ԵԱՔԴ/0008/01/12

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
քարտուղարությամբ Ն.Ղազարյանի
մասնակցությամբ`
մեղադրող Ա. Գասպարյանի
պաշտպան Տ. Գրիգորյանի


2012 թվականի մարտի 23-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Սարգիս Կարենի Խուրշուդյանի, ծնված 1993 թվականի մայիսի 29-ին, Երևան քաղաքում, ազգությամբ հայ, ՀՀ քաղաքացի, ութամյա կրթությամբ, ամուրի, խնամքին ոչ ոք, ֆիզիկապես վատառողջ, ՀՀ ՊՆ 60369 զորամասի նախկին ժամկետային զինծառայող, կոչումով շարքային, չի աշխատում, նախկինում չդատված, հաշվառված և բնակվում է Երևան քաղաքի Երկաթուղայինների 2-րդ փողոցի 14 տանը, մեղադրվում է ՀՀ քրեական օրենսգրքի 359 հոդվածի 1-ին մասով, որպես խափանման միջոց է ընտրվել չհեռանալու մասին ստորագրությունը,

Պ Ա Ր Զ Ե Ց

1.Գործի դատավարական նախապատմությունը.
2011 թվականի սեպտեմբերի 17-ին ՀՀ ՊՆ ՔԾ 4-րդ կայազորային քննչական բաժնում ՀՀ քրեական օրենսգրքի 359 հոդվածի 1-ին մասով նախատեսված հանցագործության հատկանիշներով հարուցվել է թիվ 90276211 քրեական գործը, որը 10.10.2011թ. որոշմամբ ենթակայության կարգով ուղարկվել է ՀՀ ՊՆ ՔԾ 5-րդ կայազորային քննչական բաժին` Ա.Խաչատրյանի վերաբերյալ հարուցված թիվ 90656811 քրեական գործին միացնելու և համատեղ ընթացքը լուծելու համար:
2011 թվականի հոկտեմբերի 20-ին որոշում է կայացվել ՀՀ ՊՆ 60369 զորամասի պարտադիր ժամկետային զինծառայող, շարքային Ս.Խուրշուդյանի և ՀՀ ՊՆ 25836 զորամասի պարտադիր ժամկետային զինծառայող, շարքային Ա.Խաչատրյանի միջև տեղի ունեցած վիճաբանության և փոխադարձ ապտակներ հասցնելու վերաբերյալ հարուցված քրեական գործի նյութերը թիվ 90656811 քրեական գործից անջատելու, դրանք առանձին վարույթում առանձնացնելու և թիվ 90660211 համարը շնորհելու մասին, որն էլ 26.10.2011թ. ենթակայության կարգով ուղարկվել է ՀՀ ՊՆ ՔԾ 4-րդ կայազորային քննչական բաժին:
2012 թվականի հունվարի 30-ին Սարգիս Կարենի Խուրշուդյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 359 հոդվածի 1-ին մասով, նրա նկատմամբ որպես խափանման միջոց ընտրվել է չհեռանալու մասին ստորագրությունը:
2012 թվականի փետրվարի 03-ին թիվ 90660211 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

2.Գործի փաստական հանգամանքները.
Նախնական քննության մարմինն ամբաստանյալ Սարգիս Կարենի Խուրշուդյանին մեղադրանք է առաջադրել այն արարքի կատարման համար, որ նա հանդիսանալով ՀՀ ՊՆ 60369 զորամասի պարտադիր ժամկետային զինծառայող, կոչումով շարքային, 2011թ. սեպտեմբերի 2-ից ՀՀ ՊՆ ԵԿՀ հոգեբուժական բաժանմունքում բուժում անցնելու ընթացքում, 2011թ. սեպտեմբերի 5-ին, ժամը 2230-ի սահմաններում, հոգեբուժարանի հիվանդասենյակում, ստորադասության հարաբերությունների բացակայության պայմաններում, խախտելով ՀՀ զինված ուժերի ներքին ծառայության կանոնագրքի 13-րդ հոդվածով սահմանված զինծառայողների փոխհարաբերությունների կանոնագրքային կանոնները, այն է` ՙզինծառայողը պարտավոր է բարձր պահել զինվորական ընկերասիրությունը, հարգել ընկերոջ պատիվն ու արժանապատվությունը, ուրիշ զինծառայողների նկատմամբ թույլ չտալ կոպտություն՚, վիճաբանել է ՀՀ ՊՆ 25836 զորամասի պարտադիր ժամկետային զինծառայող, կոչումով շարքային Արման Արթուրի Խաչատրյանի հետ, որի ընթացքում փոխադարձ հարվածներ են հասցրել միմյանց:
3. Արագացված դատական քննություն.
Մինչև դատաքննությունն սկսելն ամբաստանյալ Սարգիս Կարենի Խուրշուդյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Տիգրան Գրիգորյանը:
Մեղադրող Ա.Գասպարյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգկիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սարգիս Կարենի Խուրշուդյանին առաջադրված մեղադրանքը ՀՀ քրեական օրենսգրքի 359 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 359 հոդվածի 1-ին մասի հատկանիշներին և արարքի որակումը ճիշտ է:
Ամբաստանյալ Սարգիս Խուրշուդյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, ֆիզիկապես վատառողջ է` տառապում է ՙհարմարվողականության կրկնվող խանգարումներ, վարքի և էմոցիաների խառը խանգարումով, շեշտավորված անձ՚ ախտորոշմամբ, որի հետևանքով ՀՀ ՊՆ կենտրոնական ռազմաբժշկական հանձնաժողովի 11.10.2011թ. թիվ 1848 որոշմամբ ճանաչվել է ծառայության համար ոչ պիտանի` ՀՀ ՊՆ 26.02.2010թ. թիվ 175 հրամանի 7բ հոդվածի 1-ին սյունակի համաձայն և զորացրվել է պահեստազոր:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Սարգիս Կարենի Խուրշուդյանը ենթակա է քրեական պատասխանատվության և պատժի:
Հաշվի առնելով Սարգիս Խուրշուդյանի կատարած արարքի հանրության համար վտանգավորության աստիճանը և բնույթը, նրա անձը, ինչպես նաև այն, որ ՀՀ քրեական օրենսգրքի 359 հոդվածի 1-ին մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ ամբաստանյալ Սարգիս Կարենի Խուրշուդյանի նկատմամբ ՀՀ քրեական օրենսգրքի 359 հոդվածի 1-ին մասով կատարած հանցանքի համար պատիժ պետք է նշանակել ազատազրկման ձևով, իսկ նրա նկատմամբ կիրառված խափանման միջոցը պետք է թողնել անփոփոխ, մինչև դատավճռի օրինական ուժի մեջ մտնելը:
Դատարանը հաշվի առնելով հանցավորի վերը շարադրված անձը բնութագրող տվյալները, պատասխանատվությունը և պատիժը մեղմացնող հանգամանքները, ինչպես նաև պատասխանատվությունը և պատիժը ծանրացնող հանգամանքների բացակայությունը, հանգում է հետևության, որ ամբաստանյալի ուղղվելը հնարավոր է պատիժը պայմանականորեն չկիրառելու, սակայն` նրա վարքագծի նկատմամբ վերահսկողություն իրականացնելու պայմաններում:
Դատարանը գտնում է, որ քրեական գործում առկա, ապացույց ճանաչված, այլ փաստաթուղթ հանդիսացող, թիվ 434, 974, 975, 979, 980 հեռախոսագրերը, Երևանի ՌՈ բաժնի ՕՀ և ԶԻԼ բաժնի պետի զեկուցագիրը, զորամասի հրամանատարի հրամանների քաղվածքները, կալանավոր Ա.Խաչատրյանի դատավճռի պատճենը պետք է պահել քրեական գործում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Սարգիս Կարենի Խուրշուդյանին մեղավոր ճանաչել ՀՀ քրեական օրենսգրքի 359 հոդվածի 1-ին մասով նախատեսված հանցանք կատարելու մեջ և նրան դատապարտել ազատազրկման երեք (3) ամիս ժամկետով:
Կիրառել ՀՀ քրեական օրենսգրքի 70 հոդվածը և Սարգիս Կարենի Խուրշուդյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանելով փորձաշրջան մեկ (1) տարի ժամկետով:
Սարգիս Կարենի Խուրշուդյանի նկատմամբ որպես խափանման միջոց ընտրված չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Սարգիս Կարենի Խուրշուդյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին, որի սկիզբը հաշվել քրեակատարողական վարչության այլընտրանքային պատիժների կատարման բաժնում նրան հաշվառման վերցնելու օրվանից:
Ապացույց ճանաչված, այլ փաստաթուղթ հանդիսացող, թիվ 434, 974, 975, 979, 980 հեռախոսագրերը, Երևանի ՌՈ բաժնի ՕՀ և ԶԻԼ բաժնի պետի զեկուցագիրը, զորամասի հրամանատարի հրամանների քաղվածքները, կալանավոր Ա.Խաչատրյանի դատավճռի պատճենը պահել քրեական գործում:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է
Դատավոր Լ. Ավետիսյան