գործ No ԵԱՆԴ/0041/01/12

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

29.05.2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա. Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Ն.Աշրաֆյանի
պաշտպան Ա.Հոբոսյանի
տուժող Կ.Գրիգորյան


Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի` Էդուարդ Գագիկի Նավոյանի /ծնված 17.07.1987թ.,ազգությամբ հայ, ՀՀ քաղաքացի, ամուսնացած,դատվածություն չունեցող, ութամյա կրթությամբ,աշխատում է բենզալցակայանում որպես լիցքավորող, հաշվառված ք.Երևան, Ն.Ստեփանյան 16/1 շենք, 14 բն., բնակվող Կոտայքի մարզ, ք.Հրազդան, Կենտրոն թաղ., 31 շենք, 15 բն./:
Մեղադրվում է ՀՀ քրեական օրենսգրքի 258-րդ հոդվածի 2-դ մասով:


Գործի դատավարական նախապատմությունը
2012 թվականի մարտի 05-ին տեղի է ունեցել դեպքը:
2012 թվականի մարտի 07-ին հարուցվել է թիվ 09102812 քրեական գործը:
2012 թվականի մարտի 22-ին Էդուարդ Նավոյանը ներգրավվել է որպես մեղադրյալ և նրա նկատմամբ որպես խափանման միջոց է ընտրվել ստորագրություն չհեռանալու մասին:
2012թ. ապրիլի 02-ին թիվ 09102812 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:


Գործի փաստական հանգամանքները
Նախաքննության մարմինն ամբաստանյալ Էդուարդ Նավոյանին ՀՀ քրեական օրենսգրքի 258-րդ հոդվածի 2-րդ մասով մեղադրանք է առաջադրել այն արարքի համար, որ ՙոր նա 2012 թվականի մարտի 05-ին, ժամը 00:45-ի սահմաններում , Դ. Անհաղթ 11/1 հասցեում գործող ՙՍիթի Փեթրոլ Գրուպ՚ ՍՊԸ-ին պատկանող բենզալիցքավորման կայանի մոտ, ոգելից խմիչք օգտագործած վիճակում,բենզալցակայանի սառնարանից վերցրած ՙՖանտա՚ տեսակի 3 հատ հյութերի գումարը վճարելու հարցի շուրջ անհիմն վիճաբանության մեջ է մտել ՍՊԸ-ի աշխատակից Կարապետ Սաշայի Գրիգորյանի հետ, որի ընթացքում կոպիտ կերպով խախտելով հասարակական կարգը,բացահայտ անհարգալից վերաբերմունք դրսևորելով հասարակության նկատմամբ, շուրջ 5 րոպե տևողությամբ սեռական բնույթի հայհոյանքներ է տվել Կ.Գրիգորյանի հասցեին, ձեռքերով և ոտքերով դիտավորյալ հարվածել նրա մարմնի տարբեր մասերին` պատճառելով առողջությանը թեթև վնասի հատկանիշներ չպարունակող մարմնական վնասվածքներ, միաժամանակ խախտել նաև բենզալցակայանի բնականոն աշխատանքը՚:

Արագացված դատական քննություն
Մինչև դատաքննությունն սկսելն ամբաստանյալ Էդուարդ Նավոյանը միջնորդել է դատական քննությունն անցկացնել արագացված կարգով և հայտարարել որ, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ա. Հոբոսյանը:
Մեղադրող Ն.Աշրաֆյանը և տուժող Կ.Գրիգորյանը դատական քննության արագացված կարգ կիրառելուն չեն առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Էդուարդ Նավոյանի մեղավորությունը ՀՀ քրեական օրենսգրքի 258-րդ հոդվածի 2-րդ մասի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի, որը նա պետք է կրի:
Ամբաստանյալ Էդուարդ Նավոյանի նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Էդուարդ Նավոյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, բնութագրվում է դրական, խնամքին են գտնվում երրորդ խմբի հաշմանդամ հայրը, կեսաթոշակառու հորաքույրը, հղի կինը, ընտանիքի միակ կերակրողն է, տուժող Կ. Գրիգորյանը որևէ բողոք չի ներկայացրել:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

Վ Ճ Ռ Ե Ց

Էդուարդ Գագիկի Նավոյանին մեղավոր ճանաչել ՀՀ քրեական օրենսգրքի 258-րդ հոդվածի 2-րդ մասով և նրա նկատմամբ պատիժ նշանակել տուգանք նվազագույն աշխատավարձի հարյուրապատիկի` 100.000 (հարյուր հազար) ՀՀ դրամի չափով:
Էդուարդ Գագիկի Նավոյանի նկատմամբ ընտրված խափանման միջոց` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ