ԵԱՔԴ/0011/01/12


Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
քարտուղարությամբ Ն. Ղազարյանի
մասնակցությամբ
մեղադրող Հ. Մարտիրոսյանի
պաշտպան Ս. Մկրտչյանի
տուժող Վ. Մանուկյանի

2012 թվականի մարտի 28-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի`
1. Լևոն Օնիկի Գևորգյանի, ծնված 1961 թվականի դեկտեմբերի 16-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես վատառողջ` 3-րդ խմբի հաշմանդամ, ամուսնալուծված, խնամքին ոչ ոք, նախկինում 5 անգամ դատված` վերջին անգամ Երևան քաղաքի Ավան և Նոր Նորք համայնքների առաջին ատյանի դատարանի 23.10.2007թ. դատավճռով ՀՀ քրեական օրենսգրքի 177 հոդվածի 2-րդ մասի 3-րդ կետով դատապարտվել է ազատազրկման 3 տարի ժամկետով, 30.09.2009թ. ազատվել է պայմանական վաղաժամկետ 1 տարի 23 օրով, վերջին դատվածությունը չմարված, չի աշխատում, հաշվառված և բնակվում է Երևան քաղաքի Զ.Քանաքեռցու փողոցի թիվ 88 տուն հասցեում, մեղադրվում է ՀՀ քրեական օրենսգրքի 177 հոդվածի 2-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը,
2. Մուշեղ Սարգսի Հակոբյանի, ծնված 1959 թվականի հուլիսի 29-ին, Լոռու մարզի Խնկոյան գյուղում, ազգությամբ հայ, ՀՀ քաղաքացի, ութամյա կրթությամբ, ամուսնացած, խնամքին մեկ անձ, նախկինում չդատված, չի աշխատում, հաշվառված և բնակվում է Երևան քաղաքի Լեփսիուսի փողոցի 3 շենքի թիվ 36 բնակարանում, մեղադրվում է ՀՀ քրեական օրենսգրքի 177 հոդվածի 2-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը,

Պ Ա Ր Զ Ե Ց

1.Գործի դատավարական նախապատմությունը.
2011թ. դեկտեմբերի 24-ին ՀՀ ոստիկանության ՔԳՎ Երևան քաղաքի քննչական վարչության Քանաքեռ-Զեյթուն քննչական բաժնում ՀՀ քրեական օրենսգրքի 177 հոդվածի 2-րդ մասի 1-ին կետով նախատեսված հանցագործության հատկանիշներով հարուցվել է թիվ 09117211 քրեական գործը:
2011թ. դեկտեմբերի 29-ին Լևոն Օնիկի Գևորգյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
2011թ. դեկտեմբերի 29-ին Մուշեղ Սարգսի Հակոբյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
2012թ. փետրվարի 02-ին Լևոն Օնիկի Գևորգյանին նախկինում առաջադրված մեղադրանքի ծավալը փոփոխվել և նրան նոր մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին կետով, նրա նկատմամբ ընտրված խափանման միջոցը թողնվել է անփոփոխ:
2012թ. փետրվարի 02-ին Մուշեղ Սարգսի Հակոբյանին նախկինում առաջադրված մեղադրանքի ծավալը փոփոխվել և նրան նոր մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին կետով, նրա նկատմամբ ընտրված խափանման միջոցը թողնվել է անփոփոխ:
2012թ. փետրվարի 10-ին թիվ 09117211 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Լևոն Օնիկի Գևորգյանին մեղադրանք է առաջադրել այն արարքի կատարման համար, որ նա 2011 թվականի դեկտեմբերի 15-ին, ժամը 1000-ի սահմաններում, Մուշեղ Սարգսի Հակոբյանի հետ նախնական համաձայնությամբ, Վարդան Մանուկյանի կողմից օգտագործվող Երևան քաղաքի Քանաքեռի կայարանին կից հողամասից գաղտնի հափշտակել է վերջինիս պատկանող 2 հատ ջրի կուտակման երկաթե տարաներ, 2 հատ երկաթե կոնստրուկցիաներ, 1 հատ երկաթե թիթեղ և 30 կգ երկաթե ջարդոններ` Վ.Մանուկյանին պատճառելով զգալի չափերի հասնող` 19.750 ՀՀ դրամ գույքային վնաս:
Նախնական քննության մարմինն ամբաստանյալ Մուշեղ Սարգսի Հակոբյանին մեղադրանք է առաջադրել այն արարքի համար, որ նա 2011 թվականի դեկտեմբերի 15-ին, ժամը 1000-ի սահմաններում, Լևոն Օնիկի Գևորգյանի հետ նախնական համաձայնությամբ, Վարդան Մանուկյանի կողմից օգտագործվող Երևան քաղաքի Քանաքեռի կայարանին կից հողամասից գաղտնի հափշտակել է վերջինիս պատկանող 2 հատ ջրի կուտակման երկաթե տարաներ, 2 հատ երկաթե կոնստրուկցիաներ, 1 հատ երկաթե թիթեղ և 30 կգ երկաթե ջարդոններ` Վ.Մանուկյանին պատճառելով զգալի չափերի հասնող` 19.750 ՀՀ դրամ գույքային վնաս:
3. Արագացված դատական քննություն .
Մինչև դատաքննությունն սկսելն ամբաստանյալներ Լևոն Օնիկի Գևորգյանը և Մուշեղ Սարգսի Հակոբյանը միջնորդեցին դատական քննությունն անցկացնել արագացված կարգով և հայտարարեցին, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալների պաշտպան Ս.Մկրտչյանը:
Մեղադրող Հ.Մարտիրոսյանը դատական քննության արագացված կարգ կիրառելուն չի առարկել:
Տուժող Վարդան Մանուկյանը չառարկեց միջնորդության դեմ, նշելով, որ ամբաստանյալների նկատմամբ որևէ քաղաքացիական հայցի պահանջ չունի և խնդրում է վերադարձնել իրեղեն ապացույց ճանաչված հափշտակված իրերը:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:

4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Լևոն Օնիկի Գևորգյանին և Մուշեղ Սարգսի Հակոբյանին առաջադրված մեղադրանքը ՀՀ քրեական օրենսգրքի 177 հոդվածի 2-րդ մասի 1-ին կետով հիմնավորված է: Նրանց կողմից կատարված արարքները համապատասխանում են ՀՀ քրեական օրենսգրքի 177 հոդվածի 2-րդ մասի 1-ին կետի հատկանիշներին և արարքների որակումը ճիշտ է:
Ամբաստանյալներ Լևոն Օնիկի Գևորգյանի և Մուշեղ Սարգսի Հակոբյանի նկատմամբ պատիժ նշանակելիս, դատարանը հաշվի է առնում նրանց կատարած արարքների հանրության համար վտանգավորության աստիճանը, ինչպես նաև հանցավորների անձը:
Որպես ամբաստանյալ Լևոն Գևորգյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, երրորդ խմբի հաշմանդամ է:
Որպես ամբաստանյալ Լևոն Գևորգյանի պատասխանատվությունը և պատիժը ծանրացնող հանգամանք դատարանը դիտում է հանցանքը կատարելու ռեցիդիվը, նկատի ունենալով, որ ամբաստանյալ Գևորգյանը դիտավորյալ հանցագործություն (գողություն) կատարելու համար դատվածություն ունենալով կրկին դիտավորությամբ հանցանք (գողություն) է կատարել:
Որպես ամբաստանյալ Մուշեղ Հակոբյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, նրա խնամքին է գտնվում առաջին խմբի հաշմանդամ կինը:
Ամբաստանյալ Մուշեղ Հակոբյանի պատասխանատվությունը և պատիժը ծանրացնող հանգամանքներ չկան:
Կատարած արարքների համար ամբաստանյալներ Լևոն Օնիկի Գևորգյանը և Մուշեղ Սարգսի Հակոբյանը ենթակա են քրեական պատասխանատվության և պատժի:
Հաշվի առնելով Լևոն Գևորգյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքները, ինչպես նաև այն, որ ՀՀ քրեական օրենսգրքի 177 հոդվածի 2-րդ մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ պատժի նպատակներին հասնելու համար ամբաստանյալ Լևոն Օնիկի Գևորգյանի նկատմամբ ՀՀ քրեական օրենսգրքի 177 հոդվածի 2-րդ մասի 1-ին կետով կատարած հանցանքի համար պատիժ պետք է նշանակել ազատազրկման ձևով, որը նա պետք է կրի ՀՀ ԱՆ համապատասխան քրեակատարողական հիմնարկում, իսկ նրա նկատմամբ կիրառված խափանման միջոցը պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը գտնում է, որ ամբաստանյալի նկատմամբ նշանակվող պատժաչափի հարցը լուծելիս պետք է ղեկավարվել ՀՀ քրեական օրենսգրքի 22 հոդվածի 1-ին և 671 հոդվածի 2-րդ մասերով:
Հաշվի առնելով Մուշեղ Հակոբյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող և պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 177 հոդվածի 2-րդ մասի սանկցիայով նախատեսված է պատիժ նաև տուգանքի ձևով և պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, դատարանը գտնում է, որ ամբաստանյալ Մուշեղ Սարգսի Հակոբյանի նկատմամբ պատիժ պետք է նշանակել տուգանքի ձևով:
Դատարանը գտնում է, որ տուժող Վարդան Մանուկյանի քաղաքացիական հայցի հարցը պետք է համարել լուծված, քանի որ դատական քննության ժամանակ վերջինս հայտնել է, որ ամբաստանյալներից որևէ գույքային պահանջ չունի:
Դատարանը գտնում է, որ 2011թ. դեկտեմբերի 25-ի որոշմամբ իրեղեն ապացույց ճանաչված և ՙՄետաքսիմ՚ ՍՊԸ-ի մետաղի ջարդոնի և թափոնի ընդունման կետի աշխատակից Վազգեն Ղազարյանին ի պահ հանձնված ժանգոտված 2 ջրի կուտակման մետաղյա տարաները, ժանգոտված և ծռմռված 2 մետաղյա կոնստրուկցիաները պետք է վերադարձնել տուժող Վարդան Մանուկյանին:
Դատարանը գտնում է, որ քրեական գործում առկա, ապացույց ճանաչված, այլ փաստաթուղթ հանդիսացող, Վ.Ղազարյանից ստացված No 0025 գնման ակտը պետք է պահել քրեական գործում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց


Լևոն Օնիկի Գևորգյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին կետով նախատեսված հանցանք կատարելու մեջ և նրան դատապարտել ազատազրկման երկու (2) տարի վեց (6) ամիս ժամկետով:
Լևոն Օնիկի Գևորգյանի նկատմամբ որպես խափանման միջոց ընտրված չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Մուշեղ Սարգսի Հակոբյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին կետով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի հինգհարյուրապատիկի` հինգ հարյուր հազար (500.000) ՀՀ դրամի չափով:
Մուշեղ Սարգսի Հակոբյանի նկատմամբ որպես խափանման միջոց ընտրված չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Տուժող Վարդան Մանուկյանի քաղաքացիական հայցի հարցը համարել լուծված:
Դատավճիռն օրինական ուժի մեջ մտնելուց հետո իրեղեն ապացույց հանդիսացող ժանգոտված 2 ջրի կուտակման մետաղյա տարաները, ժանգոտված և ծռմռված 2 մետաղյա կոնստրուկցիաները վերադարձնել տուժող Վարդան Մանուկյանին:
Ապացույց ճանաչված, այլ փաստաթուղթ հանդիսացող Վ.Ղազարյանից ստացված No 0025 գնման ակտը պահել քրեական գործում:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:


Դատավորª ստորագրություն
Բնագրի հետ ճիշտ է
Դատավոր Լ. Ավետիսյան