաստված թմրամիջոցը, որից հետո իրենց բերման են ենթարկել ոստիկանության Արաբկիրի բաժին:

Առաջադրված մեղադրանքում ամբաստանյալ Տիգրան Սարգսյանը իրեն լիովին մեղավոր է ճանաչել և դատաքննության փուլում ցուցմունք է տվել այն մասին, որ մանկուց ճանաչում է Կարեն Պողոսյանին, որի հետ գտնվում է ընկերական հարաբերությունների մեջ: Ճանաչում և մտերիմ հարաբերությունների մեջ է գտնվում Հակոբ Աղաջանյանի, եղբայրներ Սերյոժա և Հայկ Քոչարյանների հետ: 2006թ-ից օգտագործել է թմրանյութ, որի համար նույն ժամանակ դատապարտվել է: 2012թ. ապրիլ ամսին պատահական հանդիպել է Կ.Պողոսյանին, որի հետ խոսակցության ընթացքում իրենց մոտ ցանկություն է առաջացել թմրանյութ օգտագործել: Ինքը ասել է, որ կարողանում է թմրանյութ պատրաստել, իսկ Կ.Պողոսյանը առաջարկել է նրա Երևան քաղաքի Արաբկիր 51 փողոց 8 տանը, որտեղ բնակվում է մենակ, պատրաստել և օգտագործել թմրամիջոց: Այդ ժամանակ ինքը գնել է անհրաժեշտ պարագաներ` ՙԿաֆետին՚ տեսակի դեղահաբեր, ներարկիչներ, բենզին և լուցկի, որոնցով Կ.Պողոսյանի տան խոհանոցում պատրաստել է ՙկոդեին՚ տեսակի թմրամիջոց, որը իրենք օգտագործել են ներարկման միջոցով: Դրանից մոտ երկու օր հետո ինքը հանդիպել է վաղեմի ընկեր Հ.Քոչարյանին և քանի որ տեղյակ է եղել, որ վերջինս նույնպես թմրանյութ է օգտագործում, նրան ասել է, որ ընկերոջ` Կ.Պողոսյանի տանը պատրաստում և օգտագործում են ՙԿոդեին՚ տեսակի թմրանյութ: Հ.Քոչարյանը նույնպես ցանկություն է հայտնել թմրանյութ օգտագործել և միասին գնացել են Կ.Պողոսյանի Արաբկիր 51 փողոց 8 տուն, որտեղ պատրաստել և օգտագործել են ՙԿոդեին՚ տեսակի թմրամիջոց: Դրանից հետո իրենց են միացել Հ.Քոչարյանի եղբայր Ս.Քոչարյանը և նրա ընկեր Հ.Աղաջանյանը: Շուրջ երեք ամիս Կ.Պողոսյանին պատկանող` Արաբկիր 51 փողոց 8 տանը, ինքը, Կ.Պողոսյանը, Հ.Քոչարյանը, Ս.Քոչարյանը, Հ.Աղաջանյանը և իր հետ պատահական ծանոթացած տաքսու վարորդ Հ.Գևորգյանը, հաճախակի օգտագործել են ՙԿոդեին՚ տեսակի թմրանյութ, որը պատրաստել են ինքը, Հ.Քոչարյանը և Ս.Քոչարյանը: 2012թ. հունիսի 5-ին կրկին թմրանյութ պատրաստելու և օգտագործելու համար երեկոյան ժամերին Կ.Պողոսյանի Արաբկիր 51 փ. 8 տուն են գնացել ինքը, Ս.Քոչարյանը, Հ.Քոչարյանը, որոնք խոհանոցում պատրաստել են կոդեին տեսակի թմրամիջոց` իրենց օգտագործման համար: Պատրաստելուց հետո Կ.Պողոսյանի տուն են եկել նաև Հ.Աղաջանյանը և Հ .Գևորգյանը, սակայն իրենք չեն հասցրել օգտագործել կոդեին տեսակի թմրանյութը` քանի որ այդ ժամանակ ոստիկանության աշխատակիցները եկել են իրենց տուն և հայտնաբերել պատրաստված թմրամիջոցը, որից հետո իրենց բերման են ենթարկել ոստիկանության Արաբկիրի բաժին:

Առաջադրված մեղադրանքում ամբաստանյալ Հայկ Քոչարյանը իրեն լիովին մեղավոր է ճանաչել, անկեղծորեն զղջացել է կատարած արարքի համար և օգտվելով իր դատավարական իրավունքից հրաժարվել է ցուցմունք տալուց: Նախաքննության փուլում ցուցմունքներ է տվել այն մասին, որ վաղուց ճանաչում է Տիգրան Սարգսյանին և գտնվում են ընկերական հարաբերությունների մեջ: Նախկինում` շուրջ 12 տարի առաջ արտասահմանում օգտագործել է թմրանյութ: Իմանալով, որ ՙԿաֆետին՚ դեղահաբերից և բենզինից թմրանյութ են պատրաստում, 2012թ. ապրիլ ամսին հանդիպելով Տ.Սարգսյանին այդ մասին խորհրդակցել է նրա հետ: Տ.Սարգսյանը իրեն ասել է, որ ընկերոջ` Կարեն Պողոսյանի Արաբկիր 51 փողոց 8 տանը պատրաստում և օգտագործում են ՙԿոդեին՚ տեսակի թմրանյութ: Ինքը նույնպես ցանկություն է հայտնել թմրանյութ օգտագործել և միասին գնել են անհրաժեշտ պարագաներ` ՙԿաֆետին՚ տեսակի դեղահաբեր, ներարկիչներ, բենզին և լուցկի, որոնցով Կ.Պողոսյանի տան խոհանոցում ինքը և Տ.Սարգսյանը պատրաստել են ՙկոդեին՚ տեսակի թմրամիջոց, որը իրենք օգտագործել են ներարկման միջոցով: Դրանից հետո իրենց են միացել իր եղբայր Ս.Քոչարյանը և նրա ընկեր Հ.Աղաջանյանը: Շուրջ երեք ամիս Կ.Պողոսյանին պատկանող` Արաբկիր 51 փողոց 8 տանը, ինքը, Կ.Պողոսյանը, Ս.Քոչարյանը, Հ.Աղաջանյանը, Տ.Սարգսյանը և վերջինիս հետ պատահական ծանոթացած տաքսու վարորդ Հ.Գևորգյանը, հաճախակի օգտագործել են ՙԿոդեին՚ տեսակի թմրանյութ, որը պատրաստել են ինքը, Տ.Սարգսյանը և Ս.Քոչարյանը: 2012թ. հունիսի 5-ին կրկին թմրանյութ պատրաստելու և օգտագործելու համար երեկոյան ժամերին գնացել է Կ.Պողոսյանի Արաբկիր 51 փ. 8 տուն, որտեղ եղել են, Ս.Քոչարյանը, Կ.Պողոսյանը և Տ.Սարգսյանը: Այդ ժամանակ խոհանոցում պատրաստել են կոդեին տեսակի թմրամիջոց` իրենց օգտագործման համար: Պատրաստելուց հետո Կ.Պողոսյանի տուն են եկել նաև Հ.Աղաջանյանը և Հ .Գևորգյանը, սակայն իրենք չեն հասցրել օգտագործել արդեն իսկ պատրաստված կոդեին տեսակի թմրանյութը` քանի որ այդ ժամանակ ոստիկանության աշխատակիցները եկել են Կ.Պողոսյանի տուն և հայտնաբերել պատրաստված թմրամիջոցը, որից հետո իրենց բերման են ենթարկել ոստիկանության Արաբկիրի բաժին:
գ.թ 137-139, 159-160, 167-168, 203-204, 283թ.

Առաջադրված մեղադրանքում ամբաստանյալ Սերյոժա Քոչարյանը իրեն լիովին մեղավոր է ճանաչել, անկեղծորեն զղջացել է կատարած արարքի համար և օգտվելով իր դատավարական իրավունքից հրաժարվել է ցուցմունք տալուց: Նախաքննության փուլում ցուցմունքներ է տվել այն մասին, որ վաղուց ճանաչում է Տիգրան Սարգսյանին, որի հետ գտնվում է մտերիմ հարաբերությունների մեջ: Հայկ Քոչարյանը հանդիսանում է իր եղբայրը: Շուրջ քսան տարի առաջ օգտագործել է թմրանյութ: 2012թ. ապրիլ ամսին տեղեկանալով, որ ՙԿաֆետին՚ դեղահաբերից և բենզինից թմրանյութ են պատրաստում և տեղյակ լինելով, որ եղբայրը` Հ.Քոչարյանը օգտագործում է այդ թմրանյութից, դիմել է նրան: Հ.Քոչարյանը իրեն ասել է, որ Տ.Սարգսյանի ընկերոջ` Կարեն Պողոսյանի Արաբկիր 51 փողոց 8 տանը պատրաստում և օգտագործում են ՙԿոդեին՚ տեսակի թմրանյութ: Ինքը նույնպես ցանկություն է հայտնել թմրանյութ օգտագործել և միասին գնել են անհրաժեշտ պարագաներ` ՙԿաֆետին՚ տեսակի դեղահաբեր, ներարկիչներ, բենզին և լուցկի, որոնցով Կ.Պողոսյանի Արաբկիր 51 փողոց 8 տան խոհանոցում ինքը, Տ.Սարգսյանը և Հ.Քոչարյանը պատրաստել են ՙկոդեին՚ տեսակի թմրամիջոց, որը իրենք օգտագործել են Կ.Պողոսյանի հետ ներարկման միջոցով: Ինքը այդ մասին պատմել է իր վաղեմի ծանոթ Հակոբ Աղաջանյանին, որը նույնպես ցանկություն է հայտնել օգտագործել թմրանյութ: Շուրջ երկու ամիս Կ.Պողոսյանին պատկանող` Արաբկիր 51 փողոց 8 տանը, ինքը, Կ.Պողոսյանը, Հ.Աղաջանյանը, Տ.Սարգսյանը և վերջինիս հետ պատահական ծանոթացած տաքսու վարորդ Հ.Գևորգյանը, հաճախակի օգտագործել են ՙԿոդեին՚ տեսակի թմրանյութ, որը պատրաստել են ինքը, Տ.Սարգսյանը և Հ.Քոչարյանը: Կարեն Պողոսյանին` նրա տանը թմրանյութ պատրաստելու և օգտագործելու ժամանակ վճարել է մեկ անգամ` 1000 ՀՀ դրամ գումար: 2012թ. հունիսի 5-ին կրկին թմրանյութ պատրաստելու և օգտագործելու համար երեկոյան ժամերին գնացել է Կ.Պողոսյանի Արաբկիր 51 փ. 8 տուն, որտեղ եղել են Կ.Պողոսյանը և Տ.Սարգսյանը: Որոշ ժամանակ հետո այդտեղ է եկել նաև Հ.Քոչարյանը: Այդ ժամանակ ինքը Տ.Սարգսյանի և Հ.Քոչարյանի հետ խոհանոցում պատրաստել են կոդեին տեսակի թմրամիջոց` իրենց օգտագործման համար: Պատրաստելուց հետո Կ.Պողոսյանի տուն են եկել նաև Հ.Աղաջանյանը և Հ.Գևորգյանը, սակայն իրենք չեն հասցրել օգտագործել արդեն իսկ պատրաստված կոդեին տեսակի թմրանյութը` քանի որ այդ ժամանակ ոստիկանության աշխատակիցները եկել են Կ.Պողոսյանի տուն և հայտնաբերել պատրաստված թմրամիջոցը, որից հետո իրենց բերման են ենթարկել ոստիկանության Արաբկիրի բաժին:
գ.թ 125-128, 157-158, 181-182, 232, 282թ.

Ամբաստանյալներ Կարեն Պողոսյանին, Տիգրան Սարգսյանին, Հայկ Քոչարյանին և Սերյոժա Քոչարյանին առաջադրված մեղադրանքը հիմնավորվել է նաև դատաքննությամբ հետազոտված հետևյալ ապացույցներով.

Վկա Հակոբ Գուրգենի Աղաջանյանը դատաքննությամբ ցուցմունք է տվել այն մասին, որ շուրջ երկու տարի է ճանաչում է Սերյոժա Քոչարյանին, որի հետ գտնվում է ընկերական հարաբերությունների մեջ: Նախկինում ինքը օգտագործել է ափիոն տեսակի թմրամիջոց: 2012թ. ապրիլ ամսին հանդիպել է Ս.Քոչարյանին, որը իրեն ասել է, որ ունի Կարեն Պողոսյան անունով ծանոթ և նրա Արաբկիր 51 փողոց 8 տանը պատրաստում և օգտագործում են ՙԿոդեին՚ տեսակի թմրանյութ: Ինքը նույնպես ցանկություն է հայտնել թմրանյութ օգտագործել և միասին գնել են անհրաժեշտ պարագաներ` ՙԿաֆետին՚ տեսակի դեղահաբեր, ներարկիչներ, բենզին և լուցկի և գնացել Կ.Պողոսյանի Արաբկիր 51 փողոց 8 տուն, որտեղ` խոհանոցում, Ս.Քոչարյանի հետ պատրաստել են ՙկոդեին՚ տեսակի թմրամիջոց, որը իրենք օգտագործել են Կ.Պողոսյանի հետ ներարկման միջոցով: Շուրջ երեք ամիս Կ.Պողոսյանին պատկանող` Արաբկիր 51 փողոց 8 տանը, ինքը, Կ.Պողոսյանը, Տ.Սարգսյանը, Ս.Քոչարյանը և Հ.Քոչարյանը, հաճախակի օգտագործել են ՙԿոդեին՚ տեսակի թմրանյութ: Կարեն Պողոսյանին` նրա տանը թմրանյութ պատրաստելու և օգտագործելու համար ինքը յուրաքանչյուր անգամ վճարել է 1000-ից 3000 ՀՀ դրամ գումար, հասկանալով, որ եթե չվճարի, ապա Կ.Պողոսյանը այլևս թույլ չի տա նրա բնակարանում թմրանյութ օգտագործել: 2012թ. հունիսի 5-ին կրկին թմրանյութ պատրաստելու և օգտագործելու համար երեկոյան ժամերին գնացել է Կ.Պողոսյանի Արաբկիր 51 փ. 8 տուն, որտեղ եղել են Կ.Պողոսյանը, Տ.Սարգսյանը, Ս.Քոչարյանը, Հ.Քոչարյանը, Հ.Գևորգյանը և ոստիկանության աշխատակիցներ, որոնք Կ.Պողոսյանի բնակարանից հայտնաբերել են պատրաստված թմրամիջոցը, որից հետո իրենց բերման են ենթարկել ոստիկանության Արաբկիրի բաժին:

Վկա Հրանտ Ռոբերտի Գրիգորյանը նախաքննության փուլում ցուցմունք է տվել այն մասին, որ 2012թ. մայիս ամսվա կեսերին ծանոթացել է Տիգրան Սարգսյանի հետ: Այդ ժամանակ Տ.Սարգսյանը կատարել է գնումներ` ՙԿաֆետին՚ տեսակի դեղահաբեր, ներարկիչներ, բենզին և լուցկի, որից ինքը հասկացել է, որ Տ.Սարգսյանը թմրամոլ է և քանի որ ինքը նույնպես նախկինում թմրանյութ է օգտագործել, Տ.Սարգսյանին խնդրել է, որ իր համար նույնպես թմրանյութ պատրաստի: Տ.Սարգսյանի պահանջով նրան տարել է Արաբկիր 51 փողոց 8 տան մոտ, որտեղ վերջինս իրեն ասել է, որ հաջորդ օրը ժամը 23-ի սահմաններում տաքսի ավտոմեքենայով նրան տանի նույն վայր: Հաջորդ օրը հանդիպելով Տ.Սարգսյանին, ինքը կատարել է գնումներ և վերջինիս տարել նույն վայր` Արաբկիր 51 փողոց 8 տուն: Տ.Սարգսյանը իրեն ասել է, որ մեկ ժամից մոտենա
և վերցնի թմրանյութը: Ինքը մեկ ժամից մոտեցել է նույն հասցե և Տ.Սարգսյանը դուրս է եկել տանից և իրեն տվել ներարկիչով լցված թմրանյութը: Դրանից հետո ևս մի քանի անգամ կատարել է գնումներ, տվել Տ.Սարգսյանին և կրկին Արաբկիր 51 փողոց 8 տան մոտից վերցրել պատրաստի թմրանյութը: Այդ ընթացքում ինքը ծանոթացել է տան տիրոջ` Կարեն Պողոսյանի հետ: 2012թ. հունիսի 5-ին կրկին թմրանյութ պատրաստելու և օգտագործելու համար կատարել է գնումներ և երեկոյան ժամերին գնացել է Կ.Պողոսյանի Արաբկիր 51 փ. 8 տուն, որտեղ Տ.Սարգսյանը իրեն ասել է, որ գա մեկ ժամից: Ինքը մեկ ժամից մտել է տուն որտեղ եղել են ոստիկանության աշխատակիցներ, որոնք Կ.Պողոսյանի բնակարանից հայտնաբերել են պատրաստված թմրամիջոցը, որից հետո իրենց բերման են ենթարկել ոստիկանության Արաբկիրի բաժին:
գ.թ 122-124թ.

Իրեղեն ապացույց ճանաչելու որոշման համաձայն 20մլ. ծավալով առանց ասեղի և ասեղնակալի, մեկանգամյա օգտագործման ներարկիչում առկա 9 մլ ծավալով անգույն, պղտոր հեղուկը 5մլ. ծավալի համար նախատեսված մեկանգամյա օգտագործման թվով 2 ներարկիչներում առկա 5մլ. և 4,9 մլ /9,9 մլ ընդհանուր ծավալով/ դեղնականաչավուն, սուր հոտով հեղուկները /օբյեկտներ 1 և 2/, մեկ պլաստմասե շիշը, մեկ սուրճի բաժակը, տաս հատ տարբեր չափերի դատարկ ներարկիչները, մեկ հատ ապակյա սրվակը, թվով հինգ հատ լուցկու տուփը, թվով ութ հատ ՙԿաֆետին՚ տեսակի դեղամիջոցի ստվարաթղթե տուփերի կտրված դիմային հատվածները ճանաչվել են իրեղեն ապացույց:
գ.թ 287-288թ.

05.06.2012թ. Արաբկիր 51 փողոց 8 տանը կատարված խուզարկության արձանագրությամբ, համաձայն որի բնակարանից հայտնաբերվել և առգրավվել է երկու 5մլ. ծավալով ներարկիչներ լցված դեղնականաչավուն հեղուկով, երկու 20մլ. ծավալով ներարկիչներ շագանակագույն հեղուկով, սուրճի բաժակ, բենցին, լուցկի և ՙՎալերյանա՚ դեղահաբեր:
գ.թ 3-5թ.

Նշանակված դատանյութագիտական փորձաքննության հմ 12-1975 եզրակացության համաձայն փորձաքննությանը ներկայացված 20մլ. ծավալի համար նախատեսված, առանց ասեղի և ասեղնակալի, մեկանգամյա օգտագործման ներարկիչում առկա 9 մլ ծավալով անգույն, պղտոր հեղուկում /օբյեկտ 3/ պարունակվում են դեզոմորֆին տեսակի և ափիոնային շարքի թմրալկալոիդներին դասվող կոդեին տեսակի թմրակտիվ բաղադրատարրեր: Նշված հեղուկում կոդեինի քանակական պարունակությունը կազմում է 0,027 գրամ:
Փորձաքննությանը ներկայացված 5մլ. ծավալի համար նախատեսված մեկանգամյա օգտագործման թվով 2 ներարկիչներում առկա 5մլ. և 4,9 մլ /9,9 մլ ընդհանուր ծավալով/ դեղնականաչավուն, սուր հոտով հեղուկները /օբյեկտներ 1 և 2/ հանդիսանում են քլորաջրածնական թթու /աղաթթու/:
Կոդեինը, դեզոմորֆինը, և քլորաջրածնական թթուն /աղաթթու/ ներառված են ՙՀայաստանի Հանրապետության հսկման ենթակա թմրամիջոցների, հոգեմետ նյութերի և դրանց պրեկուրսորների՚ կազմում:
գ.թ 64-68թ.

Նշանակված դատաքիմիական փորձաքննությունների թիվ 0477, 0478, 0479, 0476, 0480 և 0481 եզրակացությունների համաձայն Տիգրան Սարգսի Սարգսյանի, Հայկ Կոլյայի Քոչարյանի, Սերյոժա Կոլյայի Քոչարյանի, Կարեն Զարզանդի Պողոսյանի, Հակոբ Գուրգենի Աղաջանյանի և Հրանտ Ռոբերտի Գրիգորյանի մեզի փորձանմուշներում հայտնաբերվել են ափիոնի խմբի թմրամիջոցների թմրալկալոիդներ:
գ.թ 170-175թ.

Նշանակված նարկոլոգիական փորձաքննությունների հմ. 215-12, 211-12, 214-12 և 212-12 եզրակացությունների համաձայն Կարեն Պողոսյանի, Տիգրան Սարգսյանի, Սերյոժա Քոչարյանի և Հայկ Քոչարյանի մոտ ախտորոշվել է ՙԱփիոնային թմրամոլություն՚ և նրանք ունեն հարկադիր բուժման կարիք:
գ.թ 271-278թ.

Դատարանի իրավական վերլուծությունները
Դատարանը հետազոտելով գործով ձեռք բերված յուրաքանչյուր ապացույց, գնահատելով թույլատրելիության վերաբերելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ղեկավարվելով օրենքով, ներքին համոզմամբ, գտնում է, որ ամբաստանյալ Կարեն Պողոսյանի մեղավորությունը` թմրամիջոց գործածելու համար որջ կազմակերպելու և պահելու մեջ, որը նախատեսված է ՀՀ քրեական օրենսգրքի 274-րդ հոդվածի 1-ին մասով, Տիգրան Սարգսյանի,Հայկ և Սերյոժա Քոչարյանների մեղավորությունը` առանց իրացնելու նպատակի զգալի չափով թմրամիջոց ապօրինի պատրաստելու մեջ, որը նախատեսված է ՀՀ քրեական օրենսգրքի 268-րդ հոդվածի 1-ին մասով, ապացուցված է:
Վերոհիշյալ հանցանքների կատարման համար ամբաստանյալները ենթակա են քրեական պատասխանատվության և պատժի, որը նրանք պետք է կրեն:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:

Ամբաստանյալ Կարեն Պողոսյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը արձանագրում է այն, որ նա ընդունել է մեղքը անկեղծորեն զղջացել է կատարած արարքի համար, բնութագրվում է դրական:
Ամբաստանյալ Տիգրան Սարգսյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը անկեղծորեն զղջացել է կատարած արարքի համար, խնամքին ունի երկու մանկահասակ երեխա:
Ամբաստանյալ Հայկ Քոչարյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել կատարած արարքի համար, խնամքին ունի երեք մանկահասակ երեխա:
Ամբաստանյալ Սերյոժա Քոչարյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել կատարած արարքի համար, խնամքին ունի չորս մանկահասակ երեխա:
ՀՀ քրեական օրենսգրքի 22-րդ հոդվածի 1-ին մասի համաձայն` հանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար:
Դատարանն արձանագրում է, որ առկա է հանցագործությունների ռեցիդիվ, քանի որ ամբաստանյալ Կարեն Պողոսյանը նախկինում մեկ միջին ծանրության հանցագործություն կատարելու համար դատվածություն ունենալով, դարձյալ կատարել է դիտավորյալ հանցագործություն:
Նշված պայմաններում պատիժ նշանակելիս դատարանը պետք է ղեկավարվի ՀՀ քրեական օրենսգրքի 67.1-րդ հոդվածի 2-րդ մասի կանոններով:
ՀՀ քրեական օրենսգրքի 67.1-րդ հոդվածի 2-րդ մասի համաձայն` (...) հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից:
Ամբաստանյալներ Տիգրան Սարգսյանի, Հայկ Քոչարյանի և Սերյոժա Քոչարյանի պատասխանատվությունն ու պատիժը ծանրացնող հանգամանքներ դատարանը չի արձանագրել:
Անդրադառնալով իրեղեն ապացույցների տնօրինման հարցին դատարանը գտնում է, որ քրեական գործով իրեղեն ապացույց հանդիսացող 20մլ. ծավալով առանց ասեղի և ասեղնակալի, մեկանգամյա օգտագործման ներարկիչում առկա 9 մլ ծավալով անգույն, պղտոր հեղուկը 5մլ. ծավալի համար նախատեսված մեկանգամյա օգտագործման թվով 2 ներարկիչներում առկա 5մլ. և 4,9 մլ /9,9 մլ ընդհանուր ծավալով/ դեղնականաչավուն, սուր հոտով հեղուկները /օբյեկտներ 1 և 2/, մեկ պլաստմասե շիշը, մեկ սուրճի բաժակը, տաս հատ տարբեր չափերի դատարկ ներարկիչները, մեկ հատ ապակյա սրվակը, թվով հինգ հատ լուցկու տուփը, թվով ութ հատ ՙԿաֆետին՚ տեսակի դեղամիջոցի ստվարաթղթե տուփերի կտրված դիմային հատվածները պետք է ոչնչացնել:
Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 365-րդ, 369-373-րդ, 379-րդ հոդվածներով, դատարանը`

Վ Ճ Ռ Ե Ց

Կարեն Զարզանդի Պողոսյանին մեղավոր ճանաչել ՀՀ քրեական օրենսգրքի 274-րդ հոդվածի 1-ին մասով և նրա նկատմամբ պատիժ նշանակել ազատազրկում 2 /երկու/ տարի ժամկետով:

Տիգրան Սարգսի Սարգսյանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով և նրա նկատմամբ պատիժ նշանակել ազատազրկում 6 /վեց/ ամիս ժամկետով:

Հայկ Կոլյայի Քոչարյանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով և նրա նկատմամբ պատիժ նշանակել ազատազրկում 6 /վեց/ ամիս ժամկետով:

Սերյոժա Կոլյայի Քոչարյանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով և նրա նկատմամբ պատիժ նշանակել ազատազրկում 6/վեց/ ամիս ժամկետով:
Ամբաստանյալներ Կարեն Պողոսյանի, Տիգրան Սարգսյանի, Հայկ Քոչարյանի և Սերյոժա Քոչարյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
ՀՀ քրեական օրենսգրքի 97-րդ հոդվածի կարգով ամբաստանյալներ Կարեն Պողոսյանի, Տիգրան Սարգսյանի, Հայկ Քոչարյանի և Սերյոժա Քոչարյանի նկատմամբ նշանակել ափիոնային թմրամոլության դեմ բժշկական բնույթի հարկադրանքի միջոց:
Քրեական գործով իրեղեն ապացույց հանդիսացող 20մլ. ծավալով առանց ասեղի և ասեղնակալի, մեկանգամյա օգտագործման ներարկիչում առկա 9 մլ ծավալով անգույն, պղտոր հեղուկը 5մլ. ծավալի համար նախատեսված մեկանգամյա օգտագործման թվով 2 ներարկիչներում առկա 5մլ. և 4,9 մլ /9,9 մլ ընդհանուր ծավալով/ դեղնականաչավուն, սուր հոտով հեղուկները /օբյեկտներ 1 և 2/, մեկ պլաստմասե շիշը, մեկ սուրճի բաժակը, տաս հատ տարբեր չափերի դատարկ ներարկիչները, մեկ հատ ապակյա սրվակը, թվով հինգ հատ լուցկու տուփը, թվով ութ հատ ՙԿաֆետին՚ տեսակի դեղամիջոցի ստվարաթղթե տուփերի կտրված դիմային հատվածները ոչնչացնել:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ