գործ No ԵԱՔԴ/0098/01/12

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

07 սեպտեմբերի 2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Շ.Վանոյանի
մասնակցությամբ`
մեղադրող Հ.Հարությունյանի
պաշտպան Կ.Կարապետյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի` Արմեն Վաչագանի Մաթևոսյանի /ծնված 24.05.1979թ. ք.Երևան, ազգությամբ հայ, ՀՀ քաղաքացի, բարձրագույն կրթությամբ, չամուսնացած, չի աշխատում, չդատված, հաշվառված` ք.Երևան Ա.Ավետիսյան փողոց, 76 շենք, բն. 19, փաստացի բնակվող ք.Երևան, Դավիթաշեն 2-րդ թաղամաս, 19 շենք, բն. 3/:
Մեղադրվում է ՀՀ քրեական օրենսգրքի 1542-րդ հոդվածի 2-րդ մասով:

Գործի դատավարական նախապատմությունը
2012 թվականի մայիսի 06-ին հարուցվել է թիվ 62204612 քրեական գործը£
2012 թվականի հուլիսի 21-ին Արմեն Մաթևոսյանին մեղադրանք է առաջադրվել ՀՀ քրեական օրենսգրքի 1542-րդ հոդվածի 2-րդ մասով և որպես խափանման միջոց է ընտրվել ստորագրություն չհեռանալու մասին:
2012թ. օգոստոսի 06-ին թիվ 62204612 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Արմեն Մաթևոսյանին ՀՀ քրեական օրենսգրքի 1542-րդ հոդվածի 2-րդ մասով մեղադրանք է առաջադրել այն արարքի համար, որ ՙնա, հանդիսանալով ՙԲարգավաճ Հայաստան՚ կուսակցության անդամ, ընտրողների կամքի ազատ իրականացմանը խոչընդոտելու դիտավորությամբ 2012 թվականի ապրիլի կեսերին անձամբ 10.000 դրամ կաշառք է տվել Երևան քաղաքի Վ.Համբարձումյան փողոցի 14-րդ շենքի 7-րդ բնակարանի բնակիչ Ծովինար Կոստանյանին, ապրիլի 27-ին 35.000 դրամ կաշառք է տվել Երևանի Ա.Ավետիսյան փողոցի 78-րդ շենքի թիվ 1 բնակարանի բնակիչ հերիքնազ Ջիվանյանին, իսկ մայիսի 5-ին համապատասխանաբար 15.000 և 35.000 դրամ կաշառք է տվել Երևանի Ա.Ավետիսյան փողոցի 76-րդ շենքի 1ՙա՚ բնակարանի բնակիչ Համբարձում Նազարյանին և Վ.Համբարձումյան փողոցի 97-րդ շենքի 63-րդ բնակարանի բնակիչ Հակոբ Ասատրյանին ու հարկադրել որպեսզի վերջիններս և նրանց ընտանիքի անդամները 2012 թվականի մայիսի 6-ին կայանալիք ՀՀ Ազգային Ժողովի ընտրությունների ժամանակ քվեարկեն ՙԲարգավաճ Հայաստան՚ կուսակցության օգտին՚:

Արագացված դատական քննություն
Մինչև դատաքննությունն սկսելն ամբաստանյալ Արմեն Մաթևոսյանը միջնորդել է դատական քննությունն անցկացնել արագացված կարգով և հայտարարել, որ համաձայն է առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Կ.Կարապետյանը:
Մեղադրող Հ.Հարությունյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արմեն Մաթևոսյանի մեղավորությունը` կաշառք տալով, ընտրողի կամքի ազատ իրականացմանը խոչընդոտելու մեջ, որը նախատեսված է ՀՀ քրեական օրենսգրքի 1542-րդ հոդվածի 2-րդ մասով, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի:
Ամբաստանյալի նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Արմեն Մաթևոսյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա բնութագրվում է դրական, ընդունել է մեղքը և անկեղծորեն զղջացել կատարած արարքի համար, աջակցել է հանցագործությունը բացահայտելուն, նախկինում դատված, արատավորված չի եղել:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Դատարանը գտնում է, որ պատժի նպատակներն ապահովելու համար ամբաստանյալ Արմեն Մաթևոսյանի նկատմամբ պետք է նշանակվի ազատազրկման ձևով պատիժ:
Անդրադառնալով Արմեն Մաթևոսյանի նկատմամբ նշանակվող պատժին, դատարանը միաժամանակ գտնում է, որ նրա ուղղվելը հնարավոր է առանց պատիժ կրելու:
Նման եզրահանգման դատարանը գալիս է` հաշվի առնելով հատկապես ամբաստանյալի անձը բնութագրող, պատասխանատվությունն ու պատիժը մեղմացնող հանգամանքների համակցությունը:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց հանդիսացող նոթատետրը պետք է պահել քրեական գործի հետ:

Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը
ՎՃՌԵՑ

Արմեն Վաչագանի Մաթևոսյանին մեղավոր ճանաչել ՀՀ քրեական օրենսգրքի 1542-րդ հոդվածի 2-րդ մասով և նրա նկատմամբ պատիժ նշանակել ազատազրկում 3 /երեք/ տարի ժամկետով:
Կիրառել ՀՀ քրեական օրենսգրքի 70-րդ հոդվածը և Արմեն Մաթևոսյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանել փորձաշրջան 3 /երեք/ տարի ժամկետով:
Արմեն Մաթևոսյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց հանդիսացող նոթատետրը պահել քրեական գործի հետ:

Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ