գործ No ԵԱՔԴ/0204/01/11
ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

10 հոկտեմբերի 2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
Շ.Վանոյանի
մասնակցությամբ`
մեղադրող Գ.Մարկոսյանի
պաշտպաններ Մ.Թովմասյանի
Կ.Քաջազնունու

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
ԱՐՍԵՆ ԿԱՌԼԵՆԻ ՂԱԶԱՐՅԱՆԻ /ծնված 11.12.1973թ. ազգությամբ հայ, ՀՀ քաղաքացի, միջնակարգ կրթությամբ, նախկինում չդատված, ամուսնացած, խնամքին մեկ անձ, ՙՎիվ Կառլ՚ ՍՊԸ-ի տնօրեն, հաշվառված է ք.Սևան Գրիբոյեդովի 10շ բն 6, ներկայումս ՙՆուբարաշեն՚ ՔԿՀ կալանավոր/:
Մեղադրվում է ՀՀ քրեական օրենսգրքի 38-189-րդ հոդվածի 1-ին, 189-րդ հոդվածի 2-րդ, 38-189-րդ հոդվածի 3-րդ և 38-205-րդ հոդվածի 2-րդ մասերով:

ԼՈՒՍԻՆԵ ՀԱՐՈՒԹՅՈՒՆԻ ԿԻՐԱԿՈՍՅԱՆԻ /ծնված 14.10.1973թ. ազգությամբ հայ, ՀՀ քաղաքացի, բարձրագույն կրթությամբ, նախկինում չդատված, չամուսնացած, ՙՇինմետալ՚ ՍՊԸ-ի տնօրեն, աշխատում է ՙՄարիետա Ադիբեկյան՚ Ա/Ձ-ում որպես դեղագետ, բնակվող` ք.Երևան, Մուրացան փող. 184/4 տուն/:
Մեղադրվում է ՀՀ քրեական օրենսգրքի 205-րդ հոդվածի 2-րդ մասով:

Գործի դատավարական նախապատմությունը
13.10.2008թ. հարուցվել է թիվ 83102208 քրեական գործը:
23.03.2010թ. հարուցվել է թիվ 58203810 քրեական գործը:
18.06.2010թ. թիվ 58203810 քրեական գործը միացվել է թիվ 83102208 քրեական գործին:
13.07.2010թ. հարուցվել է թիվ 83162710 քրեական գործը:
08.10.2010թ. թիվ 83162710 քրեական գործը միացվել է թիվ 83102208 քրեական գործին:
29.09.2010թ. Արսեն Ղազարյանը ներգրավվել է որպես մեղադրյալ, խափանման միջոց է ընտրվել կանալավորումը և նրա նկատմամբ հայտարարվել է հետախուզում:
23.05.2011թ. Արսեն Ղազարյանը կամովին ներկայացել է և ձերբակալվել:
24.05.2011թ. Արսեն Ղազարյանին մեղադրանք է առաջադրվել:
25.05.2011թ. Ա.Ղազարյանի նկատմամբ որպես խափանման միջոց ընտրված կալանքը վերահաստատվել է:
22.12.2011թ. Լուսինե Կիրակոսյանին մեղադրանք է առաջադրվել և նրա նկատմամբ որպես խափանման միջոց է ընտրվել ստորագրություն չհեռանալու մասին:
23.12.2011թ. Արսեն Ղազարյանի մեղադրանքի ծավալը փոփոխվել և նրան նոր մեղադրանք է առաջադրվել:
26.12.2011թ. թիվ 83102208 քրեական գործից անջատվել է Արսեն Ղազարյանի և Լուսինե Կիրակոսյանի մասը, որին շնորհվել է 69108711 համարը:
2011 թվականի դեկտեմբերի 30-ին թիվ 69108711 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
Դատարանի 2012թ. հունիսի 12-ի որոշմամբ Արսեն Ղազարյանի առողջական վիճակի վատթարացման պատճառով նշանակվել է դատաբժշկական հանձնաժողովային փորձաքննություն:

Գործի փաստական հանգամանքները
Նախաքննության մարմինն ամբաստանյալ Արսեն Ղազարյանին ՀՀ քրեական օրենսգրքի 38-189-րդ հոդվածի 1-ին, 189-րդ հոդվածի 2-րդ, 38-189-րդ հոդվածի 3-րդ և 38-205-րդ հոդվածի 2-րդ մասերով մեղադրանք է առաջադրել այն արարքի համար, որ ՙնա փաստացի ղեկավարելով ձեռնարկատիրական գործունեություն իրականացնելու նպատակով իր նախաձեռնությամբ հիմնադրված և 2008թ. հունվարի 24-ին ՀՀ կառավարությանն առընթեր պետական եկամուտների կոմիտեի Արաբկիրի հարկային տեսչությունում հաշվառված ՙՇինմետալ՚ ՍՊ ընկերության գործունեությունը, 2008-2009 թվականների առաջին կիսամյակի ընթացքում իրականացնելով ձեռնարկատիրական գործունեություն` հարկերը վճարելուց չարամտորեն խուսափելու դիտավորությամբ, օրենսդրությամբ նախատեսված հաշվետվություններ, հաշվարկներ և հարկման հիմք հանդիսացող այլ պարտադիր փաստաթղթեր հարկային տեսչություն չներկայացնելու միջոցով կազմակերպել և ղեկավարել է ՙՇինմետալ՚ ՍՊ ընկերության տնօրեն Լուսինե Կիրակոսյանի կողմից առանձնապես խոշոր չափերի` 140.079.340 դրամ հարկերը վճարելուց չարամտորեն խուսափելը, այդ թվում` շահութահարկ 71.327.070 դրամ, ԱԱՀ` 68.752.270 դրամ, որից բխող տույժերը կազմում են 78.255.456 դրամ, իսկ տուգանքները` 85.759.404 դրամ:
ՙՇինմետալ՚ ՍՊ ընկերության գործունեության փաստացի ղեկավարման ընթացքում` 2008 թվականի դեկտեմբերին, Արսեն Ղազարյանը ՀՀ պետական եկամուտների կոմիտեի Վանաձորի ՏՀՏ-ում հաշվառված ՙԼուսավշին՚ ՍՊ ընկերության տնօրեն Արա Ղաբուզյանին հարկերը վճարելուց չարամտորեն խուսափելուն օժանդակելու դիտավորությամբ, վերջինիս դրդմամբ, առանց ապրանքների մատակարարման և ծառայությունների մատուցման տրամադրել է ՙՇինմետալ՚ ՍՊ ընկերության կողմից ՙԼուսավշին՚ ՍՊ ընկերությանը 4.172.400 դրամի ապրանքներ մատակարարելու և ծառայություններ մատուցելու վերաբերյալ կեղծ հաշիվ ապրանքագրեր, որոնք Արա Ղաբուզյանը ներառելով ՙԼուսավշին՚ ՍՊ ընկերության օրենսդրությամբ նախատեսված հաշվետվություններում և հարկման հիմք հանդիսացող այլ պարտադիր փաստաթղթերում, պետական բյուջե չի վճարել 918.000 դրամ հարկ` այդ թվումª շահութահարկ 139.100 դրամ, ԱԱՀ` 695.400 դրամ, եկամտահարկ` 83.500 դրամ, որից բխող տույժերը կազմում են 502.600 դրամ, իսկ տուգանքները` 550.800 դրամ, ինչի հետևանքով պետությանը պատճառվել է 918.000 դրամ խոշոր չափի վնաս:

Բացի այդ, 2009 թվականի հունիս ամսին Արսեն Ղազարյանը ՙԳևորգյան և Կարապետյան՚ ՍՊ ընկերության փաստացի տնօրեն Գագիկ Սարգսյանին համոզելու և նյութապես շահագրգռելու միջոցով, դրդել է ՙԳևորգյան և Կարապետյան՚ ՍՊ ընկերության անունից փաստաթղթավորելու քննությամբ դեռևս չպարզված անձանց կողմից ՙԳեոկոմպլեքս՚ ՓԲ ընկերության համար Սյունիքի մարզի Շլորկուտ գյուղում կատարված 15.510.000 դրամի հորատման աշխատանքները` նշված գումարի 2 տոկոսը նրան հանձնելու պայմանով: Որից հետո` երկու օր անց, Գագիկ Սարգսյանը Երևան քաղաքի Աջափնյակ թաղամասում գտնվող ՙԿիլիկիա՚ սրճարանում առանց ծառայությունների մատուցման կնքել և ստորագրել է ՙԳեոկոմպլեքս՚ ՓԲ ընկերության տնօրեն Արտակ Խերիմյանի ներկայացրած ՙԳեոկոմպլեքս՚ ՓԲ և ՙԳևորգյան և Կարապետյան՚ ՍՊ ընկերությունների միջև 2008թ. մարտի 14-ի ամսաթվով թվագրված թիվ 3 կեղծ պայմանագիրը, 2009թ. հուլիսի 31-ի ամսաթվով թվագրված հանձնման-ընդունման ակտը, հաշիվ-ապրանքագրեր, առանց թվագրման հորատման աշխատանքների ակտը, 2008թ. դեկտեմբերի 30-ի ամսաթվով թվագրված փոխադարձ հաշիվների ստուգման ակտը, 2009թ. հուլիսի 22-ի ամսաթվով թվագրված թիվ 1 կատարողական ակտը, 2008թ. ապրիլի 28-ի ամսաթվով թվագրված դրամարկղի թիվ 7 մուտքի օրդերը, 2008թ. հունիսի 30-ի ամսաթվով թվագրված դրամարկղի թիվ 14 մուտքի օրդերը, 2008թ. հուլիսի 3-ի ամսաթվով թվագրված դրամարկղի թիվ 17 մուտքի օրդերը, 2008թ. դեկտեմբերի 29-ի ամսաթվով թվագրված դրամարկղի թիվ 35 մուտքի օրդերը, որոնք ՙԳեոկոմպլեքս՚ ՓԲ ընկերությունն օգտագործել է օրենսդրությամբ նախատեսված հաշվետվություններ կազմելուց, ինչի հետևանքով պետությանը պատճառվել է առանձնապես խոշոր չա¬փի` 5.170.400 դրամի վնաս, այդ թվում` շահութահարկ 2.584.900 դրամ, ԱԱՀ` 2.585.500 դրամ, որից բխող տույժերը կազմում են 2.830.521 դրամ, իսկ տուգանքները` 3.102.000 դրամ, ինչի հետևանքով պետությանը պատճառվել է 5.170.400 դրամի առանձնապես խոշոր չափի վնաս:
Բացի այդ, Արսեն Ղազարյանն օժանդակել է Արմեն Կոնջարովին առանց ձեռնարկատիրական գործունեություն իրականացնելու մտադրության հարկերը վճարելուց խուսափելու նպատակով 2010 թվականի հունվարի 25-ին Սերգեյ Մկրտումյանի մասնակցությամբ կազմակերպել և ՀՀ ԿԱ ՊԵԿ-ի Քանաքեռ-Զեյթուն հարկային տեսչությունում հաշվառել ՙՄկրտ Սերգ՚ ՍՊ ընկերությունը, որից հետո Արմեն Կոնջարովն օգտագործելով հիշյալ ընկերության հաշվապահական փաստաթղթերն ու կնիքը՝ փաստացի ղեկավարել է ՙՄկրտ Սերգ՚ ՍՊ ընկերության գործունեությունը, ինչի հետևանքով պետությանը պատճառվել է խոշոր չափի` 23.649.112 դրամի վնաս:
Բացի այդ, Արսեն Ղազարյանն օժանդակել է Արմեն Կոնջարովին 2010 թվականի առաջին եռամսյակի ընթացքում առանց ապրանքների մատակարարման կազմել և ՙԱր Աս Մեդ՚ ՍՊ ընկերության հաշվետվություններում ներառել ՙՄկրտ Սերգ՚ ՍՊ ընկերության անունից իբրև ՙԱր Աս Մեդ՚ ՍՊ ընկերությանն ապրանքներ մատակարարելու վերաբերյալ կեղծ հաշիվ-ապրանքագրեր, որոնք Արմեն Կոնջարովը ներառելով օրենսդրությամբ նախատեսված ՙԱր Աս Մեդ՚ ՍՊ ընկերության հաշվետվություններում և հարկման համար հիմք հանդիսացող պարտադիր այլ փաստաթղթերում` Արսեն Ղազարյանի օժանդակությամբ չարամտորեն խուսափել է առանձնապես խոշոր չափի 16.516.175 դրամ հարկ վճարելուց, որից եկամտահարկ 5.859.671 դրամ, ԱԱՀ` 10.656.504 դրամ, իսկ պատճառված վնասից բխող տույժերը կազմում են` 7.566.150 դրամ, տուգանքները` 9.909.705 դրամ, ինչի հետևանքով պետությանը պատճառվել է 16.516.175 դրամ առանձնապես խոշոր չափի վնաս՚:

Ամբաստանյալ Լուսինե Կիրակոսյանին ՀՀ քրեական օրենսգրքի 205-րդ հոդվածի 2-րդ մասով մեղադրանք է առաջադրվել այն արարքի համար, որ ՙնա 2008 թվականի հունվարի 21-ից հանդիսանալով ՙՇինմետալ՚ ՍՊ ընկերության տնօրենը և պատասխանատու լինելով օրենքով սահմանված կարգով հաշվապահական հաշվառում վարելու, ընկերության գործունեության արդյունքները հաշվետվություններում արտացոլելու և դրանք տարածքային հարկային տեսչություն հանձնելու համար, 2008-2009 թվականի առաջին եռամսյակի ընթացքում Արսեն Ղազարյանի կողմից ՙՇինմետալ՚ ՍՊ ընկերությամբ ձեռնարկատիրական գործունեություն իրականացնելու ողջ ժամանակահատվածում ընկերության կնիքն ու հաշվապահական փաստաթղթերը հանձնել է վերջինիս, ստորագրել է ՙՇինմետալ՚ ՍՊ ընկերության անունից կազմված և Արսեն Ղազարյանի կողմից իրեն ներկայացված հաշիվ-ապրանքագրերը, նույն ժամանակահատվածում կանխիկացրել է ընկերության ՙԻնեկոբանկ՚ ՓԲ ընկերությունում բացված հաշվեհամարին տարբեր ընկերությունների կողմից փոխանցված գումարները, հանձնել Արսեն Ղազարյանին, ինչի ընթացքում վերջինիս կազմակերպմամբ դիտավորությամբ չի կազմել և տարածքային հարկային տեսչություն չի ներկայացրել ընկերության գործունեության վերաբերյալ օրենսդրությամբ նախատեսված հաշվետվություններ և հարկման հիմք հանդիսացող պարտադիր այլ փաստաթղթեր, ինչով և չարամտորեն խուսափել է առանձնապես խոշոր չափերի 140.079.340 դրամ հարկերը վճարելուց, այդ թվումª շահութահարկ 71.327.070 դրամ, ԱԱՀ` 68.752.270 դրամ, որից բխող տույժերը կազմում են 78.255.456 դրամ, իսկ տուգանքները` 85.759.404 դրամ՚:

Արագացված դատական քննություն
Մինչև դատաքննությունն սկսելն ամբաստանյալներ Արսեն Ղազարյանը և Լուսինե Կիրակոսյանը միջնորդել են դատական քննությունն անցկացնել արագացված կարգով և հայտարարել, որ համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու հետևանքները, միջնորդությունը ներկայացրել են կամավոր` պաշտպանների հետ խորհրդակցելուց հետո:
Միջնորդությունը հաստատել են նաև ամբաստանյալների պաշտպաններ Կարինե Քաջազնունին և Մարինե Թովմասյանը:
Մեղադրող Գ.Մարկոսյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արսեն Ղազարյանի մեղավորությունը ՀՀ քրեական օրենսգրքի 38-189-րդ հոդվածի 1-ին, 189-րդ հոդվածի 2-րդ, 38-189-րդ հոդվածի 3-րդ և 38-205-րդ հոդվածի 2-րդ մասերի, իսկ Լուսինե Կիրակոսյանի մեղավորությունը` ՀՀ քրեական օրենսգրքի 205-րդ հոդվածի 2-րդ մասի հատկանիշներով նախատեսված հանցանքներ կատարելու համար առաջադրված մեղադրանքում ապացուցված է, որի համար նրանք ենթակա են քրեական պատասխանատվության և պատժի, որը նրանք պետք է կրեն:
Ամբաստանյալների նկատմամբ պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Արսեն Ղազարյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չէ, խնամքին ունի մեկ մանկահասակ երեխա, բնութագրվում է դրական, ֆիզիկապես վատառողջ է` տառապում է սրտի իշեմիկ հիվանդությամբ: դատաքննության փուլում ամբաստանյալ Ա.Ղազարյանի առողջական վիճակի վատթարացման պատճառով նշանակված հանձնաժողովային դատաբժշկական փորձաքննության եզրակացության համաձայն` Ա.Ղազարյանը տառապում է սրտի իշեմիկ հիվանդությամբ, սրտամկանի առաջա-գագաթա-կողմնային պատի ինֆարկտ ենթասուր շրջանում, հետինֆարկտային գագաթային թրոմբ, արյան շրջանառության անբավարարություն 1-ին աստիճանի հիվանդություններով:
Լուսինե Կիրակոսյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չէ, աջակցել է հանցագործությունը բացահայտելուն, խնամքին է գտնվում կենսաթոշակառու մայրը:
Ամբաստանյալների պատասխանատվությունը և պատիժը ծանրացնող հանգամանքներ դատարանը չի արձանագրել:
Դատարանը գտնում է, որ Արսեն Ղազարյանի գույքի վրա դրված կալանքը պետք է թողնել անփոփոխ:
Անդրադառնալով մեղադրողի կողմից ներկայացված քաղաքացիական հայցին, դատարանը գտնում է, որ այն պետք է բավարարել և Արսեն Ղազարյանից հօգուտ պետական բյուջեի պետք է բռնագանձել 186.333.027 /հարյուր ութսունվեց միլիոն երեք հարյուր երեսուներեք հազար քսանյոթ/ դրամ:
Դատարանը գտնում է, որ գործով իրեղեն ապացույց հանդիսացող Ա.Ղազարյանի 091-85-75-75 բջջային հեռախոսահամարի զանգերի վերծանման սկավառակը պետք է պահել քրեական գոծի հետ, իսկ ՙԼուսաշվին՚, ՙՇինմետալ՚, ՙԳեոկոմպլեքս՚ ընկերությունների հարկային գործերը, ՙՇինմետալ՚ ՍՊ ընկերության սոց. և պետ. ռեգիստրի գրանցման գործերը պետք է հանձնել ՀՀ ԿԱ պետական եկամուտների կոմիտեի տնօրինմանը:
Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

ՎՃՌԵՑ

Արսեն Կառլենի Ղազարյանին մեղավոր ճանաչել ՀՀ քրեական օրենսգրքի 38-189-րդ հոդվածի 1-ին, 189-րդ հոդվածի 2-րդ, 38-189-րդ հոդվածի 3-րդ և 38-205-րդ հոդվածի 2-րդ մասերով:
ՀՀ քրեական օրենսգրքի 38-189-րդ հոդվածի 1-ին մասով պատիժ նշանակել ազատազրկում 3 /երեք/ տարի 3 /երեք/ ամիս ժամկետով:
ՀՀ քրեական օրենսգրքի 189-րդ հոդվածի 2-րդ մասով պատիժ նշանակել ազատազրկում 2 /երկու/ տարի ժամկետով:
Կիրառել ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2011թ. մայիսի 26-ի որոշման 1-ին կետի 1-ին ենթակետը և նրան ազատել պատժից:
ՀՀ քրեական օրենսգրքի 38-189-րդ հոդվածի 3-րդ մասով պատիժ նշանակել ազատազրկում 3 /երեք/ տարի 3 /երեք/ ամիս ժամկետով:
ՀՀ քրեական օրենսգրքի 38-205-րդ հոդվածի 2-րդ մասով պատիժ նշանակել ազատազրկում 4 /չորս/ տարի ժամկետով` գույքի բռնագրավմամբ, բայց ոչ ավելին, քան հանցագործությամբ պատճառված վնասը, այն է` 186.333.027 /հարյուր ութսունվեց միլիոն երեք հարյուր երեսուներեք հազար քսանյոթ/ դրամը:
ՀՀ քրեական օրենսգրքի 66-րդ հոդվածի կանոններով, պատիժները մասնակի գումարելու միջոցով, Արսեն Կառլենի Ղազարյանի նկատմամբ վերջնական պատիժ նշանակել ազատազրկում 5 /հինգ/ տարի ժամկետով` գույքի բռնագրավմամբ, բայց ոչ ավելին, քան հանցագործությամբ պատճառված վնասը, այն է` 186.333.027 /հարյուր ութսունվեց միլիոն երեք հարյուր երեսուներեք հազար քսանյոթ/ դրամը:
Կիրառել ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ Ազգային Ժողովի 2011թ. մայիսի 26-ի որոշման 8-րդ կետի 3-րդ ենթակետը և Արսեն Ղազարյանի նկատմամբ նշանակված պատժաչափի չկրած մասը կրճատել մեկ երրորդով, որի հաշվարկի կատարումը թողնել ՀՀ ԱՆ համապատասխան քրեակատարողական հիմնարկին:
Պատժի սկիզբը հաշվել 2011թ. մայիսի 23-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Արսեն Ղազարյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:

Լուսինե Հարությունի Կիրակոսյանին մեղավոր ճանաչել ՀՀ քրեական օրենսգրքի 205-րդ հոդվածի 2-րդ մասով և նրա նկատմամբ պատիժ նշանակել ազատազրկում 3 /երեք/ տարի ժամկետով` գույքի բռնագրավմամբ, բայց ոչ ավելին, քան հանցագործությամբ պատճառված վնասը, այն է` 140.079.340 /հարյուր քառասուն միլիոն յոթանասունինը հազար երեք հարյուր քառասուն/ դրամը:
Կիրառել ՀՀ Ազգային Ժողովի 2009թ. հունիսի 19-ի համաներում հայտարարելու մասին որոշման 1-ին կետի 1-ին ենթակետը և նրան ազատել պատժից:
Լուսինե Կիրակոսյանի նկատմամբ ընտրված խափանման միջոցը` ստորագրություն չհեռանալու մասին, վերացնել:

Արսեն Ղազարյանի գույքի վրա դրված կալանքը թողնել անփոփոխ:
Մեղադրողի կողմից ներկայացված քաղաքացիական հայցը բավարարել, և Արսեն Ղազարյանից հօգուտ պետական բյուջեի բռնագանձել 186.333.027 /հարյուր ութսունվեց միլիոն երեք հարյուր երեսուներեք հազար քսանյոթ/ դրամ:
Գործով իրեղեն ապացույց հանդիսացող Ա.Ղազարյանի 091-85-75-75 բջջային հեռախոսահամարի զանգերի վերծանման սկավառակը պահել քրեական գործի հետ, իսկ ՙԼուսաշվին՚, ՙՇինմետալ՚, ՙԳեոկոմպլեքս՚ ընկերությունների հարկային գործերը, ՙՇինմետալ՚ ՍՊ ընկերության սոց. և պետ. ռեգիստրի գրանցման գործերը հանձնել ՀՀ ԿԱ պետական եկամուտների կոմիտեի տնօրինմանը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:




ԴԱՏԱՎՈՐ Ա.ՄԿՐՏՉՅԱՆ