Հիմնական
Գործի համար:
ԵԱՔԴ/0035/01/12
Վիճակագրական տողի համար :
1.1
Պատասխանող
Էդուարդ Ռամազյան Հայկի
Դատավոր
Արաբկիր Քանաքեռ-Զեյթուն
Լևոն Ավետիսյան
Հոդվածներ
Արաբկիր Քանաքեռ-Զեյթուն
Հոդված 97, 98, 100
Դատավոր
Արաբկիր Քանաքեռ-Զեյթուն
Լևոն Ավետիսյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Արաբկիր Քանաքեռ-Զեյթուն | 2012-05-15 | 11:00 | 2 | Կայացել է | ||
| Արաբկիր Քանաքեռ-Զեյթուն | 2012-04-30 | 14:30 | 2 | Նշանակվել է դատական նիստ | ||
| Արաբկիր Քանաքեռ-Զեյթուն | 2012-04-28 | 14:00 | 2 | Նշանակվել է դատական նիստ | ||
| Արաբկիր Քանաքեռ-Զեյթուն | 2012-04-16 | 11:00 | 2 | Կայացել է |
*
Դատական գործ N: ԵԱՔԴ/0035/01/12
Արաբկիր Քանաքեռ-Զեյթուն
Նոր քրեական գործ
| Երբ է գործը ստացվել | 24-03-2012 |
|---|---|
| Քրեական գործի համարը | 0035/01/12 |
| Ինչ կարգով է գործը ստացվել | Առաջին անգամ |
| Դատախազություն | Արաբկիր և Քանաքեռ-Զեյթուն վարչական շրջանների դատախազություն |
| Նախաքննական գործի համարը | 14133211 |
| Մեղադրական եզրակացության համառոտ բովանդակություն | Էդուարդ Ռամազյանի նկատմամբ բժշկական բնույթի հարկադրական միջոցներ կիրառելու վերաբերյալ։ |
| Մեղադրյալ | |
| Անձ | |
| Անուն | Էդուարդ |
| Ազգանուն | Ռամազյան |
| Հայրանուն | Հայկի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Վիճակագրական տողի համարը | 1.1 |
| Չափահաս | Այո |
Մակագրել
| Երբ | 24-03-2012 |
|---|---|
| Նախագահող դատավոր | |
| Անուն | Լևոն |
| Ազգանուն | Ավետիսյան |
Ընդունվել է վարույթ
| Երբ | 24-03-2012 |
|---|---|
| Որոշումը ուղարկվել է կողմերին | 27-03-2012 |
| Ուղարկվել է հուշաթերթիկ/որոշումը | 27-03-2012 |
Նշանակվել է դատական քննություն
| Երբ | 16-04-2012 |
|---|---|
| Դատավարության կողմեր | Քրեական օրենքով արգելված արարք կատարած անձ |
| Դատավարության կողմեր | Պաշտպան |
| Դատավարության կողմեր | Տուժողի իրավահաջորդ |
| Դատավարության կողմեր | |
| Անուն | Էդուարդ |
| Ազգանուն | Ռամազյան |
| Հասցե | --------------- |
| Սեռ | 0 |
| Դատավարության կողմեր | |
| Անուն | Հայկ |
| Ազգանուն | Իսրայելյան |
| Հասցե | --------------- |
| Սեռ | 0 |
| Դատավարության կողմեր | |
| Անուն | Էլմիրա |
| Ազգանուն | Ռամազյան |
| Հասցե | --------------- |
| Սեռ | 0 |
| Ժամ | 11:00 |
| Նիստերի դահլիճի համարը | 2 |
| Նիստը | Կայացել է |
Նշանակվել է դատական նիստ/դատական քննություն
| Երբ | 30-04-2012 |
|---|---|
| Ժամ | 14:30 |
| Նիստերի դահլիճի համարը | 2 |
| Նիստը | Չի կայացել |
| Չկայացման պատճառը | 20.04.2012թ.ք. Երևան ՏԵՂԵԿԱՆՔ ԴԱՏԱԿԱՆ ՆԻՍՏԸ ՀԵՏԱՁԳԵԼՈՒ ՎԵՐԱԲԵՐՅԱԼ Սույն թվականի ապրիլի 30-ին ժամը 14:30-ին Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանում /դատավոր`Լ. Ավետիսյան/ նշանակված էր թիվ ԵԱՔԴ/0035/01/12 Էդուարդ Հայկի Ռամազյանի նկատմամբ բժշկական բնույթի հարկադրական միջոց կիրառելու վերաբերյալ գործի քննությունը: Նկատի ունենալով, որ 2012 թվականի ապրիլի 19-ի ՀՀ կառավարության որոշման համաձայն 2012 թվականի ապրիլի 30-ի աշխատանքային /երկուշաբթի/ օրը տեղափոխվել է ապրիլի 28-ին /շաբաթ օրը/ դատական նիստը հետաձգվել և նշանակվել է 2012թ. ապրիլի 28-ին ժամը 14:00-ին: Դատավարության մասնակիցները նախապես տեղեկացվել են դատական նիստի օրվա և ժամի մասին: ԴԱՏԱԿԱՆ ՆԻՍՏԻ ՔԱՐՏՈՒՂԱՐ` Ն .ՂԱԶԱՐՅԱՆ |
Նշանակվել է դատական նիստ/դատական քննություն
| Երբ | 28-04-2012 |
|---|---|
| Ժամ | 14:00 |
| Նիստերի դահլիճի համարը | 2 |
| Նիստը | Կայացել է |
Նշանակվել է դատական նիստ/դատական քննություն
| Երբ | 15-05-2012 |
|---|---|
| Ժամ | 11:00 |
| Նիստերի դահլիճի համարը | 2 |
| Նիստը | Կայացել է |
Բժշկական բնույթի հարկադրական միջոցներ
| Ամսաթիվ | 15-05-2012 |
|---|---|
| Հոդված | |
| Որոշման բովանդակությունը | ԵԱՔԴ/0035/01/12 Ո Ր Ո Շ ՈՒ Մ անմեղսունակ վիճակում քրեական օրենքով չթույլատրված արարք կատարած անձի նկատմամբ բժշկական բնույթի հարկադրական միջոցներ կիրառելու մասին 15 մայիսի 2012թ. ք.Երևան Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը` նախագահող դատավոր Լ. Ավետիսյան քարտուղարությամբ` Ն. Ղազարյանի մասնակցությամբ դատախազ` Ս. Գրիգորյանի պաշտպան` Հ. Իսրայելյանի անմեղսունակ ճանաչված անձի օրինական ներկայացուցիչ` Ա. Ռամազյանի տուժողի իրավահաջորդ` Է. Ռամազյանի դռնբաց դատական նիստում քննեց Էդուարդ Հայկի Ռամազյանի (ծնված 1958 թվականի դեկտեմբերի 27-ին, Երևան քաղաքում, ազգությամբ հայ, ՌԴ քաղաքացի, բարձրագույն կրթությամբ, փաստացի ամուսնալուծված, նախկինում չդատված, չի աշխատել, հաշվառված և բնակվել է Երևան քաղաքի Վ.Փափազյան փողոցի 25 շենքի թիվ 25 բնակարանում) նկատմամբ բժշկական բնույթի հարկադրական միջոց կիրառելու մասին քրեական գործը: Պ Ա Ր Զ Ե Ց 2011թ. նոյեմբերի 9-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 104 հոդվածի 1-ին մասով նախատեսված հանցագործության հատկանիշներով հարուցվել է թիվ 14133211 քրեական գործը: 2011թ. նոյեմբերի 11-ին Էդուարդ Հայկի Ռամազյանը ներգրավվել է որպես մեղադրյալ ՀՀ քրեական օրենսգրքի 104 հոդվածի 1-ին մասով, նրա նկատմամբ որպես խափանման միջոց ընտրվել է կալանավորումը: 2011թ. դեկտեմբերի 30-ին թիվ 14133211 քրեական գործով Էդուարդ Հայկի Ռամազյանի նկատմամբ հարուցվել է բժշկական բնույթի հարկադրական միջոցներ կիրառելու վարույթ: Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 30.12.2011թ. որոշման համաձայն մեղադրյալ Է.Ռամազյանը տեղավորվել է ՙՆուբարաշեն՚ հոգեբուժական կլինիկայի համապատասխան բաժանմունք, վերջինիս նկատմամբ ընտրված խափանման միջոց կալանավորումը վերացվել է և նրա նկատմամբ որպես անվտանգության միջոց կիրառվել է հատուկ տիպի հոգեբուժական հիվանդանոցում տեղավորելը: 2012 թվականի մարտի 16-ին որոշում է կայացվել անմեղսունակ անձի նկատմամբ բժշկական բնույթի հարկադրական միջոցներ կրառելու վարույթ հարուցելու մասին: 2012 թվականի մարտի 24-ին Էդուարդ Հայկի Ռամազյանի նկատմամբ բժշկական բնույթի հարկադրական միջոցներ կիրառելու համար գործն ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան: Դատաքննությամբ և գործով ձեռք բերված ապացույցներով դատարանը հաստատված համարեց հետևյալը. Էդուարդ Ռամազյանը վերջին մեկ տարվա ընթացքում անընդհատ վիրավորել և ծեծի է ենթարկել մորը` Ռաիսա Պոստոգովային: 02.11.2011թ. կրկին լսվել են Ռ.Պոստոգովայի բղավոցները և օգնության կանչերը և տուն մտած հարևանուհիներ Սյուզաննա Յուրիկի Հովհաննիսյանը և Նարինե Սարգսի Հովհաննիսյանը տեսել են գետին ընկած Ռ.Պոստոգովային և բազմոցին պառկած Է.Ռամազյանին, որը մոր օգնության կանչերին ոչ մի արձագանք չի տվել: Ռ.Պոստոգովայի դեմքն ամբողջությամբ կապտուկներով և քերծվածքներով է պատված եղել, իսկ մազերը սափրած են եղել: 03.11.2011թ. կրկին լսվել են Ռ.Պոստոգովայի բղավոցները: Հարևաններն այս անգամ կանչել են հոգեբուժարանի աշխատակիցներին, ովքեր Է.Ռամազյանին տարել են հոգեբուժարան: Հարևանները կերակրել և օգնություն են ցուցաբերել Ռ.Պոստոգովային: Նա ուրախացել է, տեղեկանալով, որ որդուն հոգեբուժարան են տեղափոխել: Է.Ռամազյանին տեղափոխել են ՀԲԿ Ավանի կլինիկա: Այսպիսով 2011թ. նոյեմբերի 2-ից 3-ն ընկած ժամանակաշրջանում Է.Ռամազյանն իր մորը` Ռ.Պոստոգովայի առողջությանը ծանր մարմանկան վնաս հասցնելու դիտավորությամբ վերջինիս ծեծի ենթարկելով պատճառել է մարմնական վնասվածքներ գլխի, դեմքի, զույգ վերին և ստորին վերջույթների շրջաններում քերծվածքներ, արյունազեղումներ, ենթամաշկային արյունահավաք, արյունազեղումներ գլխի մաշկի տակ, աջ և ձախ քունքամկաններում, աջ ճակատ-քունքային շրջանի ենթակարծրենային արյունահավաք, ուղեղաբնի, ուղեղիկի ընդգրկումով` ենթաոստայնենային արյունազեղումներ և միջգալարային արյունահավաքներ, ձախից, առաջային անութային գծով 8,9,10-րդ պտկային գծով` 5,6,7,8,9-րդ կողերի անուղղակի կոտրվածքներ, որոնք բացառությամբ պտկային գծով` 5,6,7,8,9-րդ կողերի անուղղակի կոտրվածքների պատճառելով առողջությանը ծանր վնաս` կյանքին վտանգ սպառնացող, որոնք համաձայն դատաբժշկական փորձաքննության եզրակացության և ՀՀ ԱՆ ԴԲԳԳԿ փորձագետ Ռ.Վարդանյանի ցուցմունքի առաջացել են դեպքին նախորդող մեկ-երկու օրերի ընթացքում: ՀԲԿ Ավանի կլինիկայում ազատ մահճակալներ չլինելու և հոսպիտալացմանը Է.Ռամազյանի դեմ լինելու պատճառով Է.Ռամազյանին չեն հոսպիտալացրել և վերջինս նույն օրը ժամը 18:00-ի սահմաններում հոգեբուժարանից վրդովված վերադառնալով նորից սկսել է ծեծի ենթարկել մորը` պահանջելով հայտնել, թե ով է տուն եկել և մայրը նրանց ինչ է ասել և արդյունքում 2011թ. նոյեմբերի 4-ի լույս 5-ի գիշերվա ընթացքում Երևանի Վ. Փափազյան փողոցի 25 շենքի թիվ 25 բնակարանում ապօրինաբար կյանքից զրկելու դիտավորությամբ բռնի ուժով նավթամթերք խմեցնելու միջոցով խեղդամահ անելով սպանել է Ռ.Պոստոգովային: Նախաքննության ժամանակ Էդուարդ Ռամազյանն առաջադրված մեղադրանքում իրեն մեղավոր չի ճանաչել և իր ցուցմունքում հայտնել է, որ ինքը հանդիսանում է Ռաիսա Պոստոգովայի հարազատ որդին: Համատեղ բնակվել է մոր հետ Երևանի Վ. Փափազյան փողոցի 25 շենքի 25 բնակարանում: 2003թ. գտնվել է ստացիոնար բուժման մեջ Երևանի Նորքի և Ավանի հոգեբուժարաններում, որտեղ իր մայրն իրեն անհիմն տեղավորել է բուժման, չնայած ինքը հոգեկան հիվանդ չի հանդիսանում: Իր մայրը հոգեկան հիվանդ է եղել և բազմիցս փորձել է սպանել իրեն, ինչի հետևանքով ինքն անընդհատ ծարավ է զգացել: Ինքը մորը ծեծել է միայն այն ժամանակ, երբ նա իրեն համբերությունից հանել է: Դեպքից մեկ օր առաջ ինքը մորը նստեցրել է աթոռին և կապել նրան, որ չդիմադրի և ստիպողաբար նրա բերանը լցրել նավթամթերք, իսկ երբ մայրը դիմադրել ,է գլուխը հետ է քաշել, որ բերանը բացվի: Դրանից հետո սափրել է մոր գլուխը, քանի որ նրա մազերը թափվում Էին, իսկ հետո մերկացնելով նրան լողացրել է նավթով և պառկեցրել անկողնում, ինչից հետո դանակով մաքրել է մոր ոտքերը ու քանդել նրա կապանքները: Առավոտյան գնացել է խանութ մոր համար հյութ գնելու և վերադառնալով տեսել է, որ նա մահացել է և ինքն այդ մասին հայտնել է ոստիկանություն: Էդուարդ Ռամազյանի կատարած հանցանքը հիմնավորվել է հետևյալ ապացույցներով. Տուժողի իրավահաջորդ Էլմիրա Հայկի Ռամազյանի ցուցմունքով այն մասին, որ հանդիսանում է Ռ.Պոստոգովայի դուստրը: Իր եղբոր` Է.Ռամազյանի ագրեսիվ բնավորության պատճառով ինքը խուսափել է հաճախակի մոր բնակարան գնալուց: 2009թ. հետո ինքը մոր մոտ տարօիրնակություններ է նկատել և ցանկացել է նրան հոգեբույժի մոտ տանել, սակայն եղբայրը թույլ չի տվել, ասելով, որ այնտեղ կտանջեն նրան: Դրանից հետո ինքը մորից տեղեկացել է, որ եղբայրը բուժվել է հոգեբուժարանում: Դրանից հետո մայրը հաճախակի բողոքել է, որ վայր է ընկնում, սակայն եղբայրը երբեք իրեն միայնակ չի թողել մոր հետ և նույնիսկ արգելել է նրան բժշկի տանել: 2010թ. աշնանը ինքը գնացել է մորը այցելության, սակայն եղբայրը դուռը բացելով անմիջապես բռունցքով հարվածել է իր դեմքին և սպառնացել սպանել, եթե նորից այնտեղ գնա: 2011թ. հոկտեմբերի վերջին կամ նոյեմբերի սկզբին մոր հարևանուհին` Ա.Զախարյանը զանգահարելով իրեն հայտնել է, որ եղբայրը շատ վատ է վարվում մոր հետ, վիրավորում և ծեծի է ենթարկում նրան: 04.11.2011թ. իրեն է զանգահարել իր մոր հարևանուհի Ն.Հովհաննիսյանը և հայտնել, որ եղբորը տեղափոխել են հոգեբուժարան և որ ինքը գնա և հոգ տանի մոր նկատմամբ, սակայն ճանապարհին իրեն է զանգահարել Ա.Զախարյանը և հայտնել, որ եղբայրը հետ է վերադարձել վրդովված վիճակում և ինքը հետ է վերադարձել տուն: 05.11.2011թ. իրեն զանգահարել են ոստիկանության աշխատակիցները և խնդրել մոր տուն գնալ, որտեղ և տեղեկացել է մոր մահվան մասին: Վկա Նարինե Հովհաննիսյանի ցուցմունքով այն մասին, որ հանդիսանում է հանգուցյալ Ռաիսա Պոստոգովայի հարևանուհին և ճանաչում է Էդուարդ Ռամազյանին որպես Ռ.Պաստոգովայի որդու, ով մոր հետ համատեղ բնակվել է նույն բնակարանում: Իրեն հայտնի է, որ Է. Ռամազյանը տառապում է հոգեկան հիվանդությամբ և բազմիցս բուժվել է այդ կապակցությամբ: Ինքը բազմիցս լսել է, որ Ռ. Պոստոգովայի բնակարանից բղավոցներ են գալիս և իմացել է, որ Է. Ռամազյանը միշտ վիրավորում և ծեծի է ենթարկում մորը և չի թողնում, որպեսզի մայրը դուրս գա տնից և շփվի իրենց հետ: 02.11.2011թ. լսվել են Ռ.Պոստոգովայի բղավոցները, ով օգնություն է կանչել: Ինքը հարևանուհի Սյուզաննա Հովհաննիսյանի հետ ներս մտնելով նրա բնակարան տեսել է գետնին ընկած Ռ.Պոստոգովային և բազմոցին պառկած Է. Ռամազյանին, որն անգամ չի արձագանքել մոր օգնության կանչերին: Ռ.Պոստոգովայի դեմքն ամբողջությամբ կապտուկներով է ծածկված եղել, իսկ մազերը սափրած են եղել: Իրենք հարցրել են, թե արդյոք Է.Ռամազյանն է նրան ծեծի ենթարկել, թե ոչ, սակայն վերջինս նայել է պառկած Է.Ռամազյանի կողմը և վախեցած պատասխանել է ՙչէ չէ՚: Է. Ռամազյանը ձևացրել է, թե քնած է և իրենք վախենալով դուրս են եկել բնակարանից, քանի որ մի քանի օր առաջ վերջինս դանակը ձեռքին պատուհանից ինչ-որ բան է բղավել: Հաջորդ օրը 03.11.2011թ. կրկին լսվել են Ռ.Պոստոգովայի բղավոցները, ով զանգահարել է հարևանուհի Արմինե Զախարյանին և օգնություն խնդրել: Ժամանել է հոգեբուժարանի բրիգադը և Է.Ռամազյանին տեղափոխել են հոգեբուժարան: Իրենք հարևաններով կերակրել են Ռ.Պոստոգովային և հարցրել, թե ով է ծեծի ենթարկել նրան և սափրել մազերը: Վերջինս պատասխանել է, որ տարբեր Է. Ռամազյաններ կան, որոնք իրեն ծեծում, մեկը մազերն է խուզում: Իրենց համար պարզ է դարձել, որ որդու դաժան վերաբերմունքից վերջինիս մոտ հոգեկան վիճակի հետ կապված խնդիրներ են առաջացել: Դրանից հետո իրենք հեռացել են նրա բնակարանից: Որոշ ժամանակ անց իրեն է զանգահարել Ս.Հովհաննիսյանը և հայտնել, որ Է.Ռամազյանը վրդովված հետ է վերադարձել: 05.11.2011թ. առավոտյան ժամը 1000-ին ոստիկանության աշխատակիցներն իրեն հայտնել են, որ Ռ. Պոստոգովան մահացել է: Այդ գիշեր նրանց տանից բղավոցներ, օգնության կանչեր չեն լսվել, միայն ինչ-որ տարօրինակ շխկշխկոց է լսվել: Վկա Արմինե Բենիամինի Զախարյանի նախաքննության ժամանակ տված ցուցմունքով այն մասին, որ հանդիսանում է հանգուցյալ Ռաիսա Պոստոգովայի հարևանուհին և ճանաչում է Էդուարդ Ռամազյանին որպես Ռ.Պոստոգովայի որդու, ով համատեղ բնակվել է նույն բնակաարանում: Իրեն հայտնի է, որ Է. Ռամազյանը տառապում է հոգեկան հիվանդությամբ և բազմիցս բուժվել է այդ կապակցությամբ: Ինքը բազմիցս լսել է, որ Ռ. Պոստոգովայի բնակարանից բղավոցներ են գալիս և իմացել, որ Է. Ռամազյանը միշտ վիրավորում և ծեծի է ենթարկում իր մորը, չի թողնում, որ նա դուրս գա տնից և շփվի իրենց հետ: 01.11.2011թ. Ռ.Պոստոգովան խնդրել է իրեն ուտելիք գնել: Ինքն ու հարևանուհի Ս.Հովհաննիսյանը ուտելիք են գնել ու տարել նրա բնակարան: Ռ.Պոստոգովան մաքուր և կոկիկ, մազերը սանրած նստած է եղել, իսկ դեմքին ոչ մի վնասվածք չի եղել: Վերջինս վճարել է ուտելիքի համար և նրանք հեռացել են: 03.11.2011թ. Ռ.Պոստոգովան կրկին զանգահարել է իրեն և ասել, որ իրեն թալանել և ծեծի են ենթարկել: Ինքը հարցրել է, որ հնարավոր է դա Է. Ռամազյանն է արել, սակայն վերջինս ասել է, որ ՙոչ, ոչ, դա գողն է արել՚: Ինքը կրկին հարցրել է, հնարավոր է, որ որդին տանն է, որի պատճառով չի կարողանում խոսել, սակայն նա ասել է, որ նա տանը չէ: Հենց այդ պահին լսվել է Է.Ռամազյանի ձայնը, ով հարցրել է, թե մայրը ում հետ է խոսում, որին ի պատասխան վերջինս հայտնել է, որ ինքը ոչ մի սխալ բան չի անում: Ռ. Պոստոգովան ներողություն է խնդրել ասելով, որ էլ չի կարող խոսել: Քիչ անց նա կրկին զանգահարել է և ասել, որ ինքը շուտով մահանալու է: Իր հարցին, թե ինչու, վերջինս չի պատասխանել: Ինքը հասկանալով, որ Ռ.Պոստոգովան չի կարողանում խոսել, հարցրել է, թե անհրաժեշտ է արդյոք ոստիկանություն կանչել, որին վերջինս պատասխանել է ՙայո՚: Իրենք հոգեբուժարանից բրիգադա են կանչել և նրանք Է. Ռամազյանին տարել են հոգեբուժարան: Դրանից հետո հարևանների հետ գնացել են նրանց բնակարան: Ռ.Պոստոգովան իրենց պատմել է, որ իր որդին անընդհատ ծեծի է ենթարկում իրեն: Ռ. Պոստոգովայի դեմքն ամբողջությամբ կապտուկներով է ծածկված եղել, իսկ մազերը սափրված են եղել: Վերջինս շատ է վախեցել, որ որդին կվերադառնա և խնդրել է իրեն մենակ չթողնել: Ինքը հայտնել է, որ շուտով նրա դուստրը կգա, սակայն նրա բնակարանից հեռանալուց հետո տեսել է, թե ինչպես է Է.Ռամազյանը վրդովված ինչ-որ բան խոսալով տուն վերադառնում և զանգահարելով Ռ.Պոստոգովայի աղջկան ասել է, որ չգա, քանի որ եղբայրը վրդովված տուն է վերադարձել: 05.11.2011թ. առավոտյան ոստիկանության աշխատակիցներն իրեն հայտնել են, որ Ռ.Պոստոգովան մահացել է: Ինքը համոզված է, որ որդին է սպանել մորը: Վկա Սյուզաննա Յուրիկի Հովհաննիսյանի նախաքննության ժամանակ տված ցուցմունքով այն մասին, որ հանդիսանում է հանգուցյալ Ռ.Պոստոգովայի հարևանուհին և ճանաչում է Էդուարդ Ռամազյանին որպես Ռ. Պոստոգովայի որդու, ով մոր հետ համատեղ բնակվել է նույն բնակարանում: Ինքը բնակվում է նրանց բնակարանի հարևանությամբ և իրեն հայտնի է, որ Է. Ռամազյանը տառապում է հոգեկան հիվանդությամբ և բուժվել է այդ կապակցությամբ: Բազմիցս լսել է, որ Ռ. Պոստոգովայի բնակարանից բղավոցներ է գալիս և իմացել է, որ Է. Ռամազյանը միշտ վիրավորում և ծեծում է իր մորը, չի թողնում, որպեսզի մայրը դուրս գա տնից և շփվի իրենց հետ: 02.11.2011թ. ժամը 1530-ի սահմաններում նրանց բնակարանից բղավոցի ձայներ է լսել, այս անգամ արդեն ավելի բարձր և Ռ.Պոստոգովան օգնություն է կանչել: Տեսնելով, որ ձայները ուժեղանում են հարևանուհի Ն. Հովհաննիսյանի հետ ներս մտնելով տեսել են գետին ընկած Ռ.Պոստոգովային և բազմոցին պառկած Է.Ռամազյանին, որը անգամ չի արձագանքել մոր օգնության կանչերին: Ռ. Պոստոգովայի դեմքն ամբողջությամբ կապտուկներով է ծածկված եղել, իսկ մազերը սափրված են եղել: Իրենք հարցրել են, թե արդյոք Է. Ռամազյանն է իրեն ծեծի ենթարկել, թե ոչ, սակայն վերջինս նայել է պառկած Է.Ռամազյանին և վախեցած պատասխանել է ՙչէ չէ՚: Է. Ռամազյանը ձևացրել է, թե քնած է և իրենք վախենալով դուրս են եկել բնակարանից, քանի որ մի քանի օր առաջ վերջինս դանակը ձեռքին պատուհանից ինչ-որ բան է բղավել: Հարևաններից տեղեկացել է, որ հաջորդ օրը հոգեբուժարանից բրիգադա են կանչել և նրանք Է.Ռամազյանին տարել են հոգեբուժարան: Այդ օրը ժամը 1800-ի սահմաններում բնակարանի շքամուտքում ոտնաձայներ լսելով դռան դիտանցքից տեսել է վրդովված տուն վերադարձող Է. Ռամազյանին: Նա նորից սկսել է ծեծել մորը և պահանջել հայտնել, թե ով է տուն եկել և մայրը նրանց ինչ է ասել, սակայն վերջինս ոչինչ չի ասել: Դրանից հետո տարօրինակ կերպով նրանց բնակարանից այլևս ձայներ չեն լսվել և հաջորդ օրը 05.11.2011թ. առավորտյան ոստիկանության աշխատակիցները հայտնել են, որ Ռ.Պոստոգովան մահացել է: Է.Ռամազյանի օրինական ներկայացուցիչ Արմեն Ռամազյանի ցուցմունքով այն մասին, որ հանդիսանում է Էդուարդ Ռամազյանի որդին: Ծնողները վաղուց ամուսնալուծված են և ինքը բնակվում է մոր հետ: Հորը տեսել է դեպքից հետո` հոգեբուժարանում: Վերջինս իրեն ասել է, որ իրեն ստիպել են խոստովանել, որ ինքն է սպանել իր մորը: Ինքը պարբերաբար այցելել է տատին, սննդամթերք և դեղորայք է տարել, քանի որ թոշակով էին ապրում: Մոտ 3-4 տարի առաջ տատի պնդմամբ տունն իր անունով են ձևակերպել: Հոր և տատի միջև որևէ վատ հարաբերություն ինքը չի նկատել: Ըստ իր տեսածի հայրը տատին շատ լավ խնամում էր: Հոր հիվանդության մասին ինքը տեղյակ չի եղել: Տատը հոգեկան հիվանդություն չուներ: Իր կարծիքով նրա տարօրինակությունը կապված է եղել տարիքի հետ: ՙՀոգեբուժական բժշկական Կենտրոն՚ ՓԲԸ Ավանի հոգեբուժական կլինիկայից 08.11.2011թ. ստացված գրության համաձայն Է. Ռամազյանը կլինիկայում հաշվառված է 15.12.2003թ. ՙՊարանոիդ փսիխոզ անհայտ էտիլոգիայի ախտորոշմամբ: 19.11.2003թ-15.12.2003թ. ստացիոնար բուժման մեջ է գտնվել ՀԲԿ Ավանի հոգեբուժական կլինիկայում ՙՈւշ հասակի պարանոիդ փսիխոզ չճշտված բնույթի՚ ախտորոշմամբ: ՙՀոգեբուժական բժշկական Կենտրոն՚ ՓԲԸ Նորքի հոգեբուժական կլինիկայից 08.11.2011թ. ստացված գրության համաձայն Է.Ռամազյանը գտնվել է ստացիոնար բուժման մեջ ՙՀԲԿ՚ Նորքի հոգեբուժական կլինիկայում 12.08.2004թ. մինչև 06.09.2004թ. ՙԶառանցանքային փսիխոզ անհայտ էթնոլոգիայի՚ ախտորոշմամբ: 09.12.2011թ. նյութաբանական փորձաքննության թիվ 548Ք եզրակացության համաձայն, փորձաքննության ներկայացված բազմաշերտ, նստվածքով, բնորոշ հոտով, շարժուն հեղուկն իր բաղադրության մեջ պարունակում է ձևափոխված բաց նավթամթերք (դիզ. վառելիք, կերոսին): 16.12.2011թ. դատաբժշկական փորձաքննության թիվ 1018 եզրակացության համաձայն, Ռ.Պոստոգովայի մահը վրա է հասել մեխանիկական շնչահեղձությունից, շնչառական ուղիների դիզելային վառելանյութով /սլյարկա/ փոկելու հետևանքով, որն էլ գտնվում է ուղղակի պատճառական կապի մեջ մահվան անմիջական պատճառի հետ: Տվյալ հետևությունը հիմնավորվում է դիակի դատաբժշկական փորձաքննության ընթացքում հայտնաբերված թոքերի այտուցի մեռուկային և ինքնալուծամքային փոփոխությունների, շնչափողի, բրոնխների լուսանցում, փրփրային հեղուկի առարկությամբ: Ելնելով դիակի դատաբժշկական փորձաքննության ընթացքում ուսումնասիրված վաղ դիակայնի երևույթների արտահայտվածությունների աստիպճաններից, կարելի է ենթադրել, որ մահը վրա է հասել դատաբժշկական փորձաքննությունից ավելի քան 24 ժամ առաջ: Ռ.Պոստոգովայի դատաբժշկական փորձաքննությամբ հայտնաբերվել են գլխի, զույգ վերին և ստորին վերջույթների շրջաններում քերծվածքներ, արյունազեղումներ, ենթամաշկային արյունահավաք, արյունազեղումներ գլխի մաշկի տակ, աջ և ձախ քունքամկաններում, աջ ճակատ-քունքային շրջանի ենթակարծրենային արյունահավաք, ուղեղաբնի, ուղեղիկի ընդգրկումով ենթաոստայնենային արյունազեղումներ և միջգալարային արյունահավաքներ, ձախից առաջային անութային գծով` 8,9,10-րդ, պտկային գծով` 5,6,7,8,9-րդ կողերի անուղղակի կոտրվածքներ, որոնք բացառությամբ պտկային գծով 5,6,7,8,9-րդ կողերի անուղղակի կոտրվածքների, առաջացել են կենդանության օրոք բութ առարկաներով: Նման վնասվածքները կենդանի անձանց մոտ սովորաբար համարվում են առողջությանը ծանր վնաս պատճառող կյանքին վտանգ սպառնացող, որոնք սակայն տվյալ դեպքում չեն գտնվում ուղղակի պատճառական կապի մեջ մահվան անմիջական պատճառի հետ: Ռ. Պոստոգովան կենդանության օրոք չի տառապել որևէ հիվանդությամբ, որը գտնվեր անմիջական պատճառական կապի մեջ մահվան հետ: Դիակից վերցված արյան մեջ և ներքին օրգանների կտորներում, դատաքիմիական ուսումնասիրությամբ սպիրտներ, թմրանյութեր չեն հայտնաբերվել: Դիակից վերցված ստամոքսի, արյան և լյարդի մեջ հայտնաբերվել են դիզելային վառելանյութի /սոլյարկա/ հետքեր: Դիակից վերցված արյունը պատկանում է ԱԲ /չորրորդ/ խմբին: 23.12.2011թ. ստացիոնար դատահոգեբուժական փորձաքննության թիվ 194 եզրակացությամբ և փորձագիտական հանձնաժողովի նախագահ (ՀՀ առողջապահության նախարարությանը կից միջգերատեսչական ստացիոնար դատա-հոգեբուժական փորձաքննությունների հանձնաժողով) Ս. Թադևոսյանի ցուցմունքով, համաձայն որոնց, Էդուարդ Հայկի Ռամազյանը տառապել և տառապում է ՙԽելացնոր զառանցանքային շիզոֆրենիա՚ հոգեկան հիվանդությամբ: Այդ մասին են վկայում ինչպես անամնեստիկ տվյալները, այնպես էլ ներկա հետազոտման արդյունքները: Իրավախախտումը կատարելիս գտնվել է վերը նշված հիվանդագին խանգարված վիճակում, արարքը կատարել է զառանցական ապրումների ազդեցության տակ, որը զրկել է նրան իր գործողությունների վտանգավորությունը գիտակցելու և դրանք ղեկավարելու հանարավորությունից: Ներկայումս նա նույնպես չի կարող գիտակցել իր գործողությունների վտանգավորությունը և ղեկավարել դրանք: Ուստի նրան մեղսագրվող արարքի նկատմամբ հարկ է ճանաչել անմեղսունակ: Իր ներկա հոգեկան վիճակով նա չի կարող մասնակցել դատաքննչական գործողություններին, բարձր սոցիալական վտանգ է ներկայացնում ինչպես իր, այնպես էլ շրջապատի համար, կարիք ունի հարկադրական բուժման հատուկ հսկողության հոգեբուժական բաժանմունքի պայմաններում: Օրինական ներկայացուցիչ ճանաչելու մասին 2011թ. դեկտեմբերի 30-ի որոշման համաձայն` Էդուարդ Հայկի Ռամազյանի օրինական ներկայացուցիչ է ճանաչվել նրա որդին` Արմեն Էդուարդի Ռամազյանը: Դատարանը, հետազոտելով ապացույցներն իրենց համակցությամբ, ապացուցված է համարում, որ Էդուարդ Ռամազյանը կատարել է արարքներ, որոնք համապատասխանում են ՀՀ քրեական օրենսգրքի 112 հոդվածի 1-ին մասի և ՀՀ քրեական օրենսգրքի 104 հոդվածի 1-ին մասի հատկանիշներին: Քննարկելով հանցանքը կատարելու ժամանակ Էդուարդ Հայկի Ռամազյանի մեղսունակության հարցը` դատարանը գտնում է, որ նա տառապել և տառապում է ՙԽելացնոր զառանցանքային շիզոֆրենիա՚ հոգեկան հիվանդությամբ և վերը նշված արարքը կատարելիս գտնվել է անմեղսունակ վիճակում, ինչը նրան զրկել և զրկում է իր գործողությունների վտանգավորությունը գիտակցելու և դրանք ղեկավարելու հնարավորությունից: ՀՀ քրեական օրենսգրքի 25 հոդվածի համաձայն, քրեական պատասխանատվության ենթակա չէ այն անձը, ով հանրության համար վտանգավոր արարք կատարելու պահին գտնվել է անմեղսունակության վիճակում և այդ անձի նկատմամբ դատարանը կարող է նշանակել բժշկական բնույթի հարկադրանքի միջոցներ: ՀՀ քրեական դատավարության օրենսգրքի 463 հոդվածի 4-րդ կետի համաձայն` դատարանը պետք է լուծի նաև այն հարցը, թե անձը կարիք ունի արդյոք իր նկատմամբ բժշկական բնույթի հարկադրական միջոցներ կիրառելու և հատկապես ինչպիսի միջոցներ: ՀՀ քրեական դատավարության օրենսգրքի 464 հոդվածի 1-ին մասի համաձայն` անձի կողմից քրեական օրենքով չթույլատրված արարքն անմեղսունակության վիճակում կատարելն ապացուցված համարելով, դատարանը որոշում է կայացնում անձին քրեական պատասխանատվությունից և պատժից ազատելու ու նրա նկատմամբ բժշկական բնույթի հարկադրական միջոցներ կիրառելու մասին: ՀՀ քրեական օրենսգրքի 97 հոդվածի 1-ին մասի 1-ին կետի համաձայն` բժշկական բնույթի հարկադրական միջոցներ դատարանը կարող է նշանակել այն անձի նկատմամբ, ով հանցանքը կատարել է անմեղսունակության վիճակում: ՀՀ քրեական օրենսգրքի 98 հոդվածի 1-ին մասի համաձայն` բժշկական բնույթի հարկադրանքի միջոցներ են՝ 1) հոգեբույժի մոտ արտահիվանդանոցային հսկողությունը և հարկադիր բուժումը 2) հոգեբուժական կազմակերպությունների ընդհանուր հսկողության հոգեբուժական բաժանմունքում հարկադիր բուժումը 3) հոգեբուժական հիվանդանոցի հատուկ տիպի հոգեբուժական բաժանմունքում հարկադիր բուժումը: ՀՀ քրեական օրենսգրքի 100 հոդվածի 2-րդ մասի համաձայն` հոգեբուժական հիվանդանոցի հատուկ տիպի հոգեբուժական բաժանմունքում դատարանի որոշմամբ հարկադիր բուժում կարող է նշանակվել այն անձի նկատմամբ, ով հոգեկան վիճակով վտանգավոր է իր և այլ անձանց համար և պահանջում է մշտական հսկողություն: Դատարանը, նկատի ունենալով, որ Էդուարդ Հայկի Ռամազյանը տառապում է հոգեկան հիվանդությամբ, հոգեկան վիճակով վտանգավոր է իր և այլ անձանց համար և պահանջում է մշտական հսկողություն, գտնում է, որ նրան պետք է ազատել քրեական պատասխանատվությունից ու պատժից` նշանակելով հոգեբուժական հիվանդանոցի հատուկ տիպի հոգեբուժական բաժանմունքում հարկադիր բուժում: Անդրադառնալով իրեղեն ապացուցների հարցին` դատարանը գտնում է, որ որոշումն օրինական ուժի մեջ մտնելուց հետո 2012թ. հունվարի 16-ի որոշմամբ իրեղեն ապացույց ճանաչված Է.Ռամազյանի բնակարանից առգրավված դիզ. վառելիքով շիշը պետք է ոչնչացնել: Ելնելով վերոգրյալից և ղեկավարվելով ՀՀ քրեական օրենսգրքի 97, 98, 100 և ՀՀ քրեական դատավարության օրենսգրքի 450, 457 և 462-464 հոդվածներով, դատարանը Ո Ր Ո Շ Ե Ց Էդուարդ Հայկի Ռամազյանին ազատել քրեական պատասխանատվությունից և պատժից: Էդուարդ Հայկի Ռամազյանի նկատմամբ որպես բժշկական բնույթի հարկադրանքի միջոց նշանակել հոգեբուժական հիվանդանոցի հատուկ տիպի հոգեբուժական բաժանմունքում հարկադիր բուժումը: Էդուարդ Հայկի Ռամազյանի նկատմամբ կիրառված անվտանգության միջոցը` հոգեբուժական հիվանդանոցում տեղավորելը, թողնել անփոփոխ` մինչև որոշման օրինական ուժի մեջ մտնելը: Որոշումն օրինական ուժի մեջ մտնելուց հետո իրեղեն ապացույց հանդիսացող դիզ. վառելիքով շիշը ոչնչացնել: Որոշումը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո մեկամսյա ժամկետում: Դատավոր` ստորագրություն Բնագրի հետ ճիշտ է` Դատավոր Լ. Ավետիսյան |
Դատական ակտ
| Դատական ակտի բովանդակությունը | * |
|---|---|
| Դատական ակտի ամսաթիվը | 15-05-2012 |
Դատավճռի, որոշման կատարում
| Ամսաթիվ | 19-06-2012 |
|---|
Գործը հանձնվել է գրասենյակ
| Գործը հանձնվել է գրասենյակ | 03-07-2012 |
|---|---|
| Էջերի քանակ | 291 |
Գործը հանձնվել է դատարանի արխիվ
| Ամսաթիվ | 03-07-2012 |
|---|---|
| Էջերի քանակը | 291 |