գործ No ԵԱՔԴ/0173/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

23.12.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Մ.Հայրապետյանի
մասնակցությամբ`
մեղադրող Մ.Բալդրյանի
ամբաստանյալ Ա.Դանիելյանի
տուժող Է.Շադիյանի

Դատարանում, դռնբաց դատական նիստում քննեց քրեական գործն ըստ մեղադրանքի` Աշոտ Վազգենի Դանիելյանի (ծնված 22.07.1955թ. ԼՂՀ, Մարտակերտի շրջան գ.Հարությունագոմեր, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին 2 մանկահասակ երեխա, չդատված, ՀՀ ՊՆ սպառազինության զրահատանկային ծառայության պետ, գնդապետ, բնակվող ք. Երևան, Ազատության փողոց 20շ., 20բն):
Մեղադրվում է ՀՀ քրեական օրենսգրքի 377-րդ հոդվածի 1-ին մասով:

Գործի դատավարական նախապատմությունը
2011 թվականի օգոտսոսի 13-ին տեղի է ունեցել դեպքը:
2011 թվականի օգոստոսի 23-ին հարուցվել է թիվ 90273111 քրեական գործը:
2011 թվականի նոյեմբերի 10-ին Աշոտ Վազգենի Դանիելյանին մեղադրանք է առաջադրվել ՀՀ քրեական օրենսգրքի 377-րդ հոդվածի 1-ին մասով և նրա նկատմամբ խափանման միջոց է ընտրվել ստորագրություն չհեռանալու մասին:
2011 թվականի դեկտեմբերի 05-ին թիվ 90273111 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

Գործի փաստական հանգամանքները
Նախաքննության մարմինն ամբաստանյալ Աշոտ Դանիելյանին մեղադրանք է առաջադրել ՀՀ քրեական օրենսգրքի 377-րդ հոդվածի 1-ին մասով, այն արարքի համար, որ ՙնա 13.08.2011թ. ժամը 09:00-ի սահմաններում, Երևան քաղաքի Ազատության պողոտայում վարելով ՀՀ ՊՆ 14746 զորամասին ամրակցված ՙՀյունդայի Հալոպեր՚ մակնիշի ՊՆ 0099 Մ զինհամարանիշի ավտոմեքենան, խախտելով տրանսպորտային մեքենաներ վարելու կանոնները և ճանապարհային երթևեկության կանոնների 67 կետի պահանջները, այն է` ՙերթևեկության համար խոչընդոտ կամ վտանգ առաջանալու դեպքում, որը վարորդն ի վիճակի էր հայտնաբերել, նա պետք է միջոցներ ձեռնարկի արագությունն իջեցնելու` ընդհուպ մինչև տրանսպորտային միջոցը կանգնեցնելը…՚ ժամանակին չարգելակելով, ՙՀյունադայի Հալոպեր՚ մակնիշի ՊՆ 0099 Մ զինհամարանիշի ավտեմեքենայի առաջամասով բախվել է ՙՄիցուբիշի՚ մակնիշի 22 ՕԼ 746 պետհամարանիշի ավտոմեքենայի հետնամասին, որից հետո վերջինս բախվել է ճանապարհի հանդիպակաց երթևեկությամբ ընթացող ՙՏոյոտա-Կորոլլա՚ մակնիշի Լ 0936 պետհամարանիշի տաքսի ավտոմեքենայի առաջամասին, որի հետևանքով տաքսու ուղևոր` ՌԴ սահմանապահ զորքերի փոխգնդապետ Էռնեստ Անդրեյի Շադիյանի առողջությանն անզգուշությամբ պատճառվել է միջին ծանրության մարմնական վնասվածք՚:

Ապացույցների հետազոտում
Առաջադրված մեղադրանքում Աշոտ Դանիելյանն իրեն մեղավոր է ճանաչել մասնակի և ցուցմունք է տվել այն մասին, որ 13.08.2011թ., ժամը 09:00-ի սահմաններում Երևան քաղաքի Ազատության պողոտայում, վարելով ՀՀ ՊՆ 14746 զորամասին ամրակցված ՙՀյունդայի Հալոպեր՚ մակնիշի ՊՆ 0099 Մ զինհամարանիշի ավտոմեքենան, ավտոմեքենայի առաջամասով բախվել է երթևեկելի հատվածում թարթիչներն առանց միացնելու կանգնած ՙՄիցուբիշի-Պաջեռո՚ մակնիշի ավտոմեքենայի հետնամասին, վերջինս բախվել է ճանապահի հանդիպակած երթևեկելի գոտով ընթացող ՙՏոյոտա-Կորոլլա՚ մակնիշի Լ 0936 պետհամարանիշի տաքսի ավտոմեքենայի առաջամասին, իսկ ՙՏոյոտա-Կորոլլա՚ մակնիշի Լ 0936 պետհամարանիշի տաքսի ավտոմեքենայի հետևից ընթացող ՙՎԱԶ 2121՚ մակնիշի 613 ԼԼ 11 պետհամարանիշի ավտոմեքենայի վարորդը վթարից խուսափելու համար մեքենան վարել է դեպի ձախ և առաջամասով բախվել է ՙՀյունդաի Հալոպեր՚ մակնիշի ՊՆ 0099 Մ զինհամարանիշի ավտոմեքենայի առաջամասին: Վթարի հետևանքով տաքսու ուղևոր` ՌԴ սահմանապահ զորքերի փոխգնդապետ Էռնեստ Անդրեյի Շադիյանը ստացել է միջին ծանրության մարմնական վնասվածք:

Ա.Դանիելյանին առաջադրված մեղադրանքը հիմնավորվել է քրեական գործով հետազոտված ներքոհիշյալ ապացույցներով.

Տուժող Էռնեստ Անդրեյի Շադիյանի ցուցմունքների համաձայն, 13.08.2011թ. առավոտյան ՙՏոյոտա-Կորոլլա՚ մակնիշի, Լ 0936 պետհարամանիշի տաքսի ավտոմեքենայով ուղևորվել է աշխատանքի: Հասնելով Երևան քաղաքի Թբիլիսյան խճուղի հանդիպակած երթևեկելի գոտում կանգնած վիճակում նկատել է սպիտակ գույնի ՙՄիցուբիշի Պաջեռո՚ ավտոմեքենա, որից հետո լսել է ուժեղ հարվածի ձայն, այնուհետև նշված ՙՄիցուբիշի Պաջեռո՚ ավտոմեքենան բախվել է իրենց ավտոմեքենային: Վթարից հետո, ստացել է մարմնական վնասվածքներ և իրեն շտապ-օգնության մեքենայով տեղափոխել են Քանաքեռի հիվանդանոց, իսկ այնտեղից ՀՀ ՊՆ ԿԿԶՀ-ի վնասվածքաբանական բաժանմունք: Նշել է նաև, որ Ա.Դանիելյանի նկատմամբ որևէ բողոք, կամ նյութական պահանջ չունի, իրենք հաշտվել են:

Վկա Գերասիմ Բախչագուլյանը նախաքննության փուլում ցուցմունք է տվել այն մասին, որ 13.08.2011թ. առավոտյան ժամը 09:00-ի սահմաններում ՙԿինգ Դելյուքս՚ տաքսի ծառայությանը պատկանող, ՙՏոյոտա-Կորոլլա՚ մակնիշի, Լ 0936 պետհամարանիշի ավտոմեքենայով 60-70 կմ. ժամ արագությամբ երթևեկել է Երևան քաղաքի Թբիլիսյան խճուղիով: Հասնելով ՙԼիտոկոլ՚ ֆիրմայի շենքի մոտ, հանդիպակած երթևեկելի գոտում նկատել է ՙՋիպ՚ ավտոմեքենա, որը առաջամասով հարվածել է սպիտակ գույնի ՙՄիցուբշի՚ մակնիշի ավտոմեքենային, որից հետո նշված ավտոմեքենան առաջամասով բախվել է իր կողմից վարվող ՙՏոյոտա Կորոլլա՚ մակնիշի ավտոմեքենային, որի հետևանքով ինքը և ուղևոր Էռնեստ Շադիյանն ստացել են մարմնական վնասվածքներ:
գ.թ. 66-67

Վկա Սերգեյ Մանվելյանը նախաքննության փուլում ցուցմունք է տվել այն մասին, որ 13.08.2011թ. առավոտյան ժամը 09:00-ի սահմաններում ՙԱշտարակ ձու՚ ՍՊԸ-ին պատկանող, Վազ 2121 մակնիշի 613 ԼԼ 11 պետհամարանիշի ավտոմեքենայով 60-70 կմ ժամ արագությամբ երթևեկել է Երևան քաղաքի Թբիլիսյան խճուղիով: Հասնելով ՙԼիտոկոլ՚ ֆիրմայի շենքի մոտ, հանդիպակած երթևեկելի գոտում նկատել է ընթացքի մեջ գտնվող ՙՋիպ՚ ավտոմեքենա, որն առաջամասով հարվածել է սպիտակ գույնի ՙՄիցուբիշի Պաջեռո՚ ավտոմեքենային, իսկ ինքը վթարից խուսափելու համար, իր կողմից վարած ՙՎԱԶ 2121՚ մակնիշի ավտոմեքենան վարել է դեպի ձախ և առաջամասով բախվել վերը նշված ՙՋիպ՚ ավտոմեքենայի առաջամասին: Վթարի հետևանքով ստացել է մարմնական վնասվածքներ և բուժօգնության դիմել ՙՍուրբ Գրիգոր Լուսավորիչ՚ բժշկական կենտրոն: Նշել է նաև, որ վթարի հետևանքով որևէ մեկի նկատմամբ նյութական պահանջ չունի:
գ.թ. 68-69

Վկա Սահակ Վարդանյանը ցուցմունք տվեց այն մասին, որ 13.08.2011թ. առավոտյան ժամը 09:00-ի սահմաններում իր անձնական օգտագործման սպիտակ գույնի ՙՄիցուբիշի՚ մակնիշի 22 ՕԼ 746 պետհամարանիշի ավտոմեքենայով 70-75 կմ ժամ արագությամբ երթևեկել է Երևան քաղաքի Թբիլիսյան խճուղիով: Հասնելով ՙԼիտոկոլ՚ ֆիրմայի շենքի մոտ, առանց թարթիչները միացնելու 5-6 վայրկյան ավտոմեքենան կանգեցրել է ճանապարհի երթևեկելի հատվածում, փորձելով տեսնել մոտակա ավտոկանգառում կայանված է իր ընկերոջ ավտոմեքենան, թե ոչ: Այդ ժամանակ իր հետևից ընթացող ՙՀյունդայի Հալոպեր՚ մակնիշի ՊՆ 0099 Մ զինհամարանիշի ավտոմեքենան առաջամասով հարվածել է իր ավտոմեքենային, որից հետո ինքն իր հերթին ավտոմեքենայի առաջամասով բախվել է հանդիպակած երթևեկելի գոտով ընթացող ՙՏոյոտա-Կորոլլա՚ մակնիշի ավտոմեքենային, իսկ նրա ետևից ընթացող ՙՎԱԶ 2121՚ մակնիշի ավտոմեքենան առաջամասով բախվել է ՙՀյունդայի Հալոպեր՚ մակնիշի ՊՆ 0099 Մ զինհամարանիշի ավտոմեքենայի առաջամասին: Վթարի հետևանքով ստացել է մարմնական վնասվածքներ և բուժօգնության է դիմել Սուրբ Գրիգոր Լուսավորիչ բժշկական կենտրոն:

Դատաբժշկական փորձաքննության թիվ 1134/հ եզրակացության համաձայն` Էռնեստ Անդրեյի Շադիյանի ստացած մարմնական վնասվածքները` ճակատային շրջանի փափուկ հյուսվածքների պատռած-կտրած վերքերի, քթի միջին հատվածի հյուսվածքների դեֆեկտի, աջ և ձախ ծնկահոդերի, ձախ սրունքի շրջանների սալջարդ վերքերի գանգուղեղային տրավմայի ձևով, որոնցից պատռած կտրած վերքերը պատճառվել են սուր եզր ունեցող բութ առարկաներով, սալջարդ վերքերը բութ առարկաներով հնարավոր է որոշման մեջ նշված ժամկետում և հանգամանքներում, որոնք առողջությանը պատճառել են միջին ծանրության վնաս` առողջության տևական քայքայումով:
գ.թ. 83

Դատաավտոտեխնիկական փորձաքննության թիվ 33331108 եզրակացության համաձայն ՙՀյունդայի Հալոպեր՚ մակնիշի ՊՆ 0099 Մ զինհամարանիշի ավտոմեքենայի վարորդը տվյալ պատահարը կանխելու տեխնիկական հնարավորություն է ունեցել և նա, մինչև ընդհարումը ժամանակին չդիմելով արգելակման, թույլ է տվել ՃԵԿ-ի 67 կետի պահանջին հակասող գործողություններ, դրանով իսկ պայմանավորել տվյալ պատահարի առաջացումը` ինքն իրեն զրկելով այն կանխելու տեխնիկական հնարավորությունից:
գ.թ. 101-107

Դատարանի իրավական վերլուծությունները
Դատարանը գործով ձեռք բերված յուրաքանչյուր ապացույց գնահատելով թույլատրելիության վերաբերելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ղեկավարվելով օրենքով, ներքին համոզմամբ, գտնում է, որ ամբաստանյալ Աշոտ Դանիելյանի մեղավորությունը ՀՀ քրեական օրենսգրքի 377-րդ հոդվածի 1-ին մասով նախատեսված հանցանք կատարելու մեջ ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Աշոտ Դանիելյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա բնութագրվում է դրական, նախկինում դատված չի եղել, հատուցել է տուժողին պատճառված նյութական վնասը, խնամքին ունի երկու մանկահասակ երեխա, 1991 թվականից Հատուկ գնդի կազմում ակտիվ մասնակցություն է ունեցել ՀՀ և ԼՂՀ սահմանների պաշտպանությանը, պարգևատրվել է շնորհակալագրերով և պատվոգրերով, ՙՄարտական ծառայության՚, ՙԱնդրանիկ Օզանյան՚, ՙՎազգեն Սարգսյան՚, ՙԳարեգին Նժդեհ՚, ՙՀայրենիքին մատուցած ծառայությունների համար՚, 2-րդ աստիճանի և ՙԱնբասիր ծառայության՚ 1-ին, 2-րդ և 3-րդ աստիճանների մեդալներով:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Անդրադառնալով Աշոտ Դանիելյանի նկատմամբ նշանակվող պատժին, դատարանը գտնում է, որ նրա ուղղվելը հնարավոր է առանց պատիժ կրելու:
Նման եզրահանգման դատարանը գալիս է` հաշվի առնելով հատկապես ամբաստանյալի անձը բնութագրող, ինչպես նաև պատասխանատվությունն ու պատիժը մեղմացնող հանգամանքների համակցությունը:

Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 369-373-րդ, 379-րդ հոդվածներով դատարանը

Վ Ճ Ռ Ե Ց

Աշոտ Վազգենի Դանիելյանին մեղավոր ճանաչել ՀՀ քրեական օրենսգրքի 377-րդ հոդվածի 1-ին մասով և նրա նկատմամբ պատիժ նշանակել ազատազրկում 3 /երեք/ ամիս ժամկետով:
Կիրառել ՀՀ քրեական օրենսգրքի 70-րդ հոդվածը և նրա նկատմամբ նշանակված պատիժը պայմանականորեն չկիրառել, սահմանել փորձաշրջան 1 /մեկ/ տարի ժամկետով, նրա վարքագծի նկատմամբ վերահսկողությունը դնել վերադաս հրամանատարության վրա :
Աշոտ Վազգենի Դանիելյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:






ԴԱՏԱՎՈՐ Ա.ՄԿՐՏՉՅԱՆ