Գործ ԵԱՔԴ/0126/01/12








Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


30 հոկտեմբերի 2012թ. ք.Երևան


Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


Նախագահությամբ` դատավոր Մ.Խաչատրյանի
Քարտուղարությամբ` Հ.Արտաշեսյանի
Մասնակցությամբ`
Մեղադրող Ն.Աշրաֆյանի
Պաշտպան Ա.Ֆերոյանի
Տուժող Ֆ.Դարջվարի
Թարգմանիչ Մ.Բաղդասարյանի


Դռնբաց դատական նիստում արագացված դատաքննության կարգով քննության առավ քրեական գործն ըստ մեղադրանքի`

Էռնեստ Սամվելի Հովհաննիսյանին` ծնված 20.02.1981թ. ազգությամբ հայ, Հայաստանի Հանրապետության քաղաքացի, բարձրագույն կրթությամբ, ամուսնացած, խնամքին 2006թ. և 2009թ. ծնված երեխաներ, նախկինում չդատված, աշխատում է ՙԻննա Խաչատուրյան՚ ԱՁ-ում որպես մենեջեր, հաշվառված ք.Երևան, Ծարավ Աղբյուրի 32 շենք, 5 բնակարան: Որպես խափանման միջոց է ընտրվել ստորագրություն չհեռանալու մասին:

Մեղադրվում է ՀՀ քրեական օրենսգրքի 322 հոդվածի 1-ին մասով նախատեսված հանցագործության կատարման համար:
Արագացված դատական քննությամբ դատարանն ապացուցված համարեց հետևյալը.
Ըստ մեղադրական եզրակացության` Էռնեստ Սամվելի Հովհաննիսյանին ՀՀ քրեական օրենսգրքի 322 հոդվածի 1-ին մասով մեղադրանք է առաջադրել այն բանի համար, որ նա 2012 թվականի հուլիսի 23-ին մտել է սեփականության իրավունքով իրեն պատկանողª 2012 թվականի փետրվարի 1-ից ԻԻՀ քաղաքացի Ֆաթեմեհ Մոհամեդ Հասանի Դարջվարին վարձակալությամբ հանձնված Երևան քաղաքի Դ.Անհաղթ 23/1 շենքի 4-րդ հասցեում գտնվող բնակարան և օրենքով սահմանված կարգի խախտմամբ իր ենթադրյալ իրավունքներն ինքնակամ իրականացնելով, բնակարանի ննջասենյակի պահարանից վերցրել է Ֆ.Դարջվարին պատկանող 85.000 ՀՀ դրամ ընդհանուր արժողության ՙՍամսունգ՚ տեսակի նեթբուք համակարգիչը, լիցքավորման սարքը և համակարգչի պայուսակը, վերջինիս կողմից չվճարված վարձավճարի դիմաց, իսկ հյուրասենյակի պահարանի դարակիցª 20.000 ՀՀ դրամ գումար, բնակարանի մաքրության դիմաց վճարելու համարª Ֆ.Դարջվարի իրավունքներին և օրինական շահերին պատճառելով էական վնաս:
Մինչև դատաքննությունն սկսելն ամբաստանյալ Էռնեստ Սամվելի Հովհաննիսյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատեց նաև ամբաստանյալի պաշտպան Ա.Ֆերոյանը:
Մեղադրող Ն.Աշրաֆյանը և տուժող Ֆ.Դարջվարը նույնպես արագացված դատական քննության կարգի դեմ չառարկեցին:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Էռնեստ Սամվելի Հովհաննիսյանի մեղավորությունը ՀՀ քրեական օրենսգրքի 322 հոդվածի 1-ին մասի հատկանիշներով նախատեսված հանցանք կատարելու մեջ ապացուցված է և արարքը որակված է ճիշտ, որի համար նա ենթակա է քրեական պատասխանատվության ու պատժի:
Պատիժ նշանակելիս հաշվի է առնվում հանցագործության հանրության համար վտանգավորության աստիճանը և բնույթը, ամբաստանյալի անձը բնութագրող տվյալները, պատիժը և պատասխանատվությունը մեղմացնող և ծանրացնող հանգամանքները:
Ամբաստանյալի պատիժը և պատասխանատվությունը մեղմացնող հանգամաք է դիտվում, որ նա նախկինում դատված չի եղել, ընդունում է առաջադրված մեղադրանքը, խնամքին են 2006թ. և 2009թ. ծնված երեխաները:
Ամբաստանյալի պատիժը և պատասխանատվությունը ծանրացնող հանգամաք դատարանը չի արձանագրում:
Դատարանը գտնում է, որ ՀՀ քրեական դատավարության օրենսգրքի 118-րդ հոդվածի 1-ին մասի 2-րդ կետի ուժով, մինչև դատավճռի օրինական ուժի մեջ մտնելը, դատավճռի հրապարակումից հետո տուժողին պետք է վերադարձվի իրեղեն ապացույց հանդիսացող ՙՍամսունգ՚ տեսակի նոթբուք համակարգիչը լիցքավորման սարքով և պայուսակովª որպես առօրյա կենցաղում օգտագործվող անհրաժեշտ առարկա :
Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 367-373-րդ, 3753-րդ, 3754-րդ հոդվածներով դատարանը.

Վ Ճ Ռ Ե Ց

Էռնեստ Սամվելի Հովհաննիսյանին մեղավոր ճանաչել ՀՀ քրեական օրենսգրքի 322 հոդվածի 1-ին մասով նախատեսված հանցագործության կատարման համար և դատապարտել տուգանքի ՀՀ նվազագույն աշխատավարձի երեքհարյուրապատիկի` 300.000 /երեք հարյուր հազար/ ՀՀ դրամի չափով:
Էռնեստ Սամվելի Հովհաննիսյանի նկատմամբ ընտրված խափանման միջոը ստորագրություն չհեռանալու մասին թողնել անփոփոխ մինչև դատավճռի օրինական ուժի մեջ մտնելը :
Իրեղեն ապացույց ճանաչված ՙՍամսունգ՚ տեսակի նոթբուք համակարգիչը լիցքավորման սարքով և պայուսակով անհապաղ վերադարձնել տուժող Ֆաթեմեհ Մոհամեդ Հասանի Դարջվարին :
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքից, դատավարության մասնակիցների կողմից 1 /մեկ/ ամսվա ընթացքում վերաքննության կարգով կարող է բողոքարկվել ՀՀ վերաքննիչ քրեական դատարան:



ԴԱՏԱՎՈՐ` Մ.ԽԱՉԱՏՐՅԱՆ