ԵԱՔԴ/0091/01/12


Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն


Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր` Լ. Ավետիսյան
քարտուղարությամբ` Ն. Ղազարյանի
մասնակցությամբ
մեղադրող` Լ. Մանուկյանի
պաշտպան` Հ. Անանյանի


2012 թվականի օգոստոսի 2-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Արթուր Կամոյի Օհանյանի, ծնված 1983 թվականի նոյեմբերի 27-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին ոչ ոք, նախկինում դատված` Երևան քաղաքի Արաբկիր և Քանաքեռ-Զեյթուն համայնքների առաջին ատյանի դատարանի 09.03.2006թ. դատավճռով ՀՀ քրեական օրենսգրքի 112 հոդվածի 2-րդ մասի 9-րդ, 14-րդ կետերով, 258 հոդվածի 3-րդ մասի 1-ին կետով, ՀՀ քրեական օրենսգրքի 66 հոդվածի 4-րդ կետի հիման վրա դատապարտվել է ազատազրկման 5 տարի 3 ամիս ժամկետով, ազատվել է 07.02.2011թ.-ին` պատիժը լրիվ կրելու հետևանքով, դատվածությունը չմարված, չի աշխատել, հաշվառված և բնակվել է Երևան քաղաքի Դավթաշեն 3-րդ թաղամասի 15 շենքի թիվ 14 բնակարանում, մեղադրվում է ՀՀ քրեական օրենսգրքի 268 հոդվածի 2-րդ մասի 2-րդ կետով, կալանքի տակ է 2012 թվականի ապրիլի 19-ից,
Պ Ա Ր Զ Ե Ց

1.Գործի դատավարական նախապատմությունը.
2012թ. ապրիլի 19-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 268 հոդվածի 2-րդ մասի 2-րդ կետով նախատեսված հանցագործության հատկանիշներով հարուցվել է թիվ 14110112 քրեական գործը:
2012թ. ապրիլի 21-ին նախաքննական մարմնի որոշմամբ Արթուր Կամոյի Օհանյանը ներգրավվել է որպես մեղադրյալ ՀՀ քրեական օրենսգրքի 268 հոդվածի 2-րդ մասի 2-րդ կետով, նրա նկատմամբ որպես խափանման միջոց կիրառվել է կալանավորումը:
2012թ. հուլիսի 17-ին նախաքննական մարմնի որոշմամբ Արթուր Կամոյի Օհանյանին առաջադրված մեղադրանքը լրացվել և նրան կրկին մեղադրանք է առաջադրվել ՀՀ քրեական օրենսգրքի 268 հոդվածի 2-րդ մասի 2-րդ կետով:
2012թ. հուլիսի 19-ին թիվ 14110112 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Արթուր Կամոյի Օհանյանին մեղադրանք է առաջադրել այն արարքի կատարման համար, որ նա առանց իրացնելու նպատակի 2011 թվականի ամռանը Արարատի մարզի Արտաշատ քաղաք տանող ճանապարհի ամայի հատվածից իր օգտագործման համար հավաքել, չորացնելու և մանրացնելու եղանակով պատրաստել ու ապօրինի իր մոտ է պահել խոշոր չափ հանդիսացող 7,1 գրամ հաստատուն քաշով չորացված մարիխուանա տեսակի թմրամիջոց, որը 2012 թվականի ապրիլի 19-ին ոստիկանության Արաբկիրի բաժնի աշխատակիցների կողմից խուզարկությամբ հայտնաբերվել է նրա հագուստի գրպանից:
3. Արագացված դատական քննություն.
Մինչև դատաքննությունն սկսելն ամբաստանյալ Արթուր Կամոյի Օհանյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Հրանտ Անանյանը:
Մեղադրող Լիլիթ Մանուկյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արթուր Կամոյի Օհանյանին առաջադրված մեղադրանքը ՀՀ քրեական օրենսգրքի 268 հոդվածի 2-րդ մասի 2-րդ կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 268 հոդվածի 2-րդ մասի 2-րդ կետի հատկանիշներին և արարքի որակումը ճիշտ է:
Ամբաստանյալ Արթուր Օհանյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, բնութագրվում է դրական, նոր է ամուսնացել և ընտանիք կազմել:
Որպես ամբաստանյալի պատասխանատվությունը և պատիժը ծանրացնող հանգամանք դատարանը դիտում է հանցանքը կատարելու ռեցիդիվը, նկատի ունենալով, որ ամբաստանյալ Օհանյանը դիտավորյալ հանցագործություն կատարելու համար դատվածություն ունենալով կրկին դիտավորությամբ հանցանք է կատարել:
Կատարած արարքների համար ամբաստանյալ Արթուր Կամոյի Օհանյանը ենթակա է քրեական պատասխանատվության և պատժի:
Հաշվի առնելով Արթուր Օհանյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 268 հոդվածի 2-րդ մասի սանկցիայով նախատեսված է պատիժ միայն ազատազրկման ձևով, դատարանը գտնում է, որ պատժի նպատակներին հասնելու համար ամբաստանյալ Արթուր Կամոյի Օհանյանի նկատմամբ ՀՀ քրեական օրենսգրքի 268 հոդվածի 2-րդ մասի 2-րդ կետով նախատեսված հանցանք կատարելու համար պատիժ պետք է նշանակել ազատազրկման ձևով, որը նա պետք է կրի, իսկ նրա նկատմամբ կիրառված խափանման միջոցը պետք է թողնել անփոփոխ, մինչև դատավճռի օրինական ուժի մեջ մտնելը:
Դատարանն ամբաստանյալի նկատմամբ նշանակվող պատժաչափի հարցը քննարկելիս ղեկավարվել է ՀՀ քրեական օրենսգրքի 671 հոդվածի 2-րդ մասով:
Հաշվի առնելով, որ դատանարկոլոգիական-ամբուլատոր փորձաքննության թիվ 114-12 եզրակացության համաձայն Արթուր Կամոյի Օհանյանի մոտ թմրանյութերի գործածումը կրում է էպիզոդիկ բնույթ, ուստի հարկադիր բուժման կարիք չունի, դատարանը գտնում է, որ Արթուր Օհանյանի նկատմամբ թմրամոլության դեմ չպետք է նշանակել բժշկական բնույթի հարկադրանքի միջոց:
Անդրադառնալով իրեղեն ապացույցների տնօրինման հարցին, դատարանը գտնում է, որ դատավճիռն օրինական ուժի մեջ մտնելուց հետո, 2012թ.-ի հուլիսի 2-ի որոշմամբ իրեղեն ապացույց ճանաչված և քրեական գործին կցված, Արթուր Օհանյանի տաբատի գրպանից անձնական խուզարկությամբ հայտնաբերված 7,1 գրամ հաստատուն քաշով մարիխուանա տեսակի թմրանյութը, կնիքված փորձագետի թիվ 18 կնիքով, պետք է ոչնչացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց
Արթուր Կամոյի Օհանյանին մեղավոր ճանաչել ՀՀ քրեական օրենսգրքի 268 հոդվածի 2-րդ մասի 2-րդ կետով նախատեսված հանցանք կատարելու մեջ և նրան դատապարտել ազատազրկման մեկ (1) տարի վեց (6) ամիս ժամկետով:
Պատժի սկիզբը հաշվել 2012 թվականի ապրիլի 19-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Արթուր Կամոյի Օհանյանի նկատմամբ որպես խափանման միջոց ընտրված կալանավորումը թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո իրեղեն ապացույց հանդիսացող, Արթուր Կամոյի Օհանյանի անձնական խուզարկությամբ հայտնաբերված 7,1 գրամ հաստատուն քաշով մարիխուանա տեսակի թմրանյութը, կնիքված փորձագետի թիվ 18 կնիքով, ոչնչացնել:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:


Դատավոր` ստորագրություն
Բնագրի հետ ճիշտ է
Դատավոր Լ. Ավետիսյան