Գործ ԵԱՔԴ/0085/01/12









Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն


18 սեպտեմբերի 2012թ. ք.Երևան


Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


Նախագահությամբ` դատավոր Մ.Խաչատրյանի
Քարտուղարությամբ` Հ.Արտաշեսյանի
Մասնակցությամբ`
Մեղադրողներ Խ.Բաղդասարյանի
Ռ.Խաչատրյանի
Տուժող Գ.Մարդանյանի
Տուժողի ներկայացուցիչ Ա.Հակոբյանի
Պաշտպան Հ.Անանյանի


Դռնբաց դատական նիստում քննության առավ քրեական գործն ըստ մեղադրանքի`
Գագիկ Էլբրուսի Բոզինյանի` ծնված 25.08.1985թ. ազգությամբ հայ, Հայաստանի Հանրապետության քաղաքացի, միջնակարգ կրթությամբ, չամուսնացած, նախկինում չդատապարտված, խնամքին հաշմանդամ ծնող, բնակվում է Տավուշի մարզ գյուղ Պառավաքար:

Մեղադրվում է ՀՀ քրեական օրենսգրքի 131-րդ հոդվածի 1-ին մասով նախատեսված հանցագործության կատարման համար:
Սույն գործով կալանքի տակ է 2012 թվականի մարտի 10-ից:

Դատաքննությամբ դատարանը ապացուցված համարեց հետևյալը.

2012թ. մարտի 7-ին Սուրեն Բոզինյանը իր ընկեր համագյուղացի` Արթուր Զուրաբյանի հետ, գտնվել են Երևան քաղաքի Ամիրյան փողոցի վրա գտնվող սրճարաններից մեկում: Ժամը 11:30-ի սահմաններում իրենց է միացել Սուրեն Բոզինյանի եղբայրը` ամբաստանյալ Գագիկ Բոզինյանը: Ժամը 12-ի սահմաններում Գ. Բոզինյանի խնդրանքով` Ս. Բոզինյանը, Ա. Զուրաբյանի հետ միասին, գնացել են Երևան քաղաքի Կոմիտասի 57 շենքի մոտ, որպեսզի Գ.Բոզինյանը հանդիպի տուժող Գ.Մարդանյանին: Ս. Բոզինյանը մեքենան կայանել է շենքի շրջակայքում և Ա. Զուրաբյանի հետ միասին մնացել ավտոմեքենայում ու երաշտություն լսել, իսկ Գ. Բոզինյանը իջել է մեքենայից և սպասել Գ. Մարդանյանին: Մի քանի րոպե անց Գ. Մարդանյանը մոտեցել է Կոմիտասի 57 շենքին,այդ պահին նրան ընդառաջ է եկել Գ. Բոզինյանը և ամուսնության առաջարկություն արել: Գ.Մարդանյանը հրաժարվել է, սակայն Գ. Բոզինյանը, վերջինիս թևերից քաշելով, կամքին հակառակ, բացահայտ, տարել և նստեցրել է մեքենան, որի ընթացքում Գ. Մարդանյանը փորձել է ձերբազատվել Գ.Բոզինյանից, ինչը նրան չի հաջողվել: Մեքենայի մեջ նստեցնելուց հետո Գ. Բոզինյանը խնդրել է ղեկին նստած իր եղբորը` Ս. Բոզինյանին, մեքենան վարել դեպի Կոտայքի մարզի Պտղնի գյուղ:
Այս արարքի համար նախաքննության մարմինը Գագիկ Բոզինյանին մեղադրանք է առաջադրել ՀՀ քրեական օրենսգրքի 131-րդ հոդվածի 1-ին մասով , այն է, որ նա բռնությամբ առևանգել է տուժող Գ.Մարդանյանին:
Առաջադրված մեղադրանքում մեղադրյալ Գագիկ Էլբրուսի Բոզինյանը նախաքննության փուլում իրեն մեղավոր չի ճանաչել և ցուցմունք է տվել, որ 2012թ. մարտի 7-ին ժամը 11:30-ի սահմաններում ինքը, եղբոր` Սուրեն Էլբրուսի Բոզինյանի և Արթուր Սուրենի Զոհրաբյանի հետ, գտնվել է Երևան քաղաքի Ամիրյան փողոցի վրա գտնվող սրճարաններից մեկում, որտեղ ցանկություն է հայտնել տեսնել իր հավանած աղջկան` Գայանե Մուշեղի Մարդանյանին: Իր խնդրանքով Ս. Բոզինյանի և Ա. Զոհրաբյանի հետ միասին գնացել են Երևան քաղաքի Կոմիտասի 57 շենքի մոտ, որպեսզի ինքը հանդիպի Գ.Մարդանյանին: Ս. Բոզինյանը մեքենան կայանել է շենքի շրջակայքում և Ա. Զոհրաբյանի հետ միասին մնացել են ավտոմեքենայում ու երաշտություն լսել, իսկ ինքը իջել է մեքենայից և սպասել Գ. Մարդանյանին: Մի քանի րոպե անց Գ. Մարդանյանը մոտեցել է Կոմիտասի 57 շենքին,այդ պահին նրան ընդառաջ է եկել Գ. Բոզինյանը և ամուսնության առաջարկություն արել: Գ.Մարդանյանը հրաժարվել է, սակայն Գ. Բոզինյանը, վերջինիս թևերից քաշելով, կամքին հակառակ, բացահայտ, տարել և նստեցրել է մեքենան, որի ընթացքում Գ. Մարդանյանը փորձել է ձերբազատվել Գ.Բոզինյանից, ինչը նրան չի հաջողվել: Մեքենայի մեջ նստեցնելուց հետո Գ. Բոզինյանը խնդրել է ղեկին նստած իր եղբորը` Ս. Բոզինյանին, մեքենան վարել դեպի Կոտայքի մարզի Պտղնի գյուղ: /գ.թ. 23-27,35-37, 179-183, 184-188, 189-191, 192-194, 195-197/:
Դատաքննության ժամանակ ամբաստանյալ Գ.Բոզինյանը հայտարարեց, որ ընդունում է մեղքը, առևանգել է Գայանեին և հրաժարվեց ըստ էության ցուցմունք տալուց:
Ամբաստանյալին առաջադրված մեղադրանքը հիմնավորվեց նաև դատաքննությամբ հետազոտված հետևյալ ապացույցներով:
Տուժող Գայանե Մուշեղի Մարդանյանի նախաքննական ցուցմունքներով, այն մասին, որ 2012թ-ի մարտի 7-ին ժամը 12:30-ի սահմաններում ինքը գտնվել է Երևան քաղաքի Կոմիտաս 57 շենքի բակում, որտեղ կամարամուտքի տակով անցնելու ժամանակ իր կողմ է շարժվել մեքենա, որից դուրս է եկել Գ. Բոզինյանը և քաշելով իր ձեռքերից` եղբոր ` Ս. Բոզինյանի օգնությամբ, ով մեքենայի առջևի ձախ նստատեղից, մեքենայի սրահից նույնպես քաշել է իր ձեռքերից, նստեցրել են մեքենան, որի ընթացքում ինքը գոռացել է, կանչել է օգնության: Դրանից հետո իրեն տեղափոխել են Կոտայքի մարզի Պտղնի գյուղ: Այնտեղ իրենց են միացել Գ. Բոզինյանի հորաքույրը` Ֆլորա Խառատյանը, Ս. Բոզինյանիկինը` Ալինա Զաքարյանը և Ալիկ Բոզինյանը:Նրանք բոլորը համոզել են իրեն մնալ և ամուսնանալ Գ. Բոզինյանի հետ, սակայն ինքը չի համաձայնվել: /գ.թ. 91-93, 179-183/:
Դատարանում տուժողը հաստատեց իր նախաքննական ցուցմունքները:
Գործով վկա Ալիկ Էլբրուսի Բոզինյանի նախաքննական ցուցմունքերով, որ 2012թ. մարտի 7-ին ժամը 14:00-ի սահմաններում իրեն է զանգահարել եղբայրը` Գ.Բոզինյանը և ասել, որ ինքը Գ. Մարդանյանի հետ միասին փախել են և գտնվում են Կոտայքի մարզի Պտղնի գյուղում, իր քավոր Արտյոմի ամառանոցի մոտ` խնդրելով բերել տան բանալիները: Դրանից հետո ինքը միանգամից գնացել է նշված ամառանոցը, որտեղ մոտենալով մեքենային տեսել է, որ մեքենայի մեջ նստած են Գագիկը և Գայանեն: Ողջունել է նրանց բացել ամառանոցի դուռը և միասին մտել են տուն, բարձրացել երկրորդ հարկ և տեղավորվել սենյակում, որտեղ միացվել է ջեռուցում: Մոտ կես ժամ մնալուց հետո` ինքը վերադարձել է աշխատանքի: Նույն օրը ժամը 21:00-ի սահմաններում, ինքը առևետուր է արել և վերադարձել ամառանոց, որտեղ արդեն նրանց էին միացել իր հորաքույրը` Ֆլորա Խառատյանը, եղբոր կինը` Ալինա Զաքարյանը: Միասին մնացել են մինչև ժամը 11:30-ն ընկած ժամանակահատվածը, որից հետո դուրս են եկել և վերադարձել տուն: /գ.թ. 102-104, 184-188/:
Գործով վկա հարցաքննված Ա. Զաքարյանի նախաքննական ցուցմունքներով, որ 07.03.2012թ. ամուսնու եղբայր` Ալիկ Բոզինյանից, տեղեկացել է, որ Գ. Բոզինյանը և Գ. Մարդանյանը ամուսնության նպատակով փախել են և գտնվում են Պտղնի գյուղում: Գալով Պտղնի գյուղում գտնվող ամառանոց` Ա. Զաքարյանը ծանոթացել է Գ.Մարդանյանի հետ, ողջունել է նրանց միասնությունը: /գ.թ. 99-101, 189-191/:
Դատարանում վկան հաստատեց նախաքննական ցուցմունքը:
Գործով վկա Ֆլորա Սուրենի Խառատյանի նախաքննական ցուցմունքներով, այն մասին, որ 2012թ. մարտի 7-ին ժամը 14:00-ի սահմաններում, իրեն է զագահարել Ս.Բոզինյանը և ասել, որ Գ. Բոզինյանը և Գ.Մարդանյանը միասին փախել են և խնդրել է գալ միանալ իրենց: Ինքը միանգամից շտապել է Կոտայքի մարզի Պտղնի գյուղ: Հասնելով ամառանոց` բարձրացել է երկրորդ հարկ, որտեղ սենյակներից մեկում տեղավորված են եղել Գ. Բոզինյանը, Գ. Մարդանյանը: Որպես ընտանիքի անդամ ողջունել է նրանց, շնորհավորել: /գ.թ 106-108, 195-197/:
Դատաքննության ժամանակ վկան պնդեց նախաքննական ցուցմունքը:
Վկա Ս.Բոզինյանի նախաքննական ցուցմունքներով այն մասին, որ 2012թ. մարտի 7-ին առավոտյան իրեն է զանգահարել համագյուղացի Արթուր Զոհրաբյանը և առաջարկել հանդիպել: Միասին նստել են Երևան քաղաքի Ամիրյան փողոցում գտնվող սրճարաններից մեկում: Ժամը 11:30-ի սահմաններում իրեն է զանգահարել եղբայրը` Գ. Բոզինյանը և տեղեկանալով, որ ինքը Ա. Զաքարյանի հետ միասին գտնվում է սրճարանում, ցանկություն է հայտնել միանալ նրանց: Իրենց միանալուց հետո, որոշ ժամանակ անց, Գ. Բոզինյանը խնդրել է իրեն տաել Կոմիտասի պողոտա` Գ. Մարդանյանին տեսակցելու համար: Ս. Բոզինյնաը, Ա. Զաքարյանի և Գ. Բոզինյանի հետ միասն գնացել են Երևան քաղաքի Կոմիտասի 57 շենքի մոտ, որտեղ ինքը մեքենան կայանել է շենքի շրջակայքում և Ա. Զուրաբյանի հետ միասին մնացել ավտոմեքենայում ու երաշտություն լսել, իսկ Գ. Բոզինյանը իջել է մեքենայից և սպասել Գ. Մարդանյանին: Մի քանի րոպե անց Գ. Բոզինյանը Գ. Մարդանյանի հետ միասին նստել են մեքենան և Գ. Բոզինյանի խնդրանքով ինքը վարել է մեքենան Կոտայքի մարզի Պտղնի Գյուղ: /գ.թ.146-148, 192-194/:
Գործով վկա Ա. Զոհրաբյանի նախաքննական ցուցմունքներով, այն մասին, որ 2012թ. մարտի 7-ին առավոտյան զանգահարել է Ս.Բոզինյանին և որոշել են հանդիպել: Հանդիպել են Երևան քաղաքի Ամիրյան փողոցի սրճարաներից մեկում: Որոշ ժամանակ անց Ս. Բոզինյանին զանգահարել է եղբայրը` Գ. Բոզինյանը և ցանկություն հայտնել միանալ իրենց: Մոտ 15-20 րոպե անց իրենց է միացել Գ. Բոզինյանը: Դրանից հետո Գ. Բոզինյանի խնդրանքով իրենք միասին գնացել են Երևան քաղաքի Կոմիտասի պողոտա Տիգրանյան խաչմերուկի բանկի մոտ թեքվել են բակի կողմ, որտեղ Ս. Բոզինյանը կայանել է մեքենան: Ինքը Ս. Բոզինյանի հետ մնացել է մեքենայի մեջ, իսկ Գ. Բոզինյանը իջել է մեքենայից: Մի քանի րոպե անց Գ. Բոզինյանը Գ. Մարդանյանի հետ միասին շփոթված նստել են մեքենան և Գ. Բոզինյանի խնդրանքով Ս. Բոզինյանը մեքենան վարել է Կոտայքի մարզի Պտըղնի գյուղ: /գ.թ.110-111/:
Գործով վկա Գ.Նիկողոսյանի նախաքննական ցուցմունքներով, այն մասին, որ 2012թ. մարտի 7-ին ինքը գտնվել է աշխատավայրում` ՙ Ֆիգարո ՚ խանութում, որը գտնվում է Երևան քաղաքի Տիգրանյան 55 հասցեում: Ստույգ ժամը չի հիշում, սրահ է այցելել հաճախորդ, ով խոսակցության ընթացքում ասել է, որ խանութի դիմացի կամարամուտքի մոտից աղջիկ են առևանգել: / գ.թ. 114-115/:
Գործով վկա Հ.Գուրաբյանի նախաքննական ցուցմունքերով,այն մասին, որ 2012թ. մարտի 7-ին եղել է աշխատավայրում ՙ ՀԷ Բանկի ՚ Արաբկիր մասնաճյուղում: Ժամը 13:00-ի սահմաններում, հաճախորդ ճանապարհելու ընթացքում, լսել է գոռոցի ձայներ, դուրս է եկել բանկից և տեսել, որ Կոմիտասի 57 շենքի կամարամուտքի տակից արագ ընթացքով մեքենա է դուրս եկել և ընթացել Տիգրանյան փողոցով դեպի վեր: /գ.թ. 35-37/:
Դատարանում վկան հաստատեց նախաքննական ցուցմունքը` նշելով, որ լսել է կանացի սուր ճիչ և մեքենան շատ արագ հեռացավ:
Տուժող Գ. Մարդանյանի և կասկածյալ Գ. Բոզինյանի առերես հարցաքննությամբ, որի ընթացքում Գ. Մարդանյանը պնդել է իր ցուցմունքերը, իսկ Գ. Բոզինյանը ընդունել է Գ. Մարդանյանին առևանգելու հանգամանքը: /գ.թ171-183,184-188, 189-191, 192-194, 195-197/:
Տուժող Գ. Մարդանյանի և Ա. Բոզինյանի, Ա.Զաքարյանի, Ֆ.Խառատյանի, Ա.Զոհրաբյանի, Ս. Բոզինյանի առերես հարցաքննություններով, որի ընթացքում տուժողը պնդել է իր ցուցմունքները: /գ.թ116-117/:
Գործով վկա Տ.Ծատուրյանի ցուցմունքներով, այն մասին, որ 07.03.2012թ. գտնվել է աշխատավայրում Կոմիտասի 57 հասցեում: Ժամը 13:00-ի սահմաններում լսել է գոռոցներ և դուրս գալով բանկից տեսել է, որ շենքի կամարամուտքի տակից մուգ գույնի մեքենա է դուրս եկել և արագ ընթացքով շարժվել Տիգրանյան փողոցով դեպի վերև: Հետագայում անցորդներից տեղեկացել է, որ նշված կամարամուտքի մոտից աղջիկ են առևանգել:
Վերոգրյալների հիման վրա դատարանը գտնում է, որ Գագիկ Էլբրուսի Բոզինյանին ՀՀ քրեական օրենսգրքի 131-րդ հոդվածի 1-ին մասով առաջադրված նեղադրանքը դատաքննությամբ հիմնավորվեց:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև պատասխանատվությունն ու պատիժը մեղմացնող և ծանրացնող հանգամանքները, ամբաստանյալի անձը բնութագրող տվյալները, մասնավորապես, որ նա նախկինում դատված չի եղել:
Պատասխանատվությունն ու պատիժը մեղմացնող հանգամանք է դիտվում այն, որ ամբաստանյալն ընդունում է առաջադրված մեղադրանքը: Բնութագրվում է դրականորեն, խնամքին է գտնվում 2-րդ կարգի հաքշմանդամ հայրը:
Տուժող Գայանե Մարդանյանը խնդրեց մեղմ պատիժ սահմանել:
Պատասխանատվությունն ու պատիժը ծանրացնող հանգամանք դատարանը չի արձանագրում:
Դատարանը գտնում է, որ նշանակված պատիժը ամբաստանյալը պետք է կրի:
Ղեկավարվելով ՀՀ քրեական դատավարության օրենսգրքի 357-360-րդ, 364-րդ, 365-րդ, 369- 373-րդ, հոդվածներով դատարանը

Վ Ճ Ռ Ե Ց


Գագիկ Էլբրուսի Բոզինյանին մեղավոր ճանաչել ՀՀ քրեական օրենսգրքի 131-րդ հոդվածի 1-ին մասով նախատեսված արարքի կատարման համար և դատապարտել ազատազրկման 2 /երկու/ տարի 6 /վեց/ ամիս ժամկետով:
Գագիկ Էլբրուսի Բոզինյանի նկատմամբ ընտրված խափանման միջոց կալանքը թողնել անփոփոխ մինչև դատավճռի օրինական ուժի մեջ մտնելը:
Պատժի կրման սկիզբը հաշվել 2012 թվականի մարտի 10-ից:
Պատիժը պետք է կրի ՀՀ ԱՆ քրեակատարողական համապատասխան հիմնարկում:
Դատավճիռը դատավարության մասնակիցների կողմից 1 /մեկ/ ամսվա ընթացքում վերաքննության կարգով կարող է բողոքարկվել ՀՀ վերաքննիչ քրեական դատարան:




ԴԱՏԱՎՈՐ` Մ.ԽԱՉԱՏՐՅԱՆ