գործ No ԵԱՔԴ/0004/01/12
Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

17.02.2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


նախագահությամբ` դատավոր Ա.Մկրտչյանի
քարտուղարությամբ` Շ.Վանոյանի
Օ.Կիրակոսյանի
մասնակցությամբ`
մեղադրող Ա.Աղայանի
ամբաստանյալ Ա.Հայրապետյանի
պաշտպան Ա.Ումրշատյանի



Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Ավագ Գարեգինի Հայրապետյանի /ծնված 20.12.1962թ., Երևան քաղաքում, ազգությամբ հայ, ՀՀ քաղաքացի, ամուսնացած, չդատված, բարձրագույն կրթությամբ, չի աշխատում, բնակվում է ք. Երևան Արամ Խաչատրյան 4-րդ շենքի 18 բնակարանում/:
Մեղադրվում է ՀՀ քրեական օրենսգրքի 333-րդ հոդվածի 2-րդ մասի 2-րդ կետով:


Պ Ա Ր Զ Ե Ց


1.Գործի դատավարական նախապատմությունը
2011 թվականի օգոստոսի 17-ին տեղի է ունեցել դեպքը:
2011 թվականի դեկտեմբերի 13-ին հարուցվել է թիվ 14136011 քրեական գործը:
2011 թվականի դեկտեմբերի 23-ին Ա.Հայրապետյանին մեղադրանք է առաջադրվել ՀՀ քրեական օրենսգրքի 333-րդ հոդվածի 2-րդ մասի 2-րդ կետով և նրա նկատմամբ խափանման միջոց է ընտրվել ստորագրություն չհեռանալու մասին:
2012 թվականի հունվարի 20-ին թիվ 14136011 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:



2.Գործի փաստական հանգամանքները
Նախաքննության մարմինն ամբաստանյալ Ավագ Հայրապետյանին ՀՀ քրեական օրենսգրքի 333-րդ հոդվածի 2-րդ մասի 2-րդ կետով մեղադրանք է առաջադրել այն արարքի համար, որ ՙնա 2011 թվականի օգոստոսի 17-ին գիտակցելով, որ իր տված տեղեկությունները կեղծ են, ոստիկանության Արաբկիրի բաժնում սուտ հաղորդում է տվել այն մասին, որ 17.08.2011թ. ժամը 00:30-ից մինչև ժամը 07:00-ն ընկած ժամանակահատվածում անհայտ անձը Ա.Խաչատրյան 4 շենքի հետնամասից փախցրել է իր կողմից շահագործվող ՙՅագոտրանս՚ ՍՊԸ-ին պատկանող ՙԳազել 32213՚ մակնիշի 1284 S պետհամարանիշի սպիտակ գույնի ուղևորատար միկրոավտոբուսը, որը 30.08.2011թ. հայտնաբերվել է իր կողմից, որի վրայից գողացված են եղել սրահի հետին տեսանելիության երկու հայելիները, որոշ աշխատանքային գործիքներ, պետհամարանիշները և կտրված է եղել գազաբալոնները ամրացնող երկաթները, որոնք մեղադրանքի արհեստական ապացույցներ ստեղծելու նպատակով Ա.Հայրապետյանը դեն է նետել, իսկ գազաբալոնները ամրացնող երկաթները կտրել է՚:

3. Արագացված դատական քննություն
Մինչև դատաքննությունն սկսելն ամբաստանյալ Ավագ Հայրապետյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ա.Ումրշատյանը:
Մեղադրող Ա.Աղայանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ավագ Հայրապետյանի մեղավորությունը ՀՀ քրեական օրենսգրքի 333-րդ հոդվածի 2-րդ մասի 2-րդ կետի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի:
Ամբաստանյալ Ավագ Հայրապետյանի պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Ավագ Հայրապետյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չէ, բնութագրվում է դրական, ըստ ՙՓառապանծ մարտիկներ՚ Ռազմահայրենասիրական միության` մասնակցել է ՀՀ սահմանների պաշտպանությանը և ԼՂՀ-ի ազատագրմանը:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Անդրադառնալով Ավագ Հայրապետյանի նկատմամբ նշանակվող պատժին, դատարանը գտնում է, որ նրա ուղղվելը հնարավոր է առանց պատիժ կրելու:
Նման եզրահանգման դատարանը գալիս է` հաշվի առնելով հատկապես ամբաստանյալի անձը բնութագրող, պատասխանատվությունն ու պատիժը մեղմացնող հանգամանքների համակցությունը:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը



Վ Ճ Ռ Ե Ց


Ավագ Գարեգինի Հայրապետյանին մեղավոր ճանաչել ՀՀ քրեական օրենսգրքի 333-րդ հոդվածի 2-րդ մասի 2-րդ կետով և պատիժ նշանակել ազատազրկում 1 /մեկ/ տարի ժամկետով:
Կիրառել ՀՀ քրեական օրենսգրքի 70-րդ հոդվածը և Ավագ Հայրապետյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանել փորձաշրջան 1 /մեկ/ տարի ժամկետով:
Ավագ Հայրապետյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ