ԵԱՔԴ/0130/01/12


Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր` Լ. Ավետիսյան
քարտուղարությամբ` Ն. Ղազարյանի
մասնակցությամբ
մեղադրող` Հ. Հարությունյանի
պաշտպաններ` Ս.Ասլանյանի, Ա.Ճուղուրյանի,
Հ.Վարդանյանի, Ս.Հակոբյանի, Մ.Հակոբյանի
տուժողի ներկայացուցիչ` Վ. Եսաֆյանի



2012 թվականի դեկտեմբերի 28-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի`
1. Արթուր Սիմոնի Ղուլյանի, ծնված 1978 թվականի հոկտեմբերի 17-ին, Լոռու մարզի Օձուն գյուղում, ազգությամբ հայ, ՀՀ քաղաքացի, բարձրագույն զինվորական կրթությամբ, ամուսնացած, խնամքին երեք երեխա, դատվածություն չունեցող, ծառայել է ՀՀ ՊՆ թիվ 68617 զորամասի 3-րդ ՀԳ-ի 8-րդ ՀՎ-ում որպես հրամանատար, կոչումով կապիտան, հաշվառված և բնակվել է ք.Երևան, Շերամի փողոց 65 շենք թիվ 27 բնակարան հասցեում, մեղադրվում է ՀՀ քրեական օրենսգրքի 179 հոդվածի 2-րդ մասի 1-ին, 2-րդ և 3-րդ կետերով, սույն գործով կալանքի տակ է 2012 թվականի ապրիլի 29-ից:
2. Մուշեղ Արայի Մահորյանի, ծնված 1991 թվականի փետրվարի 6-ին, Շիրակի մարզի Արթիկ քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում դատված` Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 21.05.2012թ. դատավճռով ՀՀ քրեական օրենսգրքի 177 հոդվածի 2-րդ մասի 1-ին, 2-րդ, և 3-րդ կետերով, ՀՀ քրեական օրենսգրքի 69 հոդվածի կիրառմամբ, դատապարտվել է ազատազրկման` երկու տարի, տասնմեկ ամիս, քսան օր ժամկետով, ծառայել է ՀՀ ՊՆ թիվ 68617 զորամասում որպես ժամկետային զինծառայող, կոչումով շարքային, հաշվառված և բնակվել է Շիրակի մարզ, ք.Արթիկ, Տոնականյան փողոց 1-ին շենք 11 բնակարան հասցեում, մեղադրվում է ՀՀ քրեական օրենսգրքի 179 հոդվածի 2-րդ մասի 2-րդ և 3-րդ կետերով, այլ գործով կալանքի տակ է 2011 թվականի նոյեմբերի 21-ից:
3. Սպարտակ Գագիկի Վարդանյանի, ծնված 1993 թվականի հունվարի 5-ին, Արագածոտնի մարզի Շենավան գյուղում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, ծառայում է ՀՀ ՊՆ թիվ 55565 զորամասում որպես 3-րդ դիվիզիայի տեխնիկական դասակի 2-րդ ջոկի ավագ օպերատոր, կոչումով շարքային, հաշվառված և բնակվել է Արագածոտնի մարզի Շենավան գյուղում, մեղադրվում է ՀՀ քրեական օրենսգրքի 179 հոդվածի 2-րդ մասի 3-րդ կետով, որպես խափանման միջոց է ընտրվել զորամասի հրամանատարության հսկողությանը հանձնելը:
4. Արման Հրանտի Մանուկյանի, ծնված 1993 թվականի փետրվարի 27-ին, Լոռու մարզի Լեռնահովիտ գյուղում, ազգությամբ հայ, ՀՀ քաղաքացի, ութամյա կրթությամբ, ամուրի, խնամքին ոչ ոք, նախկինում չդատված, ծառայում է ՀՀ ՊՆ թիվ 24140 զորամասում որպես շարքային, հաշվառված և բնակվել է Լոռու մարզի Լեռնահովիտ գյուղում, մեղադրվում է ՀՀ քրեական օրենսգրքի 179 հոդվածի 2-րդ մասի 3-րդ կետով, որպես խափանման միջոց է ընտրվել զորամասի հրամանատարության հսկողությանը հանձնելը:
5. էդգար Գագիկի Աղաբեկյանի, ծնված 1993 թվականի հունվարի 11-ին, Շիրակի մարզի Սառնաղբյուր գյուղում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, ծառայում է ՀՀ ՊՆ թիվ 55565 զորամասում որպես 1-ին դիվիզիոնի կառավարման դասակի ավագ ոադիոհեռախոսավար-մեխանիկ, կոչումով շարքային, հաշվառված և բնակվել է Շիրակի մարզի Սառնաղբյուր գյուղում, մեղադրվում է ՀՀ քրեական օրենսգրքի 179 հոդվածի 2-րդ մասի 3-րդ կետով, որպես խափանման միջոց է ընտրվել զորամասի հրամանատարության հսկողությանը հանձնելը:
6. Հենզել Մնացականի Գալստյանի, ծնված 1993 թվականի մարտի 3-ին, Շիրակի մարզի Գյումրի քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, ծառայում է ՀՀ ՊՆ թիվ 55565 զորամասի 3-րդ դիվիզիոնի հրթիռների վերանորոգման դասակում որպես ավագ մեխանիկ, կոչումով շարքային, հաշվառված է Շիրակի մարզ, ք.Գյումրի, Մանուշյան փողոց 345 շենք 17 բնակարան հասցեում, բնակվել է Շիրակի մարզի Սարատակ գյուղում, մեղադրվում է ՀՀ քրեական օրենսգրքի 179 հոդվածի 2-րդ մասի 3-րդ կետով, որպես խափանման միջոց է ընտրվել զորամասի հրամանատարության հսկողությանը հանձնելը:
7. Մխիթար Հակոբի Ճավռշյանի, ծնված 1993 թվականի ապրիլի 28-ին, Շիրակի մարզի Փանիկ գյուղում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, ծառայում է ՀՀ ՊՆ թիվ ՀՀ ՊՆ թիվ 68617 զորամասի 1-ին հրաձգային գումարտակի, 1-ին ՀՎ-ի, 1-ին ՀԴ-ի, 2-րդ ՀՋ-ում, որպես գնդացրորդ, կոչումով շարքային, հաշվառված և բնակվել է Շիրակի մարզի Փանիկ գյուղում, մեղադրվում է ՀՀ քրեական օրենսգրքի 179 հոդվածի 2-րդ մասի 3-րդ կետով, որպես խափանման միջոց է ընտրվել զորամասի հրամանատարության հսկողությանը հանձնելը:
8. Արթուր Լևոնի Վարդանյանի, ծնված 1977 թվականի մայիսի 4-ին, Երևան քաղաքում, ազգությամբ հայ, ՀՀ քաղաքացի, յոթամյա կրթությամբ, ամուսնացած, խնամքին երեք երեխա, ֆիզիկապես վատառողջ, նախկինում չդատված, աշխատում է ՙԿենտրոնական ավտոտրանսպորտային ձեռնարկություն՚ ԲԲԸ-ում որպես վարորդ, հաշվառված և բնակվում է ք.Երևան, Նոր Նորքի 9-րդ զանգված 11 շենք 13 բնակարան հասցեում, մեղադրվում է ՀՀ քրեական օրենսգրքի 38-179 հոդվածի 2-րդ մասի 2-րդ և 3-րդ կետերով, որպես խափանման միջոց է ընտրվել չհեռանալու մասին ստորագրությունը,

Պ Ա Ր Զ Ե Ց

1.Գործի դատավարական նախապատմությունը.
2012թ. փետրվարի 18-ին ՀՀ ՊՆ ՀԿԳ քննչական բաժնում ՀՀ քրեական օրենսգրքի 177 հոդվածի 2-րդ մասի 3-րդ կետով նախատեսված հանցագործության հատկանիշներով հարուցվել է թիվ 90150512 քրեական գործը:
2012թ. ապրիլի 29-ին կասկածյալ Արթուր Սիմոնի Ղուլյանը ձերբակալվել է:
2012թ. ապրիլի 28-ին կասկածյալ Սպարտակ Գագիկի Վարդանյանի նկատմամբ որպես խափանման միջոց է կիրառվել զորամասի հրամանատարության հսկողությանը հանձնելը:
2012թ. ապրիլի 28-ին կասկածյալ էդգար Գագիկի Աղաբեկյանի նկատմամբ որպես խափանման միջոց է կիրառվել զորամասի հրամանատարության հսկողությանը հանձնելը:
2012թ. ապրիլի 29-ին կասկածյալ Արման Հրանտի Մանուկյանի նկատմամբ որպես խափանման միջոց է կիրառվել զորամասի հրամանատարության հսկողությանը հանձնելը:
2012թ. մայիսի 02-ին նախաքննության մարմնի որոշմամբ Արթուր Սիմոնի Ղուլյանը ներգրավվել է որպես մեղադրյալ ՀՀ քրեական օրենսգրքի 375 հոդվածի 1-ին մասով, 367 հոդվածի 1-ին մասով և 179 հոդվածի 3-րդ մասի 1-ին կետով: Նրա նկատմամբ որպես խափանման միջոց ընտրվել է կալանավորումը:
2012թ. մայիսի 05-ին նախաքննության մարմնի որոշմամբ էդգար Գագիկի Աղաբեկյանը ներգրավվել է որպես մեղադրյալ ՀՀ քրեական օրենսգրքի 367 հոդվածի 1-ին մասով:
2012թ. մայիսի 05-ին նախաքննության մարմնի որոշմամբ Արման Հրանտի Մանուկյանը ներգրավվել է որպես մեղադրյալ ՀՀ քրեական օրենսգրքի 367 հոդվածի 1-ին մասով:
2012թ. մայիսի 5-ին նախաքննության մարմնի որոշմամբ Սպարտակ Գագիկի Վարդանյանը ներգրավվել է որպես մեղադրյալ ՀՀ քրեական օրենսգրքի 367 հոդվածի 1-ին մասով:
2012թ. մայիսի 10-ին կասկածյալ Հենզել Մնացականի Գալստյանի նկատմամբ որպես խափանման միջոց է կիրառվել զորամասի հրամանատարության հսկողությանը հանձնելը:
2012թ. մայիսի 12-ին նախաքննության մարմնի որոշմամբ Հենզել Մնացականի Գալստյանը ներգրավվել է որպես մեղադրյալ ՀՀ քրեական օրենսգրքի 367 հոդվածի 1-ին մասով:
2012թ. մայիսի 15-ին կասկածյալ Արթուր Լևոնի Վարդանյանի նկատմամբ որպես խափանման միջոց է կիրառվել չհեռանալու մասին ստորագրությունը:
2012թ. մայիսի 22-ին նախաքննության մարմնի որոշմամբ Արթուր Լևոնի Վարդանյանը ներգրավվել է որպես մեղադրյալ ՀՀ քրեական օրենսգրքի 38-179 հոդվածի 3-րդ մասի 1-ին կետով:
2012թ. մայիսի 29-ին նախաքննության մարմնի որոշմամբ Մուշեղ Արայի Մահորյանը ներգրավվել է որպես մեղադրյալ ՀՀ քրեական օրենսգրքի 179 հոդվածի 3-րդ մասի 1-ին կետով և 367 հոդվածի 1-ին մասով:
Մեկ այլ քրեական գործով (Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի վարույթում քննված քրեական գործով) Մուշեղ Արայի Մահորյանի նկատմամբ որպես խափանման միջոց է կիրառված եղել կալանավորումը:
2012թ. մայիսի 30-ին նախաքննության մարմնի որոշմամբ Սամվել Արմենի Սարգսյանը ներգրավվել է որպես մեղադրյալ ՀՀ քրեական օրենսգրքի 375 հոդվածի 1-ին մասով, 367 հոդվածի 1-ին մասով և 179 հոդվածի 3-րդ մասի 1-ին կետով, նրա նկատմամբ հայտարարվել է հետախուզում և որպես խափանման միջոց կիրառվել կալանավորումը:
2012թ. հուլիսի 20-ին նախաքննության մարմնի որոշմամբ Մխիթար Հակոբի Ճավռշյանը ներգրավվել է որպես մեղադրյալ ՀՀ քրեական օրենսգրքի 367 հոդվածի 1-ին մասով, նրա նկատմամբ որպես խափանման միջոց է կիրառվել զորամասի հրամանատարության հսկողությանը հանձնելը:
2012թ. սեպտեմբերի 10-ին նախաքննության մարմնի որոշմամբ Մխիթար Հակոբի Ճավռշյանին նախկինում առաջադրված մեղադրանքի մասը վերացվել, այն փոփոխվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 2-րդ մասի 3-րդ կետով:
2012թ. սեպտեմբերի 10-ին նախաքննության մարմնի որոշմամբ էդգար Գագիկի Աղաբեկյանին նախկինում առաջադրված մեղադրանքի մասը վերացվել, այն փոփոխվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 2-րդ մասի 3-րդ կետով:
2012թ. սեպտեմբերի 10-ին նախաքննության մարմնի որոշմամբ Սպարտակ Գագիկի Վարդանյանին նախկինում առաջադրված մեղադրանքի մասը վերացվել, այն փոփոխվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 2-րդ մասի 3-րդ կետով:
2012թ. սեպտեմբերի 10-ին նախաքննության մարմնի որոշմամբ Հենզել Մնացականի Գալստյանին նախկինում առաջադրված մեղադրանքի մասը վերացվել, այն փոփոխվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 2-րդ մասի 3-րդ կետով:
2012թ. սեպտեմբերի 10-ին նախաքննության մարմնի որոշմամբ Արման Հրանտի Մանուկյանին նախկինում առաջադրված մեղադրանքի մասը վերացվել, այն փոփոխվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 2-րդ մասի 3-րդ կետով:
2012թ. սեպտեմբերի 13-ին նախաքննության մարմնի որոշմամբ Արթուր Լևոնի Վարդանյանին նախկինում առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 38-179 հոդվածի 2-րդ մասի 2-րդ և 3-րդ կետերով:
2012թ. սեպտեմբերի 15-ին նախաքննության մարմնի որոշմամբ թիվ 90150512 քրեական գործի վարույթից անջատվել է ՀՀ քրեական օրենսգրքի 179 հոդվածի 2-րդ մասի 1-ին, 2-րդ և 3-րդ կետերով մեղադրյալ Սամվել Արմենի Սարգսյանի վերաբերյալ մասը, գործն առանձնացվել է առանձին վարույթում և շնորհվել 90153512 համարը:
2012թ. սեպտեմբերի 20-ին նախաքննության մարմնի որոշմամբ Մուշեղ Արայի Մահորյանին նախկինում առաջադրված մեղադրանքի մասը վերացվել, առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 2-րդ մասի 2-րդ և 3-րդ կետերով:
2012թ. սեպտեմբերի 20-ին նախաքննության մարմնի որոշմամբ Արթուր Սիմոնի Ղուլյանին նախկինում առաջադրված մեղադրանքի մասերը վերացվել, առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 2-րդ մասի 1-ին, 2-րդ և 3-րդ կետերով:
2012թ. հոկտեմբերի 3-ին թիվ 90150512 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Արթուր Սիմոնի Ղուլյանին ՀՀ քրեական օրենսգրքի 179 հոդվածի 2-րդ մասի 1-ին, 2-րդ և 3-րդ կետերով մեղադրանք է առաջադրել այն արարքի կատարման համար, որ նա ծառայությունր կրելով ՀՀ ՊՆ թիվ 68617 զորամասի 3-րդ հրաձգային գումարտակում որպես 8-րդ հրաձգային վաշտի հրամանատար, կոչումով կապիտան, հանդիսանալով պաշտոնատար անձ, 2011թ. հուլիս-օգոստոս ամիսներին, զորամասի հրամանատարության բանավոր հրամանով ծառայության նշանակված լինելով Երևան քաղաքի Օրբելու փողոցի թիվ 29 հասցեում տեղակայված ՌԴ նախկին հոսպիտալի տարածքում որպես խմբի ավագ, նշված ամիսների տարբեր օրերին, նախնական համաձայնության գալով մի խումբ անձանց` նույն զորամասի պարտադիր ժամկետային զինծառայողներ, սերժանտ Սամվել Սարգսյանի (գտնվում է հետախուզման մեջ), շարքային Մուշեղ Մահորյանի և ՀՀ ՊՆ թիվ 68617 զորամասը սպասարկող ԳԱԶ-53 մակնիշի 423 ՏՍ 63 պետհամարանիշի աղբատար ավտոմեքենայի վարորդ Արթուր Վարդանյանի հետ, պաշտոնեական դիրքն օգտագործելով հանցագործության մեջ ներգրավելով շարքայիններ Սպարտակ Վարդանյանին, էդգար Աղաբեկյանին, Արման Մանուկյանին, Հենզել Գալստյանին և Մխիթար Ճավռշյանին, կատարել են իրենց վստահված պետական գույքի խոշոր չափերի հափշտակություն` յուրացում:
Այն է` վերը նշված հասցեում տեղակայված շենք-շինությունների տարբեր հարկաբաժինների հիվանդասենյակներից հատուկ հարմարեցված փայտով լուսամուտագոգերի տակից ջարդելու, պոկելու և ԳԱԶ-53 մակնիշի 423 ՏՍ 63 պետհամարանիշի ավտոմեքենայի բեռնախցիկում տեղավորելու միջոցով հափշտակել են օգտագործված թվով 3113 հատ թուջե ջեռուցման մարտկոցներ, դրանք տեղավորելով Արթուր Վարդանյանին ամրակցված ավտոմեքենայի բեռնախցիկում, սերժանտ Ա.Մարգարանի և շարքային Մ.Մահորյանի հետ տեղափոխել ու որպես ջարդոն հանձնել են Արարատի մարզի Այնթափ ավանում տեղակայված մետաղի ընդունման կետ և ստացված գումարն օգտագործել անձնական կարիքների համար, հափշտակելով խոշոր չափերի հասնող` 1.463.110 ՀՀ դրամ արժեքի գույք:
Նախնական քննության մարմինն ամբաստանյալ Մուշեղ Արայի Մահորյանին ՀՀ քրեական օրենսգրքի 179 հոդվածի 2-րդ մասի 2-րդ և 3-րդ կետերով մեղադրանք է առաջադրել այն արարքի կատարման համար, որ նա ծառայությունը կրելով ՀՀ ՊՆ թիվ 68617 զորամասում որպես ժամկետային զինծառայող, կոչումով շարքային, 2011թ. հուլիսի 18-ին զորամասի հրամանատարի 18.07.2011թ. թիվ 451 հրամանի համաձայն, թվով 15 այլ զինծառայողների հետ միասին ծառայության նշանակվելով Երևան քաղաքի Օրբելու փողոցի թիվ 29 հասցեում տեղակայված ՌԴ նախկին հոսպիտալի տարածքում, 2011թ. հուլիս-օգոստոս ամիսների տարբեր օրերին, նախնական համաձայնության գալով մի խումբ անձանց հետ, կատարել է իրեն վստահված ուրիշի գույքի խոշոր չափերի հափշտակություն՝ յուրացում:
Այն է` նախնական համաձայնության գալով նույն զորամասի 1-ին հրաձգային գումարտակի 1-ին հրաձգային վաշտի ժամկետային զինծառայող, սերժանտ Սամվել Սարգսյանի և ՀՀ ՊՆ թիվ 68617 զորամասը սպասարկող աղբատար ԳԱԶ-53 մակնիշի 423 ՏՍ 63 պետհամարանիշի ավտոմեքենայի վարորդ Արթուր Վարդանյանի հետ, վերը նշված բուժական հաստատության շենք-շինություններում առկա АМН 160 SB4/16 3002 Р0 5 կվտ տեսակի 200.000 դրամ արժողությամբ էլեկտրական շարժիչը, դրան սնուցող 20մ երկարությամբ КПЛ 18хо0,75 տեսակի 16.000 ՀՀ դրամ արժողությամբ մալուխը, К90/20 տեսակի երկուական պոմպերը, յուրաքանչյուրը 160.000-ական դրամ արժողությամբ և К45/30 տեսակի երկուական պոմպերը, յուրաքանչյուրը 140.000-ական դրամ արժողությամբ, սերժանտ Ս.Սարգսյանի հետ ապամոնտաժելով հափշտակել, տեղավորել են Ա.Վարդանյանին ամրակցված ԳԱԶ 53 մակնիշի 423 ՏԱ 63 պետհամարանիշի աղբատար ավտոմեքենայի մեջ ու նրա օժանդակությամբ, գողոնը որպես ջարդոն վաճառելու նպատակով զորամասի տարածքից դուրս են հանել և տեղափոխել Արարատի մարզի Այնթափ ավանում տեղակայված մետաղի ընդունման կետ` հանձնել են:
Այնուհետև, նույն ժամանակահատվածում շարունակելով հանցավոր գործունեությունը, Մ.Մահորյանը նախնական համաձայնության գալով սերժանտ Ս.Սարգսյանի, վարորդ Ա.Վարդանյանի և ՀՀ ՊՆ թիվ 68617 զորամասի զինծառայող, վաշտի հրամանատար, հոսպիտալում որպես ավագ նշանակված կապիտան Արթուր Ղուլյանի հետ, հանցագործության մեջ ներգրավելով նաև հոսպիտալի տարածքում ծառայություն իրականացնող պարտադիր ժամկետային զինծառայողներ, շարքայիններ Սպարտակ Վարդանյանին, էդգար Աղաբեկյանին, Արման Մանուկյանին, Հենզել Գալստյանին և Մխիթար Ճավռշյանին, կատարել են իրենց վստահված ուրիշի գույքի խոշոր չափերի հափշտակություն.
Այն է` վերը նշված հասցեում տեղակայված շենք-շինությունների տարբեր հարկաբաժինների հիվանդասենյակներից հատուկ հարմարեցված փայտով լուսամուտագոգերի տակից ջարդելու, պոկելու և ԳԱԶ-53 մակնիշի 423 ՏԱ 63 պետհամարանիշի ավտոմեքենայի բեռնախցիկում տեղավորելու միջոցով հափշտակել են թուջե օգտագործված թվով 3113 հատ ջեռուցման մարտկոցներ, դրանք տեղավորել Արթուր Վարդանյանին ամրակցված ավտոմեքենայի բեռնախցիկի մեջ, կապիտան Ա.Ղուլյանի և սերժանտ Ս.Սարգսյանի հետ տեղափոխել ու որպես ջարդոն հանձնել են Արարատի մարզի Այնթափ ավանում տեղակայված մետաղի ընդունման կետ և ստացված գումարն օգտագործել անձնական կարիքների համար` հափշտակելով խոշոր չափերի հասնող` 2.279.110 ՀՀ դրամ արժեքի գույք:
Նախնական քննության մարմինն ամբաստանյալ Սպարտակ Գագիկի Վարդանյանին ՀՀ քրեական օրենսգրքի 179 հոդվածի 2-րդ մասի 3-րդ կետով մեղադրանք է առաջադրել այն արարքի կատարման համար, որ նա ծառայությունը կրելով ՀՀ ՊՆ թիվ 68617 զորամասի 1-ին հրաձգային գումարտակի 1-ին հրաձգային վաշտի 3-րդ հրաձգային դասակում որպես հրաձիգ, կոչումով շարքային, զորամասի հրամանատարի 18.07.2011թ. թիվ 451 հրամանի համաձայն, ծառայության նշանակված լնելով Երևան քաղաքի Օրբելու փողոցի թիվ 29 հասցեում տեղակայված ՌԴ նախկին հոսպիտալի տարածքում, 2011թ. հուլիս-օգոստոս ամիսներին` նույն զորամասի պարտադիր ժամկետային զինծառայողներ, սերժանտ Սամվել Սարգսյանի, շարքայիններ Մուշեղ Մահորյանի, էդգար Աղաբեկյանի, Արման Մանուկյանի, Հենզել Գալստյանի, Մխիթար Ճավռշյանի և 8-րդ վաշտի հրամանատար, կապիտան Արթուր Ղուլյանի, ինչպես նաև ՀՀ ՊՆ թիվ 68617 զորամասը սպասարկող ԳԱԶ-53 մակնիշի 423 ՏՍ 63 պետհամարանիշի աղբատար ավտոմեքենայի վարորդ Արթուր Վարդանյանի հետ, կատարել են իրենց վստահված ուրիշի գույքի խոշոր չափերի հափշտակություն` յուրացում:
Այն է` վերը նշված հասցեում տեղակայված շենք-շինությունների տարբեր հարկաբաժինների հիվանդասենյակներից, հատուկ հարմարեցված փայտով լուսամուտագոգերի տակից ջարդելու, պոկելու և ԳԱԶ-53 մակնիշի 423 ՏՍ 63 պետհամարանիշի ավտոմեքենայի բեռնախցիկում տեղավորելու միջոցով հափշտակել են թուջե օգտագործված թվով 3113 հատ ջեռուցման մարտկոցներ, յուրաքանչյուր սեկցիան 470 դրամ արժողությամբ, որոնք Արթուր Վարդանյանին ամրակցված ավտոմեքենայով, կապիտան Ա.Ղուլյանի, սերժանտ Ս.Սարգսյանի և շարքային Մ.Մահորյանի կողմից տեղափոխել ու որպես ջարդոն հանձնվել են Արարատի մարզի Այնթափ ավանում տեղակայված մետաղի ընդունման կետ:
Նախնական քննության մարմինն ամբաստանյալ Արման Հրանտի Մանուկյանին ՀՀ քրեական օրենսգրքի 179 հոդվածի 2-րդ մասի 3-րդ կետով մեղադրանք է առաջադրել այն արարքի կատարման համար, որ նա ծառայությունը կրելով ՀՀ ՊՆ թիվ 68617 զորամասի 1-ին հրաձգային գումարտակի 1-ին հրաձգային վաշտի 1-ին հրաձգային դասակում որպես հրաձիգ, կոչումով շարքային, զորամասի հրամանատարի 18.07.2011թ. թիվ 451 հրամանի համաձայն, ծառայության նշանակված լինելով Երևան քաղաքի Օրբելու փողոցի թիվ 29 հասցեում տեղակայված ՌԴ նախկին հոսպիտալի տարածքում, 2011թ. հուլիս-օգոստոս ամիսներին, նույն զորամասի պարտադիր ժամկետային զինծառայողներ, սերժանտ Սամվել Սարգսյանի, շարքայիններ Մուշեղ Մահորյանի, Մխիթար Ճավռշյանի, Էդգար Աղաբեկյանի, Հենզել Գալստյանի, Սպարտակ Վարդանյանի և 8-րդ վաշտի հրամանատար, կապիտան Արթուր Ղուլյանի, ինչպես նաև ՀՀ ՊՆ թիվ 68617 զորամասը սպասարկող ԳԱԶ-53 մակնիշի 423 ՏՍ 63 պետհամարանիշի աղբատար ավտոմեքենայի վարորդ Արթուր Վարդանյանի հետ, կատարել են իրենց վստահված ուրիշի գույքի խոշոր չափերի հափշտակություն` յուրացում:
Այն է` վերը նշված հասցեում տեղակայված շենք-շինությունների տարբեր հարկաբաժինների հիվանդասենյակներից, հատուկ հարմարեցված փայտով, լուսամուտագոգերի տակից ջարդելու, պոկելու և ԳԱԶ-53 մակնիշի 423 ՏՍ 63 պետհամարանիշի ավտոմեքենայի բեռնախցիկում տեղավորելու միջոցով հափշտակել են թուջե օգտագործված թվով 3113 հատ ջեռուցման մարտկոցներ, յուրաքանչյուր սեկցիան 470 դրամ արժողությամբ, որոնք Արթուր Վարդանյանին ամրակցված ավտոմեքենայով, կապիտան Ա.Ղուլյանի, սերժանտ Ս.Սարգսյանի և շարքային Մ.Մահորյանի կողմից տեղափոխվել ու որպես ջարդոն հանձնվել են Արարատի մարզի Այնթափ ավանում տեղակայված մետաղի ընդունման կետ:
Նախնական քննության մարմինն ամբաստանյալ էդգար Գագիկի Աղաբեկյանին ՀՀ քրեական օրենսգրքի 179 հոդվածի 2-րդ մասի 3-րդ կետով մեղադրանք է առաջադրել այն արարքի կատարման համար, որ նա ծառայությունը կրելով ՀՀ ՊՆ թիվ 68617 զորամասի 1-ին հրաձգային գումարտակի 1-ին հրաձգային վաշտի 3-րդ հրաձգային դասակում որպես հրաձիգ, կոչումով շարքային, զորամասի հրամանատարի 18.07.2011թ. թիվ 451 հրամանի համաձայն, ծառայության նշանակված լինելով Երևան քաղաքի Օրբելու փողոցի թիվ 29 հասցեում տեղակայված ՌԴ նախկին հոսպիտալի տարածքում, 2011թ. հուլիս-օգոստոս ամիսներին, նույն զորամասի պարտադիր ժամկետային զինծառայողներ, սերժանտ Սամվել Սարգսյանի, շարքայիններ Մուշեղ Մահորյանի, Մխիթար Ճավռշյանի, Արման Մանուկյանի, Հենզել Գալստյանի, Սպարտակ Վարդանյանի և 8-րդ վաշտի հրամանատար, կապիտան Արթուր Ղուլյանի, ինչպես նաև ՀՀ ՊՆ թիվ 68617 զորամասը սպասարկող ԳԱԶ-53 մակնիշի 423 ՏՍ 63 պետհամարանիշի աղբատար ավտոմեքենայի վարորդ Արթուր Վարդանյանի հետ, կատարել են իրենց վստահված ուրիշի գույքի խոշոր չափերի հափշտակություն` յուրացում:
Այն է` վերը նշված հասցեում տեղակայված շենք-շինությունների տարբեր հարկաբաժինների հիվանդասենյակներից, հատուկ հարմարեցված փայտով լուսամուտագոգերի տակից ջարդելու, պոկելու և ԳԱԶ-53 մակնիշի 423 ՏՍ 63 տետհամարանիշի ավտոմեքենայի բեռնախցիկում տեղավորելու միջոցով հափշտակել են թուջե օգտագործված թվով 3113 հատ ջեռուցման մարտկոցներ, յուրաքանչյուր սեկցիան 470 դրամ արժողությամբ, որոնք Արթուր Վարդանյանին ամրակցված ավտոմեքենայով, կապիտան Ա.Ղուլյանի, սերժանտ Ս.Սարգսյանի և շարքային Մ.Մահորյանի կողմից տեղափոխվել ու որպես ջարդոն հանձնվել են Արարատի մարզի Այնթափ ավանում տեղակայված մետաղի ընդունման կետ:
Նախնական քննության մարմինն ամբաստանյալ Հենզել Մնացականի Գալստյանին ՀՀ քրեական օրենսգրքի 179 հոդվածի 2-րդ մասի 3-րդ կետով մեղադրանք է առաջադրել այն արարքի կատարման համար, որ նա ծառայությունը կրելով ՀՀ ՊՆ թիվ 68617 զորամասի 1-ին հրաձգային գումարտակի 1-ին հրաձգային վաշտի 3-րդ հրաձգային դասակում որպես հրաձիգ, կոչումով շարքային, զորամասի հրամանատարի 18.07.2011թ. թիվ 451 հրամանի համաձայն, ծառայության նշանակված լինելով Երևան քաղաքի Օրբելի փողոցի 29 հասցեում տեղակայված ՌԴ նախկին հոսպիտալի տարածքում, 2011թ. հուլիս-օգոստոս ամիսներին, նույն զորամասի պարտադիր ժամկետային զինծառայողներ, սերժանտ Սամվել Սարգսյանի, շարքայիններ Մուշեղ Մահորյանի, Մխիթար Ճավռշյանի, Արման Մանուկյանի, Էդգար Աղաբեկյանի, Սպարտակ Վարդանյանի և 8-րդ վաշտի հրամանատար, կապիտան Արթուր Ղուլյանի, ինչպես նաև ՀՀ ՊՆ թիվ 68617 զորամասի սպասարկող ԳԱԶ-53 մակնիշի 423 ՏՍ 63 պետհամարանիշի աղբատար ավտոմեքենայի վարորդ Արթուր Վարդանյանի հետ, կատարել են իրենց վստահված ուրիշի գույքի խոշոր չափերի հափշտակություն` յուրացում:
Այն է` վերը նշված հասցեում տեղակայված շենք-շինությունների տարբեր հարկաբաժինների հիվանդասենյակներից, հատուկ հարմարեցված փայտով, լուսամուտագոգերի տակից ջարդելու, պոկելու և ԳԱԶ-53 մակնիշի 423 ՏՍ 63 պետհամարանիշի ավտոմեքենայի բեռնախցիկում տեղավորելու միջոցով հափշտակել են թուջե օգտագործված թվով 3113 հատ ջեռուցման մարտկոցներ, յուրաքանչյուր սեկցիան 470 դրամ արժողությամբ, որոնք Արթուր Վարդանյանին ամրակցված ավտոմեքենայով, կապիտան Ա.Ղուլյանի, սերժանտ Ս.Սարգսյանի և շարքային Մ.Մահորյանի կողմից տեղափոխվել ու որպես ջարդոն հանձնվել են Արարատի մարզի Այնթափ ավանում տեղակայված մետաղի ընդունման կետ:
Նախնական քննության մարմինն ամբաստանյալ Մխիթար Հակոբի Ճավռշյանին ՀՀ քրեական օրենսգրքի 179 հոդվածի 2-րդ մասի 3-րդ կետով մեղադրանք է առաջադրել այն արարքի կատարման համար, որ նա ծառայությունը կրելով ՀՀ ՊՆ թիվ 68617 զորամասի 1-ին հրաձգային գումարտակի 1-ին հրաձգային վաշտի 1-ին հրաձգային դասակում որպես հրաձիգ, կոչումով շարքային, զորամասի հրամանատարի 18.07.2011թ. թիվ 451 հրամանի համաձայն, ծառայության նշանակված լինելով Երևան քաղաքի Օրբելու փողոցի թիվ 29 հասցեում տեղակայված ՌԴ նախկին հոսպիտալի տարածքում, 2011թ. հուլիս-օգոստոս ամիսներին, նույն զորամասի պարտադիր ժամկետային զինծառայողներ, սերժանտ Սամվել Սարգսյանի, շարքայիններ Մուշեղ Մահորյանի, Էդգար Աղաբեկյանի, Արման Մանուկյանի, Հենզել Գալստյանի, Սպարտակ Վարդանյանի և 8-րդ վաշտի հրամանատար, կապիտան Արթուր Ղուլյանի, ինչպես նաև ՀՀ ՊՆ թիվ 68617 զորամասը սպասարկող ԳԱԶ-53 մակնիշի 423 ՏՍ 63 պետհամարանիշի աղբատար ավտոմեքենայի վարորդ Արթուր Վարդանյանի հետ, կատարել են իրենց վստահված ուրիշի գույքի խոշոր չափերի հափշտակություն` յուրացում:
Այն է` վերը նշված հասցեում տեղակայված շենք-շինությունների տարբեր հարկաբաժինների հիվանդասենյակներից, հատուկ հարմարեցված փայտով լուսամուտագոգերի տակից ջարդելու, պոկելու և ԳԱԶ-53 մակնիշի 423 ՏՍ 63 պետհամարանիշի ավտոմեքենայի բեռնախցիկում տեղավորելու միջոցով հափշտակել են թուջե օգտագործված թվով 3113 հատ ջեռուցման մարտկոցներ, յուրաքանչյուր սեկցիան 470 դրամ արժողությամբ, որոնք Արթուր Վարդանյանին ամրակցված ավտոմեքենայով, կապիտան Ա.Ղուլյանի, սերժանտ Ս.Սարգսյանի և շարքային Մ.Մահորյանի կողմից տեղափոխվել ու որպես ջարդոն հանձնվել են Արարատի մարզի Այնթափ ավանում տեղակայված մետաղի ընդունման կետ:
Նախնական քննության մարմինն ամբաստանյալ Արթուր Լևոնի Վարդանյանին ՀՀ քրեական օրենսգրքի 38-179 հոդվածի 2-րդ մասի 2-րդ և 3-րդ կետերով մեղադրանք է առաջադրել այն արարքի կատարման համար, որ նա 2009թ. հունվար ամսից աշխատելով կենտրոնական ավտոտրանսպորտային ձեռնարկությունում որպես աղբատար մեքենայի վարորդ, 2011թ. հուլիս-օգոստոս ամիսների ընթացքում, նախնական համաձայնության գալով ՀՀ ՊՆ թիվ 68617 զորամասի զինծառայողներ, նշված ժամանակահատվածում Երևան քաղաքի Օրբելու փողոցի թիվ 29 հասցեում տեղակայված նախկին ՌԴ հոսպիտալի տարածքում ծառայության մեջ գտնվողներ, սերժանտ Սամվել Սարգսյանի և շարքային Մուշեղ Մահորյանի հետ, օժանդակել է վերջիններիս վստահված ուրիշի գույքի հափշտակություն` յուրացում կատարելուն: Այն է` վերը նշված բուժական հաստատության շենք-շինություններում առկա АМН 160 SB4/16 3002 РՕ 5 կվտ տեսակի 200.000 դրամ արժողությամբ էլեկտրական շարժիչը, դրան սնուցող 20մ երկարությամբ KПЛ 18хo0,75 տեսակի 16.000 ՀՀ դրամ արժողությամբ մալուխը, К90/20 տեսակի երկուական պոմպերը, յուրաքանչյուրը 160.000 դրամ արժողությամբ և յուրաքանչյուրը 140.000 դրամ արժողությամբ К45/30 տեսակի երկուական պոմպերը ապամոնտաժելով, հափշտակել, տեղավորել են իրեն ամրակցված ԳԱԶ 53 մակնիշի 423 ՏՍ 63 պետհամարանիշի աղբատար ավտոմեքենայի մեջ ու տեղափոխելով Մասիսի տարածաշրջանի Այնթափ գյուղում տեղակայված մետաղի ընդունման կետ, որպես ջարդոն վաճառելու նպատակով հանձնել են:
Այնուհետև, նույն ժամանակահատվածում շարունակելով հանցավոր գործունեությունը, Ա.Վարդանյանը նախնական համաձայնության գալով նույն սերժանտ Ս.Սարգսյանի և շարքային Մ.Մահորյանի, այս անգամ նաև ՀՀ ՊՆ թիվ 68617 զորամասի զինծառայող, վաշտի հրամանատար, տեղում որպես ավագ նշանակված կապիտան Արթուր Ղուլյանի, վերջիններիս կողմից հանցագործության մեջ ներգրավված հոսպիտալի տարածքում ծառայություն իրականացնող պարտադիր ժամկետային զինծառայողներ, շարքայիններ Սպարտակ Վարդանյանի, Էդգար Աղաբեկյանի, Արման Մանուկյանի, Հենզեl Գալստյանի և Մխիթար Ճավռշյանի հետ, օժանդակել է նրանց վստահված ուրիշի գույքի խոշոր չափերի հասնող հափշտակություն կատարմանը: Այն է` վերը նշված հասցեում տեղակայված շենք-շինությունների հիվանդասենյակներից, աշխատասենյակներից, տարբեր լաբորոտորիաներից ու կացարաններից հատուկ հարմարեցված փայտով նրանց կողմից ջարդելու, պոկելու, պատերից հեռացնելու միջոցով հափշտակված թվով 3.113 հատ թուջե ջեռուցման մարտկոցներն իրեն ամրակցված ԳԱԶ 53 մակնիշի 423 ՏՍ 63 պետհամարանիշի աղբատար ավտոմեքենայով, յուրաքանչյուր երթի դիմաց ստանալով 10.000-ական դրամ գումար, Ա.Ղուլյանի, Ս.Սարգսյանի և Մ.Մահորյանի հետ, հափշտակված գույքը տեղափոխելով Մասիսի տարածաշրջանի Այնթափ գյուղում տեղակայված մետաղի ընդունման կետ, այն որպես ջարդոն հանձնելուց հետո, ստացված գումարն օգտագործել է անձնական կարիքների համար` օժանդակելով նրանց խոշոր չափերի հասնող` 2.279.110 ՀՀ դրամ արժեքի հափշտակության կատարմանը:
3. Արագացված դատական քննություն.
Մինչև դատաքննությունն սկսելն ամբաստանյալներ Արթուր Ղուլյանը, Մուշեղ Մահորյանը, Սպարտակ Վարդանյանը, Արման Մանուկյանը, էդգար Աղաբեկյանը, Հենզել Գալստյանը, Մխիթար Ճավռշյանը և Արթուր Վարդանյանը միջնորդեցին դատական քննությունն անցկացնել արագացված կարգով և հայտարարեցին, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել են կամավոր` պաշտպանների հետ խորհրդակցելուց հետո: Միջնորդությունը հաստատեցին նաև ամբաստանյալների պաշտպաններ Սիրվարդ Ասլանյանը, Արամ Ճուղուրյանը, Հովիկ Վարդանյանը, Սարգիս Հակոբյանը և Մանուշակ Հակոբյանը:
Մեղադրող Հ.Հարությունյանը մեղադրական եզրակացությունը հաստատելիս դատական քննության արագացված կարգ կիրառելուն առարկել էր, սակայն դատարանում փոխելով դիրքորոշումը, դատական քննության արագացված կարգ կիրառելուն չառարկեց:
Տուժողի ներկայացուցիչ Վիգեն Եսաֆյանը նույնպես դատական քննության արագացված կարգ կիրառելուն չառարկեց:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արթուր Սիմոնի Ղուլյանին առաջադրված մեղադրանքը ՀՀ քրեական օրենսգրքի 179 հոդվածի 2-րդ մասի 1-ին, 2-րդ և 3-րդ կետերով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 179 հոդվածի 2-րդ մասի 1-ին, 2-րդ և 3-րդ կետերի հատկանիշներին և արարքների որակումը ճիշտ է:
Ամբաստանյալ Մուշեղ Արայի Մահորյանին առաջադրված մեղադրանքը ՀՀ քրեական օրենսգրքի 179 հոդվածի 2-րդ մասի 2-րդ և 3-րդ կետերով հիմնավորված է: Նրա կողմից կատարված արարքները համապատասխանում են ՀՀ քրեական օրենսգրքի 179 հոդվածի 2-րդ մասի 2-րդ և 3-րդ կետերի հատկանիշներին և արարքների որակումը ճիշտ է:
Ամբաստանյալ Արթուր Լևոնի Վարդանյանին առաջադրված մեղադրանքը ՀՀ քրեական օրենսգրքի 38-179 հոդվածի 2-րդ մասի 2-րդ և 3-րդ կետերով հիմնավորված է: Նրա կողմից կատարված արարքները համապատասխանում են ՀՀ քրեական օրենսգրքի 38-179 հոդվածի 2-րդ մասի 2-րդ և 3-րդ կետերի հատկանիշներին և արարքների որակումը ճիշտ է:
Ամբաստանյալներ Սպարտակ Գագիկի Վարդանյանին, Արման Հրանտի Մանուկյանին, էդգար Գագիկի Աղաբեկյանին, Հենզել Մնացականի Գալստյանին, Մխիթար Հակոբի Ճավռշյանին առաջադրված մեղադրանքը ՀՀ քրեական օրենսգրքի 179 հոդվածի 2-րդ մասի 3-րդ կետով հիմնավորված է: Նրանց կողմից կատարված արարքները համապատասխանում են ՀՀ քրեական օրենսգրքի 179 հոդվածի 2-րդ մասի 3-րդ կետի հատկանիշներին և արարքների որակումը ճիշտ է:
Ամբաստանյալներ Արթուր Ղուլյանի, Մուշեղ Մահորյանի, Սպարտակ Վարդանյանի, Արման Մանուկյանի, էդգար Աղաբեկյանի, Հենզել Գալստյանի, Մխիթար Ճավռշյանի և Արթուր Վարդանյանի նկատմամբ պատիժ նշանակելիս, դատարանը հաշվի է առնում նրանց կատարած արարքների հանրության համար վտանգավորության աստիճանը, ինչպես նաև հանցավորների անձը:
Որպես ամբաստանյալ Արթուր Ղուլյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ հանցանքն ընդունել և զղջում է կատարած արարքի համար, բնութագրվում է դրական, վերականգնել է հանցագործությամբ պատճառված նյութական վնասը, նրա խնամքին են գտնվում մինչև տասնչորս տարեկան երեք երեխաները (Աննա Արթուրի Ղուլյան` ծնված 26.05.2002թ., Տիգրան Արթուրի Ղուլյան` ծնված 08.02.2009թ., Մարի Արթուրի Ղուլյան` ծնված 30.05.2012թ.):
Ամբաստանյալ Արթուր Ղուլյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Մուշեղ Մահորյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ հանցանքն ընդունել և զղջում է կատարած արարքի համար, բնութագրվում է դրական, վերականգնել է հանցագործությամբ պատճառված նյութական վնասը:
Ամբաստանյալ Մուշեղ Մահորյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Սպարտակ Վարդանյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արաքի համար, նախկինում դատված չի եղել, երիտասարդ է, բնութագրվում է դրական, վերականգնել է հանցագործությամբ պատճառված նյութական վնասը:
Ամբաստանյալ Սպարտակ Վարդանյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Արման Մանուկյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել, երիտասարդ է, բնութագրվում է դրական, վերականգնել է հանցագործությամբ պատճառված նյութական վնասը:
Ամբաստանյալ Արման Մանուկյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ էդգար Աղաբեկյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել, երիտասարդ է, բնութագրվում է դրական, վերականգնել է հանցագործությամբ պատճառված նյութական վնասը:
Ամբաստանյալ էդգար Աղաբեկյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Հենզել Գալստյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել, երիտասարդ է, բնութագրվում է դրական, վերականգնել է հանցագործությամբ պատճառված նյութական վնասը:
Ամբաստանյալ Հենզել Գալստյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Մխիթար Ճավռշյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել, երիտասարդ է, բնութագրվում է դրական, վերականգնել է հանցագործությամբ պատճառված նյութական վնասը:
Ամբաստանյալ Մխիթար Ճավռշյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Արթուր Վարդանյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, բնութագրվում է դրական, ֆիզիկապես վատառողջ է (նրա մոտ ախտորոշվել է ձախ թոքի վ/բլթի ինֆիլտրատիվ տուբերկուլյոզ քայքայման փուլում), նրա խնամքին են գտնվում մինչև տասնչորս տարեկան երեք երեխաները (Վոլոդյա Արթուրի Վարդանյան` ծնված 05.02.1999թ., Նարեկ Արթուրի Վարդանյան` ծնված 06.09.2000թ., Լևոն Արթուրի Վարդանյան` ծնված 01.11.2001թ.), վերականգնել է հանցագործությամբ պատճառված նյութական վնասը:
Ամբաստանյալ Արթուր Վարդանյանի պատասխանատվությունը և պատիժը ծանրացնող հանգամանքներ չկան:
Կատարած արարքների համար ամբաստանյալներ Արթուր Ղուլյանը, Մուշեղ Մահորյանը, Սպարտակ Վարդանյանը, Արման Մանուկյանը, էդգար Աղաբեկյանը, Հենզել Գալստյանը, Մխիթար Ճավռշյանը և Արթուր Վարդանյանը ենթակա են քրեական պատասխանատվության և պատժի:
Հաշվի առնելով Մուշեղ Մահորյանի կատարած արարքների հանրության համար վտանգավորության աստիճանը և բնույթը, նրա անձը, նրան բնութագրող տվյալները, պատասխանատվությունը և պատիժը մեղմացնող և ծանրացնող հանգամանքները, , ինչպես նաև այն, որ ՀՀ քրեական օրենսգրքի 179 հոդվածի 2-րդ մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ պատժի նպատակներին հասնելու համար ամբաստանյալ Մուշեղ Մահորյանի նկատմամբ ՀՀ քրեական օրենսգրքի 179 հոդվածի 2-րդ մասի 2-րդ և 3-րդ կետերով նախատեսված հանցանք կատարելու համար պատիժ պետք է նշանակել ազատազրկման ձևով, որը նա պետք է կրի:
Համաձայն քրեական գործին կցված Երևան քաղաքի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարանի 2012 թվականի մայիսի 21-ի դատավճռի` Մուշեղ Արայի Մահորյանը մեղավոր է ճանաչվել ՀՀ քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով և դատապարտվել ազատազրկման 3 /երեք/ տարի ժամկետով: ՀՀ քրեական օրենսգրքի 69 հոդվածի կիրառմամբ, նշանակված պատժի մեջ հաշվակցվել է կարգապահական մեկուսարանում պահելու ձևով արգելանքի տակ գտնվելու 10 /տասն/ օրը և վերջնական պատիժ է նշանակվել ազատազրկում` 2 /երկու/ տարի, 11 /տասնմեկ/ ամիս 20 /քսան/ օր ժամկետով։
Վերոնշյալ դատավճռով Մուշեղ Արայի Մահորյանը դատապարտվել է այն արարքի կատարման համար, որ հանդիսանալով ՀՀ ՊՆ 68617 զորամասի ժամկետային զինծառայող` շարքային, 2011թ. նոյեմբերի 5-ին, ժամը 02-ի սահմաններում նախնական համաձայնության գալով համածառայողներ, կոչումով շարքայիններ` Վաչագան Ավետիքի Անդրեասյանի, Մրազ Շիրինի Շամոյանի և Արթուր Սաշայի Վարաբյովի հետ, ՀՀ ՊՆ 68617 զորամասի ակումբի պահեստի դուռը բանալիով բացելու եղանակով, ապօրինի մուտք են գործել ներս և գաղտնի հափշտակել թվով 6 հատ` 40.500 ՀՀ դրամ արժողության ՙՖիլիպս՚ տեսակի Դի-Վի-Դի նվագարկիչ, 2 հատ` 84.000 ՀՀ դրամ արժողության երաժշտական կենտրոն և 1 հատ 144.900 ՀՀ դրամ արժողության հզորացուցիչ սարքավորում` ՀՀ ՊՆ-ին պատճառելով խոշոր չափ կազմող, ընդհանուրը` 555.900 ՀՀ դրամի նյութական վնաս: /Հ4 գ.թ. 59-63/:
Դատարանն արձանագրում է, որ Մ.Մահորյանը սույն գործով նրան մեղսագրված հանցագործությունը կատարել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարանի 2012 թվականի մայիսի 21-ի դատավճիռը կայացնելուց առաջ` 2011 թվականի հուլիս-օգոստոս ամիսների ընթացքում:
Նման պայմաններում դատարանը գտնում է, որ Մուշեղ Մահորյանի նկատմամբ վերջնական պատիժ պետք է նշանակել ՀՀ քրեական օրենսգրքի 66 հոդվածի 6-րդ մասի դրույթներով` հանցանքների համակցության սկզբունքով:
Հաշվի առնելով Արթուր Ղուլյանի, Սպարտակ Վարդանյանի, Արման Մանուկյանի, էդգար Աղաբեկյանի, Հենզել Գալստյանի, Մխիթար Ճավռշյանի և Արթուր Վարդանյանի կատարած արարքների հանրության համար վտանգավորության աստիճանը և բնույթը, նրանց անձը, նրանց բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 179 հոդվածի 2-րդ մասի սանկցիայով նախատեսված է պատիժ նաև տուգանքի ձևով և պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, դատարանը գտնում է, որ ամբաստանյալներ Արթուր Ղուլյանի, Սպարտակ Վարդանյանի, Արման Մանուկյանի, էդգար Աղաբեկյանի, Հենզել Գալստյանի, Մխիթար Ճավռշյանի և Արթուր Վարդանյանի նկատմամբ պատիժ պետք է նշանակել տուգանքի ձևով:
Անդրադառնալով տուժողի ներկայացուցիչ Վ.Եսաֆյանի կողմից ներկայացված քաղաքացիական հայցին` դատարանը գտնում է, որ այն պետք է համարել լուծված, նկատի ունենալով, որ դատական քննության ժամանակ ամբաստանյալների կողմից որպես հանցագործությամբ անմիջականորեն պատճառված վնաս վերականգնվել է 2.358.000 ՀՀ դրամ (Արթուր Ղուլյանի կողմից` 1.075.000 ՀՀ դրամի չափով, Մուշեղ Մահորյանի կողմից` 180.000 ՀՀ դրամի չափով, Արման Մանուկյանի կողմից` 210.000 ՀՀ դրամի չափով, Արթուր Վարդանյանի կողմից` 100.000 ՀՀ դրամի չափով, /Արթուր Ղուլյանի, Մուշեղ Մահորյանի, Արման Մանուկյանի և Արթուր Վարդանյանի կողմից վճարված գումարներն ընդհանուր վճարվել են մեկ անդորրագրով` Արթուր Ղուլյանի անվամբ/, Հենզել Գալստյանի կողմից` 210.000 ՀՀ դրամի չափով, Սպարտակ Վարդանյանի կողմից` 210.000 ՀՀ դրամի չափով, Մխիթար Ճավռշյանի կողմից` 210.000 ՀՀ դրամի չափով, էդգար Աղաբեկյանի կողմից` 163.000 ՀՀ դրամի չափով):
Ինչ վերաբերվում է քաղաքացիական հայցի` խախտված իրավունքը վերականգնելուն ուղղված ծախսերի հատուցման մասին, ապա դատարանը գտնում է, որ այն պետք է թողնել առանց քննության, քանի որ համաձայն ՀՀ քրեական դատավարության օրենսգրքի 3751-րդ հոդվածի 6-րդ մասի` դատական քննության արագացված կարգ կիրառելու դեպքում, երբ ամբաստանյալը կամ քաղաքացիական պատասխանողը քաղաքացիական հայցը չի ընդունում, ապա դատարանը քաղաքացիական հայցը թողնում է առանց քննության, իսկ ամբաստանյալները ներկայացրած քաղաքացիական հայցի` խախտված իրավունքը վերականգնելուն ուղղված ծախսերի հատուցման մասի դեմ առարկել են: Դատարանը հաշվի առնելով, որ տուժողի ներկայացուցիչ Վ.Եսաֆյանը խնդրեց իրեն իրավունք վերապահել քաղաքացիական հայցի խախտված իրավունքը վերականգնելուն ուղղված ծախսերի հատուցման հարցը լուծել քաղաքացիական դատավարության կարգով, գտնում է, որ այն բխում է ՀՀ քրեական դատավարության օրենսգրքի 155 հոդվածի 3-րդ մասի պահանջից, համաձայն որի, քրեական դատավարությունում հարուցված քաղաքացիական հայցը, որը դատարանի կողմից թողնվել է առանց քննության, կարող է հետագայում հարուցվել քաղաքացիական դատավարության կարգով:

Դատարանը գտնում է, որ ՀՀ ՊՆ ՀԿԳ քննչական բաժնի ՀԿԳ ավագ քննիչի 2012թ. հուլիսի 23-ի որոշմամբ իրեղեն ապացույց ճանաչված և ՀՀ ՊՆ քննչական ծառայության իրեղեն ապացույցների սենյակում պահվող թուջե 2 մարտկոցները պետք է վերադարձնել ՀՀ պաշտպանության նախարարությանը:
Դատարանը գտնում է, որ դատավճիռն օրինական ուժի մեջ մտնելուց հետո, ՀՀ ՊՆ ՀԿԳ քննչական բաժնի ՀԿԳ ավագ քննիչի 18.09.2012թ.-ի այլ փաստաթղթերն ապացույց ճանաչելու մասին որոշումով ապացույց ճանաչված և քրեական գործին կցված, թիվ 90150512 քրեական գործով ՀՀ պաշտպանության նախարարությունից ստացված փաստաթղթերը /Հ1 գ.թ. 3-55, Հ2 գ.թ. 51-61/ պետք է պահել քրեական գործի հետ միասին:
Ելնելով վերոգրյալից և ղեկավարվելով ՀՀ քրեական օրենսգրքի 66, 70 և ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Մուշեղ Արայի Մահորյանին մեղավոր ճանաչել ՀՀ քրեական օրենսգրքի 179 հոդվածի 2-րդ մասի 2-րդ և 3-րդ կետերով նախատեսված հանցանք կատարելու մեջ և նրան դատապարտել ազատազրկման երկու (2) տարի վեց (6) ամիս ժամկետով:
ՀՀ քրեական օրենսգրքի 66 հոդվածի 6-րդ մասի հիման վրա, հանցանքների համակցությամբ, նոր նշանակված պատժին մասնակիորեն գումարել Երևան քաղաքի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարանի 21.05.2012թ. հմ. ԵԷԴ/0190/01/11 դատավճռով նշանակված պատժի չկրած մասը և Մուշեղ Արայի Մահորյանի նկատմամբ վերջնական պատիժ նշանակել ազատազրկում` երեք (3) տարի ժամկետով։
Պատժի սկիզբը հաշվել 2011 թվականի նոյեմբերի 21-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Մուշեղ Արայի Մահորյանի նկատմամբ որպես խափանման միջոց ընտրված կալանավորումը թողնել անփոփոխ, մինչև դատավճռի օրինական ուժի մեջ մտնելը:
Արթուր Սիմոնի Ղուլյանին մեղավոր ճանաչել ՀՀ քրեական օրենսգրքի 179 հոդվածի 2-րդ մասի 1-ին, 2-րդ և 3-րդ կետերով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի ութհարյուրապատիկի` ութ հարյուր հազար (800.000) ՀՀ դրամի չափով:
Արթուր Սիմոնի Ղուլյանի նկատմամբ որպես խափանման միջոց կիրառված կալանավորումը վերացնել և նրան անհապաղ ազատել կալանքից դատական նիստի դահլիճում:
Սպարտակ Գագիկի Վարդանյանին մեղավոր ճանաչել ՀՀ քրեական օրենսգրքի 179 հոդվածի 2-րդ մասի 3-րդ կետով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի հինգհարյուրապատիկի` հինգ հարյուր հազար (500.000) ՀՀ դրամի չափով:
Սպարտակ Գագիկի Վարդանյանի նկատմամբ որպես խափանման միջոց ընտրված զորամասի հրամանատարության հսկողությանը հանձնելը վերացնել:
Արման Հրանտի Մանուկյանին մեղավոր ճանաչել ՀՀ քրեական օրենսգրքի 179 հոդվածի 2-րդ մասի 3-րդ կետով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի հինգհարյուրապատիկի` հինգ հարյուր հազար (500.000) ՀՀ դրամի չափով:
Արման Հրանտի Մանուկյանի նկատմամբ որպես խափանման միջոց ընտրված զորամասի հրամանատարության հսկողությանը հանձնելը վերացնել:
էդգար Գագիկի Աղաբեկյանին մեղավոր ճանաչել ՀՀ քրեական օրենսգրքի 179 հոդվածի 2-րդ մասի 3-րդ կետով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի հինգհարյուրապատիկի` հինգ հարյուր հազար (500.000) ՀՀ դրամի չափով:
էդգար Գագիկի Աղաբեկյանի նկատմամբ որպես խափանման միջոց ընտրված զորամասի հրամանատարության հսկողությանը հանձնելը վերացնել:
Հենզել Մնացականի Գալստյանին մեղավոր ճանաչել ՀՀ քրեական օրենսգրքի 179 հոդվածի 2-րդ մասի 3-րդ կետով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի հինգհարյուրապատիկի` հինգ հարյուր հազար (500.000) ՀՀ դրամի չափով:
Հենզել Մնացականի Գալստյանի նկատմամբ որպես խափանման միջոց ընտրված զորամասի հրամանատարության հսկողությանը հանձնելը վերացնել:
Մխիթար Հակոբի Ճավռշյանին մեղավոր ճանաչել ՀՀ քրեական օրենսգրքի 179 հոդվածի 2-րդ մասի 3-րդ կետով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի հինգհարյուրապատիկի` հինգ հարյուր հազար (500.000) ՀՀ դրամի չափով:
Մխիթար Հակոբի Ճավռշյանի նկատմամբ որպես խափանման միջոց ընտրված զորամասի հրամանատարության հսկողությանը հանձնելը վերացնել:
Արթուր Լևոնի Վարդանյանին մեղավոր ճանաչել ՀՀ քրեական օրենսգրքի 38-179 հոդվածի 2-րդ մասի 2-րդ և 3-րդ կետերով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի հինգհարյուրապատիկի` հինգ հարյուր հազար (500.000) ՀՀ դրամի չափով:
Արթուր Լևոնի Վարդանյանի նկատմամբ որպես խափանման միջոց ընտրված չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Տուժողի ներկայացուցիչ Վ.Եսաֆյանի կողմից ներկայացված քաղաքացիական հայցը` խախտված իրավունքը վերականգնելուն ուղղված ծախսերի հատուցման մասով թողնել առանց քննության` նրան իրավունք վերապահելով քաղաքացիական դատավարության կարգով դիմել դատարան` այն լուծելու նպատակով:
Դատավճիռն օրինական ուժի մեջ մտնելուց հետո իրեղեն ապացույց հանդիսացող և ՀՀ ՊՆ քննչական ծառայության իրեղեն ապացույցների սենյակում պահվող թուջե 2 մարտկոցները վերադարձնել ՀՀ պաշտպանության նախարարությանը:
Դատավճիռն օրինական ուժի մեջ մտնելուց հետո, ՀՀ ՊՆ ՀԿԳ քննչական բաժնի ՀԿԳ ավագ քննիչի 18.09.2012թ.-ի այլ փաստաթղթերն ապացույց ճանաչելու մասին որոշումով ապացույց ճանաչված և քրեական գործին կցված, թիվ 90150512 քրեական գործով ՀՀ պաշտպանության նախարարությունից ստացված փաստաթղթերը /Հ1 գ.թ. 3-55, Հ2 գ.թ. 51-61/ պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավորª ստորագրություն
Բնագրի հետ ճիշտ է
Դատավոր Լ. Ավետիսյան