գործ No ԵԱՔԴ/0195/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

24.12.2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Արթուր Մկրտչյանի
քարտուղարությամբ` Շուշան Վանոյանի
մասնակցությամբ`
մեղադրող Սահակ Գրիգորյանի
ամբաստանյալ Սարգիս Գալոյանի
պաշտպան Էլեոնորա Վարդանյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի` Սարգիս Ֆելիքսի Գալոյանի (ծնված 24.11.1992թ., ք.Երևան, ազգությամբ հայ, ՀՀ քաղաքացի, չամուսնացած, միջնակարգ կրթությամբ, ուսանող, 3-րդ խմբի հաշմանդամ, չդատված, հաշառված և բնակվող` ք.Երևան, Զ.Սարկավագի 9 տուն):
Մեղադրվում է ՀՀ քրեական օրենսգրքի 141-րդ և 118-րդ հոդվածներով:

Պ Ա Ր Զ Ե Ց

1.Գործի դատավարական նախապատմությունը
2011 թվականի օգոստոս ամսին և սեպտեմբերի 09-ին տեղի են ունեցել դեպքերը:
2011 թվականի հոկտեմբերի 04-ին հարուցվել է թիվ 09114611 քրեական գործը:
2011 թվականի դեկտեմբերի 15-ին Սարգիս Գալոյանին մեղադրանք է առաջադրվել ՀՀ քրեական օրենսգրքի 141-րդ և 118-րդ հոդվածներով և նրա նկատմամբ որպես խափանման միջոց է ընտրվել ստորագրություն չհեռանալու մասին:
2011 թվականի դեկտեմբերի 28-ին թիվ 09114611 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Սարգիս Գալոյանին մեղադրանք է առաջադրել ՀՀ քրեական օրենսգրքի 141-րդ և 118-րդ հոդվածներով այն արարքի համար, որ ՙնա 2011 թվականի օգոտսոս ամսին Երևան քաղաքի Աղասու 1 հասցեում

գտնվող տանը ակնհայտ 16 տարին չլրացած Կարինե Կարենի Գրիգորյանի հետ ունեցել է սեռական հարաբերություն:
Բացի այդ, 2011 թվականի սեպտեմբերի 09-ին ժամը 15:00-ի սահմաններում Գրիբոյեդով 15 հասցեում գործող ՙՀայ Բուսակ՚ քոլեջի մոտ առաջացած վիճաբանության ժամանակ քաշքշել է Կ.Գրիգորյանին և ձեռքով հարվածել է նրա դեմքին` պատճառելով առողջության թեթև վնասի հատկանիշներ չպարունակող` աջից ստորին շրթունքի քերծվածքի և լորձաթաղանթի պատռվածքի ձևով մարմնական վնասվածքներ՚:

3. Արագացված դատական քննություն
Մինչև դատաքննությունն սկսելն ամբաստանյալ Սարգիս Գալոյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո, լիովին ընդունել է ներկայացված քաղաքացիական հայցը:
Միջնորդությունը հաստատել է նաև ամբաստանյալի պաշտպան Է.Վարդանյանը:
Մեղադրող Ս.Գրիգորյանը դատական քննության արագացված կարգ կիրառելուն չի առարկել:
Տուժող Կարինե Գրիգորյանը և տուժողի օրինական ներկայացուցիչ Դիանա Նելիպովիչը դատարանին ներկայացրել են դիմում և հայտնել, որ չեն առարկում արագացված դատաքննության կարգ կիրառելուն և Ս.Գալոյանից որևէ պահանջ չունեն:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սարգիս Ֆելիքսի Գալոյանի մեղավորությունը ՀՀ քրեական օրենսգրքի 141-րդ և 118-րդ հոդվածների հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Սարգիս Գալոյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, բնութագրվում է դրական, նախկինում դատված չէ, տառապում է առաջին տիպի, ծանր ձև շաքարային դիաբետ հիվանդությամբ, 3-րդ խմբի հաշմանդամ է:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:

Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը


Վ Ճ Ռ Ե Ց

Սարգիս Ֆելիքսի Գալոյանին մեղավոր ճանաչել ՀՀ քրեական օրենսգրքի 141-րդ 118-րդ հոդվածներով:
ՀՀ քրեական օրենսգրքի 141-րդ հոդվածով նրա նկատմամբ պատիժ նշանակել տուգանք ՀՀ նվազագույն աշխատավարձի հարյուրապատիկի` 100.000 /հարյուր հազար/ ՀՀ դրամի չափով:
ՀՀ քրեական օրենսգրքի 118-րդ հոդվածով նրա նկատմամբ պատիժ նշանակել տուգանք ՀՀ նվազագույն աշխատավարձի հիսունապատիկի` 50.000 /հիսուն հազար/ ՀՀ դրամի չափով:
ՀՀ քրեական օրենսգրքի 66-րդ հոդվածի կանոններով, պատիժները լրիվ գումարելու միջոցով`` Սարգիս Գալոյանի նկատմամբ վերջնական պատիժ նշանակել տուգանք` ՀՀ նվազագույն աշխատավարձի հարյուրհիսունապատիկի` 150.000 /հարյուր հիսուն հազար/ ՀՀ դրամի չափով:
Սարգիս Գալոյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ