Գործ ԵԱՔԴ/0084/01/12







Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


10 օգոստոսի 2012թ. ք.Երևան


Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


Նախագահությամբ` դատավոր Մ.Խաչատրյանի
Քարտուղարությամբ` Հ.Արտաշեսյանի
Մասնակցությամբ`
Մեղադրող Խ.Բաղդասարյանի
Տուժող Մ.Հովհաննիսյանի
Տուժողի ներկայացուցիչ Ա.Վարդանյանի
Պաշտպան Մ.Բաբայանի


Դռնբաց դատական նիստում արագացված դատաքննության կարգով քննության առավ քրեական գործն ըստ մեղադրանքի`

Հրաչ Ռամեշի Վագհալեի, ծնված 01.09.1986թ.,
Հնդկաստանի Հանրապետությունում,
ազգությամբ հնդիկ, Հնդկաստանի հանրապետության
քաղաքացի, բարձրագույն կրթությամբ,
ամուսնացած, նախկինում չդատապարտված,
չի աշխատում, կալանքի տակ է 21.06.2012թ.-ից:

Մեղադրվում է ՀՀ քրեական օրենսգրքի 178 հոդվածի 2-րդ մասի 2-րդ կետով նախատեսված հանցագործության կատարման համար:
Արագացված դատական քննությամբ դատարանն ապացուցված համարեց հետևյալը.
Ըստ մեղադրական եզրակացության` Հրաչ Ռամեշի Վագհալեին ՀՀ քրեական օրենսգրքի 178 հոդվածի 2-րդ մասի 2-րդ կետով մեղադրանք է առաջադրել այն բանի համար, որ նա 30.07.2011 թվականին, Երևան քաղաքի Հ.Ներսիսյան 1-137 հասցեում գործող ՙՍԵՄԼՈւՍԻ՚ ՍՊԸ-ի ավիատոմսերի վաճառքի գրասենյակում, չարաշահելով ընկերության տնօրեն Մելանյա Հովհաննիսյանի վստահությունը, խարդախությամբ՝ 2000 ԱՄՆ դոլարի առ ոչինչ բանկային չեք ներկայացնելով, ձեռք է բերել 654.120 ՀՀ դրամին համարժեք 1800 ԱՄՆ դոլար արժողության Երևան-Դուբայ-Դելի ուղղությամբ վերադարձով 2 ավիատոմսեր և ստացել 72.680 ՀՀ դրամին համարժեք 200 ԱՄՆ դոլար գումար, Մ.Հովհաննիսյանին պատճառելով խոշոր չափերի 726.800 ՀՀ դրամ գույքային վնաս:
Առաջադրված մեղադրանքում նախաքննության փուլում Հրաչ Ռամեշի Վագհալեն իրեն մեղավոր է ճանաչել լիովին :
Մինչև դատաքննությունն սկսելն ամբաստանյալ Հրաչ Ռամեշի Վագհալեն միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատեց նաև ամբաստանյալի պաշտպան Մ.Բաբայանը:
Մեղադրող Խ.Բաղդասարյանը, տուժող Մ.Հովհաննիսյանը և տուժողի ներկայացուցիչ Ա.Վարդանյանը նույնպես արագացված դատական քննության կարգի դեմ չառարկեցին:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հրաչ Ռամեշի Վագհալեի մեղավորությունը ՀՀ քրեական օրենսգրքի 178 հոդվածի 2-րդ մասի 2-րդ կետի հատկանիշներով նախատեսված հանցանք կատարելու մեջ ապացուցված է և արարքը որակված է ճիշտ, որի համար նա ենթակա է քրեական պատասխանատվության ու պատժի:
Պատիժ նշանակելիս հաշվի է առնվում հանցագործության հանրության համար վտանգավորության աստիճանը և բնույթը, ամբաստանյալի անձը բնութագրող տվյալները, պատիժը և պատասխանատվությունը մեղմացնող և ծանրացնող հանգամանքները:
Ամբաստանյալի պատիժը և պատասխանատվությունը մեղմացնող հանգամաք է դիտվում, որ նա նախկինում արատավորված և դատված չի եղել, լիովին հատուցել է տուժողին պատճառված վնասը, ընդունում է առաջադրված մեղադրանքը և անկեղծորեն զղջում կատարածի համար:
Ամբաստանյալի պատիժը և պատասխանատվությունը ծանրացնող հանգամաք դատարանը չի արձանագրում:
Նման պայմաններում դատարանը գտնում է, որ ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախատեսված հանցագործության կատարման համար ամբաստանյալի նկատմամբ պետք է նշանակվի պատիժ տուգանքի ձևով: Նկատի ունենալով, որ ամբաստանյալը 2012 թվականի հունիսի 21-ից մինչև օրս գտնվում է կալանքի տակ, ուստի ՀՀ քրեական օրենսգրքի 69-րդ հոդվածի 5-րդ մասի ուժով դատարանը գտնում է, որ նրան պետք է ազատել նշանակված տուգանքը կրելուց: Նման եզրակացության դատարանը հանգում է նաև այն պատճառով, որ ամբաստանյալը գտնվում է նյութապես ծանր վիճակում: Այսպես` Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 22.06.2012 թվականի որոշմամբ Հրաչ Վագհալեի նկատմամբ որպես խափանման միջոց ընտրվել է կալանավորումը և Հրաչ Վագհալեին կալանքից գրավով ազատելը ճանաչվել է թույլատրելի և որպես կալանավորման այլընտրանքային խափանման միջոց կիրառվել է գրավը: Գրավի չափ է սահմանվել 1.000.000 /մեկ միլիոն/ ՀՀ դրամ, սակայն ամբաստանյալը մինչև օրս գտնվում է կալանքի տակ, քանզի հնարավորություն չի ունեցել մուծելու սահմանված գրավի գումարը:
Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 367-373-րդ, 3753-րդ, 3754-րդ հոդվածներով դատարանը


Վ Ճ Ռ Ե Ց

Հրաչ Ռամեշի Վագհալեին մեղավոր ճանաչել ՀՀ քրեական օրենսգրքի 178 հոդվածի 2-րդ մասի 2-րդ կետով նախատեսված հանցագործության կատարման համար և դատապարտել տուգանքի ՀՀ նվազագույն աշխատավարձի հինգ հարյուրապատիկի` 500.000 /հինգ հարյուր հազար/ ՀՀ դրամի չափով` Հրաչ Ռամեշի Վագհալեին ազատել նշանակված պատիժը կրելուց, այն է` ազատել 500.000 /հինգ հարյուր հազար/ ՀՀ դրամը մուծելու պարտականությունից:
Հրաչ Ռամեշի Վագհալեին անհապաղ ազատել կալանքից դատարանի դահլիճում :
Հրաչ Ռամեշի Վագհալեի նկատմամբ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 22.06.2012 թվականի որոշմամբ ընտրված խափանման միջոց կալանավորումը և որպես այլընտրանքային խափանման միջոց կիրառված գրավը վերացնել և նոր խափանման միջոց չընտրել :
Իրեղեն ապացույց ճանաչված բանկային չեքը թողնել քրեական գործում :
Տուժող Մելանյա Հովնաննիսյանի քաղաքացիական հայցը համարել լուծված :
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքից, դատավարության մասնակիցների կողմից 1 /մեկ/ ամսվա ընթացքում վերաքննության կարգով կարող է բողոքարկվել ՀՀ վերաքննիչ քրեական դատարան:



ԴԱՏԱՎՈՐ` Մ.ԽԱՉԱՏՐՅԱՆ