Գործ NԵԱՔԴ/0052/01/12

ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ ՔՐԵԱԿԱՆ
ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

24 մայիսի 2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը`

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Կ.Բարսեղյանի
պաշտպան Ա.Կարապետյանի
տուժողներ Ա.Աբրահամյանի
Գ.Աբրահամյանի

Դռնբաց դատական նիստում քննության առնելով քրեական գործն ըստ մեղադրանքի Մհեր Սանասարի Պետրոսյանի /ծնված 11.03.1987թ. Կոտայքի մարզ, ք.Եղվարդ, ազգությամբ հայ, ՀՀ քաղաքացի, չամուսնացած, միջնակարգ կրթությամբ, չի աշխատում, դատվածություն չունեցող, հաշվառված` ք.Երևան, Աջափնյակ, Մարգարյան փող. 27շ., բն. 40/:
Մեղադրվում է ՀՀ քրեական օրենսգրքի 34-177-րդ հոդվածի 1-ին մասով:
Կալանքի տակ է 2012 թվականի փետրվարի 10-ից:

Պ Ա Ր Զ Ե Ց

Նախաքննության մարմինը Մհեր Սանասարի Պետրոսյանին մեղադրանք է առաջադրել ՀՀ քրեական օրենսգրքի 34-177-րդ հոդվածի 1-ին մասով այն արարքի համար, որ ՙնա ուրիշի գույքի գաղտնի հափշտակություն կատարելու դիտավորություն հետապնդելով` 2012թ. փետրվարի 9-ին ժամը 20:30-ի սահմաններում` Գրիբոյեդով 45 շենքի բակում կայանված Արթուր Աբրահամյանին պատկանող ՙVolgswagen Golf՚ մակնիշի 11 OS 677 պետհամարանիշի ավտոմեքենայից գաղտնի հափշտակել է 23.000 ՀՀ դրամ ընդհանուր արժողության ձմեռային բաճկոնը, վերարկուն և սպորտային վերնազգեստը ու դիմել փախուստի, սակայն իր կամքից անկախ հանգամանքներում հանցագործությունը ավարտին չի հասցրել, քանի որ փախուստի դիմելիս բռնվել է ոստիկանության աշխատակիցների կողմից և բերման ենթարկվել ոստիկանության Արաբկիրի բաժին՚:
Տուժողներ Արթուր Աբրահամյանն ու Գևորգ Աբրահամյանը դատաքննության փուլում ներկայացրեցին գրավոր դիմումներ և հայտարարեցին, որ հաշտվել են Մհեր Պետրոսյանի հետ, պատճառված վնասը հարթվել է, որևէ բողոք կամ նյութական պահանջ չունեն, և խնդրեցին գործի վարույթը կարճել:
Ամբաստանյալ Մհեր Պետրոսյանը նույնպես հայտարարեց, որ առաջադրված մեղադրանքում իրեն մեղավոր է ճանաչում, հաշտվել է տուժողներ Արթուր և Գևորգ Աբրահամյանների հետ:
Դատարանը գտնում է, որ նշված պայմաններում քրեական գործի վարույթը ենթակա է կարճման, իսկ քրեական հետապնդումը` դադարեցման հետևյալ պատճառաբանությամբ.
ՀՀ քրեական օրենսգրքի 35-րդ հոդվածի 1-ին մասի 5-րդ կետի համաձայն` ՙքրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե սույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ՚:
ՀՀ քրեական դատավարության օրենսգրքի 183-րդ հոդվածի համաձայն` ՀՀ քրեական օրենսգրքի 177-րդ հոդվածի 1-ին մասով նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա և ամբաստանյալի հետ նրա հաշտվելու դեպքում ենթակա է կարճման:
ՀՀ քրեական օրենսգրքի 73-րդ հոդվածի համաձայն` ոչ մեծ ծանրության հանցանք կատարած անձը կարող է ազատվել քրեական պատասխանատվությունից, եթե նա հաշտվել է տուժողի հետ և հատուցել կամ այլ կերպ հարթել է նրան պատճառած վնասը:
Ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, 183-րդ հոդվածի 1-ին մասով, 379-րդ հոդվածներով դատարանը`

Ո Ր Ո Շ Ե Ց

ՀՀ քրեական օրենսգրքի 34-177-րդ հոդվածի 1-ին մասի հատկանիշներով հարուցված թիվ 14104812 քրեական գործի վարույթը կարճել և Մհեր Սանասարի Պետրոսյանի նկատմամբ քրեական հետապնդումը դադարեցնել տուժողների` ամբաստանյալի հետ հաշտվելու հիմքով:
Մհեր Պետրոսյանի նկատմամբ ընտրված խափանման միջոցը` կալանավորումը, վերացնել և նրան ազատել դատարանի դահլիճից:
Որոշումը մեկամսյա ժամկետում կարող է բողոքարկվել ՀՀ վերաքննիչ քրեական դատարան:





ԴԱՏԱՎՈՐ Ա.ՄԿՐՏՉՅԱՆ