գործ No ԵԱՔԴ/0191/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

20.01.2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Է.Պետրոսյանի
պաշտպան Ռ.Տեր-Վարդանյան ամբաստանյալ Ա.Գևորգյանի

Դատարանում, դռնբաց դատական նիստում արագացված դատաքննության կարգով քննեց քրեական գործն ըստ մեղադրանքի` Ատոմ Լենդրուշի Գևորգյանի /ծնված 20.11.1967թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնալուծված, սեզոնային բանվոր, նախկինում չդատված, հաշվառված` ք.Երևան, Մոլդովական փող. 6շ., բն. 27 հասցեում/:
Մեղադրվում է ՀՀ քրեական օրենսգրքի 258-րդ հոդվածի 2-րդ մասով:

Պ Ա Ր Զ Ե Ց

Գործի դատավարական նախապատմությունը
2011 թվականի նոյեմբերի 4-ին տեղի է ունեցել դեպքը:
2011 թվականի նոյեմբերի 16-ին հարուցվել է թիվ 09115611 քրեական գործը:
30.11.2011թ. Ա.Գևորգյանը ներգրավվել է որպես մեղադրյալ և նրա նկատմամբ խափանման միջոց է կիրառվել ստորագրություն չհեռանալու մասին:
27.12.2011թ. թիվ 09115611 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

Գործի փաստական հանգամանքները
Նախաքննության մարմինն ամբաստանյալ Ատոմ Լենդրուշի Գևորգյանին ՀՀ քրեական օրենսգրքի 258-րդ հոդվածի 2-րդ մասով մեղադրանք է առաջադրել այն արարքի համար, որ ՙնա 2011 թվականի նոյեմբերի 4-ին, ժամը 21:30-ի սահմաններում, գտնվելով ալկոհոլային հարբածություն վիճակում, ՀՀ ԱՆ Ֆանարջյանի անվան ուռուցքաբանության ազգային կենտրոն ՓԲԸ-ի 8-րդ հարկում, շուրջ 30 րոպե տևողությամբ վիճաբանության մեջ է մտել իր նախկին կնոջ` Էթերի Սերգեյի Կարապետյանի հետ, որի ընթացքում դիտավորությամբ կոպիտ կերպով խախտելով հասարակական կարգը, բացահայտ անհարգալից վերաբերմունք դրսևորելով հասարակության նկատմամբ, որը զուգորդվել է ուրիշի գույքի վնասումով, բուժ. անձնակազմի և նրան դիտողություն արած հիվանդապահների ներկայությամբ սեռական բնույթի հայհոյանքներ է տվել Է.Կարապետյանի հասցեին, ապա դիտավորությամբ հարվածել ու կոտրել, վնասել է մայրապետների սենյակի դուռը, ՀՀ ԱՆ ՙՖանարջյանի անվան ուռուցքաբանության ազգային կենտրոն՚ ՓԲԸ-ին պատճառելով 2500 ՀՀ դրամի նյութական վնաս՚:

3. Արագացված դատական քննություն
Մինչև դատաքննությունն սկսելն ամբաստանյալ Ատոմ Գևորգյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ռ.Տեր-Վարդանյանը:
Մեղադրող Է.Պետրոսյանը դատական քննության արագացված կարգ կիրառելուն չառարկեց:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ատոմ Գևորգյանի մեղավորությունը ՀՀ քրեական օրենսգրքի 258-րդ հոդվածի 2-րդ մասի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Ատոմ Գևորգյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չէ, առաջին անգամ հանգամանքների պատահական զուգորդմամբ կատարել է ոչ մեծ ծանրության հանցանք:
Դատարանն ամբաստանյալի պատասխանատվությունը և պատիժը ծանրացնող հանգամանք է դիտում հանցանքն ալկոհոլի ազդեցության տակ կատարելը:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

Վ Ճ Ռ Ե Ց

Ատոմ Լենդրուշի Գևորգյանին մեղավոր ճանաչել ՀՀ քրեական օրենսգրքի 258-րդ հոդվածի 2-րդ մասով և նրա նկատմամբ պատիժ նշանակել տուգանք` նվազագույն աշխատավարձի հարյուրհիսունապատիկի` 150.000 /հարյուր հիսուն հազար/ ՀՀ դրամի չափով:
Ատոմ Լենդրուշի Գևորգյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:






ԴԱՏԱՎՈՐ Ա.ՄԿՐՏՉՅԱՆ