գործ No ԵԱՔԴ/0101/01/12

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

10 հոկտեմբերի 2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Շ.Վանոյանի
Օ.Կիրակոսյանի
մասնակցությամբ`
մեղադրող Ա.Աղայանի
պաշտպան Կ.Մանուչարյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Եղիա Արիսի Շաքիլյանի /ծնված 22.04.1983թ. Երևան քաղաքում, ազգությամբ հայ, ՀՀ քաղաքացի, ութամյա կրթությամբ, չի աշխատում, ամուսնացած, խնամքին երեք անձ, բնակվել է` ք.Երևան, Ազատության պողոտա 9/ա շենք, 24 բնակարան հասցեում, ներկայումս ՀՀ ԱՆ ՙՆուբարաշեն՚ ՔԿՀ-ի կալանավոր, նախկինում դատված.
1. Երևանի Կենտրոն և Նորք-Մարաշ համայնքների ընդհանուր իրավասության առաջին ատյանի դատարանի 06.10.2004թ. դատավճռով, ՀՀ քրեական օրենսգրքի 175-րդ հոդվածի 1-ին մասով, դատապարտվել է ազատազրկման 3 տարի ժամկետով:
2. Երևանի Էրեբունի և Նուբարաշեն համայնքների ընդհանուր իրավասության առաջին ատյանի դատարանի 10.06.2005թ. դատավճռով, ՀՀ քրեական օրենսգրքի 355-րդ հոդվածի 2-րդ մասի 1-ին կետով ՀՀ քրեական օրենսգրքի 67-րդ հոդվածի կանոններով, դատապարտվել է ազատազրկման 3 տարի 6 ամիս ժամկետով, պատժից ազատվել է 08.03.2008թ.:
3. Հյուսիսային քրեական դատարանի 17.09.2008թ. դատավճռով, ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, 34-177-րդ հոդվածի 2-րդ մասի 1-ին, 3-րդ և 4-րդ կետերով, ՀՀ քրեական օրենսգրքի 66-րդ հոդվածի կանոններով, դատապարտվել է ազատազրկման 3 տարի 6 ամիս ժամկետով:
Արագածոտնի մարզի ընդհանուր իրավասության առաջին ատյանի դատարանի 06.10.2010թ. որոշմամբ պայմանական վաղաժամկետ ազատվել է պատժի կրումից:
ՀՀ ԱՆ ՔԿՎ այլընտրանքային պատիժների կատարման բաժնի Արաբկիր և Քանաքեռ-Զեյթուն բաժանմունքի պետի որոշմամբ կիրառվել է ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2011թ. մայիսի 26-ի որոշման 1-ին կետի 3-րդ ենթակետը, 7-րդ կետը, 13-րդ կետի 5-րդ ենթակետի ՙա՚ և ՙբ՚ պարբերությունները և 14-րդ կետը ու դատապարտյալ Ե.Շաքիլյանը ազատվել է մեկ տարի քսանհինգ օր պատժի հետագա կրումից/:
Մեղադրվում է ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով և 34-177-րդ հոդվածի 2-րդ մասի 1-ին և 3-րդ կետերով:

Արամայիս Սամվելի Սողոմոնյանի /ծնված 21.11.1978թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, դատվածություն չունեցող, բնակվում է ք.Երևան, Զ.Սարկավագի 1-ին նրբանցք, 2 տուն/:
Մեղադրվում է ՀՀ քրեական օրենսգրքի 34-177-րդ հոդվածի 2-րդ մասի 1-ին և 3-րդ կետերով:

Գործի դատավարական նախապատմությունը
2012 թվականի մարտի 02-ից ապրիլի 18-ն ընկած ժամանակահատվածում կատարվել են հանցագործությունները:
2012 թվականի ապրիլի 17-ին հարուցվել է թիվ 14109812 քրեական գործը£
2012 թվականի ապրիլի 18-ին գողություն կատարելու կասկածանքով ձերբակալվել է Եղիա Արիսի Շաքիլյանը:
2012 թվականի ապրիլի 20-ին Եղիա Շաքիլյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով և 34-177-րդ հոդվածի 2-րդ մասի 1-ին և 3-րդ կետերով և որպես խափանման միջոց կիրառվել է կալանքը:
2012 թվականի ապրիլի 23-ին Արամայիս Սողոմոնյանին մեղադրանք է առաջադրվել ՀՀ քրեական օրենսգրքի 34-177-րդ հոդվածի 2-րդ մասի 1-ին և 3-րդ կետերով և որպես խափանման միջոց ընտրվել է ստորագրություն չհեռանալու մասին:
2012թ. օգոստոսի 14-ին թիվ 14109812 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Եղիա Շաքիլյանին ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով և 34-177-րդ հոդվածի 2-րդ մասի 1-ին և 3-րդ կետերով մեղադրանք է առաջադրել այն արարքի համար, որ ՙնա, 2012 թվականի մարտ ամսից մինչև ապրիլի 18-ն ընկած ժամանակահատվածում, Երևանի ՙԼուսատեխնիկ՚ ԲԲ ընկերության տարածքում գտնվող շինություններ ապօրինի մուտք գործելով, միայնակ կատարել է ուրիշի գույքի գաղտնի հափշտակության երկու ավարտված դեպք, ինչպես նաև մեկ գողության փորձ` Արամայիս Սամվելի Սողոմոնյանի հետ նախնական համաձայնության գալով: Այսպես.
Ե.Շաքիլյանը, ուրիշի գույքի գաղտնի հափշտակություն կատարելու դիտավորությամբ, 2012 թվականի մարտի 2-ի ժամը 20:00-ից մինչև մարտի 3-ը ժամը 11:00-ն ընկած ժամանակահատվածում, մետաղյա ամրանի միջոցով պոկել է Երևանի Կոմիտասի պողոտա 59 հասցեում գտնվող ՙԼուսատեխնիկ՚ ԲԲ ընկերության վարչական մասնաշենքի պատուհանի վանդակաճաղը և ապօրինի մուտք գործելով գրասենյակ, կոտրել չհրկիզվող պատուհանի փականն ու միջից հափշտակել 150.000 ՀՀ դրամ գումար: Այնուհետև, կոտրելով գրասենյակի հարևանությամբ տեղակայված պահեստարանի մուտքի դռան կողպեքը, հափշտակել է 500.000 ՀՀ դրամ գումար ընդհանուր արժողությամբ 250 կգ. արույրե ժապավենը, որով Երևանի ՙԼուսատեխնիկ՚ ԲԲ ընկերությանը պատճառվել է խոշոր չափի նյութական վնաս:
Բացի այդ, Ե.Շաքիլյանը, 2012թ. ապրիլի 16-ի ժամը 17:00-ից մինչև ապրիլի 18-ը ժամը 09:00-ն ընկած ժամանակահատվածում, մետաղյա ամրանի գործադրմամբ պոկել է Կոմիտասի պողոտա 59 հասցեում գտնվող ՙՖառնա՚ ՍՊ ընկերության կողմից Երևանի ՙԼուսատեխնիկ՚ ԲԲ ընկերությունից վարձակալած արտադրամասի պատուհանի վանդակաճաղը և ապօրինի մուտք գործելով ներս, հափշտակել է 15.000 ՀՀ դրամ արժողությամբ արույրե ժապավենը` ՙՖառնա՚ ՍՊ ընկերությանը պատճառելով զգալի չափի նյութական վնաս:
Այնուհետև, Ե.Շաքիլյանը, ուրիշի գույքի գաղտնի հափշտակություն կատարելու դիտավորությամբ, Արամայիս Սամվելի Սողոմանյանի հետ նախնական համաձայնության գալով, 2012թ. ապրիլի 17-ի լույս ապրիլի 18-ն ընկած ժամանակահատվածում, գնացել է Երևանի Կոմիտասի պողոտա 59 հասցեում գտնվող, նույն` ՙԼուսատեխնիկ՚ ԲԲ ընկերության գործարանի տարածք, որտեղ ըստ նախապես մշակված պլանի` Ա.Սողոմոնյանը վարչական մասնաշենքի բակից հսկել է Ե.Շաքիլյանի գործողությունների անվտանգությունը, որպեսզի հնարավոր խոչընդոտի դեպքում ահաձայնի, իսկ Ե.Շաքիլյանը, մետաղյա ամրանի միջոցով պոկել է վարչական մասնաշենքի 2-րդ հարկի պատուհանի վանդակաճաղը և ապօրինի մուտք գործել գրասենյակ: Այնուհետև, կոտրելով գրասենյակում տեղադրված մետաղյա պահարանի փականը, որից հետո նաև պահեստարանի մուտքի դռան կողպեքը, փորձել է հափշտակել գումար և այլ արժեքավոր ապրանքներ, սակայն այդպիսիք չհայտնաբերելու պատճառով հեռացել է` հանցագործությունը իր կամքից անկախ հանգամանքերով ավարտին չհասցնելով: Դրանից հետո, Ե.Շաքիլյանը, հանցավոր մտադրությունն արդյունքին հասցնելու նպատակով, Ա.Սողոմոնյանի հետ գնացել է նույն ընկերության տարածքում գտնվող արհեստանոց և տեխնիկական միջոցի գործադրմամբ կոտրելով մուտքի դռան կողպեքի ամրակը` Ա.Սողոմոնյանի հետ ապօրինի մուտք է գործել արհեստանոց: Դերաբաշխման համաձայն Ա.Սողոմոնյանը հսկել է Ե.Շաքիլյանի գործողությունների անվտանգությունը, իսկ Ե.Շաքիլյանը արհեստանոցի մուտքի դռան մոտ տեղափոխելով 39.000 ՀՀ դրամ արժողության երեք փաթույթ հաղորդալարեր փորձել է հափշտակել դրանք, սակայն բռնվելով ոստիկանության Արաբկիրի բաժնի աշխատակիցների կողմից` իր կամքից անկախ հանգամանքներով հանցագործությունը ավարտին չի հասցրել՚:
Ամբաստանյալ Արամայիս Սողոմոնյանին ՀՀ քրեական օրենսգրքի 34-177-րդ հոդվածի 2-րդ մասի 1-ին և 3-րդ կետերով մեղադրանք է առաջադրվել այն արարքի համար, որ ՙնա, ուրիշի գույքի գաղտնի հափշտակություն կատարելու դիտավորությամբ, Եղիա Արիսի Շաքիլյանի հետ նախնական համաձայնության գալով, 2012թ. ապրիլի 17-ի լույս ապրիլի 18-ն ընկած ժամանակահատվածում, գնացել է Երևանի Կոմիտասի պողոտա 59 հասցեում գտնվող, ՙԼուսատեխնիկ՚ ԲԲ ընկերության գործարանի տարածք, որտեղ ըստ նախապես մշակված պլանի` վարչական մասնաշենքի բակից հսկել է Ե.Շաքիլյանի գործողությունների անվտանգությունը, որպեսզի հնարավոր խոչընդոտի դեպքում ահաձայնի, իսկ Ե.Շաքիլյանը, մետաղյա ամրանի միջոցով պոկել է վարչական մասնաշենքի 2-րդ հարկի պատուհանի վանդակաճաղը և ապօրինի մուտք գործել գրասենյակ: Այնուհետև, կոտրելով գրասենյակում տեղադրված մետաղյա պահարանի փականը, որից հետո նաև պահեստարանի մուտքի դռան կողպեքը, փորձել է հափշտակել գումար և այլ արժեքավոր ապրանքներ, սակայն այդպիսիք չհայտնաբերելու պատճառով հեռացել է` հանցագործությունը իր կամքից անկախ հանգամանքերով ավարտին չհասցնելով: Դրանից հետո, հանցավոր մտադրությունն արդյունքին հասցնելու նպատակով, Ե.Շաքիլյանի հետ գնացել է նույն ընկերության տարածքում գտնվող արհեստանոց, որտեղ Ե.Շաքիլյանի կողմից տեխնիկական միջոցի գործադրմամբ մուտքի դռան կողպեքի ամրակը կոտրելուց հետո, վերջինիս հետ միասին ապօրինի մուտք է գործել արհեստանոց: Դերաբաշխման համաձայն ինքը հսկել է Ե.Շաքիլյանի գործողությունների անվտանգությունը, իսկ վերջինս հափշտակելու նպատակով արհեստանոցի մուտքի դռան մոտ է տեղափոխել 39.000 ՀՀ դրամ արժողության երեք փաթույթ հաղորդալարեր, սակայն տեղում բռնվելով ոստիկանության Արաբկիրի բաժնի աշխատակիցների կողմից` իրենց կամքից անկախ հանգամանքներով հանցագործությունը ավարտին չեն հասցրել՚:

Արագացված դատական քննություն
Մինչև դատաքննությունն սկսելն ամբաստանյալներ Եղիա Շաքիլյանն ու Արամայիս Սողոմոնյանը միջնորդել են դատական քննությունն անցկացնել արագացված կարգով և հայտարարել, որ համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալների պաշտպան Կ.Մանուչարյանը:
Մեղադրող Ա.Աղայանը դատական քննության արագացված կարգ կիրառելուն չի առարկել:
Տուժողի ներկայացուցիչ Էդուարդ Վանյանը դիմում է ներկայացրել դատարան, ըստ որի պնդել է նախաքննությամբ ներկայացված քաղաքացիական հայցը և չի առարկել դատական քննության արագացված կարգ կիրառելուն:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Եղիա Շաքիլյանի մեղավորությունը երեք դրվագով` շինություն ապօրինի մուտք գործելով, ուրիշի գույքի խոշոր չափի գաղտնի հափշտակություն կատարելու, ինչպես նաև շինություն ապօրինի մուտք գործելով, ուրիշի գույքի զգալի չափերի գաղտնի հափշտակություն կատարելու և մի խումբ անձանց կողմից, շինութուն ապօրինի մուտք գործելով, ուրիշի գույքի գաղտնի հափշտակության փորձ կատարելու մեջ, որոնք նախատեսված են ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով, ՀՀ քրեական օրենսգրքի 177-րդ հոդվածի 2-րդ մասի 3-րդ կետով և ՀՀ քրեական օրենսգրքի 34-177-րդ հոդվածի 2-րդ մասի 1-ին և 3-րդ կետերով, և ամբաստանյալ Արամայիս Սողոմոնյանի մեղավորությունը` մի խումբ անձանց կողմից, շինութուն ապօրինի մուտք գործելով, ուրիշի գույքի գաղտնի հափշտակության փորձ կատարելու մեջ, որը նախատեսված է ՀՀ քրեական օրենսգրքի 34-177-րդ հոդվածի 2-րդ մասի 1-ին և 3-րդ կետերով, ապացուցված է:
Վերոհիշյալ հանցանքների կատարման համար ամբաստանյալները ենթակա են քրեական պատասխանատվության և պատժի, որը նրանք պետք է կրեն:
Ամբաստանյալների նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Եղիա Շաքիլյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել կատարած արարքի համար, աջակցել է հանցագործությունը բացահայտելուն, ֆիզիկապես վատառողջ է, խնամքին են գտնվում երկու մանկահասակ երեխաները և 2-րդ խմբի հաշմանդամ, կենսաթոշակառու մայրը:
Ամբաստանյալ Արամայիս Սողոմոնյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել կատարած արարքի համար, աջակցել է հանցագործությունը բացահայտելուն:
Ամբաստանյալների պատասխանատվությունը և պատիժը ծանրացնող հանգամանքներ դատարանը չի արձանագրել:
Դատարանը գտնում է, որ Եղիա Շաքիլյանի նկատմաբ տուգանքի ձևով պատիժ նշանակելը չի կարող ապահովել պատժի նպատակները ուստի նրա նկատմամբ պատիժ պետք է նշանակել ազատազրկման ձևով, որը նա պետք է կրի:
Դատարանը միաժամանակ արձանագրում է, որ ամբաստանյալ Եղիա Շաքիլյանը, նախկինում երեք անգամ դիտավորությամբ հանցանք կատարելու համար դատվածություն ունենալով, դարձյալ կատարել է դիտավորյալ հանցագործություն:
ՀՀ քրեական օրենսգրքի 22-րդ հոդվածի 2-րդ մասի համաձայն`
Հանցագործությունների ռեցիդիվը վտանգավոր է համարվում`
1) դիտավորությամբ հանցանք կատարելու դեպքում, եթե անձը նախկինում երկու անգամից ոչ պակաս ազատազրկման է դատապարտվել դիտավորյալ հանցագործության համար. (...):
ՀՀ քրեական օրենսգրքի 67.1-րդ հոդվածի 2-րդ մասի համաձայն` (...) հանցանքների վտանգավոր ռեցիդիվի համար նշանակված պատիժը չի կարող պակաս լինել հատուկ մասի համապատասխան հոդվածի սանկցիայով նախատեսված առավելագույն պատժի երկու երրորդից (...):
ՀՀ քրեական դատավարության օրենսգրքի 3753-րդ հոդվածի 6-րդ կետի համաձայն` դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը ( ...)
Նշված պայմաններում ամբաստանյալ Եղիա Շաքիլյանի նկատմամբ պատիժ նշանակելիս դատարանը պետք է ղեկավարվի ՀՀ քրեական դատավարության օրենսգրքի 3753-րդ հոդվածի 6-րդ կետի և ՀՀ քրեական դատավարության օրենսգրքի 67.1-րդ հոդվածի 2-րդ մասի կանոններով:
Դատարանը գտնում է, որ ամբաստանյալ Եղիա Շաքիլյանի նկատմամբ ՀՀ քրեական օրենսգրքի 97-րդ հոդվածի կարգով պետք է նշանակել խրոնիկակական ալկոհոլիզմի դեմ բժշկական բնույթի հարկադրանքի միջոց:
Անդրադառնալով տուժողների կողմից ներկայացված քաղաքացիական հայցին, դատարանը գտնում է, որ այն պետք է բավարարել և Եղիա Շաքիլյանից հօգուտ տուժող` ՙԼուսատեխնիկ՚ ԲԲԸ պետք է բռնագանձել 650.000 ՀՀ դրամ:
Դատարանը գտնում է, որ իրեղեն ապացույց ճանաչված, քրեական գործով առգրավված երեք խարտոցները, մեկ բանալին, լապտերը, մետաղ կտրելու համար նախատեսված աքցանն ու վնասված կախովի փականը պետք է ոչնչացնել, իսկ երեք փաթույթ հաղորդալարերը /300 մետր երկարության/ պետք է թողնել տուժողի ներկայացուցիչ Էդուարդ Վանյանի տնօրինմանը:

Ղեկավարվելով ՀՀ քրեական դատավարության օրենսգրքի 119, 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

ՎՃՌԵՑ

Եղիա Արիսի Շաքիլյանին մեղավոր ճանաչել երեք դրվագով` ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով, ՀՀ քրեական օրենսգրքի 177-րդ հոդվածի 2-րդ մասի 3-րդ կետով և ՀՀ քրեական օրենսգրքի 34-177-րդ հոդվածի 2-րդ մասի 1-ին և 3-րդ կետերով նախատեսված հանցագործությունների կատարման մեջ:
1-ին դրվագով ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով նրա նկատմամբ պատիժ նշանակել ազատազրկում 3 /երեք/ տարի 4 /չորս/ ամիս ժամկետով:
2-րդ դրվագով ՀՀ քրեական օրենսգրքի 177-րդ հոդվածի 2-րդ մասի 3-րդ կետով նրա նկատմամբ պատիժ նշանակել ազատազրկում 3 /երեք/ տարի 4 /չորս/ ամիս ժամկետով:
3-րդ դրվագով ՀՀ քրեական օրենսգրքի 34-177-րդ հոդվածի 2-րդ մասի 1-ին և 3-րդ կետերով նրա նկատմամբ պատիժ նշանակել ազատազրկում 3 /երեք/ տարի 4 /չորս/ ամիս ժամկետով:
ՀՀ քրեական օրենսգրքի 66-րդ հոդվածի կանոններով` հանցանքների համակցությամբ նշանակված պատիժները մասնակի գումարելու միջոցով, վերջնական պատիժ նշանակել ազատազրկում 3 /երեք/ տարի 6 /վեց/ ամիս ժամկետով:
Պատժի սկիզբը հաշվել 2012 թվականի ապրիլի 18-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Եղիա Շաքիլյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
ՀՀ քրեական օրենսգրքի 97-րդ հոդվածի կարգով Եղիա Շաքիլյանի նկատմամբ նշանակել խրոնիկակական ալկոհոլիզմի դեմ բժշկական բնույթի հարկադրանքի միջոց:

Արամայիս Սամվելի Սողոմոնյանին մեղավոր ճանաչել ՀՀ քրեական օրենսգրքի 34-177-րդ հոդվածի 2-րդ մասի 1-ին և 3-րդ կետերով և նրա նկատմամբ պատիժ նշանակել տուգանք` նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամի չապով:
Արամայիս Սողոմոնյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Քաղաքացիական հայցը բավարարել, Եղիա Շաքիլյանից հօգուտ տուժող ՙԼուսատեխնիկ՚ ԲԲԸ բռնագանձել 650.000 /վեց հարյուր հիսուն հազար/ ՀՀ դրամ:
Գործով Իրեղեն ապացույց հանդիսացող` երեք խարտոցները, մեկ բանալին, լապտերը, մետաղ կտրելու համար նախատեսված աքցանն ու վնասված կախովի փականը ոչնչացնել, իսկ երեք փաթույթ հաղորդալարերը /300 մետր երկարության/ թողնել տուժողի ներկայացուցիչ Էդուարդ Վանյանի տնօրինմանը:

Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ