գործ No ԵԱՔԴ/0023/01/12

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

18 ապրիլի 2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը


նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
Շ.Վանոյանի
մասնակցությամբ`
մեղադրող Հ.Մարտիրոսյանի
պաշտպան Ա.Հոբոսյանի


Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Արսեն Մերուժանի Կարապետյանի /ծնված 21.02.1974թ. ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, դատվածություն չունեցող, խնամքին մեկ մանկահասակ երեխա, հաշվառված և բնակվող` ք.Երևան, Մ.Ավետիսյան 4-րդ փող. 76 տուն/:
Մեղադրվում է ՀՀ քրեական օրենսգրքի 34-177-րդ հոդվածի 2-րդ մասի 1-ին կետով:

Նարեկ Կարենի Մնացականյանի /ծնված 17.11.1985թ. ք.Երևան, ազգությամբ հայ, ՀՀ քաղաքացի, չամուսնացած, ութամյա կրթությամբ, չի աշխատում, հաշվառված` ք.Երևան, Մ.Ավետիսյան 4-րդ փող. 4շ. բն.46, բնակվող` ք.Երևան, Զ.Սարկավագի 32 տուն, նախկինում դատված.
1. Քանաքեռ-Զեյթուն ժող. դատարանի կողմից 30.05.2003թ. 86-րդ հոդվածի 2-րդ մասով դատապարտվել է ազատազրկման 3 տարի ժամկետով:
2. Արաբկիր և Քանաքեռ-Զեյթուն առաջին ատյանի դատարանի կողմից 26.09.2003թ. 177-րդ հոդվածի 2-րդ մասի 3-րդ, 4-րդ, 5-րդ կետերով դատապարտվել է ազատազրկման 3 տարի ժամկետով:
3. Արաբկիր և Քանաքեռ-Զեյթուն առաջին ատյանի դատարանի կողմից 25.03.2006թ. 177-րդ հոդվածի 3-րդ մասի 3-րդ կետով դատապարտվել է ազատազրկման 5 տարի ժամկետով, պատժից ազատվել է 25.03.2011թ.:
Մեղադրվում է ՀՀ քրեական օրենսգրքի 34-177-րդ հոդվածի 2-րդ մասի 1-ին կետով:


1.Գործի դատավարական նախապատմությունը
2011 թվականի դեկտեմբերին տեղի է ունեցել դեպքը:
2012 թվականի հունվարի 18-ին հարուցվել է թիվ 09100412 քրեական գործը:
2012 թվականի հունվարի 18-ին Ա.Կարապետյանը և Ն.Մնացականյանը ձերբակալվել են:
2012 թվականի հունվարի 20-ին Ա.Կարապետյանը և Ն.Մնացականյանը ներգրավվել են որպես մեղադրյալ և նրանց նկատմամբ խափանման միջոց է կիրառվել կալանքը:
2012 թվականի մարտի 01-ին թիվ 09100412 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

Գործի փաստական հանգամանքները
Նախաքննության մարմինն ամբաստանյալներ Նարեկ Մնացականյանին և Արսեն Կարապետյանին ՀՀ քրեական օրենսգրքի 34-177-րդ հոդվածի 2-րդ մասի 1-ին կետով մեղադրանք է առաջադրել այն արարքի համար, որ ՙնրանք նախնական համաձայնության գալով 2011թ. դեկտեմբեր ամսին Զեյթուն 5Ա փողոցում կայանված, Էդիկ Համլետի Ոսկանյանին պատկանող ՙՎԱԶ՚ 21-01 մակնիշի, 16 ՕԼ 297 պետհամարանիշի ավտոմեքենայից փորձել են գողանալ 80.000 ՀՀ դրամ արժողությամբ գազի գլանանոթը և գազի ճնշման կարգավորիչը, սակայն իրենց կամքից անկախ հանգամանքներում հանցագործությունն ավարտին չեն հասցրել և դիմել են փախուստի՚:

Արագացված դատական քննություն
Մինչև դատաքննությունն սկսելն ամբաստանյալներ Արսեն Կարապետյանը և Նարեկ Մնացականյանը միջնորդել են դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալների պաշտպան Ա.Հոբոսյանը:
Մեղադրող Հ.Մարտիրոսյանը դատական քննության արագացված կարգ կիրառելուն չի առարկել:
Տուժող Թամարա Հովհաննիսյանը չի առարկել դատական քննության արագացված կարգ կիրառելուն և նշել է, որ ամբաստանյալներ Ա.Կարապետյանից և Ն.Մնացականյանից որևէ պահանջ չունի:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Արսեն Կարապետյանի և Նարեկ Մնացականյանի մեղավորությունը ՀՀ քրեական օրենսգրքի 34-177-րդ հոդվածի 2-րդ մասի 1-ին կետի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նրանք ենթակա են քրեական պատասխանատվության և պատժի:
Ամբաստանյալների նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Արսեն Կարապետյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, խնամքին է գտնվում մեկ մանկահասակ երեխան, մայրը 2-րդ իսկ եղբայրը 3-րդ խմբի հաշմանդամներ են:
Նարեկ Մնացականյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար:
Ամբաստանյալների պատասխանատվությունը և պատիժը ծանրացնող հանգամանքներ դատարանը չի արձանագրել:
Դատարանը միաժամանակ արձանագրում է, որ ամբաստանյալ Նարեկ Մնացականյանը, նախկինում երկու անգամից ոչ պակաս դիտավորությամբ հանցանք կատարելու համար դատվածություն ունենալով, դարձյալ կատարել է դիտավորյալ հանցագործություն:
ՀՀ քրեական օրենսգրքի 22-րդ հոդվածի 2-րդ մասի համաձայն`
Հանցագործությունների ռեցիդիվը վտանգավոր է համարվում`
1) դիտավորությամբ հանցանք կատարելու դեպքում, եթե անձը նախկինում երկու անգամից ոչ պակաս ազատազրկման է դատապարտվել դիտավորյալ հանցագործության համար (...):
ՀՀ քրեական օրենսգրքի 67.1-րդ հոդվածի 2-րդ մասի համաձայն` (...) հանցանքների վտանգավոր ռեցիդիվի համար նշանակված պատիժը չի կարող պակաս լինել հատուկ մասի համապատասխան հոդվածի սանկցիայով նախատեսված առավելագույն պատժի երկու երրորդից (...):
ՀՀ քրեական դատավարության օրենսգրքի 3753-րդ հոդվածի 6-րդ կետի համաձայն` դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարած հանցագործության համար նախատեսված առավել խիստ պատժի երկու երրորդը (...):
Նշված պայմաններում ամբաստանյալ Նարեկ Մնացականյանի նկատմամբ պատիժ նշանակելիս դատարանը պետք է ղեկավարվի ՀՀ քրեական օրենսգրքի 67.1-րդ հոդվածի 2-րդ մասի և ՀՀ քրեական դատավարության օրենսգրքի 3753-րդ հոդվածի 6-րդ կետի կանոններով:
Դատարանը գտնում է, որ Արսեն Կարապետյանի և Նարեկ Մնացականյանի նկատմաբ տուգանքի ձևով պատիժ նշանակելը չի կարող ապահովել պատժի նպատակները, ուստի նրանց նկատմամբ պետք է նշանակել ազատազրկման ձևով պատիժ, որը նրանք պետք է կրեն:
Անդրադառնալով իրեղեն ապացույցների տնօրինման հարցին դատարանը գտնում է, որ քրեական գործով տուժող Թամարա Սամվելի Հովհաննիսյանին ի պահ հանձնված, իրեղեն ապացույց ճանաչված ՎԱԶ 21-01 մակնիշի, 16 ՕԼ 297 պետհամարանիշի ավտոմեքենայի գազի գլանանոթը և կարգավորիչը պետք է թողնել տուժող Թամարա Հովհաննիսյանի տնօրինմանը:
Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

Վ Ճ Ռ Ե Ց

Արսեն Մերուժանի Կարապետյանին մեղավոր ճանաչել ՀՀ քրեական օրենսգրքի 34-177-րդ հոդվածի 2-րդ մասի 1-ին կետով և պատիժ նշանակել ազատազրկում 2 /երկու/ տարի ժամկետով:
Պատժի սկիզբը հաշվել 2011 թվականի հունվարի 18-ից:
Արսեն Կարապետյանի նկատմամբ ընտրված խափանման միջոց կալանավորումը թողնել անփոփոխ, մինչև դատավճռի օրինական ուժի մեջ մտնելը:

Նարեկ Կարենի Մնացականյանին մեղավոր ճանաչել ՀՀ քրեական օրենսգրքի 34-177-րդ հոդվածի 2-րդ մասի 1-ին կետով և պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
Պատժի սկիզբը հաշվել 2011 թվականի հունվարի 18-ից:
Նարեկ Մնացականյանի նկատմամբ ընտրված խափանման միջոց կալանավորումը թողնել անփոփոխ, մինչև դատավճռի օրինական ուժի մեջ մտնելը:
Պատիժը պետք է կրեն ՀՀ ԱՆ համապատասխան քրեակատարողական հիմնարկում:
Տուժող Թամարա Սամվելի Հովհաննիսյանին ի պահ հանձնված, իրեղեն ապացույց ճանաչված ՙՎԱԶ՚ 2101 մակնիշի, 16 ՕԼ 297 պետհամարանիշի ավտոմեքենայի գազի գլանանոթը և կարգավորիչը թողնել տուժող Թամարա Հովհաննիսյանի տնօրինմանը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ