ԵԱՔԴ/0138/01/12

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն


Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր` Լ. Ավետիսյան
քարտուղարությամբ` Հ. Թադևոսյանի
մասնակցությամբ
մեղադրող` Կ. Կարապետյանի
պաշտպան` Ա. Մաթևոսյանի


2012 թվականի նոյեմբերի 13-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Արթուր Մարտիրոսի Վարժապետյանի, ծնված 1970 թվականի մայիսի 20-ին, Վրաստանի Հանրապետության Բոգդանովկա քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին երկու անձ, նախկինում չդատված, աշխատել է ՀՀ ԳՆ սննդամթերքի անվտանգության պետական ծառայության աշխատակազմի սննդամթերքի անվտանգության և որակի հսկողության տեսչության պետ, հաշվառված և բնակվել է ք.Երևան, Ավան-Առինջ 2-րդ միկրոշրջան 1/7 շենք թիվ 31 բնակարան հասցեում, մեղադրվում է ՀՀ քրեական օրենսգրքի 311 հոդվածի 1-ին մասով /2 դրվագ/, կալանքի տակ է 2012 թվականի օգոստոսի 18-ից,

Պ Ա Ր Զ Ե Ց

1.Գործի դատավարական նախապատմությունը.
2012թ. օգոստոսի 07-ին ՀՀ ոստիկանության քննչական գլխավոր վարչության ՀԿԳ քննության վարչությունում ՀՀ քրեական օրենսգրքի 3111 հոդվածի 1-ին մասով նախատեսված հանցագործության հատկանիշներով հարուցվել է թիվ 69107012 քրեական գործը:
2012թ. օգոստոսի 10-ին նախաքննության մարմնի որոշմամբ Նունե Ֆրունզիկի Ղարաբեկյանը ներգրավվել է որպես մեղադրյալ ՀՀ քրեական օրենսգրքի 3111 հոդվածի 1-ին մասով:
2012թ. օգոստոսի 18-ին Արթուր Մարտիրոսի Վարժապետյանը ձերբակալվել է:
2012թ. օգոստոսի 20-ին նախաքննության մարմնի որոշմամբ Արթուր Մարտիրոսի Վարժապետյանը ներգրավվել է որպես մեղադրյալ ՀՀ քրեական օրենսգրքի 311 հոդվածի 1-ին մասով: Նրա նկատմամբ որպես խափանման միջոց կիրառվել է կալանավորումը:
2012թ. օգոստոսի 23-ին նախաքննության մարմնի որոշմամբ Նարինե Ռաֆիկի Կոստանյանը ներգրավվել է որպես մեղադրյալ ՀՀ քրեական օրենսգրքի 38-311 հոդվածի 1-ին մասով:
2012թ. հոկտեմբերի 11-ին Նունե Ֆրունզիկի Ղարաբեկյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 3111 հոդվածի 1-ին մասով և 38-311 հոդվածի 1-ին մասով:
2012թ. հոկտեմբերի 16-ին նախաքննության մարմնի որոշմամբ թիվ 69107012 քրեական գործից մեղադրյալ Արթուր Մարտիրոսի Վարժապետյանի վերաբերյալ մասն առանձնացվել է առանձին վարույթ, որին շնորհվել է թիվ 69109412 համարը:
2012թ. հոկտեմբերի 22-ին թիվ 69109412 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Արթուր Մարտիրոսի Վարժապետյանին մեղադրանք է առաջադրել այն արարքի կատարման համար, որ նա 2011 թվականի մայիսի 20-ից աշխատելով ՀՀ գյուղատնտեսության նախարարության սննդամթերքի անվտանգության պետական ծառայության աշխատակազմի սննդամթերքի անվտանգության և որակի հսկողության տեսչության պետի պաշտոնում, հանդիսանալով կազմակերպչական-տնօրինչական գործառույթներ իրականացնող պաշտոնատար անձ, օժտված լինելով սննդամթերքի, սննդամթերքի հետ շփվող նյութերի և սննդային հավելումների, ինչպես նաև` սննդամթերքի արտադրության, պահպանման, տեղափոխման, վերամշակման, իրացման բոլոր փուլերում սննդամթերքի անվտանգությանն առնչվող նորմատիվ փաստաթղթերով սահմանված պահանջների համապատասխանության նկատմամբ վերահսկողության իրականացումն ապահովելու և այլ լիազորություններով, իր լիազորությունների շրջանակներում ՙԳոհար 20՚ ՍՊ ընկերության տնօրեն Արսեն Համբարձումյանի և անհատ ձեռնարկատեր Սմբատ Սիմոնյանի օգտին գործողություններ կատարելու համար վերջիններից, նույն տեսչության գլխավոր մասնագետ-տեսուչ Նունե Ղարաբեկյանի և գլխավոր մասնագետ Նարինե Կոստանյանի օժանդակությամբ, որպես կաշառք պահանջել և ստացել է զգալի չափերի գումարներ: Այսպես.
Արթուր Վարժապետյանը կաշառք ստանալու դիտավորությամբ, ՙԳոհար 20՚ ՍՊ ընկերության Երևան քաղաքի Միկոյան փողոցի 4/2 հասցեում գործող հացի արտադրամասում և խանութ-սրահում սննդի արտադրության, պահպանման, տեղափոխման, վերամշակման և իրացման փուլերում սննդամթերքի անվտանգության ապահովմանն առնչվող խախտումները չարձանագրելու և տարեկան ստուգումներ չիրականացնելու համար 2011 թվականի նոյեբերին ՍՊ ընկերության տնօրեն Արսեն Համբարձումյանից ՀՀ գյուղատնտեսության նախարարության սննդամթերքի անվտանգության պետական ծառայության աշխատակազմի Երևանի կենտրոնի գլխավոր մասնագետ-տեսուչ Նունե Ղարաբեկյանի օժանդակությամբ և նրա միջոցով Երևան քաղաքի Մամիկոնյանց 39ա շենքի իր աշխատասենյակում ստացել է զգալի չափերի` 150.000 ՀՀ դրամ կաշառք, որը հավասարապես բաժանել է իր և Նունե Ղարաբեկյանի միջև:
Բացի այդ, Արթուր Վարժապետյանը կաշառք ստանալու դիտավորությամբ, անհայտ ձեռնարկատեր Սմբատ Սիմոնյանին պատկանող Երևան քաղաքի Մամիկոնյանց 2 հասցեում գործող հացի արտադրամասում և մթերային խանութում սննդի արտադրության, պահպանման, տեղափոխման, վերամշակման և իրացման փուլերում սննդամթերքի անվտանգության ապահովմանն առնչվող խախտումները չարձանագրել և տարեկան ստուգումներ չիրականացնելու համար 2011 թվականի դեկտեմբերին Սմբատ Սիմոնյանից Նունե Ղարաբեկյանի և նույն տեսչության սննդամթերքի իրացման հսկողության բաժնի գլխավոր մասնագետ Նարինե Կոստանյանի օժանդակությամբ և նրա միջոցով Երևան քաղաքի Մամիկոնյանց 39ա շենքի իր աշխատասենյակում ստացել է զգալի չափերի` 100.000 ՀՀ դրամ կաշառք, որից 25.000-ական դրամը հատկացրել է Նունե Ղարաբեկյանին և Նարինե Կոստանյանին, իսկ մնացած 50.000 դրամը տնօրինել է անձամբ:
3. Արագացված դատական քննություն.
Մինչև դատաքննությունն սկսելն ամբաստանյալ Արթուր Վարժապետյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Արա Մաթևոսյանը:
Մեղադրող Կ.Կարապետյանը դատարանում փոխելով իր դիրքորոշումը հայտարարեց, որ դատական քննության արագացված կարգ կիրառելուն չի առարկում:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արթուր Մարտիրոսի Վարժապետյանին առաջադրված մեղադրանքը ՀՀ քրեական օրենսգրքի 311 հոդվածի 1-ին մասով /2 դրվագ/ հիմնավորված է: Նրա կողմից կատարված արարքները համապատասխանում են ՀՀ քրեական օրենսգրքի 311 հոդվածի 1-ին մասի հատկանիշներին և արարքների որակումը ճիշտ է:
Ամբաստանյալ Արթուր Վարժապետյանի նկատմամբ պատիժ նշանակելիս, դատարանը հաշվի է առնում նրա կատարած արարքների հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, ՀՀ ԳՆ սննդամթերքի անվտանգության պետական ծառայության պետի, Հայաստանի թռչնաբույծների միության նախագահի, Ագրոբիզնեսի և գյուղի զարգացման կենտրոնի սննդի անվտանգության բաժնի ղեկավարի, ՀՀ ԱԺ-ի պատգամավորի կողմից բնութագրվում է դրական, նրա խնամքին են գտնվում մինչև տասնչորս տարեկան երեխան (Գևորգ Արթուրի Վարժապետյան` ծնված 19.07.2000թ.-ին) և Երևանի տնտեսագիտական համալսարանի ուսանող Մարտուն Արթուրի Վարժապետյանը:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքների համար ամբաստանյալ Արթուր Մարտիրոսի Վարժապետյանը ենթակա է քրեական պատասխանատվության և պատժի:
Հաշվի առնելով Արթուր Վարժապետյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 311 հոդվածի 1-ին մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ պատժի նպատակներին հասնելու համար ամբաստանյալ Արթուր Մարտիրոսի Վարժապետյանի նկատմամբ ՀՀ քրեական օրենսգրքի 311 հոդվածի 1-ին մասով նախատեսված հանցանք կատարելու համար պատիժ պետք է նշանակել ազատազրկման ձևով, որը նա պետք է կրի, իսկ նրա նկատմամբ կիրառված խափանման միջոցը պետք է թողնել անփոփոխ, մինչև դատավճռի օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց


Արթուր Մարտիրոսի Վարժապետյանին մեղավոր ճանաչել ՀՀ քրեական օրենսգրքի 311 հոդվածի 1-ին մասով` երկու (2) դրվագ, նախատեսված հանցանքներ կատարելու մեջ:
Արթուր Մարտիրոսի Վարժապետյանին ՀՀ քրեական օրենսգրքի 311 հոդվածի 1-ին մասով (ՙԳոհար 20՚ ՍՊ ընկերության տնօրեն Արսեն Համբարձումյանից 2011 թվականի նոյեմբերին զգալի չափերի` 150.000 ՀՀ դրամ կաշառք ստանալու դրվագով) դատապարտել ազատազրկման տասն (10) ամիս ժամկետով` կազմակերպչական-տնօրինչական գործառույթներ իրականացնող պաշտոններ զբաղեցնելու իրավունքից զրկելով վեց ամիս ժամկետով:
Արթուր Մարտիրոսի Վարժապետյանին ՀՀ քրեական օրենսգրքի 311 հոդվածի 1-ին մասով (անհատ ձեռնարկատեր Սմբատ Սիմոնյանից 2011 թվականի դեկտեմբերին զգալի չափերի` 100.000 ՀՀ դրամ կաշառք ստանալու դրվագով) դատապարտել ազատազրկման վեց (6) ամիս ժամկետով` կազմակերպչական-տնօրինչական գործառույթներ իրականացնող պաշտոններ զբաղեցնելու իրավունքից զրկելով վեց ամիս ժամկետով:
ՀՀ քրեական օրենսգրքի 66 հոդվածի հիման վրա, հանցանքների համակցությամբ պատիժները մասնակիորեն գումարելու միջոցով Արթուր Մարտիրոսի Վարժապետյանի նկատմամբ վերջնական պատիժ նշանակել ազատազրկում մեկ (1) տարի ժամկետով` կազմակերպչական-տնօրինչական գործառույթներ իրականացնող պաշտոններ զբաղեցնելու իրավունքից զրկելով մեկ տարի ժամկետով:
Պատժի սկիզբը հաշվել 2012 թվականի օգոստոսի 18-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Արթուր Մարտիրոսի Վարժապետյանի նկատմամբ որպես խափանման միջոց ընտրված կալանավորումը թողնել անփոփոխ, մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:


Դատավոր` ստորագրություն
Բնագրի հետ ճիշտ է
Դատավոր Լ. Ավետիսյան