ԵԱՔԴ/0088/01/12

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր` Լ. Ավետիսյան
քարտուղարությամբ` Ն. Ղազարյանի, Գ.Պետրոսյանի
մասնակցությամբ
մեղադրող` Գ. Գասպարյանի
պաշտպան` Է. Արամյանի


2012 թվականի հոկտեմբերի 23-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Աշոտ Բորիսի Բարսեղյանի, ծնված 1993 թվականի հունվարի 12-ին, Մարտունի քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, ԼՂՀ ՊԲ 34153 զորամասի ժամկետային զինծառայող, կոչումով շարքային, հաշվառված և բնակվել է Գեղարքունիքի մարզ, ք.Մարտունի, Վ.Մամիկոնյան փողոց 15 տուն հասցեում, մեղադրվում է ՀՀ քրեական օրենսգրքի 363 հոդվածի 1-ին մասով (ութ դրվագ), ՀՀ քրեական օրենսգրքի 333 հոդվածի 1-ին մասով, ՀՀ քրեական օրենսգրքի 361 հոդվածի 1-ին մասով, որպես խափանման միջոց է ընտրվել հրամանատարության հսկողությանը հանձնելը,

Պ Ա Ր Զ Ե Ց

1.Գործի դատավարական նախապատմությունը.
2011թ. սեպտեմբերի 29-ին թիվ 1 կայազորի զինդատախազությունում ՀՀ քրեական օրենսգրքի 375 հոդվածի 1-ին մասով նախատեսված հանցագործության հատկանիշներով հարուցվել է թիվ 91006911 քրեական գործը:
2011թ. դեկտեմբերի 23-ին ՀՀ Պն քննչական ծառայության 4-րդ կայազորային քննչական բաժնում ՀՀ քրեական օրենսգրքի 363 հոդվածի 1-ին մասով նախատեսված հանցագործության հատկանիշներով հարուցվել է թիվ 90286411 քրեական գործը:
2012թ. փետրվարի 16-ին թիվ 91006911 քրեական գործն ըստ ենթակայության ուղարկվել է ՀՀ ՊՆ ՔԾ 4-րդ կայազորային քննչական բաժին:
2012թ. փետրվարի 17-ին ՀՀ Պն քննչական ծառայության 4-րդ կայազորային քննչական բաժնի քննիչի որոշմամբ թիվ 90286411 և թիվ 91006911 քրեական գործերը միացվել են, նախաքնությունը շարունակվել է թիվ 90286411 համարով:
2012թ. մարտի 19-ին նախաքննության մարմնի որոշմամբ Աշոտ Բորիսի Բարսեղյանը ներգրավվել է որպես մեղադրյալ ՀՀ քրեական օրենսգրքի 363 հոդվածի 1-ին մասով /չորս դրվագ/ և ՀՀ քրեական օրենսգրքի 361 հոդվածի 1-ին մասով, նրա նկատմամբ որպես խափանման միջոց է ընտրվել զորամասի հրամանատարության հսկողությանը հանձնելը:
2012թ. մարտի 23-ին Երևանի կայազորի զինվորական դատախազության դատախազ Գ.Գասպարյանի որոշմամբ թիվ 90286411 քրեական գործը լրացուցիչ քննություն կատարելու համար վերադարձվել է քննիչին:
2012թ. ապրիլի 19-ին նախաքննության մարմնի որոշմամբ թիվ 90286411 քրեական գործով Աշոտ Բորիսի Բարսեղյանին առաջադրված մեղադրանքի մասը վերացվել և նրա նկատմամբ ՀՀ քրեական օրենսգրքի 361 հոդվածի 1-ին մասով քրեական հետապնդումը դադարեցվել է:
2012թ. ապրիլի 20-ին նախաքննության մարմնի որոշմամբ Աշոտ Բորիսի Բարսեղյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 363 հոդվածի 1-ին մասով, ՀՀ քրեական օրենսգրքի 363 հոդվածի 1-ին մասով, ՀՀ քրեական օրենսգրքի 363 հոդվածի 1-ին մասով, ՀՀ քրեական օրենսգրքի 363 հոդվածի 1-ին մասով, ՀՀ քրեական օրենսգրքի 363 հոդվածի 1-ին մասով, ՀՀ քրեական օրենսգրքի 363 հոդվածի 1-ին մասով և ՀՀ քրեական օրենսգրքի 333 հոդվածի 1-ին մասով:
2012թ. ապրիլի 28-ին թիվ 90286411 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան: Դատավոր Ա.Խաչատրյանի կողմից քրեական գործն ընդունվել է վարույթ:
2012թ. մայիսի 14-ին ՀՀ Պն քննչական ծառայության 4-րդ կայազորային քննչական բաժնում ՀՀ քրեական օրենսգրքի 363 հոդվածի 1-ին մասով նախատեսված հանցագործության հատկանիշներով հարուցվել է թիվ 90262812 քրեական գործը:
2012թ. հունիսի 27-ին նախաքննության մարմնի որոշմամբ Աշոտ Բորիսի Բարսեղյանը ներգրավվել է որպես մեղադրյալ ՀՀ քրեական օրենսգրքի 363 հոդվածի 1-ին մասով, ՀՀ քրեական օրենսգրքի 363 հոդվածի 1-ին մասով և ՀՀ քրեական օրենսգրքի 361 հոդվածի 1-ին մասով, նրա նկատմամբ որպես խափանման միջոց է ընտրվել զորամասի հրամանատարության հսկողությանը հանձնելը:
2012թ. հուլիսի 17-ին թիվ 90262812 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2012թ. օգոստոսի 8-ին դատավոր Լ.Ավետիսյանի որոշմամբ դատարանի վարույթում գտնվող Աշոտ Բորիսի Բարսեղյանի վերաբերյալ թիվ ԵԱՔԴ/0088/01/12 և թիվ ԵԱՔԴ/0055/01/12 քրեական գործերը միացվել են մեկ վարույթում, գործի քննությունը շարունակվել է թիվ ԵԱՔԴ/0088/01/12 համարով:
2.Գործի փաստական հանգամանքները.
Նախնական քննության մարմինն ամբաստանյալ Աշոտ Բորիսի Բարսեղյանին մեղադրանք է առաջադրել ՀՀ քրեական օրենսգրքի 363 հոդվածի 1-ին մասով /ութ դրվագ/, ՀՀ քրեական օրենսգրքի 333 հոդվածի 1-ին մասով, ՀՀ քրեական օրենսգրքի 361 հոդվածի 1-ին մասով նախատեսված այն արարքների կատարման համար, որ նա հանդիսանալով ԼՂՀ ՊԲ թիվ 34153 զորամասի ժամկետային զինծառայող, կոչումով շարքային, զինվորական ծառայության պարտականությունները կատարելուց ժամանակավորապես խուսափելու նպատակով, 19.09.2011թ. գտնվելով կարգապահական մեկուսարանում, ապակու կտորով իր ձախ նախաբազկի շրջանում կտրվածքներ հասցնելով կատարել է անդամախեղում:
Այնուհետև, Ա. Բարսեղյանը Ստեփանակերտի զինհոսպիտալում բուժում ստանալու ընթացքում` 12.10.2011թ., ժամը 2115-ի սահմաններում, զինվորական ծառայության պարտականությունները կատարելուց ժամանակավորապես խուսափելու նպատակով, իր մոտ եղած ածելիով ձախ նախաբազկի շրջանում կտրվածքներ հասցնելով կատարել է անդամախեղում:
Դրանից հետո, Ա.Բարսեղյանը գտնվելով ՀՀ ՊՆ ՌՈ ընդունիչ-բաշխիչում, 11.12.2011թ. ժամը 1300-ի սահմաններում, զինվորական ծառայության պարտականությունները կատարելուց ժամանակավորապես խուսափելու նպատակով, մեխ կուլ տալու միջոցով, կատարել է անդամախեղում և նույն օրը տեղափոխվել ՀՀ ՊՆ Կենտրոնական կլինիկական զինվորական հոսպիտալ:
28.12.2011թ. Ա.Բարսեղյանը ՀՀ ՊՆ ԿԿԶՀ-ից ՀՀ ՊՆ Երևանի կայազորի զինվորական հոսպիտալ տեղափոխվելիս` ավտոմեքենայի մեջ, դարձյալ զինվորական ծառայության պարտականությունները կատարելուց ժամանակավորապես խուսափելու նպատակով, իր մոտ եղած ասեղը կուլ տալու միջոցով կատարել է անդամախեղում:
Ա.Բարսեղյանը 30.03.2012թ. ժամը 1430-ի սահմաններում, զինվորական ծառայության պարտականությունները կատարելուց ժամանակավորապես խուսափելու նպատակով, ՀՀ ՊՆ ընդունիչ-բաշխիչի ճաշարանում բոլորից գաղտնի կոտրել է իրեն հատկացված գդալի պոչը և այն մաս-մաս կուլ տալու միջոցով կատարել է անդամախեղում:
Դրանից հետո, Ա.Բարսեղյանը զինվորական ծառայության պարտականությունները կատարելուց ժամանակավորապես խուսափելու նպատակով, 12.04.2012թ. ժամը 1300-ի սահմաններում, ՀՀ ՊՆ ԵԿԶՀ-ի ընդունարանում մետաղի կտոր կուլ տալու միջոցով կատարել է անդամախեղում և տեղափոխվել հոգեբուժական բաժանմունք:
Դրանից բացի, Ա.Բարսեղյանը 23.12.2011թ. հանցագործության մասին սուտ մատնություն է կատարել, հայտնելով որ 2010թ. օգոստոս ամսին իրեն հայհոյել և ծեծի է ենթարկել ԼՂՀ ՊԲ 34153 զորամասի 6-րդ գումարտակի հրամանատարի ԱՀՏԱ գծով տեղակալ Կարեն Բաբայանը:
Աշոտ Բարսեղյանը հանդիսանալով ԼՂՀ ՊԲ թիվ 34153 զորամասի ժամկետային զինծառայող, կոչումով շարքային, 28.04.2012թ. գտնվելով ՀՀ ՊՆ ՌՈ ընդունիչ-բաշխիչում, զինվորական ծառայության պարտականությունները կատարելուց ժամանակավորապես խուսափելու նպատակով, աղամանի կափարիչի մասը կուլ տալու միջոցով կատարել է անդամախեղում և տեղափոխվել ՀՀ ՊՆ ԵԿԶՀ:
Դրանից հետո, Ա. Բարսեղյանը 28.05.2012թ. ժամը 2300-ի սահմաններում, ՀՀ ՊՆ ՌՈ ընդունիչ-բաշխիչի զորանոցում, զինվորական ծառայության պարտականությունները կատարելուց ժամանակավորապես խուսափելու նպատակով, մետաղի կտոր կուլ տալու միջոցով կատարել է անդամախեղում և տեղափոխվել ՀՀ ՊՆ ԿԿԶՀ:
Այնուհետև, Ա.Բարսեղյանը զինվորական ծառայությունից ժամանակավորապես խուսափելու նպատակով, երեք օրից ավելի, բայց մեկ ամսից ոչ ավելի տևողությամբ` 31.05.2012թ. ժամը 1615-ի սահմաններում, ինքնակամ թողել է ՀՀ ՊՆ ԿԿԶՀ-ի տարածքը, իսկ 07.06.2012թ. ժամը 1700-ին ինքնակամ ներկայացել է ՀՀ ՊՆ Մարտունու ՌՈ բաժին:
3. Արագացված դատական քննություն.
Մինչև դատաքննությունն սկսելն ամբաստանյալ Աշոտ Բորիսի Բարսեղյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Էդգար Արամյանը:
Մեղադրող Գ.Գասպարյանը դատական քննության արագացված կարգ կիրառելուն չառարկեց:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Աշոտ Բորիսի Բարսեղյանին առաջադրված մեղադրանքը ՀՀ քրեական օրենսգրքի 363 հոդվածի 1-ին մասով, ՀՀ քրեական օրենսգրքի 333 հոդվածի 1-ին մասով, ՀՀ քրեական օրենսգրքի 361 հոդվածի 1-ին մասով, հիմնավորված է: Նրա կողմից կատարված արարքները համապատասխանում են ՀՀ քրեական օրենսգրքի 363 հոդվածի 1-ին մասի, ՀՀ քրեական օրենսգրքի 333 հոդվածի 1-ին մասի, ՀՀ քրեական օրենսգրքի 361 հոդվածի 1-ին մասի հատկանիշներին և արարքների որակումը ճիշտ է:
Ամբաստանյալ Աշոտ Բարսեղյանի նկատմամբ պատիժ նշանակելիս, դատարանը հաշվի է առնում նրա կատարած արարքների հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, հանցանքն ընդունել և զղջում է կատարածի համար:
Դատարանը գտնում է, որ ամբաստանյալ Աշոտ Բարսեղյանի պատասխանատվությունն ու պատիժը ծանրացնող հանգամանք պետք է դիտել այն, որ զինվորական ծառայության կարգի դեմ ուղղված հանցանք կատարելով` Աշոտ Բարսեղյանը խախտել է զինվորական երդումը:
Կատարած արարքների համար ամբաստանյալ Աշոտ Բորիսի Բարսեղյանը ենթակա է քրեական պատասխանատվության և պատժի:
Հաշվի առնելով Աշոտ Բարսեղյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 333 հոդվածի 1-ին մասի սանկցիայով նախատեսված է պատիժ նաև ազատազրկման ձևով, իսկ ՀՀ քրեական օրենսգրքի 363 հոդվածի 1-ին մասի և ՀՀ քրեական օրենսգրքի 361 հոդվածի 1-ին մասի սանկցիաներով նախատեսված է պատիժ նաև կարգապահական գումարտակում պահելու ձևով, դատարանը գտնում է, որ պատժի նպատակներին հասնելու համար ամբաստանյալ Աշոտ Բորիսի Բարսեղյանի նկատմամբ ՀՀ քրեական օրենսգրքի 333 հոդվածի 1-ին մասով նախատեսված հանցանք կատարելու համար պատիժ պետք է նշանակել ազատազրկման ձևով, ՀՀ քրեական օրենսգրքի 363 հոդվածի 1-ին մասով և ՀՀ քրեական օրենսգրքի 361 հոդվածի 1-ին մասով նախատեսված հանցանքներ կատարելու համար պատիժ պետք է նշանակել կարգապահական գումարտակում պահելու ձևով, որը նա պետք է կրի, իսկ նրա նկատմամբ կիրառված խափանման միջոցը պետք է թողնել անփոփոխ, մինչև դատավճռի օրինական ուժի մեջ մտնելը:
ՀՀ քրեական օրենսգրքի 58 հոդվածի համաձայն, հանցանք կատարած ժամկետային ծառայության զինծառայողների նկատմամբ կարգապահական գումարտակում պահելը երեք ամսից երեք տարի ժամկետով կարող է նշանակվել ոչ մեծ և միջին ծանրության հանցանքների համար սույն օրենսգրքի Հատուկ մասով նախատեսված դեպքերում, ինչպես նաև այն դեպքերում, երբ դատարանը, հաշվի առնելով գործի հանգամանքները և դատապարտյալի անձնավորությունը, նպատակահարմար գտնի առավելագույնը երեք տարի ժամկետով ազատազրկման փոխարեն կիրառել կարգապահական գումարտակում պահելը՝ նույն ժամկետով: Կարգապահական գումարտակում պահելն ազատազրկման փոխարեն չի կարող նշանակվել նախկինում ազատազրկման ձևով պատիժ կրած անձանց նկատմամբ:
Դատարանը նպատակահարմար է գտնում Աշոտ Բարսեղյանի նկատմամբ ազատազրկման փոխարեն կիրառել կարգապահական գումարտակում պահելը:
Դատարանը գտնում է, որ դատավճիռն օրինական ուժի մեջ մտնելուց հետո ՀՀ ՊՆ քննչական ծառայության չորրորդ կայազորային քննչական բաժնի քննիչի 15.03.2012թ.-ի և 26.06.2012թ.-ի փաստաթղթերն ապացույց ճանաչելու մասին որոշումներով ապացույց ճանաչված և քրեական գործին կցված հրամանի քաղվածքները, տեղեկանքները, հեռախոսագրերը և զեկուցագրերը, ինչպես նաև Է.Մայիլյանի և Բ.Բարսեղյանի տված բացատրությունները պետք է պահել քրեական գործի հետ միասին:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց


Աշոտ Բորիսի Բարսեղյանին մեղավոր ճանաչել ՀՀ քրեական օրենսգրքի 333 հոդվածի 1-ին մասով, ՀՀ քրեական օրենսգրքի 363 հոդվածի 1-ին մասով` ութ (8) դրվագ, ՀՀ քրեական օրենսգրքի 361 հոդվածի 1-ին մասով, նախատեսված հանցանքներ կատարելու մեջ:
ՀՀ քրեական օրենսգրքի 333 հոդվածի 1-ին մասով Աշոտ Բորիսի Բարսեղյանին դատապարտել ազատազրկման վեց (6) ամիս ժամկետով:
Աշոտ Բորիսի Բարսեղյանին ՀՀ քրեական օրենսգրքի 363 հոդվածի 1-ին մասով (զինվորական ծառայության պարտականությունները կատարելուց ժամանակավորապես խուսափելու նպատակով` 19.09.2011թ. ապակու կտորով իր ձախ նախաբազկի շրջանում կտրվածքներ հասցնելով անդամախեղում կատարելու դրվագով) դատապարտել կարգապահական գումարտակում պահելուն երեք (3) ամիս ժամկետով:
Աշոտ Բորիսի Բարսեղյանին ՀՀ քրեական օրենսգրքի 363 հոդվածի 1-ին մասով (զինվորական ծառայության պարտականությունները կատարելուց ժամանակավորապես խուսափելու նպատակով` 12.10.2011թ. ածելիով ձախ նախաբազկի շրջանում կտրվածքներ հասցնելով անդամախեղում կատարելու դրվագով) դատապարտել կարգապահական գումարտակում պահելուն երեք (3) ամիս ժամկետով:
Աշոտ Բորիսի Բարսեղյանին ՀՀ քրեական օրենսգրքի 363 հոդվածի 1-ին մասով (զինվորական ծառայության պարտականությունները կատարելուց ժամանակավորապես խուսափելու նպատակով` 11.12.2011թ. մեխ կուլ տալու միջոցով անդամախեղում կատարելու դրվագով) դատապարտել կարգապահական գումարտակում պահելուն երեք (3) ամիս ժամկետով:
Աշոտ Բորիսի Բարսեղյանին ՀՀ քրեական օրենսգրքի 363 հոդվածի 1-ին մասով (զինվորական ծառայության պարտականությունները կատարելուց ժամանակավորապես խուսափելու նպատակով` 28.12.2011թ. ասեղ կուլ տալու միջոցով անդամախեղում կատարելու դրվագով) դատապարտել կարգապահական գումարտակում պահելուն երեք (3) ամիս ժամկետով:
Աշոտ Բորիսի Բարսեղյանին ՀՀ քրեական օրենսգրքի 363 հոդվածի 1-ին մասով (զինվորական ծառայության պարտականությունները կատարելուց ժամանակավորապես խուսափելու նպատակով` 30.03.2012թ. գդալի պոչը կոտրելու և այն մաս-մաս կուլ տալու միջոցով անդամախեղում կատարելու դրվագով) դատապարտել կարգապահական գումարտակում պահելուն երեք (3) ամիս ժամկետով:
Աշոտ Բորիսի Բարսեղյանին ՀՀ քրեական օրենսգրքի 363 հոդվածի 1-ին մասով (զինվորական ծառայության պարտականությունները կատարելուց ժամանակավորապես խուսափելու նպատակով` 12.04.2012թ. մետաղի կտոր կուլ տալու միջոցով անդամախեղում կատարելու դրվագով) դատապարտել կարգապահական գումարտակում պահելուն երեք (3) ամիս ժամկետով:
Աշոտ Բորիսի Բարսեղյանին ՀՀ քրեական օրենսգրքի 363 հոդվածի 1-ին մասով (զինվորական ծառայության պարտականությունները կատարելուց ժամանակավորապես խուսափելու նպատակով` 28.04.2012թ. աղամանի կափարիչի կտոր կուլ տալու միջոցով անդամախեղում կատարելու դրվագով) դատապարտել կարգապահական գումարտակում պահելուն երեք (3) ամիս ժամկետով:
Աշոտ Բորիսի Բարսեղյանին ՀՀ քրեական օրենսգրքի 363 հոդվածի 1-ին մասով (զինվորական ծառայության պարտականությունները կատարելուց ժամանակավորապես խուսափելու նպատակով` 28.05.2012թ. մետաղի կտոր կուլ տալու միջոցով անդամախեղում կատարելու դրվագով) դատապարտել կարգապահական գումարտակում պահելուն երեք (3) ամիս ժամկետով:
ՀՀ քրեական օրենսգրքի 361 հոդվածի 1-ին մասով Աշոտ Բորիսի Բարսեղյանին դատապարտել կարգապահական գումարտակում պահելուն երեք (3) ամիս ժամկետով:
ՀՀ քրեական օրենսգրքի 66 և 68 հոդվածների հիման վրա, հանցանքների համակցությամբ պատիժները մասնակիորեն գումարելու միջոցով Աշոտ Բորիսի Բարսեղյանի նկատմամբ վերջնական պատիժ նշանակել ազատազրկում` մեկ (1) տարի վեց (6) ամիս ժամկետով:
ՀՀ քրեական օրենսգրքի 58 հոդվածի հիման վրա Աշոտ Բորիսի Բարսեղյանի նկատմամբ նշանակված ազատազրկման փոխարեն կիրառել կարգապահական գումարտակում պահելը՝ մեկ (1) տարի վեց (6) ամիս ժամկետով:

Պատժի սկիզբը հաշվել Աշոտ Բարսեղյանին արգելանքի վերցնելու օրվանից:
Պատիժը պետք է կրի ՀՀ ՊՆ կարգապահական գումարտակում:
Աշոտ Բորիսի Բարսեղյանի նկատմամբ որպես խափանման միջոց ընտրված հրամանատարության հսկողությանը հանձնելը թողնել անփոփոխ, մինչև դատավճռի օրինական ուժի մեջ մտնելը:
Ապացույց ճանաչված և քրեական գործին կցված հրամանի քաղվածքները, տեղեկանքները, հեռախոսագրերը և զեկուցագրերը, ինչպես նաև Է.Մայիլյանի և Բ.Բարսեղյանի տված բացատրությունները պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:


Դատավոր` ստորագրություն
Բնագրի հետ ճիշտ է
Դատավոր Լ. Ավետիսյան