ԵԱՔԴ/0017/01/12

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`ª

նախագահող դատավոր Լ. Ավետիսյան
քարտուղարությամբ` Ն. Ղազարյանի
մասնակցությամբ
մեղադրող` Ա. Աղայանի
պաշտպան` Տ. Գրիգորյանի


2012 թվականի մայիսի 11-ին, Երևան քաղաքում, դռնբաց դատական նիստում, դատական քննության արագացված կարգով քննեց քրեական գործն ըստ մեղադրանքի Գեղամ Գեղամի Գրիգորյանի, ծնված 1972 թվականի հուլիսի 13-ին, Գեղարքունիքի մարզի Գանձակ գյուղում, ազգությամբ հայ, ՀՀ քաղաքացի, ութամյա կրթությամբ, ֆիզիկապես վատառողջ, ամուրի, խնամքին ոչ ոք, նախկինում երեք անգամ դատված, վերջինը` Երևան քաղաքի Կենտրոն և Նորք Մարաշ համայնքների ընդհանուր իրավասության դատարանի 19.09.2001թ. դատավճռով ՀՀ նախկին քրեական օրենսգրքի 86 հոդվածի 2-րդ մասով (գողություն) դատապարտվել է ազատազրկման 3 տարի ժամկետով, նույն դատարանի 27.08.2003թ. որոշմամբ վերը նշված դատավճիռը վերանայվել և արարքը համապատասխանեցվել է ՀՀ քրեական օրենսգրքի 177 հոդվածի 2-րդ մասի 1-ին, 3-րդ, 4-րդ կետերին, վերջնական պատիժ է սահմավել ազատազրկում` 3 տարի ժամկետով, պատիժը կրելուց ազատվել է 21.03.2004թ., դատվածությունը մարված, հաշվառված է Գեղարքունիքի մարզի Գանձակ գյուղում, մշտական բնակության վայր չունի, վարում է թափառաշրջիկ կյանք, մեղադրվում է ՀՀ քրեական օրենսգրքի 34-176 հոդվածի 1-ին մասով, որպես խափանման միջոց է կիրառվել չհեռանալու մասին ստորագրությունը,

Պ Ա Ր Զ Ե Ց

1.Գործի դատավարական նախապատմությունը.
2012 թվականի հունվարի 24-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 34-176 հոդվածի 1-ին մասով նախատեսված հանցագործության հատկանիշներով հարուցվել է թիվ 14101412 քրեական գործը:
2012 թվականի հունվարի 25-ին Գեղամ Գեղամի Գրիգորյանը ներգրավվել է որպես մեղադրյալ ՀՀ քրեական օրենսգրքի 34-176 հոդվածի 1-ին մասով, նրա նկատմամբ որպես խափանման միջոց է կիրառվել չհեռանալու մասին ստորագրությունը:
2012 թվականի փետրվարի 17-ին թիվ 14101412 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Գեղամ Գեղամի Գրիգորյանին մեղադրանք է առաջադրել այն արարքի կատարման համար, որ նա 2012 թվականի հունվարի 24-ին, ժամը 1630-ի սահմաններում, ալկոհոլ օգտագործած վիճակում, Երևան քաղաքի Կոմիտաս պողոտայի 51/12 հասցեում տեղակայված Սեդա ժորայի Գրիգորյանին պատկանող առևտրի տաղավարի ցուցափեղկի վրայից բացահայտ հափշտակել է 5.500 ՀՀ դրամ արժողությամբ անկողնու պարագաներ և դիմել է փախուստի, սակայն իր կամքից անկախ հանգամանքներում չի կարողացել հանցագործությունն ավարտին հասցնել, քանի որ բռնվել է նշված տարածքում ծառայություն իրականացնող ոստիկանության աշխատակիցների կողմից:
3. Արագացված դատական քննություն.
Մինչև դատաքննությունն սկսելն ամբաստանյալ Գեղամ Գեղամի Գրիգորյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Տիգրան Գրիգորյանը:
Մեղադրող Ա.Աղայանը դատական քննության արագացված կարգ կիրառելուն չի առարկել:
Տուժող Ս.Գրիգորյանը չնայած պատշաճ կարգով ծանուցված է եղել դատական նիստի վայրի և ժամանակի մասին, սակայն դատական նիստին չի ներկայացել և հեռախոսազանգով հայտնել է, որ ամբաստանյալից որևէ նյութական պահանջ չունի: Դատարանը որոշել է գործը քննել տուժողի բացակայությամբ:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գեղամ Գեղամի Գրիգորյանին առաջադրված մեղադրանքը ՀՀ քրեական օրենսգրքի 34-176 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 34-176 հոդվածի 1-ին մասին և արարքի որակումը ճիշտ է:
Ամբաստանյալ Գեղամ Գրիգորյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալ Գեղամ Գեղամի Գրիգորյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, ֆիզիկապես վատառողջ է (տառապում է ստորին վերջույթների գանգրենայով, կատարվել է վիրահատություն` ոտնաթաթերի մատնահատում 1/3-ի մատների շրջանում` 2011թ. և 2012թ.):
Որպես ամբաստանյալի պատասխանատվությունը և պատիժը ծանրացնող հանգամանք դատարանը դիտում է հանցանքն ալկոհոլի ազդեցության տակ կատարելը:
Կատարած արարքի համար ամբաստանյալ Գեղամ Գեղամի Գրիգորյանը ենթակա է քրեական պատասխանատվության և պատժի:
Հաշվի առնելով Գեղամ Գրիգորյանի կատարած արարքի հանրության համար վտանգավորության աստիճանը և բնույթը, նրա անձը, ինչպես նաև այն, որ ՀՀ քրեական օրենսգրքի 34-176 հոդվածի 1-ին մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ ամբաստանյալ Գեղամ Գեղամի Գրիգորյանի նկատմամբ ՀՀ քրեական օրենսգրքի 34-176 հոդվածի 1-ին մասով կատարած հանցանքի համար պատիժ պետք է նշանակել ազատազրկման ձևով, որը նա պետք է կրի:
Դատարանը նկատի ունենալով, որ ամբաստանյալը չունի մշտական բնակության վայր, դատարանի որոշմամբ նրա նկատմամբ հայտարարված է եղել հետախուզում և նա կարող է խուսափել նշանակված պատիժը կրելուց, ուստի հանգում է հետևության, որ պատժի կիրառումն ապահովելու նպատակով Գեղամ Գրիգորյանի նկատմամբ որպես խափանման միջոց կիրառված չհեռանալու մասին ստորագրությունը պետք է փոխել և նրա նկատմամբ որպես խափանման միջոց կիրառել կալանավորումը:
Դատարանը գտնում է, որ տուժող Սեդա Գրիգորյանի քաղաքացիական հայցի հարցը պետք է համարել լուծված, նկատի ունենալով, որ Սեդա Գրիգորյանը հայտնել է, որ գողոնը վերադարձվել է և ինքը որևէ նյութական պահանջ չունի:
Անդրադառնալով իրեղեն ապացույցի հարցին, դատարանը գտնում է, որ դատավճիռն օրինական ուժի մեջ մտնելուց հետո, 25.01.2012թ. որոշմամբ իրեղեն ապացույց ճանաչված և տուժող Սեդա Գրիգորյանին ի պահ հանձնված անկողնու պարագաները` մեկ հատ բարձի երեսը, մեկ հատ սավանը, մեկ հատ վերմակի երեսը, պետք է թողնել վերջինիս տնօրինությանը:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Գեղամ Գեղամի Գրիգորյանին մեղավոր ճանաչել ՀՀ քրեական օրենսգրքի 34-176 հոդվածի 1-ին մասով նախատեսված հանցանք կատարելու մեջ և նրան դատապարտել ազատազրկման վեց (6) ամիս ժամկետով:
Պատժի սկիզբը հաշվել Գեղամ Գեղամի Գրիգորյանին արգելանքի վերցնելու օրվանից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Գեղամ Գեղամի Գրիգորյանի նկատմամբ որպես խափանման միջոց ընտրված չհեռանալու մասին ստորագրությունը փոխել, ընտրել կալանավորումը և նրան կալանքի վերցնել դատական նիստի դահլիճում:
Դատավճիռն օրինական ուժի մեջ մտնելուց հետո իրեղեն ապացույց հանդիսացող և տուժող Սեդա Գրիգորյանին ի պահ հանձնված անկողնու պարագաները` մեկ հատ բարձի երեսը, մեկ հատ սավանը, մեկ հատ վերմակի երեսը, թողնել վերջինիս տնօրինությանը:
Տուժող Սեդա Գրիգորյանի քաղաքացիական հայցի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:


Դատավոր` ստորագրություն
Բնագրի հետ ճիշտ է`
Դատավոր Լ. Ավետիսյան