գործ No ԵԱՔԴ/0205/01/11

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

10.02.2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Շ.Վանոյանի
Օ.Կիրակոսյանի
մասնակցությամբ`
մեղադրող Ա.Սեփոյանի
ամբաստանյալ Ս.Հակոբյանի
պաշտպան Մ.Թովմասյանի
տուժողի իրավահաջորդ Մ.Միրզոյանի

Դատարանում, դռնբաց դատական նիստում քննեց քրեական գործն ըստ մեղադրանքի Սերոբ Վահանի Հակոբյանի (ծնված 06.11.1977թ., ք.Երևան, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին 3 մանկահասակ երեխա, նախկինում չդատված, աշխատում է ՙՀորիզոն՚ ՍՊԸ-ում որպես փոխտնօրեն, հաշվառված է ք.Երևան, Մաշտոցի 15շ., բն. 48):
Մեղադրվում է ՀՀ քրեական օրենսգրքի 242-րդ հոդվածի 2-րդ մասով:

Պ Ա Ր Զ Ե Ց

Գործի դատավարական նախապատմությունը
2011 թվականի սեպտեմբերի 30-ին տեղի է ունեցել դեպքը:
2011 թվականի հոկտեմբերի 01-ին հարուցվել է թիվ 60126211 քրեական գործը:
2011 թվականի դեկտեմբերի 27-ին Ս.Հակոբյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 242-րդ հոդվածի 2-րդ մասով:
2011 թվականի դեկտեմբերի 28-ին Ս.Հակոբյանի նկատմամբ որպես խափանման միջոց է կիրառվել ստորագրություն չհեռանալու մասին:
2011թ. դեկտեմբերի 30-ին թիվ 60126211 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

Գործի փաստական հանգամանքները
Նախաքննության մարմինն ամբաստանյալ Սերոբ Վահանի Հակոբյանին ՀՀ քրեական օրենսգրքի 242-րդ հոդվածի 2-րդ մասով մեղադրանք է առաջադրել այն արարքի համար, որ ՙ2011թ. սեպտեմբերի 30-ին, ժամը 22:30-ի սահմաններում, իր վարած ՙՆիսսան¬Մուրանո՚ մակնիշի 888 ՏՏ 86 պ/հ ավտոմեքենայով Երևան քաղաքի Դավիթ Անհաղթ փողոցի կողմից Կոմիտաս պողոտայով դեպի Գրիբոյեդով փողոցի ուղղությամբ երթևեկելիս, հասնելով 49/1 հասցեի դիմաց, խախտել է ՃԵԿ¬ի 129 կետի պահանջը, այն էª հանդիպակաց ուղղությամբ ընթացող ավտոմեքենայի լապտերների հեռահար լույսերից շլանալու և դրանով երթևեկության համար վտանգ առաջ գալու սկզբնապահից սկսած, երթևեկության անվտանգությունն ապահովելու համար չի միացրել մեքենայի վթարային¬լուսային ազդանշանը և չփոխելով երթևեկության գոտին, տեխնիկական տեսակետից ժամանակին չի դիմել արգելակման մեքենայի ընթացքը դանդաղեցնելուª մինչև այն լրիվ կանգնեցնելը, ինչի տեխնիկական հնարավորությունը մինչև վրաերթի տեղին հասնելը, ունեցել է, որի հետևանքով վրաերթի է ենթարկել Ալվարդ Վարդևանի Միրզոյանին, անզգուշությամբ նրան պատճառել մահª ինքն իրեն զրկելով վրաերթը կանխելու տեխնիկական հնարավորությունից՚:

Ապացույցների հետազոտում
Առաջադրված մեղադրանքում ամբաստանյալ Սերոբ Հակոբյանն իրեն լիովին մեղավոր է ճանաչել և դատաքննության փուլում ցուցմունքներ է տվել, որ 2011թ. սեպտեմբերի 30-ին, ժամը 22:30-ի սահմաններում, Նիսսան¬Մուրանո մակնիշի 888 ՏՏ 86 պ/հ ավտոմեքենայով երթևեկել է Երևան քաղաքի Կոմիտաս պողոտայով դեպի Գրիբոյեդով փողոցի ուղղությամբ, մոտ 50-60 կմ/ժամ արագությամբ, ուղեմասի ձախ եզրային շարքով£ Չհասած Կոմիտաս պող. թիվ 49/1 շենքի դիմացª հանդիպակաց երթևեկող ավտոմեքենայի հեռահար լուսարձակները շլացրել են իրեն և ինքը շլացած վիճակում մոտ 5 վայրկյան շարունակել է երթևեկելª թեթևակի արգելակելով£ Շլացման վերջնապահին, ավտոմեքենայի առջևի ձախ կողմով, վրաերթի է ենթարկել հետիոտն Ալվարդ Միրզոյանին, որից հետո դիմել է արգելակման ու անցնելով որոշակի տարածությունª կանգնեցրել է մեքենան£
Ամբաստանյալը միաժամանակ նշել է, որ լիովին հոգացել է տուժողի հւղարկավորության հետ կապված բոլոր ծախսերը:

Ամբաստանյալ Սերոբ Հակոբյանին մեղսագրվող արարքը հիմնավորվել է նաև դատաքննությամբ հետազոտված ներքոհիշյալ ապացույցներով.

Վկա Կարինե Վարդգեսի Միհրանյանը օգտվելով իր սահմանադրական իրավունքից հրաժարվեց դատաքննության փուլում ցուցմունքներ տալուց և նշեց, որ պնդում է նախաքննական ցուցմունքները:
Նախաքննության փուլում վկան ցուցմունք է տվել այն մասին, որ Սերոբ Հակոբյանն իր ամուսինն է£ 2011թ. սեպտեմբերի 30-ին ամուսնու հետ հյուրընկալվել են նրա ընկերոջ եղբոր հարսանիքին, որը տեղի է ունեցել Ջրվեժ թաղամասում գտնվող ՙՄասիս՚ ռեստորանում£ Ժամը 22:00-ի սահմաններում, ամուսինն ընկերոջª Գոռ Գրիգորյանի ՙՆիսսան¬Մուրանո՚ մակնիշի ավտոմեքենայով իրեն և երեխային տուն հասցնելու համար երթևեկել է Կոմիտաս պողոտայով դեպի Գրիբոյեդով փողոցի ուղղությամբ£ Մոտենալով Կոմիտաս պողոտայի թիվ 49/1 շենքի դիմացª հանդիպակաց ուղղությամբ երթևեկող ավտոմեքենայի լուսարձակներն ընկել են ավտոմեքենայի մեջ, այդ պահին ամուսինն իրեն ասել է, որ ոչինչ չի տեսնում, սակայն շարունակել է երթևեկությունը նույն արագությամբ£ Մոտ 5 վայրկյան շլացած անցնելուց հետոª առջևի ձախ կողմից դմփոցի ձայն է լսել£ Հասկացել է, որ ամուսինը վրաերթ է կատարել և գոռալով ասել է, որ մարդ է£ Ամուսինը կանգնեցրել է մեքենան և մոտեցել վրաերթի ենթարկվածին£
Գթ. 21-22

Վկա Գոռ Սամվելի Գրիգորյանը դատաքննության փուլում ցուցմունք է տվել այն մասին, որ Սերոբ Հակոբյանն իր ընկերն է£ 2011թ. սեպտեմբերի 30-ին հյուրընկալվել է ընկերոջ եղբոր հարսանիքին` Ջրվեժ թաղամասում գտնվող ՙՄասիս՚ ռեստորանում, որտեղ ներկա է եղել նաև Սերոբ Հակոբյանն իր ընտանիքով£ Ժամը 22:00-ի սահմաններում Սերոբն իր ծառայողական ՙՆիսսան-Մուրանո՚ մակնիշի ավտոմեքենայով ընտանիքին տուն տանելիս, Կոմիտաս պողոտայում վրաերթի է ենթարկել մի կնոջ, որը ստացած մարմնական վնասվածքներից մահացել է£

Վկա Անդրանիկ Հովհաննեսի Փանչոյանը դատաքննության փուլում ցուցմունք է տվել այն մասին, որ աշխատում է ‎ՙՏոտոգրասենյակում՚ որպես բուքմեյքեր£ Ալվարդ Միրզոյանը 2011թ. օգոստոս ամսից աշխատել է իրենց գրասենյակում որպես հավաքարար£ Աշխատանքի է եկել ժամը 12:00-ին և աշխատանքից դուրս եկել ժամը 22:30-ին£ 30.09.2011թ. Ալվարդն իրեն խնդրել է աշխատանքն ավարտել ժամը 22:00-ին£ Վերջինիս դուրս գալուց մոտ 10 րոպե անց, հանկարծ գրասենյակի աշխատողները միանգամից դուրս են եկել£ Հեռվից նկատել է, որ ՙՆոր թոնրատան՚ դիմաց մարդիկ են հավաքվել£ Մոտեցել է և տեսել, որ ճանապարհի կենտրոնում ընկած է եղել Ալվարդ Միրզոյանը£ Մոտեցել է շտապօգնության ավտոմեքենան և նրան տեղափոխել£

Վկա Էմիլ Էդուարդի Բզնունին դատաքննության փուլում ցուցմունք է տվել, որ 30.09.2011թ. Ջրվեժ թաղամասի ՙՄասիս՚ ռեստորանում տեղի է ունեցել եղբոր հարսանիքը£ Հրավիրված են եղել իր ընկերներից Գոռ Գրիգորյանը և Սերոբ Հակոբյանն` իր ընտանիքով£ Ժամը 22:00-ի սահմաներում Սերոբը կնոջ հետ դուրս է եկել սրահից£ Մոտ 30-40 րոպե անց իմացել է, որ Սերոբը Կոմիտաս պողոտայում վրաերթ է կատարել Գոռի մեքենայով, որի հետևանքով մի կին է մահացել£

Վկա Կարապետ Սուրիկի Օհանյանը դատաքննության փուլում ցուցմունք է տվել այն մասին, որ 30.09.2011թ. հրավիրված է եղել իր ընկերոջ եղբոր հարսանիքին, որտեղ ներկա են եղել նաև Սերոբ Հակոբյանը և Գոռ Գրիգորյանը£ Ժամը 22:00-ի սահմաններում Սերոբը կնոջ և երեխայի հետ դուրս է եկել` նրանց տուն հասցնելու նպատակով, դրանից հետո Սերոբն իրեն հեռախոսով հայտնել է, որ վրաերթ է կատարել£ Դրանից հետո գնացել է Կոմիտասի պողոտա, որտեղ իմացել է, որ Սերոբը մի կնոջ է վրաերթի ենթարկել, որը մահացել է:

Նախաքննության փուլում ըստ էության նույնաբովանդակ ցուցմունքներ են տվել նաև վկաներ Արտակ Սոսի Հակոբյանը, Սերգեյ Գարեգինի Ավչյանը, Նվարդ Հարությունի Կարա‎ֆիլյանը, Օ‎ֆելյա Արտակի Թարջումանյանը, Մարուսյա Մադաթի Եսայանը, Հասմիկ Զալիբեկի Հայրապետյանը, Արմեն Գագիկի Հովհաննիսյանը:
Գթ. 37-38, 88-89, 93-94, 65-66, 67-68, 79-80,139-140

Տուժողի իրավահաջորդ Մուրազիկ Միրզոյանը դատաքննության փուլում ցուցմունք է տվել այն մասին, որ Ա.Միրզոյանն իր քույրն է, ապրել է եղբոր` Արամ Միրզոյանի հետ£ Քույրն ամուսնացած չի եղել, ունեցել է հաշմանդամության երկրորդ կարգ£ Վերջին մեկ տարվա ընթացքում աշխատել է Կոմիտաս 49/1 շենքի մոտ գտնվող ՙՏոտո՚ ընկերությունում որպես հավաքարար£ Դեպքի օրը, ժամը 22:00-ի սահմաններում դուրս է եկել աշխատավայրից, ցանկացել հատել Կոմիտաս պողոտան և վրաերթի է ենթարկվել ու հիվանդանոց տեղափոխվելու ճանապարհին մահացել£ Դեպքից հետո Սերոբ Հակոբյանը փոխհատուցել է հուղարկավորության հետ կապված ծախսերը, նրանից որևէ պահանջ չունի£

Սերոբ Հակոբյանին մեղսագրվող արարքը հիմնավորվել է նաև.

Ճանապարհատրանսպորտային դեպքի վայրի զննության և տրանսպորտային միջոցի զննության արձանագրությունների համաձայն` դեպքը տեղի է ունեցել Երևան քաղաքի Կոմիտաս պողոտայի թիվ 49/1 շենքի դիմաց, որտեղ ճանապարհն ասֆալտապատ է, հարթ, ուղիղ£ Ճանապարհն ունի երկայնական թեքություն 1 տոկոսի չափով դեպի Գրիբոյեդով փողոցի ուղղությամբ£ Ուղեմասերը միմյանցից բաժանված են առանցքային զույգ հոծ գծերով, իսկ յուրաքանչյուր ուղեմաս ընդհատված բաժանարար նշագծումներով բաժանված է երեք ուղեգոտիներիª համապատասխանաբար 3,5, 3,3 և 4,5 մետր լայնություններով£ Դեպքի պահին տեղացել է անձրև և աս‎ֆալտը եղել է թաց£ Փողոցը լուսավորվել է արտաքին լուսավորության ցանցով£ Դեպքից հետո ՙՆիսսան¬Մուրանո՚ մակնիշի ավտոմեքենան կանգնած է եղել Կոմիտաս պողոտայի վրաª դեպի Գրիբոյեդով փողոց տանող ուղեմասի ձախ եզրային գոտում, հոծ գծից 0,45 մետր հեռավորության վրա, խաչմերուկից 44,4 մետր նույն ուղղությամբ£ ՙՆիսսան Մուրանո՚ մակնիշի ավտոմեքենայի հետևի մասում հայտնաբերվել են ապակու և պլաստմասսե կտորներ 20,4 x 2,1 մետր մակերեսով, սկզբնամասը խաչմերուկից 11,2 մետր հեռավորությամբ£ Դեպքի պահին ՙՆիսսան-Մուրանո՚ մակնիշի ավտոմեքենան գտնվել է տեխնիկապես սարքին վիճակում, ավտոմեքենայի մեջ եղել է մեկ չափահաս և մեկ անչափահաս ուղևոր, բեռ չի եղել, վրաերթի հետևանքով վնասվել է ավտոմեքենայի առջևի ձախակողմյան հատվածը£
Գթ. 5-10, 11-12

Իրեղեն ապացույցների առգրավման և զննության արձանագրությունների համաձայն` առգրավվել և զննվել է դեպքի վայրից վերցված ապակու և պլաստմասսե կտորները, Ալվարդ Միրզոյանի հագին դեպքի պահին եղած շալվարը, սվիտերը և կոշիկները, Սերոբ Հակոբյանի հագին դեպքի պահին եղած վերնաշապիկն ու տաբատը, որոնք ճանաչվել են որպես իրեղեն ապացույցներ£
Գթ. 15, 32-33, 58-59

Դատաբժշկական փորձաքննության թիվ 898 եզրակացության համաձայն, Ա.Միրզոյանի մահվան պատճառն է հանդիսացել տրավմատիկ հեմոռագիկ շոկը, որը պայմանավորված է գլխի, կրծքավանդակի, որովայնի, ստորին աջ վերջույթի փակ, բութ համակցված վնասվածքով, ինչը հիմնավորվել է հայտնաբերված հետևյալ վնասվածքներովª գլխուղեղի, գլխի փափուկ հյուսվածքների ենթամաշկային արյունազեղումներ, ձախիցª աջից կողոսկրերի տարբեր անատոմիական գծերով, կրծոսկրի, աջ ազդրոսկրի կոտրվածքներ փափուկ հյուսվածքների տարածուն արյունազեղումներով, լյարդի թոքերի բազմաթիվ քերծվածքներ, վերքեր, որոնք պատճառվել են կենդանության օրոք, բութ առարկայի ներգործության հետևանքով, հնարավոր է որոշմամբ նշված ժամկետին և նման վնասվածքները կենդանի անձանց մոտ դասվում են առողջությանը ծանր վնաս պատճառող մարմնական վնասվածքների շարքին, որոնցով էլ պայմանավորված է եղել մահը£ Ելնելով վնասվածքների տեղակայումիցª կարելի է ենթադրել, որ ամենայն հավանականությամբ առաջնային տրավմատիկ հարվածը ուղղված է եղել մարմնի վերջույթների աջ կողմնային մակերեսի ուղղությամբ£ Ա.Միրզոյանի դիակի վրա ավտոմեքենայի անվադողի գծանախշերի հետքեր չեն հայտնաբերվել£ Ա.Միրզոյանը մինչ մահը եղել է գործնականապես առողջ£ Ա.Միրզոյանի դիակից վերցված արյունը պատկանում է երկրորդի խմբի£ Ա.Միրզոյանի դիակից վերցված արյան մեջ ալկոհոլ չի հայտնաբերվել£
Գթ. 94-100

Դատահետքաբանական, դատաքիմիական և մանրաթելային համալիր փորձաքննության թիվ 11-2851 եզրակացության համաձայն` ՙՆիսսան-Մուրանո՚ մակնիշի 888 ՏՏ 86 պ/հ ավտոմեքենայի վրա հայտնաբերված վնասվածքներն ու հետքերն իրենց բնույթով և համակցությամբ բնորոշ են վրաերթին£
Ա.Միրզոյանի հագուստների և կոշիկների վրա հայտնաբերված վնասվածքներն ու հետքերն իրենց բնույթով և համակցությամբ բնորոշ են վրաերթի հետևանքով առաջացող վնասվածքներին ու հետքերին և կարող էին առաջանալ ՙՆիսսան-Մուրանո՚ մակնիշի 888 ՏՏ 86 պ/հ ավտոմեքենայի հետ կոնտակտի մեջ մտնելու արդյունքում£
Պլաստմասսե բեկորներից թվով երեքը ՙՆիսսան¬Մուրանո՚ մակնիշի 888 ՏՏ 86 պ/հ ավտոմեքենայի առջևի ձախ կողմի գլխավոր լուսացրիչի կոտրված հատվածների հետ կազմում են մեկ ամբողջություն£
Տուժող Ա.Միրզոյանի անդրավարտիքի վրա հայտնաբերված անգույն թափանցիկ, արծաթագույն մասնիկներով, երկշերտ, հավանաբար ավտոմեքենայի ներկածածկույթի քսվածքների նյութն ունի ընդհանուր սեռային պատկանելիություն ներկայացված ՙՆիսսան¬Մուրանո՚ մակնիշի 888 ՏՏ 86 պ/հ ավտոմեքենայի ներկածածկույթի արտաքին անգույն թափանցիկ շերտի և ներկածածկույթի սև շերտում առկա արծաթագույն մասնիկների հետ£
Տուժող Ա.Միրզոյանի հագուստներից անջատված զանգվածում հայտնաբերված քառաշերտ մասնիկները հանդիսանում են քառաշերտ, մոխրագույն մետալիկ ներկածածկույթի մասնիկներ, որոնք ըստ իրենց մոր‎ֆոլոգիական և քիմիական հատկանիշներիª ունեն ընդհանուր սեռային պատկանելիություն ՙՆիսսան-Մուրանո՚ մակնիշի 888 ՏՏ 86 պ/հ ավտոմեքենայի առջևի ձախ անվաթևի ներկածածկույթի հետ£
Դետալներից մոխրագույն մետալիկ գույնի պոլիմերային դետալի կտորի և սև գույնի, փայլուն մակերեսով պոլիմերային դետալի կտորի վրա հայտնաբերվել են համապատասխանաբար երկշերտ և միաշերտ ներկանյութի հավասարաչափ շերտանստվածքներ£
Մոխրագույն մետալիկ գույնի պոլիմերային դետալի վրա հայտնաբերված երկշերտ (սև արծաթագույն մասնիկներով և անգույն թափանցիկ) ներկածածկույթն ունի ընդհանուր սեռային պատկանելիություն ներկայացված ՙՆիսսան¬Մուրանո՚ մակնիշի 888 ՏՏ 86 պ/հ ավտոմեքենայի թափքիցª մասնավորապես առջևի ձախ անվաթևից վերցված ներկածածկույթի արտաքինª սև և անգույն թափանցիկ շերտերի հետ£
Սև գույնի պոլիմերային դետալի ներկանյութն ունի ընդհանուր սեռային պատկանելիություն ներկայացված ՙՆիսսան¬Մուրանո՚ մակնիշի 888 ՏՏ 86 պ/հ ավտոմեքենայի առջևի ձախակողմյան հետին տեսանելիության հայելու ամրացման հիմքի պոլիմերի ներկանյութի հետ£
ՙՆիսսան-Մուրանո՚ մակնիշի 888 ՏՏ 86 պ/հ ավտոմեքենայի վրա հայտնաբերվել են բնական և քիմիական մանրաթելեր, որոնք չունեն ընդհանուր պատկանելիություն Ալվարդ Միրզոյանի հագուստների կազմերի մեջ մտնող մանրաթելերի հետ£
Գթ. 107-115

Մանրաթելային փորձաքննության թիվ 11-3360 եզրակացության համաձայն` դակտոժապավենի վրա հայտնաբերված բնական բամբակյա անգույն և մոխրագույն, ինչպես նաև քիմիական փայլատված մոխրագույն մանրաթելերն իրենց մոր‎ֆոլոգիական հատկանիշներով համընկնում են Սերոբ Հակոբյանի անդրավարտիքի և վերնաշապիկի գործածքների կազմերի մեջ մտնող նմանատիպ մանրաթելերի հետ, այսինքն դրանք ունեն ընդհանուր սեռային պատկանելիություն£
Գթ. 132-137

Դատաավտոտեխնիկական փորձաքննության թիվ 177ա եզրակացության համաձայն` վրաերթին նախորդող պահին ՙՆիսսան-Մուրանո՚ մակնիշի 888 ՏՏ 86 պ/հ ավտոմեքենայի կախոցները, անիվները, ընթացքային մասերը և ղեկային կառավարման ու արգելակային համակարգերը, ինչպես նաևª արտաքին լուսային սարքերը գտնվել են սարքին վիճակում և դրանց այնպիսի անսարքություններ, որպիսիք գոյություն ունեցած լինեին մինչև տվյալ վրաերթը կամ առաջացած լինեին տվյալ վրաերթին նախորդող պահին ու պայմանավորած լինեին մեքենայի կառավարելիության կորստի ու տվյալ վրաերթի առաջացումը, չեն հայտնաբերվել£
ՙՆիսսան-Մուրանո՚ մակնիշի 888 ՏՏ 86 պ/հ ավտոմեքենայի վարորդը տվյալ վրաերթը կանխելու տեխնիկական հնարավորություն ունեցել է և հանդիպակաց ուղղությամբ ընթացող ավտոմեքենայի լապտերների հեռահար լույսերից շլանալու, այն էª իր երթևեկության համար վտանգ առաջ գալու սկզբնապահից սկսած, երթևեկության անվտանգությունն ապահովելու համար պետք է միացներ մեքենայի վթարային լուսային ազդանշանը և, չփոխելով երթևեկության գոտին, տեխնիկական տեսակետից ժամանակին կատարված արգելակումով դանդաղեցներ իր վարած մեքենայի ընթացքնª ընդհուպ մինչև այն կանգնեցնելը, ինչի տեխնիկական հնարավորությունը, մինչև վրաերթի տեղին հասնելը, ունեցել է£
ՙՆիսսան-Մուրանո՚ մակնիշի 888 ՏՏ 86 պ/հ ավտոմեքենայի վարորդը տեխնիկական տեսակետից թույլ է տվել ՃԵԿ¬ի 129 կետի պահանջին հակասող գործողություններ, դրանով իսկ պայմանավորել տվյալ վրաերթի առաջացումնª ինքն իրեն զրկելով այն կանխելու տեխնիկական հնարավորությունից£
Գթ. 153-158

Դատարանը գտնում է, որ գործով անթույլատրելի և ոչ վերաբերելի ապացույցներ չկան:

Դատարանի իրավական վերլուծությունները
Դատարանը գործով ձեռք բերված յուրաքանչյուր ապացույց գնահատելով թույլատրելիության վերաբերելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ղեկավարվելով օրենքով, ներքին համոզմամբ, գտնում է, որ ամբաստանյալ Սերոբ Հակոբյանի մեղավորությունը ՀՀ քրեական օրենսգրքի 242-րդ հոդվածի 2-րդ մասի հատկանիշներով նախատեսված հանցանք կատարելու մեջ ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Սերոբ Հակոբյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, խնամքին են գտնվում 2004թ., 2007թ. և 2009թ. ծնված երեք մանկահասակ երեխաները, հատուցել է տուժողի իրավահաջորդ Մուրազիկ Միրզոյանին պատճառված նյութական վնասը, նախկինում դատված չէ, բնութագրվում է դրական, ընտանիքի միակ կերակրողն է, առաջին անգամ, հանգամանքների պատահական զուգորդմամբ կատարել է միջին ծանրության հանցանք:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Անդրադառնալով Սերոբ Հակոբյանի նկատմամբ նշանակվող պատժին, դատարանը գտնում է, որ նրա ուղղվելը հնարավոր է առանց պատիժ կրելու:
Նման եզրահանգման դատարանը գալիս է` հաշվի առնելով հատկապես ամբաստանյալի անձը բնութագրող, պատասխանատվությունն ու պատիժը մեղմացնող հանգամանքների համակցությունը:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց հանդիսացող դեպքի վայրից վերցված ապակու և պլաստմասսե կտորները պետք է ոչնչացնել, իսկ Ալվարդ Միրզոյանի հագուստը` վերադարձնել տուժողի իրավահաջորդին:
Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 379-րդ հոդվածներով, դատարանը

Վ Ճ Ռ Ե Ց

Սերոբ Վահանի Հակոբյանին մեղավոր ճանաչել ՀՀ քրեական օրենսգրքի 242-րդ հոդվածի 2-րդ մասով և նրա նկատմամբ պատիժ նշանակել ազատազրկում 2 /երկու/ տարի ժամկետով` զրկելով տրանսպորտային միջոցներ վարելու իրավունքից` 1 /մեկ/ տարի ժամկետով:
Կիրառել ՀՀ քրեական օրենսգրքի 70-րդ հոդվածը և Սերոբ Հակոբյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանել փորձաշրջան 1 /մեկ/ տարի ժամկետով` զրկելով տրասնպորտային միջոցներ վարելու իրավունքից 1 /մեկ/ տարի ժամկետով:
Սերոբ Վահանի Հակոբյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց հանդիսացող դեպքի վայրից վերցված ապակու և պլաստմասսե կտորները ոչնչացնել, իսկ Ալվարդ Միրզոյանի հագուստը` վերադարձնել տուժողի իրավահաջորդին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ