գործ No ԵԱՔԴ/0182/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

02.02.2012թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Ռ.Խաչատրյանի
ամբաստանյալ Ս.Առուստամյանի
պաշտպան Ա.Ջուվանովայի


Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի` Սամվել Արամայիսի Առուստամյանի (ծնված 31.03.1971թ., Ադրբեջանի Հանրապետություն, Կիրովաբադ, Գյուղ Ղոթուլ, ազգությամբ հայ, ՀՀ քաղաքացի, չամուսնացած, դատվածություն չունեցող, բնակվել է` Նոր Հաճն, Իսահակյան փող. 3 շենք, բն. 37, չունի մշտական բնակության վայր, ներկայումս ՀՀ ԱՆ ՙՆուբարաշեն՚ ՔԿՀ կալանավոր):
Մեղադրվում է ՀՀ քրեական օրենսգրքի 112-րդ հոդվածի 2-րդ մասի 14-րդ կետով:

Պ Ա Ր Զ Ե Ց

Գործի դատավարական նախապատմությունը
2011 թվականի հուլիսի 03-ին տեղի է ունեցել դեպքը:
2011 թվականի հուլիսի 03-ին հարուցվել է թիվ 14117811 քրեական գործը և նույն օրը Ս.Առուստամյանը ձերբակալվել է:
2011 թվականի հուլիսի 06-ին Սամվել Առուստամյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 112-րդ հոդվածի 2-րդ մասի 14-րդ կետով և նրա նկատմամբ որպես խափանման միջոց է ընտրվել կալանքը:
2011 թվականի նոյեմբերի 24-ին Ս.Առուստամյանին առաջադրված մեղադրանքը փոփոխվել, լրացվել և նրան կրկին մեղադրանք է առաջադրվել ՀՀ քրեական օրենսգրքի 112-րդ հոդվածի 2-րդ մասի 14-րդ կետով:
2011 թվականի դեկտեմբերի 12-ին թիվ 14117811 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
Գործի փաստական հանգամանքները
Նախաքննության մարմինն ամբաստանյալ Սամվել Առուստամյանին մեղադրանք է առաջադրել ՀՀ քրեական օրենսգրքի 112-րդ հոդվածի 2-րդ մասի 14-րդ կետով այն արարքի համար, որ ՙ2011 թվականի հուլիսի 03-ին, ժամը 11:30-ի սահմաններում Երևան քաղաքի Կիևյան փողոցի 14-ա շենքի հետնամասում, անհիմն առիթով վիճաբանել է Ալեքսանդր Սերգեյի Մուրադյանի հետ, որի ընթացքում ձեռքում բռնած քարով հարվածել և դիտավորությամբ առողջության ծանր վնաս է պատճառել Ա.Մուրադյանին, որն արտահայտվել է ձախ գագաթային շրջանի սալջարդ վերքի, ճակատային աջ կեսի քերծվածքների, ենթամաշկային տարածուն արյունազեղման և արյունահավաքի, ուղեղի` կարծր և փափուկ թաղանթներում և գլխուղեղի հիմնային մակերեսների վրա անցումով` արյունազեղումների, ուղեղանյութում` կետավոր արյունազեղումների առկայություններով, որոնց արդյունքում առաջացած գլխուղեղի կենսականորեն կարևորագույն ֆունկցիաների խանգարման հետևանքով 04.07.2011թ.-ին Ա.Մուրադյանը մահացել է ՙԱրմենիա՚ ՀԲԿ-ի վերակենդանացման բաժանմունքում:
Այսինքն` Սամվել Առուստամյանը դիտավորությամբ առողջության ծանր վնաս է պատճառել Ա.Մուրադյանին, որի հետևանքով վերջինիս անղգուշությամբ առաջացրել է մահ՚:

Արագացված դատական քննություն
Մինչև դատաքննությունն սկսելն ամբաստանյալ Սամվել Առուստամյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ա.Ջուվանովան:
Մեղադրող Ռ.Խաչատրյանը դատական քննության արագացված կարգ կիրառելուն չի առարկել:
Տուժողի իրավահաջորդ Շուշանիկ Մուրադյանը դատարանին ներկայացրել է դիմում և հայտնել, որ չի առարկում արագացված դատաքննության կարգ կիրառելուն և Ս.Առուստամյանից որևէ պահանջ չունի:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սամվել Արամայիսի Առուստամյանի մեղավորությունը ՀՀ քրեական օրենսգրքի 112-րդ հոդվածի 2-րդ մասի 14-րդ կետի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Սամվել Առուստամյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, չունի մշտական բնակության վայր և գոյությունը պահպանում է մուրացկանությամբ, ունի շիզոֆրենիա դեֆեկտային վիճակ հիվանդություն:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Դատարանը միաժամանակ արձանագրում է, որ դատահոգեբուժական փորձաքննության եզրակացությամբ Ս.Առուստամյանի մոտ հայտնաբերված ՙՇիզոֆրենիա՚ հոգեկան հիվանդության համար նա նյարդահոգեբույժի ամբուլատոր հսկողության կարիք ունի:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց հանդիսացող10x10սմ և 15x20սմ չափերի թվով երկու քարերը պետք է ոչնչացնել:

Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

Վ Ճ Ռ Ե Ց

Սամվել Արամայիսի Առուստամյանին մեղավոր ճանաչել ՀՀ քրեական օրենսգրքի 112-րդ հոդվածի 2-րդ մասի 14-րդ կետով, նրա նկատմամբ պատիժ նշանակել ազատազրկում 6 /վեց/ տարի ժամկետով և սահմանել նյարդահոգեբույժի ամբուլատոր հսկողություն:
Պատժի սկիզբը հաշվել 2011թ. հուլիսի 03-ից:
Պատիժը պետք է կրել ՀՀ ԱՆ համապատասխան քրեակատարողական հիմնարկում:
Սամվել Առուստամյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց հանդիսացող10x10սմ և 15x20սմ չափերի թվով երկու քարերը ոչնչացնել:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:






ԴԱՏԱՎՈՐ Ա.ՄԿՐՏՉՅԱՆ