Գործ ԵԱՔԴ-0165/01/11

Ո Ր Ո Շ ՈՒ Մ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

22.11.2011թ. ք. Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը`

Նախագահությամբ դատավոր` Ա.Մկրտչյանի
Քարտուղարությամբ` Օ.Կիրակոսյանի
Մեղադրող` Գ.Շահբազյանի
Պաշտպան` Է.Մայսուրյանի
Ամբաստանյալ` Ա.Քեհեյանի
Տուժող` Մ.Հակոբյանի

Դռնբաց դատական նիստում քննության առնելով քրեական գործն` ըստ մեղադրանքի Արթուր Վահրամի Քեհեյանի , ծնված 22.11.1986թ. ազգությամբ հայ, ՀՀ քաղաքացի, ամուրի, նախկինում չդատապարտված, միջնակարգ կրթությամբ, չի աշխատում, հաշվառված է և բնակվում է ք.Երևան Լեփսիուսի փողոց 3-րդ փակուղի, 34/1 տուն:
Մեղադրվում է ՀՀ քրեական օրենսգրքի 113-րդ հոդվածի 1-ին մասով;
Կալանքի տակ է 2011թ. հուլիսի 2-ից:


Պ Ա Ր Զ Ե Ց

Նախաքննության մարմինը Արթուր Քեհեյանին ՀՀ քրեական օրենսգրքի 113 հոդվածի 1-ին մասով մեղադրանք է առաջադրել այն արարքի համար, որ ՙնա 2011թ. մայիսի 19-ին, ժամը 20:00-ի սահմաններում Երևան քաղաքի Մ.Ավետիսյան 4-րդ փողոցում, Մհեր Հակոբյանի հետ առաջացած վիճաբանության ընթացքում, բռունցքով հարվածել և կոտրել է Մ.Հակոբյանի ծնոտը` նրա առողջությանը պատճառելով միջին ծանրության վնաս՚:
Մինչև դատաքննությունն սկսելը տուժող Մհեր Հակոբյանը և ամբաստանյալ Արթուր Քեհեյանը նշեցին որ հաշտվել են, որևէ բողոք կամ պահանջ չունեն միմյանց նկատմամբ և խնդրել են քրեական գործի վարույթը կարճել և քրեական հետապնդումը դադարեցնել կողմերի հաշտության հիմքով:
Դատարանը գտնում է, որ միջնորդությունը ենթակա է բավարարման հետևյալ պատճառաբանությամբ.
Համաձայն ՀՀ քրեական դատավարության օրենսգրքի 183-րդ հոդվածի, ՀՀ քրեական օրենսգրքի 113-րդ հոդվածի 1-ին մասով նախատեսված հանցագործության վերաբերյալ գործերը հարուցվում են ոչ այլ կերպ, քան տուժողի բողոքի հիման վրա և ամբաստանյալի հետ նրա հաշտվելու դեպքում ենթակա է կարճման:
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` ՙՔրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեկան գործի վարույթը ենթակա է կարճման, եթե տուժողը հաշտվել է կասկածյալի կամ մեղադրյալի հետ՚:
ՀՀ քրեական օրենսգրքի 73-րդ հոդվածի համաձայն` ՙՈչ մեծ ծանրության հանցանք կատարած անձը կարող է ազատվել քրեական պատասխանատվությունից, եթե նա հաշտվել է տուժողի հետ և հատուցել կամ այլ կերպ հարթել է նրան պատճառած վնասը՚:
Ղեկավարվելով Հայաստանի Հանրապետության քրեական դատավարության օրենսգրքի 35-րդ հոդվածի 1-ին մասի 5-րդ կետով, 183-րդ հոդվածի 1-ին մասով, 379-րդ հոդվածներով դատարանը`


Ո Ր Ո Շ Ե Ց



Քրեական գործի վարույթը` ըստ մեղադրանքի Արթուր Վահրամի Քեհեյանի,ՀՀ քրեական օրենսգրքի 113-րդ հոդվածի 1-ին մասով, կարճել և նրա նկատմամբ քրեական հետապնդումը դադարեցնել ամբաստանյալի հետ տուժողի հաշտվելու հիմքով:
Արթուր Քեհեյանի նկատմամբ ընտրված խափանման միջոց կալանքը վերացնել և նրան ազատել դատարանի դահլիճից:
Սույն որոշումը մեկամսյա ժամկետում կարող է բողոքարկվել ՀՀ քրեական վերաքննիչ դատարան:



ԴԱՏԱՎՈՐ Ա.ՄԿՐՏՉՅԱՆ