Գործ No ԵԱՔԴ/0140/01/12
ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

28 նոյեմբերի 2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Շ.Վանոյանի
մասնակցությամբ`
մեղադրող Ա.Շահբազյանի
պաշտպան Կ.Գրիգորյանի
տուժող Վ.Հարությունյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
ՄԱՐԻԱՄ ՄԻՀՐԱՆԻ ԱՂԱՋԱՆՅԱՆԻ /06.07.1990թ. ք.Երևան, հայ, ՀՀ քաղաքացի, բարձրագույն կրթությամբ, ամուսնացած, չի աշխատում, նախկինում չդատված, հաշվառված ք.Երևան, Ֆուչիկի փ. 4շ. բն. 1, բնակվող` ք.Երևան, Անտառային փ. 122/11 տուն/:
Մեղադրվում է ՀՀ քրեական օրենսգրքի 112-րդ հոդվածի 1-ին մասով:

Գործի դատավարական նախապատմությունը
2012 թվականի փետրվարի 1-ին հարուցվել է թիվ 14103112 քրեական գործը£
2012 թվականի հունիսի 29-ին քրեական գործով վարույթը կարճվել է:
2012 թվականի օգոստոսի 09-ին քրեական գործով վարույթը կարճելու մասին որոշումը վերացվել է:
2012 թվականի օգոստոսի 31-ին որոշում է կայացվել Մարիամ Աղաջանյանին ՀՀ քրեական օրենսգրքի 112-րդ հոդվածի 1-ին մասով որպես մեղադրյալ ներգրավելու մասին, և նրա նկատմամբ խափանման միջոց է ընտրվել ստորագրություն չհեռանալու մասին:
2012թ. հոկտեմբերի 26-ին թիվ 14103112 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Մարիամ Աղաջանյանին ՀՀ քրեական օրենսգրքի 112-րդ հոդվածի 1-ին մասով մեղադրանք է առաջադրել այն արարքի համար, որ ՙնա 2011թ. դեկտեմբերի 23-ին ժամը 04:30-ի սահմաններում ամուսնու` Վահան Հարությունյանի կողմից այլ կանանց հետ շփվելու առիթով, Երևան քաղաքի Անտառային փողոցում գտնվող իրենց թիվ 122 տան ննջասենյակում վիճաբանել է նրա հետ, որի ընթացքում ննջասենյակում գտնվող խոհանոցային դանակով մեկ անգամ դիտավորությամբ հարվածել է Վ.Հարությունյանի որովայնի շրջանին` վերջինիս առողջությանը պատճառելով ծանր վնաս` որովայնի առաջնային պատի ծակած-կտրած թափանցող վերքի ստորին սիներակի, բարակ, սիգմայաձև աղիների վնասումով՚:

Արագացված դատական քննություն
Մինչև դատաքննությունն սկսելն ամբաստանյալ Մարիամ Աղաջանյանը միջնորդել է դատական քննությունն անցկացնել արագացված կարգով և հայտարարել, որ համաձայն է առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Կրոմվել Գրիգորյանը:
Մեղադրող Ա.Շահբազյանը դատական քննության արագացված կարգ կիրառելուն չի առարկել:
Տուժող Վ.Հարությունյանը նույնպես չի առարկել դատական քննության արագացված կարգ կիրառելուն, նշել է, որ որևէ բողոք կամ պահանջ չունի ամբաստանյալից և խնդրել է նրա նկատմամբ մեղմ պատիժ նշանակել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Մարիամ Աղաջանյանի մեղավորությունը` դիտավորությամբ Վահան Հարությունյանի առողջությանը կյանքի համար վտանգավոր ծանր վնաս պատճառելու մեջ, որը նախատեսված է ՀՀ քրեական օրենսգրքի 112-րդ հոդվածի 1-ին մասով, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի, որը նա պետք է կրի:
Ամբաստանյալի նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Մարիամ Աղաջանյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել կատարած արարքի համար, նախկինում դատված չէ, բնութագրվում է դրական, հանցագործությունը պայմանավորվել է տուժողի հակաօրինական և հակաբարոյական վարքագծով, տուժողը որևէ բողոք կամ պահանջ չի ներկայացրել, խնդրել է մեղմ պատիժ նշանակել:
Դատարանը պատիժ նշանակելիս հաշվի է առնում նաև, որ Մ.Աղաջանյանը արարքը կատարելու պահին գտնվել է հոգեկան լարված վիճակում: Դատահոգեբանական և դատահոգեբուժական համալիր փորձաքննության եզրակացության եզրափակիչ մասում փորձագետները նշել են. ՙհաշվի առնելով Մ.Աղաջանյանի հոգեբանական առանձնահատկությունները և դրանք համադրելով փորձաքննվողի կողմից ներկայացված պայմանների հետ` ամուսնությունից հետո հոգեճնշված, ամուսնու կողմից պարբերաբար նվաստացումներ, բռնություն և այլն, ինչպես նաև ամուսնու կողմից բացահայտ արհամարհական վերաբերմունք իր` որպես կնոջ, նկատմամբ, դրան զուգակցված սիրային արտաամուսնական կապերը և կոնկրետ իրադրությունում /դեպքի կատարման ժամանակ/ ամուսնու գործողություններն ու պահվածքը Մ.Աղաջանյանի մոտ առաջացրել են հոգեկան լարվածություն, առավելապես կոնկրետ իրողությունների, կոնֆլիկտների պահին: Ամուսնուն դանակահարելու պահին Մ.Աղաջանյանը գտնվել է հոգեկան լարված վիճակում, պայմանավորված ամուսնու վարքով՚:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
ՀՀ քրեական օրենսգրքի 70-րդ հոդվածի համաձայն`
1. Եթե դատարանը, կալանքի, ազատազրկման կամ կարգապահական գումարտակում պահելու ձևով պատիժ նշանակելով, հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին:
2. Պատիժը պայմանականորեն չկիրառելիս դատարանը հաշվի է առնում հանցավորի անձը բնութագրող տվյալները, պատասխանատվությունը և պատիժը մեղմացնող և ծանրացնող հանգամանքները:
Դատարանը գտնում է, որ ամբաստանյալ Մարիամ Աղաջանյանի ուղղվելը հնարավոր է առանց պատիժը կրելու:
Նման եզրահանգման դատարանը գալիս է` հաշվի առնելով հատկապես գործի կոնկրետ հանգամանքները, հանցավորի անձը բնութագրող տվյալների և պատասխանատվությունն ու պատիժը մեղմացնող հանգամանքների համակցությունը:
Անդրադառնալով իրեղեն ապացույցների տնօրինման հարցին` դատարանը գտնում է, որ գործով իրեղեն ապացույց ճանաչված 077-37-03-03 և 010-54-54-42 հեռախոսահամարների վերծանումները պետք է պահել գործի հետ միասին, խոհանոցային դանակը` ոչնչացնել, իսկ Վահան Հարությունյանի շապիկը` վերադարձնել տուժողին:
Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

ՎՃՌԵՑ

Մարիամ Միհրանի Աղաջանյանին մեղավոր ճանաչել ՀՀ քրեական օրենսգրքի 112-րդ հոդվածի 1-ին մասով և նրա նկատմամբ պատիժ նշանակել ազատազրկում 3 /երեք/ տարի ժամկետով:
Կիրառել ՀՀ քրեական օրենսգրքի 70-րդ հոդվածը և Մարիամ Աղաջանյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանել փորձաշրջան 1 /մեկ/ տարի ժամկետով:
Մարիամ Աղաջանյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:
Իրեղեն ապացույց ճանաչված 077-37-03-03 և 010-54-54-42 հեռախոսահամարների վերծանումները պահել գործի հետ միասին, խոհանոցային դանակը` ոչնչացնել, իսկ Վահան Հարությունյանի շապիկը` վերադարձնել տուժողին:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:




ԴԱՏԱՎՈՐ Ա.ՄԿՐՏՉՅԱՆ