Գործ ԵԱՔԴ/0192/01/11






Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

20 հունվարի 2012թ. ք.Երևան


Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


Նախագահությամբ` դատավոր Մ.Խաչատրյանի
Քարտուղարությամբ` Հ.Արտաշեսյանի
Մասնակցությամբ`
Մեղադրող Խ.Բաղդասարյանի
Պաշտպան Հ.Գալյանի
Տուժող Ռ.Վարդազարյանի

Դռնբաց դատական նիստում արագացված դատաքննության կարգով քննության առավ քրեական գործն ըստ մեղադրանքի Էռնեստ Սամվելի Բաղդասարյանի` ծնված 28.05.1987թվականին, ք.Երևան, ազգությամբ հայ, ՀՀ քաղաքացի, ամուրի, նախկինում չդատապարտված, հաշվառված և ապրում է Յան Ռայնիսի 105 շենքի թիվ 7 բնակարանում:
Մեղադրվում է ՀՀ քրեական օրենսգրքի ՀՀ քրեական օրենսգրքի 316-րդ հոդվածի 1-ին մասով նախատեսված հանցագործության կատարման համար:
Սույն գործով կալանքի տակ է 2011 թվականի նոյեմբերի 28-ից:
Արագացված դատական քննությամբ դատարանն ապացուցված համարեց հետևյալը.
Նախաքննության մարմինը` Էռնեստ Սամվելի Բաղդասարյանին ՀՀ քրեական օրենսգրքի 316-րդ հոդվածի 1-ին մասով մեղադրանք է առաջադրել այն բանի համար, որ նա 2011թվականի նոյեմբերի 28-ին, ժամը 20.20-ի սահմաններում, Երևանի Պ.Սևակ և Ռուբինյանց փողոցների խաչմերուկում, անհիմն վիճաբանել է նշված վայրում ոստիկանության ծառայողի համար նախատեսված համազգեստով իր ծառայողական պարտականություններն իրականացնող, իշխանության ներկայացուցիչ հանդիսացող ՀՀ ոստիկանության ՃՈ 1-ին սպայական գումարտակի 2-րդ վաշտի 2-րդ դասակի տեսուչ, ոստիկանության լեյտենանտ Ռաֆայել Անուշավանի Վարդազարյանի հետ և սեռական բնույթի հայհոյանքներ տալով ու Ռ. Վարդազարյանի կյանքի, առողջության համար ոչ վտանգավոր բռնություն գործադրելով բռնել է նրա բաճկոնի օձիքից, քաշքշել, բռունցքով հարվածել է Ռ.Վարդազարյանի ծնոտին և դիմել փախուստի:
Մինչև դատաքննությունն սկսելն ամբաստանյալ Էռնեստ Սամվելի Բաղդասարյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատեց նաև ամբաստանյալի պաշտպան Հ.Գալյանը:
Մեղադրող Խ.Բաղդասարյանը և տուժող Ռ.Վարդազարյանը նույնպես արագացված դատական քննության կարգի դեմ չառարկեցին:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Էռնեստ Սամվելի Բաղդասարյանի մեղավորությունը ՀՀ քրեական օրենսգրքի 316-րդ հոդվածի 1-ին մասի հատկանիշներով նախատեսված հանցանք կատարելու մեջ ապացուցված է և արարքը որակված է ճիշտ, որի համար նա ենթակա է քրեական պատասխանատվության և պատժի և նշանակված պատիժը պետք է կրի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև ամբաստանյալի անձը բնութագրող տվյալները, պատասխանատվությունն ու պատիժը մեղմացնող հանգամանքները:
Ամբաստանյալ Էռնեստ Սամվելի Բաղդասարյանի որպես անձը բնութագրող տվյալներ, պատասխանատվությունն ու պատիժը մեղմացնող հանգամանքներ, դատարանը հաշվի է առնում այն, որ նա նախկինում դատված չի եղել, անկեղծորեն զղջացել է կատարվածի համար, սովորում է Երևանի Ճարտարապետության և շինարարության պետական համալսարանի հեռակա ուսուցման ֆակուլտետի 5-րդ կուրսում, ըստ ուսումնական վայրի ադմինիստրացիայի և բնակության վայրի բնութագրվում է դրականորեն, 16.05.2006 թվականից մինչև 16.05.2008 թվականը ծառայել է ՀՀ Ազգային բանակում: /Գ.Թ. 72,73/:
Դատարանը արձանագրում է, որ գործով բացակայում է ամբաստանյալ Էռնեստ Սամվելի Բաղդասարյանի պատասխանատվությունը և պատիժը ծանրացնող, օրենքով նախատեսված որևէ հանգամանք:
Սակայն հաշվի առնելով ամբաստանյալի կատարած արարքի բնույթն ու վտանգավորության աստիճանը, դատարանը գտնում է, որ ՀՀ քրեական օրենսգրքի 316-րդ հոդվածի 1-ին մասով նախատեսված առավել խիստ պատիժը` ազատազրկումը, կարող է միայն ապահովել պատժի նպատակները: Նշանակված պատիժն ամբաստանյալ Էռնեստ Սամվելի Բաղդասարյանը պետք է կրի:
Դատարանը գտնում է, որ Է.Բաղդասարյանի պատժի կրման սկիզբը պետք է հաշվել, ոչ թե 2011թ. նոյեմբերի 29-ից, ինչպես նշված է ձերբակալման արձանագրությունում, այլ 2011թ. նոյեմբերի 28-ից, քանզի նա ոստիկանության Քանաքեռ-Զեյթուն բաժին բերման է ենթարկվել 2011թ. նոյեմբերի 28-ին: /Գ.թ. 2/:
Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 369-373-րդ, 3753-րդ, 3754-րդ հոդվածներով դատարանը

ՎՃՌԵՑ

Էռնեստ Սամվելի Բաղդասարյանին մեղավոր ճանաչել ՀՀ քրեական օրենսգրքի 316-րդ հոդվածի 1-ին մասով նախատեսված հանցանքի կատարման համար և դատապարտել ազատազրկման 6 /վեց/ ամիս ժամկետով:
Ազատազրկումը կրելու սկիզբը հաշվել 2011 թվականի նոյեմբերի 28-ից :
Ընտրված խափանման միջոց կալանավորումը մինչև դատավճռի ուժի մեջ մտնելը թողնել անփոփոխ :
Ազատազրկումը պետք է կրի ՀՀ ԱՆ համապատասխան հիմնարկում:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքից, դատավարության մասնակիցների կողմից 1 /մեկ/ ամսվա ընթացքում վերաքննության կարգով կարող է բողոքարկվել ՀՀ վերաքննիչ քրեական դատարան: