գործ No ԵԱՔԴ/0104/01/12

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

11 սեպտեմբերի 2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Ն.Աշրաֆյանի

Դատարանում, դռնբաց դատական նիստում քննեց քրեական գործն ըստ մեղադրանքի` Ռուբեն Հակոբի Առաքելյանի /ծնված 22.04.1957թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, աշխատում է կոշկակար, դատվածություն չունեցող, հաշվառված` ք.Երևան, Ա.Ահարոնյան 62 տուն/:
Մեղադրվում է ՀՀ քրեական օրենսգրքի 178-րդ հոդվածի 2-րդ մասի 2-րդ կետով:

Գործի դատավարական նախապատմությունը
2012 թվականի հունիսի 16-ին տեղի է ունեցել դեպքը:
2012 թվականի հունիսի 06-ին հարուցվել է թիվ 90152412 քրեական գործը£
2012 թվականի հունիսի 23-ին Ռուբեն Առաքելյանին մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 2-րդ կետով և որպես խափանման միջոց է ընտրվել կալանքը:
2012թ. հուլիսի 19-ին Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի կողմից որոշում է կայացվել Ռ.Առաքելյանի նկատմամբ որպես կալանավորման այլընտրանքային միջոց` գրավ կիրառելու մասին:
2012թ. օգոստոսի 18-ին թիվ 90152412 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Ռուբեն Հակոբի Առաքելյանին ՀՀ քրեական օրենսգրքի 178-րդ հոդվածի 2-րդ մասի 2-րդ կետով մեղադրանք է առաջադրել այն արարքի համար, որ ՙնա Երևան քաղաքի բնակիչ Սարգիս Երվանդի Ալեքսանյանին Կապան քաղաքում տեղակայված ՀՕՊ զորքերի զորամասում ժամկետային զինծառայության նշանակելու պատրվակով, 2012 թվականի հունիսի 16-ին ներգործելով վերջինիս հոր` Երվանդ Սարգսի Ալեքսանյանի գիտակցության և կամքի վրա ներկայանալով որպես պաշտոնատար անձի ընկեր, իր վարքագծով մոլորության մեջ է գցել նրան և ի սկզբանե մտադիր չլինելով կատարել իր խոստումը, Ե.Ալեքսանյանի վստահությունը չարաշահելով, խաբեությամբ նրանից հափշտակել է խոշոր չափի 1.867.500 ՀՀ դրամին համարժեք 4.500 ԱՄՆ դոլար գումար՚:

Ապացույցների հետազոտում
Առաջադրված մեղադրանքում ամբաստանյալ Ռուբեն Առաքելյանն իրեն լիովին մեղավոր է ճանաչել, անկեղծորեն զղջացել է կատարած արաքի համար, սակայն օգտվելով իր դատավարական իրավունքից` հրաժարվել է ցուցմունքներ տալուց:

Տուժող Երվանդ Ալեքսանյանը դատաքննության փուլում ցուցմունք է տվել այն մասին, որ 2012 թվականի հունիսի 15-ին որդին` Սարգիս Ալեքսանյանը ժամկետային ծառայության զորակոչվելու համար ստացել է համապատասխան ծանուցագիր: Ինքը կնոջ հետ միասին խոսակցության ընթացքում, որին ներկա է եղել Ռուբեն Առաքելյանը, ցանկություն են հայտնել որդուն մոտիկ տեղ ծառայության տեղավորելու: Նշված խոսակցությունից մի քանի օր անց իրենց տուն է եկել Ռ.Առաքելյանը և հայտնել, որ իր որդու ծառայության հարցը հնարավոր է լուծել 4.500 ԱՄՆ դոլարով և իր որդին զիվորական ծառայությունը կանցնի Կապան քաղաքում տեղակայաված ՀՕՊ զորամասում: Ինքը համաձայնվել է և իրենց տանը Ռ.Առաքելյանին է հանձնել 4500 ԱՄՆ դոլար: 2012թ. հունիսին ինքը փոքր որդու` Գևորգի և Ռ.Առաքելյանի ուղեկցությամբ գնացել են Արաբկիրի զինվորական կոմիսարիատ այնտեղից էլ կենտրոնական հավաքակայան, որտեղ Ռ.Առաքելյանն իրեն հայտնել է, որ որդու հարցերը լուծված են, սակայն հետագայում պարզվել է, որ իր որդուն այլ տեղ են ուղարկել ծառայության:

Վկա Նելլի Էզդանյանը դատաքննության փուլում ցուցմունք է տվել այն մասին, որ 2012 թվականի գարնանային զորակոչին որդին պետք է մեկներ ՀՀ զինված ուժեր ծառայության: Իրենց ընտանիքում հաճախակի էին լինում քննարկումներ այդ հարցով, ու իրենք չէին ցանկանում, որպեսզի իրենց որդին ծառայի Ղարաբաղում: Հերթական քննարկման ժամանակ, որին ներկա է եղել քրոջ ամուսինը` Ռուբեն Առաքելյանը, նշված խոսակցության ժամանակ հայտնել է, որ կարող է իր ծանոթների միջոցով իրենց օգտակար լինել: Մի քանի օր անց Ռուբիկն այցելել է իրենց տուն ու հայտնել, որ իր որդին կծառայի Կապանում տեղակայված ՀՕՊ զորամասում: Դրանից հետո Ռուբենը և իր ամուսինը առանձնացել են ու զրուցել: 2012 թվականի հունիս ամսին ինքն ընտանիքով, քույրը և Ռուբիկը միասին գնացել են զինկոմիսարիատ, ապա նաև կենտրոնական հավաքակայան, որտեղ էլ Ռուբիկն իրեն հայտնել է, որ գործը չի ստացվել, քանի որ ծանոթ չի գտել: Հենց այդ ժամանակ էլ Ռուբենն իրեն ասել է, որ 4500 ԱՄՆ դոլարը տանն է ու երբ ինքը հետաքրքրվել է, թե ինչ գումար է, քույրն իրեն հայտնել, որ Երվանդը Ռուբիկին այդ հարցը լուծելու համար տվել է 4500 դոլար, որը կվերադարձնի:

Վկա Նունե Էզդանյանը նախաքննության փուլում ցուցմունք է տվել այն մասին, որ 2012 թվականի ստույգ ամիսն ու օրը չի հիշել, երբ գտնվել են քրոջ Նելլիի տանը, խոսակցության ընթացքում, ինքը քրոջ ամուսնուն` Ռ.Առաքելյանին հարցրել է, թե արդյոք չկա մեկը, որը կկարողանա լուծել երեխայի ծառայության հարցը, վերջինս էլ հայտնել է, որ կփորձի գտնել որևէ մեկին, ով կարողանա լուծել այդ հարցը: Հաջորդ օրը Ռուբենը եկել է իրենց տուն և հայտնել, որ չի բացառվում, որ կարողանա լուծել այդ հարցը: Այդ մասին տեղեկացրել է նաև ամուսնուն: Երբ իրենք գնացել են քրոջ տուն, ճանապարհին Ռ.Առաքելյանը իրեն հայտնել է, որ Երվանդը իրեն գումար է տվել այդ հարցը լուծելու համար, սակայն թե ինչքան չի ասել: Մի քանի օր անց Ռ.Առաքելյանն ամուսնուն ասել է, որ դիմել է իր ընկերոջը, սակայն հստակ չի կարող ասել կլուծվի այդ հարցը, թե ոչ: 2012 թվականի հունիսի 19-ին Նելլիի հետ գտնվում էին կենտրոնական հավաքակայանում, Ռ.Առաքելյանը իրենց հայտնեց, որ երեխայի հարցը չի լինում:
Գ.թ. 55-57

Դատարանի իրավական վերլուծությունները
Դատարանը հետազոտելով գործով ձեռք բերված յուրաքանչյուր ապացույց, գնահատելով թույլատրելիության վերաբերելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ղեկավարվելով օրենքով, ներքին համոզմամբ, գտնում է, որ ամբաստանյալ Ռուբեն Առաքելյանի մեղավորությունը` խաբեության և վստահությունը չարաշահելու եղանակով ուրիշի գույքի խոշոր չափերով հափշտակություն կատարելու մեջ, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 2-րդ կետով, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի:
Ամբաստանյալի նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Ռուբեն Առաքելյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա բնութագրվում է դրական, ընդունել է մեղքը և անկեղծորեն զղջացել կատարած արարքի համար, լիովին վերականգնել է պատճառված վնասը, տուժողը որևէ բողոք կամ պահանջ չի ներկայացրել:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց հանդիսացող 4500 ԱՄՆ դոլարը պետք է թողնել տուժող Երվանդ Ալեքսանյանի տնօրինմանը:
Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 379-րդ հոդվածներով, դատարանը

ՎՃՌԵՑ

Ռուբեն Հակոբի Առաքելյանին մեղավոր ճանաչել ՀՀ քրեական օրենսգրքի 178-րդ հոդվածի 2-րդ մասի 2-րդ կետով և նրա նկատմամբ պատիժ նշանակել տուգանք` նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամի չափով:
Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 900033097016 հաշվեհամարին որպես գրավ մուծված 700.000 /յոթ հարյուր հազար/ ՀՀ դրամը դատավճիռն օրինական ուժի մեջ մտնելուց հետո վերադարձնել գրավատու Նունե Էզդանյանին:
Իրեղեն ապացույց հանդիսացող 4500 ԱՄՆ դոլարը թողնել տուժող Երվանդ Սարգսի Ալեքսանյանի տնօրինմանը:

Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ