գործ No ԵԱՔԴ/0194/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

02.02.2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Գ.Հարությունյանի
պաշտպան Ա.Մաթևոսյանի
ամբաստանյալ Ա.Հովսեփյանի

Դատարանում, դռնբաց դատական նիստում արագացված դատաքննության կարգով քննեց քրեական գործն ըստ մեղադրանքի` Արամ Էդիկի Հովսեփյանի /ծնված 12.12.1989թ., ք.Երևան, ազգությամբ հայ, ՀՀ քաղաքացի, Երևանի պետական ագրարային համալսարանի 4-րդ կուրսի ուսանող, չամուսնացած, չի աշխատում, նախկինում չդատված, հաշվառված` ք.Երևան, Նիկոլ Դուման 1-ին շենք, բն. 56, ներկայումս ՀՀ ԱՆ ՙՆուբարաշեն՚ ՔԿՀ կալանավոր/:
Մեղադրվում է ՀՀ քրեական օրենսգրքի 266-րդ հոդվածի 1-ին և 268-րդ հոդվածի 1-ին մասերով:

Պ Ա Ր Զ Ե Ց

Գործի դատավարական նախապատմությունը
2011թ. հոկտեմբերի 17-ին և 19-ին տեղի է ունեցել դեպքը:
2011թ. հոկտեմբերի 19-ին հարուցվել է թիվ 59109811 քրեական գործը և նույն օրը 19-ին Ա.Հովսեփյանը ձերբակալվել է:
2011թ. հոկտեմբերի 22-ին Ա.Հովսեփյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին և 268-րդ հոդվածի 1-ին մասերով և խափանման միջոց է կիրառվել կալանքը:
28.12.2011թ. թիվ 59109811 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

Գործի փաստական հանգամանքները
Նախաքննության մարմինն ամբաստանյալ Արամ Հովսեփյանին ՀՀ քրեական օրենսգրքի 266-րդ հոդվածի 1-ին և 268-րդ հոդվածի 1-ին մասերով մեղադրանք է առաջադրել այն արարքի համար, որ ՙնա 2011թ. հոկտեմբերի 16-ին Տավուշի մարզի Դիլիջան քաղաքի ճանապարհի ոլորաններին հարակից անտառում աճած կանեփի թփից քաղելու եղանակով, ապօրինի ձեռք է բերել, պահել և Երևան քաղաք է փոխադրել կանեփի տերևներ, որտեղ` Երևանի Նիկոլ Դուման 1-ին շենքի բակում, առանց իրացնելու նպատակի, չորացնելու եղանակով ապօրինի պատրաստել և իր մոտ է պահել ստացված` զգալի չափի ՙՄարիխուանա՚ տեսակի թմրամիջոցը: Հաջորդ օրը` 2011թ. հոկտեմբերի 17-ի երեկոյան, Ա.Հովսեփյանն ստացված թմրամիջոցն ապօրինաբար փոխադրել է Երևանի Դավիթաշեն 1-ին թաղամասի միջնակարգ դպրոցի բակ, որտեղ դրա մի մասը լցրել է ծխախոտի մեկ գլանակի մեջ, ծխելու միջոցով գործածել այն և հյուրասիրելու եղանակով ապօրինի իրացրել ընկերոջը` Արման Վաղարշակի Մնացականյանին, իսկ մնացած մասն ապօրինի պահել է իր մոտ գտնվող սև կաշվե դրամապանակի մեջ:
2011թ. հոկտեմբերի 19-ին ՀՀ ոստիկանության Երևան քաղաքի վարչության Կարեն Դեմիրճյանի անվան մետրոպոլիտենի պահպանության բաժնի աշխատակիցները Արամ Հովսեփյանին և Արման Մնացականյանին մետրոյի ՙԲարեկամություն՚ կայարանի նախասրահից բերման են ենթարկել ոստիկանության բաժին, որտեղ Ա.Հովսեփյանի անձնական խուզարկությամբ, նրա դրամապանակից հայտնաբերել են վերջինիս կողմից ապօրինի պահված զգալի չափի` 0,95 գրամ քաշով չորացված ՙՄարիխուանա՚ տեսակի թմրամիջոցը՚:

3. Արագացված դատական քննություն
Մինչև դատաքննությունն սկսելն ամբաստանյալ Արամ Հովսեփյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ա.Մաթևոսյանը:
Մեղադրող Գ.Հարությունյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արամ Հովսեփյանի մեղավորությունը ՀՀ քրեական օրենսգրքի 266-րդ հոդվածի 1-ին և 268-րդ հոդվածի 1-ին մասերի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Արամ Հովսեփյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չէ, բնութագրվում է դրական, ուսանող է:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Անդրադառնալով իրեղեն ապացույցների տնօրինման հարցին, դատարանը գտնում է, որ գործով իրեղեն ապացույց հանդիսացող 0,95 գրամ քաշով չորացված ՙՄարիխուանա՚ տեսակի թմրամիջոցը պետք է ոչնչացնել:
Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

Վ Ճ Ռ Ե Ց

Արամ Էդիկի Հովսեփյանին մեղավոր ճանաչել ՀՀ քրեական օրենսգրքի 266-րդ հոդվածի 1-ին և 268-րդ հոդվածի 1-ին մասերով:
ՀՀ քրեական օրենսգրքի 266-րդ հոդվածի 1-ին մասով նրա նկատմամբ պատիժ նշանակել ազատազրկում 3 /երեք/ տարի ժամկետով:
ՀՀ քրեական օրենսգրքի 268-րդ հոդվածի 1-ին մասով պատիժ նշանակել ազատազրկում 6 /վեց/ ամիս ժամկետով:
ՀՀ քրեական օրենսգրքի 66-րդ հոդվածի կանոններով, պատիժները մասնակի գումարելու միջոցով Արամ Էդիկի Հովսեփյանի նկատմամբ վերջնական պատիժ նշանակել ազատազրկում 3 /երեք/ տարի 3 /երեք/ ամիս ժամկետով:
Պատժի սկիզբը հաշվել 2011թ. հոկտեմբերի 19-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Արամ Հովսեփյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց հանդիսացող 0,95 գրամ քաշով չորացված ՙՄարիխուանա՚ տեսակի թմրամիջոցը ոչնչացնել:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:






ԴԱՏԱՎՈՐ Ա.ՄԿՐՏՉՅԱՆ