գործ No ԵԱՆԴ/0047/01/12

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

15.05.2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Վ.Միլիտոնյանի
պաշտպան Ժ.Օհանյանի


Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի` Արմեն Գառնիկի Մարտիրոսյանի /ծնված 03.05.1961թ. ք.Երևան, ազգությամբ հայ, ՀՀ քաղաքացի, թերի բարձրագույն կրթությամբ, ամուսնացած, խնամքին երեք անձ, չի աշխատում, նախկինում չդատված, հաշվառված է ք.Երևան, Լենինգրադյան փողոց, 50/2 շենք, 20 բն, փաստացի բնակվել է ք.Երևան, Կոմիտասի փողոց, 20 շենք, 66 բն./:
Մեղադրվում է ՀՀ քրեական օրենսգրքի 268-րդ հոդվածի 3-րդ մասով:

1.Գործի դատավարական նախապատմությունը
2011 թվականի մայիսի 26-ին հարուցվել է թիվ 69103311 քրեական գործը:
2011 թվականի մայիսի 31-ին որոշումներ են կայացվել Արմեն Մարտիրոսյանին որպես մեղադրյալ ներգրավելու և կալանքը որպես խափանման միջոց կիրառելու մասին:
2011 թվականի օգոստոսի 29-ին որոշումներ են կայացվել Արմեն Մարտիրոսյանին առաջադրված մեղադրանքը փոփոխելու և նրան որպես մեղադրյալ ներգրավելու մասին:
2012 թվականի ապրիլի 19-ին թիվ 69103212 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

Գործի փաստական հանգամանքները
Նախաքննության մարմինն ամբաստանյալ Արմեն Գառնիկի Մարտիրոսյանին ՀՀ քրեական օրենսգրքի 268-րդ հոդվածի 3-րդ մասով մեղադրանք է առաջադրել այն արարքի համար, որ ՙնա նախնական համաձայնության գալով Սուրեն Աշոտի Խուդավերդյանի հետ առանց իրացնելու նպատակի առանձնապես խոշոր չափերի ՙմարիխուաննա՚ տեսակի թմրամիջոց ապօրինի պահելու վերաբերյալ,2011 թվականի ապրիլ ամսվա վերջերին նրանից ստացել, ապա` մինչև 2011 թվականի մա յիս ամսվա վերջերն ընկած ժամանակահատվածում իր` Երևան քաղաքի Կոմիտաս փողոցի 20 շենքի թիվ 66 բնակարանում առանց իրացնելու նպատակի ապօրինի պահել է առանձնապես խոշոր չափերի` 800 գրամ ՙմարիխուաննա՚ տեսակի թմրամիջոց:
Արմեն Մարտիրոսյանը և Սուրեն Խուդավերդյանը նույն ժամանակահատվածում, նշված թմրամիջոցի քանակությունից ծխելու եղանակով գործածել են, յուրաքանչյուրը` 10-ական գրամ, ընդհանուր 20 գրամ ՙմարիխուաննա՚ տեսակի թմրամիջոց:
2011 թվականի մայիս ամսվա վերջերին Սուրեն Խուդավերդյանը ՙմարիխուաննա՚ տեսակի թմրամիջոցի մնացած քանակությունը` առանձնապես խոշոր չափերի 780 գրամ ՙմարիխուաննան՚ հետ է վերցրել Արմեն Մարտիրոսյանից՚:

Արագացված դատական քննություն
Մինչև դատաքննությունն սկսելն ամբաստանյալ Արմեն Մարտիրոսյանը միջնորդել է դատական քննությունն անցկացնել արագացված կարգով և հայտարարել որ, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ժ.Օհանյանը:
Մեղադրող Վ.Միլիտոնյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արմեն Մաիտիրոսյանի մեղավորությունը ՀՀ քրեական օրենսգրքի 268-րդ հոդվածի 3-րդ մասի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի, որը նա պետք է կրի:
Ամբաստանյալ Արմեն Մարտիրոսյանի նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Արմեն Մարտիրոսյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չի եղել, խնամքին են գտնվում 2000թ. և 2002թ. ծնված երկու մանկահասակ երեխաները և հիվանդ մայրը:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Դատարանը գտնում է, որ Ա.Մարտիրոսյանի գույքի վրա դրված կալանքը պետք է վերացնել:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը


Վ Ճ Ռ Ե Ց

Արմեն Գառնիկի Մարտիրոսյանին մեղավոր ճանաչել ՀՀ քրեական օրենսգրքի 268-րդ հոդվածի 3-րդ մասով և պատիժ նշանակել ազատազրկում 2/երկու/ տարի ժամկետով:
Արմեն Մարտիրոսյանի նկատմամբ ընտրված խափանման միջոց` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Պատժի սկիզբը հաշվել 2012 թվականի դեկտեմբերի 28-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Արմեն Մարտիոսյանի գույքի վրա դրված կալանքը վերացնել:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ