ԵԱՔԴ/0125/01/12

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
քարտուղարությամբ` Ն. Ղազարյանի
մասնակցությամբ
մեղադրող` Ա. Քալաշյանի
պաշտպան` Ա. Հոբոսյանի
տուժող` Ա. Հարությունյանի

2012 թվականի նոյեմբերի 2-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Հայկ Ստեփանի Խաչատրյանի, ծնված 1986 թվականի դեկտեմբերի 19-ին, Գյումրի քաղաքում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես վատառողջ, ամուրի, չի աշխատել, նախկինում դատված` Երևան քաղաքի Արաբկիր և Քանաքեռ-Զեյթուն համայնքների առաջին ատյանի դատարանի 16.10.2003թ.-ի դատավճռով ՀՀ քրեական օրենսգրքի 112 հոդվածի 1-ին մասով դատապարտվել է ազատազրկման 3 տարի ժամկետով, ՀՀ քրեական օրենսգրքի 70 հոդվածի կիրառմամբ պատիժը պայմանականորեն չի կիրառվել, սահմանվել է փորձաշրջան 1 տարի ժամկետով, դատվածությունը մարված, հաշվառված է ք.Գյումրի, Վ. Սարգսյան փողոց 4 շենք թիվ 3 բնակարան հասցեում, բնակվել է ք.Երևան, Վ. Համբարձումյան փողոց 2 շենք թիվ 4 բնակարան հասցեում, մեղադրվում է ՀՀ քրեական օրենսգրքի 112 հոդվածի 1-ին մասով, կալանքի տակ է 2012 թվականի մայիսի 12-ից,

Պ Ա Ր Զ Ե Ց

1.Գործի դատավարական նախապատմությունը.
2012թ. մայիսի 5-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի բաժնում ՀՀ քրեական օրենսգրքի 112 հոդվածի 1-ին մասով նախատեսված հանցագործության հատկանիշներով հարուցվել է թիվ 14111812 քրեական գործը:
2012թ. մայիսի 11-ին նախաքննության մարմնի որոշմամբ Հայկ Ստեփանի Խաչատրյանը ներգրավվել է որպես մեղադրյալ ՀՀ քրեական օրենսգրքի 112 հոդվածի 1-ին մասով, նրա նկատմամբ հայտարարվել է հետախուզում և որպես խափանման միջոց կիրառվել կալանավորումը:
2012թ. մայիսի 12-ին Հայկ Ստեփանի Խաչատրյանը հայտնաբերվել և ձերբակալվել է:
2012թ. մայիսի 14-ին նրա նկատմամբ որպես խափանման միջոց ընտրված կալանքը վերահաստատվել է:
2012թ. սեպտեմբերի 24-ին թիվ 14111812 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2.Գործի փաստական հանգամանքները.
Նախնական քննության մարմինը Հայկ Ստեփանի Խաչատրյանին ՀՀ քրեական օրենսգրքի 112 հոդվածի 1-ին մասով մեղադրանք է առաջադրել այն արարքի կատարման համար, որ նա 2012 թվականի մայիսի 5-ին, ժամը 2130-ի սահմաններում Երևան քաղաքի Հրաչյա Քոչար և Գյուլբենկյան փողոցների խաչմերուկում գտնվող ՙՄիկո՚ սուպերմարկետի մոտ, Արթուր Սերյոժայի Մարգարյանի հետ վիճաբանության ընթացքում իր մոտ եղած սուր կտրող-ծակող գործիքով մարմնական վնասվածք պատճառելու դիտավությամբ, հարվածել է վիճաբանությունը կանխելու նպատակով միջամտած, Երևանի Հրաչյա Քոչար փողոցի 8 շենքի թիվ 26 բնակարանի բնակիչ, 1956 թվականին ծնված Աշոտ Սամվելի Հարությունյանի որովայնին` վերջինիս պատճառելով որովայնի շրջանի կտրած-ծակած թափանցող վերք:
3. Արագացված դատական քննություն.
Մինչև դատաքննությունն սկսելն ամբաստանյալ Հայկ Խաչատրյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Անժելա Հոբոսյանը:
Մեղադրող Ա.Քալաշյանը դատարանում փոխելով դիրքորոշումը, դատական քննության արագացված կարգ կիրառելուն չառարկեց:
Տուժող Աշոտ Հարությունյանը նույնպես դատական քննության արագացված կարգ կիրառելուն չառարկեց:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հայկ Ստեփանի Խաչատրյանին առաջադրված մեղադրանքը ՀՀ քրեական օրենսգրքի 112 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 112 հոդվածի 1-ին մասի հատկանիշներին և արարքի որակումը ճիշտ է:
Ամբաստանյալ Հայկ Խաչատրյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, երիտասարդ է, տառապում է ՙանձի խառը խանգարում /փսիխոպաթիա/՚ ախտորոշում հիվանդությամբ, դեպքը տեղի է ունեցել անչափահասի նկատմամբ վկա Արթուր Մարգարյանի հակաօրինական գործողությունը կանխելու արդյունքում:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Հայկ Ստեփանի Խաչատրյանը ենթակա է քրեական պատասխանատվության և պատժի:
Հաշվի առնելով Հայկ Խաչատրյանի կատարած արարքի հանրության համար վտանգավորության աստիճանը և բնույթը, նրա անձը, ինչպես նաև այն, որ ՀՀ քրեական օրենսգրքի 112 հոդվածի 1-ին մասի սանկցիայով նախատեսված է պատիժ միայն ազատազրկման ձևով, դատարանը գտնում է, որ Հայկ Ստեփանի Խաչատրյանի նկատմամբ ՀՀ քրեական օրենսգրքի 112 հոդվածի 1-ին մասով նախատեսված հանցանք կատարելու համար պատիժ պետք է նշանակել ազատազրկման ձևով, որը նա պետք է կրի, իսկ նրա նկատմամբ կիրառված խափանման միջոցը պետք է թողնել անփոփոխ, մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 155 հոդվածի 2-րդ մասի համաձայն` քրեական դատավարությունում քաղաքացիական հայց չհարուցելու դեպքում անձն իրավունք ունի քաղաքացիական հայց հարուցել քաղաքացիական դատավարության կարգով:
Նույն հոդվածի 3-րդ մասի համաձայնª քրեական դատավարությունում հարուցված քաղաքացիական հայցը, որը դատարանի կողմից թողնվել է առանց քննության, կարող է հետագայում հարուցվել քաղաքացիական դատավարության կարգով:
Նկատի ունենալով, որ գործի դատաքննության ընթացքում տուժող Աշոտ Հարությունյանի կողմից հայցադիմում չի ներկայացվել, սակայն դատական վիճաբանությունների ընթացքում արտասանած ճառում նա պահանջել է հատուցել բուժման ծախսերը, ինչը չի բխում ՀՀ քրեական դատավարության օրենսգրքի 158 հոդվածի 3-րդ մասի պահանջներից, դատարանը գտնում է, որ այն պետք է թողնել առանց քննության և նրան իրավունք վերապահել քաղաքացիական հայցը լուծել քաղաքացիական դատավարության կարգով:
Դատարանը գտնում է, որ դատական ծախսերն ամբաստանյալ Հայկ Խաչատրյանից ենթակա չեն բռնագանձման, նկատի ունենալով, որ ՀՀ քրեական դատավարության օրենսգրքի 168 հոդվածի 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Հայկ Ստեփանի Խաչատրյանին մեղավոր ճանաչել ՀՀ քրեական օրենսգրքի 112 հոդվածի 1-ին մասով նախատեսված հանցանք կատարելու մեջ և նրան դատապարտել ազատազրկման երեք (3) տարի վեց (6) ամիս ժամկետով:
Պատժի սկիզբը հաշվել 2012 թվականի մայիսի 12-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում, որտեղ Հայկ Խաչատրյանի նկատմամբ պետք է ապահովել նյարդահոգեբույժի հսկողություն:
Հայկ Ստեփանի Խաչատրյանի նկատմամբ որպես խափանման միջոց կիրառված կալանավորումը թողնել անփոփոխ, մինչև դատավճռի օրինական ուժի մեջ մտնելը:
Տուժող Աշոտ Հարությունյանի կողմից ներկայացրած քաղաքացիական հայցը թողնել առանց քննության` նրան իրավունք վերապահելով այն լուծել քաղաքացիական դատավարության կարգով:
Դատական ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է
Դատավոր Լ. Ավետիսյան