Գործ No ԵԱՔԴ/0129/01/12

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

08 նոյեմբերի 2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
Շ.Վանոյանի
մասնակցությամբ`
մեղադրող Ա.Մանուկյանի
պաշտպան Ռ.Տեր-Վարդանյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
ԱՆԴՐԱՆԻԿ ՎԱՐԴԱՆԻ ՍԻՄՈՆՅԱՆԻ /03.06.1990թ. Արարատի մարզի Բարձրաշեն գյուղում, հայ, ՀՀ քաղաքացի, միջնակարգ կրթությամբ, չամուսնացած, աշխատում է ՙՍԱՍ՚ սուպերմարկետում որպես առաքիչ, նախկինում չդատված, բնակվող` Արարատի մարզ, գյուղ Բարձրաշեն Մաշտոցի փող. թիվ 64 տուն/:
Մեղադրվում է ՀՀ քրեական օրենսգրքի 262-րդ հոդվածի 1-ին մասով:

Գործի դատավարական նախապատմությունը
2012 թվականի օգոստոսի 1-ին հարուցվել է թիվ 59102012 քրեական գործը£
2012 թվականի օգոստոսի 1-ին Ա.Սիմոնյանի նկատմամբ խափանման միջոց է ընտրվել ստորագրություն չհեռանալու մասին:
2012թ. սեպտեմբերի 26-ին Ա.Սիմոնյանին առաջադրված մեղադրանքը փոփոխվել է և նույն օրը նրան մեղադրանք է առաջադրվել ՀՀ քրեական օրենսգրքի 262-րդ հոդվածի 1-ին մասով:
2012թ. հոկտեմբերի 04-ին թիվ 59102012 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Արամայիս Սողոմոնյանին ՀՀ քրեական օրենսգրքի 262-րդ հոդվածի 1-ին մասով մեղադրանք է առաջադրել այն արարքի համար, որ ՙ2010թ. հունիս ամսից մինչև 2011թ. հունիս ամիսն ընկած ժամանակահատվածում աշխատելով Երևան քաղաքի Դավիթ Անհաղթ փողոցի 10/1 հասցեում գործող ՙՌեժանս՚ հյուրանոցային համալիրում որպես ավտոկայանատեղի հսկիչ` պոռնկությամբ զբաղվելուն նպաստելու նպատակով 2010թ. հունիս ամսից մինչև 2011թ. մարտ ամիսը, չպարզված օրերին, հյուրանոց այցելած հաճախորդների հետ սեռական հարաբերություններ ունենալու համար, հեռախոսազանգերի միջոցով կանչելու եղանակով, պարբերաբար նպաստել է մարմնավաճառներ Լիլիթ Սերյոժայի Կարապետյանին և Լուսինե Ժորայի Մկրտչյանին պոռնկությամբ զբաղվելուն, որի դիմաց յուրաքանչյուր կանչի համար վերջիններիցս ստացել է գույքային օգուտ՚:

Արագացված դատական քննություն
Մինչև դատաքննությունն սկսելն ամբաստանյալ Անդրանիկ Սիմոնյանը միջնորդել է դատական քննությունն անցկացնել արագացված կարգով և հայտարարել, որ համաձայն է իրենց առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ռուզաննա Տեր-Վարդանյանը:
Մեղադրող Ա.Մնաուկյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Անդրանիկ Սիմոնյանի մեղավորությունը գույքային օգուտ ստանալով` պոռնկությամբ զբաղվելուն նպաստելու մեջ, որը նախատեսված է ՀՀ քրեական օրենսգրքի 262-րդ հոդվածի 1-ին մասով, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի, որը նրանք պետք է կրեն:
Ամբաստանյալի նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Անդրանիկ Սիմոնյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել կատարած արարքի համար, բնութագրվում է դրական, խնամքին է գտնվում շաքարային դիաբետով տառապող մայրը:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:

Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

ՎՃՌԵՑ

Անդրանիկ Վարդանի Սիմոնյանին մեղավոր ճանաչել ՀՀ քրեական օրենսգրքի 262-րդ հոդվածի 1-ին մասով և նրա նկատմամբ պատիժ նշանակել տուգանք` նվազագույն աշխատավարձի երեքհարյուրապատիկի` 300.000 /երեք հարյուր հազար/ ՀՀ դրամի չափով:
Կիրառել ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2011թ. մայիսի 26-ի որոշման 1-ին կետի 3-րդ ենթակետը և նրան ազատել պատժից:
Անդրանիկ Սիմոնյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:




ԴԱՏԱՎՈՐ Ա.ՄԿՐՏՉՅԱՆ