գործ No ԵԱՆԴ/0048/01/12

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

14 հունիսի 2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա. Մկրտչյանի
քարտուղարությամբ` Օ.Կիրակոսյանի
Շ.Վանոյանի
մասնակցությամբ`
մեղադրող Հ.Մարտիրոսյանի
պաշտպան Ս.Հարությունյանի
տուժող Ա.Շահինյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի` Սարգիս Գարեգինի Գալստյանի /ծնված 11.05.1978թ., ք.Արտաշատ, ազգությամբ հայ, ՀՀ քաղաքացի, չի աշխատում, ամուսնացած, խնամքին երկու մանկահասակ երեխա, նախկինում չդատված, աշխատում է շինարարությունում որպես բանվոր, հաշվառված է ք.Արտաշատ, Բակունցի 12 տուն/:
Մեղադրվում է ՀՀ քրեական օրենսգրքի 178-րդ հոդվածի 2-դ մասի 2-րդ կետով:

Գործի դատավարական նախապատմությունը
2011 թվականի դեկտեմբերի 28-ին տեղի է ունեցել դեպքը:
2012 թվականի փետրվարի 01-ին հարուցվել է թիվ 14102312 քրեական գործը:
2012 թվականի մարտի 27-ին Ս.Գալստյանին մեղադրանք է առաջադրվել և նրա նկատմամբ որպես խափանման միջոց է ընտրվել ստորագրություն չհեռանալու մասին:
2012թ. ապրիլի 20-ին թիվ 14102312 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

Գործի փաստական հանգամանքները
Նախաքննության մարմինն ամբաստանյալ Սարգիս Գալստյանին ՀՀ քրեական օրենսգրքի 178-րդ հոդվածի 2-րդ մասի 2-րդ կետով մեղադրանք է առաջադրել այն արարքի համար, որ ՙնա 28.12.2012թ.-ին, ժամը 12:30-ի սահմաններում Երևանի Ադոնց 17 շենքի բակում, խաբեությամբ` Ավետիք Ստեփանի Շահինյանի վստահությունը չարաշահելու միջոցով` վերջինիս ՎԱԶ-21063 մակնիշի 25 UO 967 պ/հ ավտոմեքենան 1.155.000 ՀՀ դրամին համարժեք 3.000 ԱՄՆ դոլար գումարով հետվճարային պայմանով գնելու պատրվակով` վերցրել է ավտոմեքենան և խարդախությամբ հափշտակել` Ա.Շահինյանին պատճառելով խոշոր չափի գույքային վնաս՚:

Արագացված դատական քննություն
Մինչև դատաքննությունն սկսելն ամբաստանյալ Սարգիս Գալստյանը միջնորդել է դատական քննությունն անցկացնել արագացված կարգով և հայտարարել որ, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ս.Հարությունյանը:
Մեղադրող Հ.Մարտիրոսյանը և տուժող Ա.Շահինյանը դատական քննության արագացված կարգ կիրառելուն չեն առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սարգիս Գասլտյանի մեղավորությունը ՀՀ քրեական օրենսգրքի 178-րդ հոդվածի 2-րդ մասի 2-րդ կետի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի, որը նա պետք է կրի:
Ամբաստանյալ Սարգիս Գալստյանի նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Սարգիս Գալստյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չէ, խնամքին են գտնվում երկու մանկահասակ երեխաները, ընտանիքի միակ կերակրողն է, լիովին վերականգնել է տուժողին պատճառված վնասը,տուժողը նյութական վնասի հատուցման պահանջ չի ներկայացրել և խնդրել է Ս.Գալստյանի նկատմամբ նշանակել մեղմ պատիժ:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Նկատի ունենալով, որ տուժողին պատճառված նյութական վնասը լիովին հատուցվել է, դատարանը գտնում է, որ քաղաքացիական հայցի հարցը պետք է համարել լուծված:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

ՎՃՌԵՑ

Սարգիս Գարեգինի Գալստյանին մեղավոր ճանաչել ՀՀ քրեական օրենսգրքի 178-րդ հոդվածի 2-րդ մասի 2-րդ կետով և նրա նկատմամբ պատիժ նշանակել տուգանք` նվազագույն աշխատավարձի հինգհարյուրապատիկի` 500.000 (հինգ հարյուր հազար) ՀՀ դրամի չափով:
Սարգիս Գալստյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ