գործ No ԵԱՔԴ/0110/01/12
ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

01 հոկտեմբերի 2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Լ.Մանուկյանի
պաշտպան Է.Վարդանյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի` Մայիս Գուրգենի Սարգսյանի /ծնված 01.07.1948թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, կեսաթոշակառու,նախկինում չդատված, հաշվառված է ք.Երևան, Աճառյան 44 շենք, 28բն., փաստացի բնակվող Մ.Ավետիսյան փող. 18 և 20 շենքերի հարակից ավտոտնակում/ :
Մեղադրվում է ՀՀ քրեական օրենսգրքի 235-րդ հոդվածի 4-րդ մասով:

Գործի դատավարական նախապատմությունը
2012 թվականի հուլիսի 20-ին ապօրինի կրել է ձեռնափայտ-հարվածային դաշույնը, որը 2012 թվականի հուլիսի 20-ին Մ.Սարգսյանի անձնական խուզարկությամբ հայտնաբերվել և առգրավվել է:
2012 թվականի օգոստոսի 01-ին հարուցվել է թիվ 09108212 քրեական գործը£
2012 թվականի օգոստոսի 24-ին Մայիս Գուրգենի Սարգսյանը ներգրավվել է որպես մեղադրյալ և նրա նկատմամբ որպես խափանման միջոց է ընտրվել ստորագրություն չհեռանալու մասին:
2012թ. օգոստոսի 29-ին թիվ 09108212 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Մայիս Գուրգենի Սարգսյանին ՀՀ քրեական օրենսգրքի 235-րդ հոդվածի 4-րդ մասով մեղադրանք է առաջադրել այն արարքի համար, որ ՙնա 20.07.2012թ. ապօրինի կրել է սառը զենք հանդիսացող` արհեստագործական եղանակով պատրաստված, ձեռնափայտ-հարվածային դաշույն,որը 20.07.2012թ. Մ.Սարգսյանի անձնական խուզարկությամբ հայտնաբերվել և առգրավվել է՚:

Արագացված դատական քննություն
Մինչև դատաքննությունն սկսելն ամբաստանյալ Մայիս Սարգսյանը միջնորդել է դատական քննությունն անցկացնել արագացված կարգով և հայտարարել, որ համաձայն է առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Է.Վարդանյանը:
Մեղադրող Լ.Մանուկյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Մայիս Սարգսյանի մեղավորությունը` ՀՀ քրեական օրենսգրքի 235-րդ հոդվածի 4-րդ մասի հատկանիշներով հանցանք կատարելու մեջ ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի:
Ամբաստանյալի նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Մայիս Գուրգենի Սարգսյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, ընդունել է մեղքը և անկեղծորեն զղջացել կատարած արարքի համար, ֆիզիկապես վատառողջ է, կենսաթոշակառու է:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

ՎՃՌԵՑ

Մայիս Գուրգենի Սարգսյանին մեղավոր ճանաչել ՀՀ քրեական օրենսգրքի 235-րդ հոդվածի 4-րդ մասով և նրա նկատմամբ պատիժ նշանակել տուգանք ՀՀ նվազագույն աշխատավարձի երկուհարյուրապատիկի` 200.000 /երկու հարյուր հազար/ ՀՀ դրամի չափով:
Մայիս Սարգսյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
ՀՀ ոստիկանության ՓՔ վարչությունում պահվող իրեղեն ապացույց ճանաչված ձեռնափայտ-հարվածային դաշույնը թողնել ՀՀ ոստիկանության տնօրինմանը :
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:


ԴԱՏԱՎՈՐ Ա.ՄԿՐՏՉՅԱՆ